癡膠雞 (軒尼詩道)

营业中

休息中

今日去開灣仔，終於食到一間一直都好想試嘅花膠雞米線！胡椒豬肚雞米線雞肉好嫩，第一啖咬落去已經好有驚喜！豬肚有嚼勁，而湯底胡椒的辛香味，非常突出，十分開胃。另外米線跟爐上，能一直保持整碗米線的溫度，好掂👍🏻！金磚豆腐豆腐外脆內滑，外層金黃酥脆，搭配令人開胃的調味料，鹹香可口。海南雞飯雞肉嫩滑，味道鮮美，搭配青瓜和蕃茄，增加口感的層次。另外搭配的醬油和辣椒醬，更提升了整體的味道。蜜桃烏龍茶有茶的回甘，又有蜜桃的柔和，口感清爽。

🐣招牌花膠雞米線足料 肉厚滑嫩雞肉還有軟綿花膠 蟲草花 木耳湯底滋潤濃郁 清甜雞湯味🍲可選擇跟火爐一起上 保持食物熱度♨️如覺得過熱也可以請店員熄火😚.🐣可加選不同配料選了芝士竹輪 流心芝士 正☺️.🐣椰子雞米線濃椰汁雞湯還有椰肉絲一起煮✅味精鮮甜 雞肉滑🍖跟爐上 湯底會愈煲愈濃.🐣蜜桃烏龍冷泡茶滿杯清香蜜桃烏龍茶🍵使用膠杯喝不完可以外帶 很方便😆.🐣明太子釀雞翼外焦脆咬起來啖啖肉🙌🏻味道帶點微辣 /

私心推薦💖 街坊一定識嘅灣仔餐廳☝🏻 好鍾意佢嘅湯底同米線質感🥳 食過三四次質素穩定🥰❣️蜜糖雞翼$42雞翼有四隻 完全係我想食到嘅味道🙋🏻‍♀️ 炸皮薄脆 雞肉冇雪藏味 表面沾滿甜甜嘅蜜糖🍯❣️招牌花膠雞米線$68之前食過椰子雞 今次試吓花膠🙋🏻‍♀️ 感覺更養顏養生✨用三黃雞同鯊魚骨煲出嚟嘅湯底 每啖都係精華🤤 價錢都好親民👍🏻好有誠意 可以嗌用爐上咁就可以keep住滾🔥 米線滑有彈性 就算滾得耐都唔會一夾就散😍雞喺呢度嘅招牌🐓 就算冇加錢都俾咗個髀位我😍 食落好滑又唔肥✅❣️水煮牛肉米線 $68雖然唔係主打辣嘢 但係又幾好食喎🌶️ 叫咗小辣都真係幾辣 夠爽呀🥳 湯底唔會好油仲有花椒好高質💦反而呢個米線我覺得唔使跟爐上 如果唔係會越煮越辣同埋肉都會容易韌☝🏻 牛肉俾咗好多塊 而且唔肥🐮 木耳爽口都好夾🔥❣️桂花烏龍冷泡茶 +$10❣️凍檸茶 +$4兩款都唔錯 桂花烏龍無糖比較健康🫡 更加鍾意凍檸茶茶底濃又唔會太甜👍🏻

招牌花膠雞米線尼個真係有被驚艷到，不愧是招牌！湯底好濃鬱，雞肉份量算多，雞件size 也唔細，肉質好嫩，米綫爽滑Q彈，有個小火爐烘住，吃到尾都可保持熱燙滋味。椰子雞米線好濃鬱噶椰子香味。絕對可以食到勁飽。

經過開灣仔. 試吓啦. 可能我一心以為佢係個湯好濃厚嗰d. 所以同我期望有d唔一樣. 正常米線. 雞肉唔係十分嫩. 七十幾蚊我覺得有另一間更好味既. 有得揀有爐定冇爐. 我揀冇爐. 因為天氣太熱.

