癡膠雞 (軒尼詩道)

营业中

休息中

今天晚上到灣仔吃雞湯米線，餐廳主要以鐵鍋盛載米線，下面有火長期加熱，冬天食一定非常溫暖！🔥招牌花膠雞米線 $68⭐️8/10⭐️米線份量十足，口感煙靭滑溜！花膠和雞件的份量也很多！雞件肉質算滑身，雞湯不是濃味的派系，是比較清淡而沒有味精，喝多了也不會覺得口渴！這個價錢沒有投訴！🔥藥膳黃酒花膠雞米線 $68⭐️8/10⭐️味道湯底和招牌花膠雞米線差不多，多了一點藥材的香味！配料有蟲草花、雲耳和紅棗，花膠雖然不是厚切，但大小適中，亦比較爽口！🔥蜜糖雞翼 $42⭐️9/10⭐️雞翼炸得非常香脆，表面加入適量的蜜糖，好食！🔥凍羅漢果胎菊花 $18⭐️8.5/10⭐️真材實料，羅漢果味不會太淡，也不會太甜！

我叫左碗肥牛米線轉左蕃茄木瓜湯底，$48其實唔係好貴，但作為一間米線店黎講，佢湯底不好味，只有酸，米線已經唔係用火鍋，但啲麵勁淋，想像唔到隔離枱嘅鍋底啲米線會有幾淋，唔會再訪

見到網上有人介紹，今日去咗灣仔呢間「癡膠雞」花膠雞米線餐廳。店內座位不多，簡約佈置，服務員有禮貌令人舒服。餐廳用qr code點餐，十分方便。椰子花膠雞米線（$60)上枱就聞到好香嘅椰子味，奶白色嘅湯底，雞件色澤金黃，肉質嫩滑，仲有蟲草花和雲耳，令米線更爽滑彈牙，味道鮮甜。凍即磨咖啡（套餐+6)咖啡又香又濃，入口順滑，好飲。沙薑雞濃湯薯粉（$40)沙薑雞味道濃郁，雞件都唔少。配埋木耳絲和腐竹，湯底鮮甜又滑溜，薯粉爽滑掛滿湯汁更好味。凍檸檬薏米水（套餐+18)薏米水可以清熱解毒，最適合夏天飲用。明太子釀雞翼（每隻$20)雞翼炸得香脆，內裡有滿滿嘅明太子，微辣，十分惹味。手拍青瓜（$28)青瓜新鮮爽脆，淋上自家製嘅醬汁，口感唔錯。📍癡膠雞🏠灣仔軒尼詩道254號地舖☎️61287665

餐廳用煲滾住上米線🍜落單後都要等一段時間先上枱，用好抵嘅價錢就食到養生米線，好高性價比😆.🍜人蔘雞米線 $60雞件幾多肉，肉質軟腍😍雞湯熱辣辣😋仲有蟲草花、人蔘、雲耳等配料，好養生💯米線好煙韌，不過湯底一路食一路煮，食到後尾就淋左😂.🍜胡椒豬肚雞米線 $60胡椒味好重，好暖身😂😂豬肚夠爽彈，好有咬口🥰雞件都係咁多，肉好厚身😋.📍 癡膠雞 (軒尼詩道) (灣仔)灣仔軒尼詩道254號地舖

前幾日就去咗灣仔一間米線店，佢哋主打花膠濃湯嘅米線🍜花膠濃湯米線芝士竹輪甜酸菜我自己嗌咗就係花膠濃湯米線🍜仲加咗兩份餸，湯底都幾濃郁～同埋食落去都好香甜，特別如果女仔飲嘅話就更加適合😆加咗兩款餸，芝士竹輪一咬落去超多芝士，邪惡又好食😃甜酸菜就令到碗米線嘅味道更加豐富，酸酸甜甜好開胃！招牌花膠雞米線轉雞髀 (+＄10）魚片之後就叫咗招牌花膠雞米線🍜佢係用一個爐去上😨好有氣勢仲要熱辣辣，不斷翻滾啲湯，越嚟越濃郁😍花膠入味份量都唔少，配搭嫩滑雞肉😁每一啖都係滿足感～ 另外如果你鍾意食雞肉嘅話，不妨可以試吓佢哋轉雞髀加$10，實在物超所值，雞肉鮮嫩多汁👏🏻整體來講，呢間米線店體現到香港嘅風味，價錢實惠，食物質素，都唔錯值得一試～前幾日就去咗灣仔一間米線店，佢哋主打花膠濃湯嘅米線🍜

鍾意食米線同養生嘅我終於有機會試吓呢間位於灣仔，主打花膠雞湯米線嘅小店。聽講仲可以連爐上枱，務求可以keep住熱辣辣咁食到尾。菜單除咗有招牌花膠雞系列之外，仲有飯、擔擔麵、酸辣粉、小食、連火鍋都有。我哋點咗招牌花膠雞米線同胡椒豬肚雞米線，另加小食明太子釀雞翼同飲品兩杯。招牌花膠雞米線（$68）- 果然係招牌菜，雞湯底鮮甜清澈，雞件分量唔少，入口好嫩滑，仲有幾件花膠。米線好滑，味道唔錯。鍾意佢可以連爐上，熱辣辣，特別好味。胡椒豬肚雞米線（$60）- 胡椒豬肚非常入味，雞件同樣嫩滑，湯底惹味，鍾意食胡椒豬肚嘅朋友值得一試。明太子釀雞翼（$20@）- 估唔到呢個都幾有驚喜，雞翼炸得香脆，入面釀咗滿滿明太子，啖啖肉，非常之咁好味。飲品點左檸檬薏米水同桂花烏龍冷泡茶各一，檸檬薏米水味道唔會太甜，入面仲有唔少薏米，都幾足料。而桂花烏龍冷泡茶，茶味濃郁，充滿陣陣嘅桂花香味。

我個人食野有個要求就是要飲熱辣辣嘅湯 熱辣辣嘅餸 熱辣辣嘅飯😂呢一間細細的米線店 令我有意外驚喜所有嘢都熱辣辣 仲要價錢好公道 推介：🐥招牌花膠雞米線(跟爐上) $72鮮嫩的雞肉和豐富的花膠米線本身綿密細軟 重點是跟爐上 食物絕對保持溫度 啱晒我呢個熱食人類 滑嫩的雞肉和彈牙的花膠 口感絕佳花膠雞湯清清甜甜 我是愛湯之人🍲爭d飲哂d湯..🌶️水煮牛肉米線(跟爐上)$74水煮牛肉的麻辣好到位火鍋爐滾著令到米線越滾越入味及有綿密的口感朋友很歡喜這個惹味的辣度 再搭配上一杯凍檸檬茶 清涼解渴😋🌽椒鹽粟米$32我和朋友一致認同好考功夫的一道小食粟米的甜味和椒鹽的香辣搭配得天衣無縫當然 要襯熱食 凍了就沒那麼可口了

早幾日食完黐膠雞又念念不忘見到公司附近有另一間分店心血來潮又走去食😂😂😂今次都係叫咗兩款米線招牌花膠雞米線 $68雞肉滑 花膠夠晒爽口 湯底濃米線軟硬度適中胡椒豬肚雞米線 $60湯底嘅胡椒味好突出豬肚份量多，爽口又大件雞肉都係好滑 啖啖肉另外叫咗雲耳豬肚絲 $38 要咗小辣 唔好睇佢係小食豬肚絲嘅份量都好多雲耳夠晒爽口又健康辣度適中 好香口最後同朋友一人叫咗一杯檸檬薏米水 $18夠晒清熱袪濕 甜度適中 加埋檸檬好開胃放工時間餐廳已經坐滿人真係好多人都欣賞咁抵嘅價錢就可以食到一個小火鍋難怪吸引到外地遊客都嚟食

聽日收工約埋朋友去食花膠雞米線🤩搭車經過咁多次，一直都好想試下呢間癡膠雞❤️招牌花膠雞米線奶白色嘅湯底飲落好順滑，米線即叫即整用保持到又咬口🌟藥膳黃酒花膠雞米線另外藥材黃酒嗰碗湯底飲落好滋補，個胃當堂暖返晒🤓啱晒女仔肚仔唔舒服嗰陣食！至於啲雞件係用咗三黃雞😋雞油特別香濃，雞肉零舍嫩滑！花膠方面每款都有好幾嚿架，充滿晒骨膠原，正呀！金磚豆腐呢碟炸豆腐份量都都幾多🤩每粒豆腐嘅炸粉都只係薄薄一層！飲品方便同朋友一人叫咗一杯凍檸茶走甜🤓

呢間米線lunch time真係超多人！外賣多，等位嘅人都好多！不過食完就會覺得佢都真心值得等一等😋另外佢係茶餐廳咁嘅格局，坐入去大家就要迫一迫，同埋需要搭枱。1. 藥膳黃酒花膠雞米線 $68湯底好驚喜，藥膳同黃酒嘅味道都幾濃郁，絕對係真材實料！花膠煮到好腍，雞肉好嫩滑，而且勁有雞味！超級高質👍🏻2. 胡椒豬肚雞麵 $60呢個可以揀麵或者米線，麵方面，佢係用咗上海麵，同胡椒湯都幾夾！豬肚唔會有臊味，雞都好嫩滑，鍾意鍾意胡椒豬肚嘅朋友一定要試呀！另外餐廳仲有火鍋可以選擇，有時間/夜晚可以一試👍🏻