嚟到呢間食米線，啲米線都幾健康，有得食吓花膠，最特別係啲米線有個爐座熱。有個湯底係姫松茸竹笙，花膠味好香濃。另一個係藥膳黃酒湯底，不過轉咗做木瓜蕃茄，好似冇咗藥膳嘅味道，不過佢嘅蕃茄味都幾香濃。不過啲花膠片唔係好多，一碗一兩塊。至於啲雞都幾靚幾滑又大嚿，整體嚟講兩碗都幾好食，價錢都OK，兩個人食咗$200。兩個飲品清清地都幾好。姫松茸竹笙花膠雞米線轉米粉芝士竹輪凍檸檬薏米水$111藥膳黃酒花膠雞米線轉木瓜蕃茄湯生菜蜜桃烏龍冷泡茶$88

一早已經知呢間鋪頭好出名呢2日因為朋友實在喺我耳邊讚得太緊要所以的起心肝去試下6點幾已經好多人都要排左一陣先有得食而且要搭枱證明真係好受歡迎拌麵薯粉係世一好食程度好細心已經幫你拌勻左薯粉溫暖軟綿不失口感豬肚無腥味而且好彈口小辣舌頭麻麻地招牌花膠雞米線又係必食轉左木瓜番茄湯仲滋潤左大大塊花膠爽口程度剛好雞好大件好滑有海南雞lv滑雞皮重油香小食方面椒鹽粟米香甜,燒得乾身黃金豆腐個心唔會太咸真係熱到出煙架

Bookmark咗呢間癡膠雞好耐，一直都好想食呢到養生滋補嘅招牌花膠雞米線！聽講呢到嘅湯底係用咗超過30斤嘅雞肉、豬肉同鯊魚軟骨等等材料去精心熬製而成，用超親民嘅價錢就可以品嚐到美味嘅花膠雞湯啦～招牌花膠雞米線💰HK$68揀咗跟爐上，可以維持湯底嘅熱度！湯底甜美可口，有濃郁嘅雞肉鮮甜味！雞肉嫩滑，花膠軟爽，米線爽滑Q彈，仲有啲蟲草花同埋木耳增加成碗米線嘅口感～椰子雞米線💰HK$60同樣都係揀咗跟爐上！湯底完美地演繹咗椰子同雞湯嘅融合，除咗雞肉嘅鮮甜味之外，仲多咗一種椰子香氣，回甘持久～明太子釀雞翼(2隻)💰HK$40雞翼食落去啖啖都係肉，味道辣辣哋，配埋旁邊嘅沙律醬更惹味～蜜桃烏龍冷泡茶💰跟餐+HK$10係帶有淡淡蜜桃香味嘅烏龍茶～不得不說，餐廳座位闊落，店員親切友善～

灣仔軒尼詩道呢間一間米線店, 佢哋主打花膠濃湯嘅米線; 想清清地食米線, 又唔想食連鎖店, 食米線之餘又可養生, 一定要試吓呢間呀! 呢間米線店仲可以連爐上枱, 務求可以keep住熱辣辣咁食到尾, 一入到舖頭就聞到好香嘅藥膳湯味道, 菜單除咗有招牌花膠雞系列之外, 仲有飯, 擔擔麵, 酸辣粉, 小食, 連火鍋都有。姬松茸竹笙花膠雞米線 - $88我同朋友由於唔太餓, 所以只叫了一碗米線試試 – 期間限定嘅姬松茸竹笙花膠雞米線, 兩個人一碗米線, 可以選擇要有爐熱住上定冇爐都得, 店員仲好貼心俾咗兩隻細碗我哋分享, 仲有一個細碗要嚟放骨, 乾淨企理呀!姬松茸竹笙花膠雞米線, 有紅棗, 姬松茸, 竹笙, 花膠, 加埋黑木耳同蟲草花。湯底好清甜, 好香濃雞湯味, 好足料, 好滋補。仲有大大件嘅花膠同雞件, 而且雞係用雞脾, 非常嫩滑。香濃嘅雞湯都比我地飲清哂呀!明太子釀雞翼 - $20隻叫咗兩個小食, 2隻明太子釀雞翼, 雲耳豬肚絲, 兩款都好好食！我第一次嘗試明太子釀雞翼，味道冇讓我失望！ 明太子沙律醬釀在拆左骨的雞翼之中，讓本來已經香口的煎雞翼，添上左一份鹹鮮。雲耳豬肚絲 - $38要