今日想食翻啲養生嘅晚餐～燒豚肉濃湯米線揀咗比較少見嘅木瓜蕃茄湯底，酸酸甜甜好開胃同米線意外地搭，豚肉份量好多。花膠雞煲翅可以打邊爐，用雞熬製湯底，唔係只落雞粉調味，裏面啲食材好矜貴，有花膠、翅，很足料，啖湯特別好飲。花膠唔會煮到溶曬，富膠質，爽口彈牙。魚翅翅針分明，質感軟糯。雞肉1人份大概有6件，嫩滑又鎖水。之後就可以加入不同嘅配料：美國牛頸脊大大片，$38嘅價錢，性價比高，肥瘦均勻帶有雪白的油花，肉質鬆化又有牛味竹笙吸湯力強，特別係有靚湯底，每口都會飲到精華～嚴選優質新鮮食材，熬製出保健美顏湯底，可以飲多幾啖，解決平時湯水不足問題😜

今晚與朋友到灣仔軒尼詩道254號地舖，品嚐下佢招牌菜，花膠雞湯米線。米線以火爐上，最搶眼當然是花膠，食落口，花膠厚實，彈牙，一試便知好野來的雞肉嫩滑，有雞味，增加食慾，花膠與雞熬出嚟的湯汁，味道不錯，這米線真的值得來吃。燒豚肉配生菜烤肉烤得美味，有肉味，又靚又脆，加芝麻，醬汁和生菜包起來一起品嚐，好味道。椒鹽粟米粟米味道很有特色，粟米表面看起來是乾身的，但粟米內裡有水分，食起上嚟，一樣好多汁，清甜，配上椒鹽一起吃，味道難忘。時令田園疏菜蟲草花配上湯白菜，如我般喜歡食菜的，一定要點，用魚熬成嘅上湯，加蟲草花上去，白菜清甜，稔身，有菜味，好易入口，整碗菜滿滿的份量，啱哂喜歡吃菜的我。凍柚子蜜外表是白色的冰水般，但原來飲落去，有料到，飲落去，一條條柚子肉，真材實料，這蜂蜜柚子汁，爽。品嚐食物後，我看得出，這食店是用心制作每一道菜，是實力派，在灣仔軒尼詩道地段埋單也只是二百元，抵食又美味，值得一試再試。

痴膠雞，好特別既名，但係湯底又真好有料，奶白湯底，有曬膠原蛋白！我地兩人嗌左兩個限定滋補組合：羊肚菌蟲草花花膠雞米線82HKD我哋用爐滾住上台，熱辣辣，大大粒羊肚菌，蟲草花同紅棗，好滋補！米線偏幼滑，湯好香濃既雞湯味，好好飲！姬松茸竹笙花膠雞米線78HKD同羊肚菌果碗一樣，配料有姬松茸竹笙，竹笙索曬湯汁，入面有一隻雞脾，肉好嫩好滑！另外嗌左店家自製既羅漢果同凍檸茶。買單人均100HKD店鋪入面有卡位，冷氣足又光猛，非常養生既一餐❤️

話說花膠雞一向都係大食妹嘅最愛，去親灣仔諗唔到食乜就會去食次次都係食佢個招牌花膠雞，今日食返平民少少嘅胡椒豬肚雞米線同埋蜜糖雞翼米線，價錢平好多，但係味道一樣咁好食蜜糖雞翼濃湯米線$42蜜糖雞翼三隻炸到脆卜卜，再夾埋啲蜜糖甜絲絲，非常香口胡椒豬肚雞米線$60胡椒豬肚煮得好腍，雞件依然係咁多肉，米線個湯底都係咁濃郁日式芝士年糕$28三件芝士年糕好厚身，個芝士餡溶溶地好好食手拍青瓜$28以為小食會細細份，點知嚟到又係超大碟，個蒜蓉超爆多，食完成口都會有蒜味

招牌花膠雞米線🐔🍜 ($78) (+$10轉雞髀)呢個花膠雞米線用熱爐一直熱住，包保每一啖都熱辣辣咁食🤤好想講佢個雞肉非常之嫩滑，啲雞油入晒個湯，非常香，花膠大約有3塊大大塊，呢個價錢又有花膠食又有非常滑嘅雞係幾抵食🤩口水雞飯🐔🌶️ ($46)口水雞飯川味十足，雞肉又係雞脾肉正呀喂！雞肉沾滿口水雞辣油，唔算好辣，食唔到太辣都可以食到！份量岩岩好，呢個價錢都真係比其他口水雞飯店平好多，性價比高😎椒鹽粟米🌽 ($32)呢個非常之特別一定要試！推介🌟份量都算多，而且粟米炸到非常香，加埋椒鹽嘅香味，重點係勁多蒜粒，食落非常惹味🔥金磚豆腐 ($42)呢個份量非常之多，金磚豆腐外皮揸得好香脆，然後包實入面非常嫩滑嘅豆腐，識落口感外脆內軟，而且外皮嘅調味適中，唔會太鹹😆