呢間花膠雞米線開咗好幾年，條龍越排越長，午市又排，晚市又排。平時午市好少嚟，因為條龍好長，今日放工難得見到未有人排隊，終於可以再食吓～我哋叫咗招牌花膠雞米線，美國牛肉濃湯米線，蜜糖雞翼，同金磚豆腐花膠雞米線連埋個爐上，一路滾住一路食，夠晒熱，湯底又濃又甜，好重雞味花膠同雞嘅份量都唔少，花膠爽口，唔腥，雞件多肉，好滑美國牛肉濃湯米線，唔會太肥，幾稔，牛味好濃，唔錯👍🏻👍🏻金磚豆腐係必點，外脆內軟，豆腐好滑，不過要小心好熱😂凍檸檬茶茶底唔澀，幾好👍🏻

最近我去咗一間新開嘅米線店，佢哋嘅雞湯米線真係好有特色！特別推介佢哋嘅藥膳黃酒花膠雞，湯底係用三黃雞同鯊魚骨熬製，完全無味精，飲落去非常健康。一開始飲咗一口湯，湯頭真係好濃郁，帶有一種淡淡嘅藥材香味，仲有黃酒嘅獨特風味。湯底入面加咗當歸、紅棗等藥材，唔單止味道香濃，仲有滋補養顏嘅效果，真係一舉兩得！米線方面，佢哋用嘅米線非常滑順，吸收咗湯底嘅精華，每一口都好滿足。再加上雞肉煮得剛好，肉質鮮嫩，咬落去有啲彈性，搭配上湯底，味道更上一層樓。店內環境都幾舒服，服務態度亦都好親切，令我感覺到賓至如歸。呢個地方真係好適合同朋友聚餐，或者一個人靜靜享受一碗熱辣辣嘅米線。

【 🐥癡膠雞🐥 】⋄⋄🍲🐥主打雞湯米線嘅「癡膠雞」，足料花膠雞湯米線用上20斤三黃雞➕鯊魚骨熬製無味精雞湯🐟🐥絕對不加味精，湯頭飲落特別鮮香😋食米線配有花膠做配料非常特別，矜貴得黎又夠滋補，價錢非常親民，名符其實係一間街坊正店😍👍🏻⋄⋄====—====—====—====—✦ 招牌花膠雞系列 ✦🐥招牌花膠雞米線🐥（$68）以花膠熬製的鮮美雞湯，配上彈牙爽身的米線，非常養生。—🐟追加魚片（$15）可再追加各款配料，魚片鮮味，口感十足😋—🍁🌼配桂花烏龍冷泡茶（$10）清香怡人的桂花烏龍茶，提神解膩😍⋄✦ 癡膠線系列 ✦🍲藥膳黃酒花膠雞米線（$68）推介藥膳黃酒花膠雞，藥膳黃酒味超濃郁湯頭很甜，滋補養顏，食完暖笠笠😌—🍋配凍檸茶（$6）清爽的凍檸茶，清涼解膩❄️ ⋄✦ 小食 ✦🍗明太子釀雞翼（$20/隻）雞翼以明太子醃製，咸香惹味❤️====—====—====—====—.📌店名：癡膠雞 (軒尼詩道) (灣仔)’📍地址：灣仔軒尼詩道254號地舖#

.之前一直都好想食呢間‼️咁啱今日帶👦🏻豆豆👦🏻哥哥去書展📚又係灣仔順便可以去食😋勁平民化既花膠雞湯🐣真係好抵食👍🏻我仲飲晒啲湯而唔係味精湯😌真係超級有驚喜‼️🐣姬松茸蟲草花羊肚菌花膠米線🍜一向鍾意養生嘅我呢個米線必食😋好香濃嘅雞湯絕無味精💯花膠每塊都大大塊又厚👍🏻每一件雞都又滑又嫩再配埋米線完全入晒味‼️仲可以摸上滾住嚟食，真係好似打邊爐一樣🐣蜜糖雞翼米線🍜👦🏻豆豆👦🏻哥哥話蜜糖雞翼好好味‼️個雞湯非常好飲日式芝士年糕🥯芝士年糕好厚身，但個皮唔係好粉個種👍🏻個芝士餡溶溶地好好食

想清清地食米線，又唔想食連鎖店，嚮網上搵到呢間米線舖幾多人推介，就決定去試試。一入到舖頭就聞到好香嘅藥膳湯味道，好香！舖頭名癡膠雞幾得意，原來招牌菜係花膠雞米線，夠哂貼題。試新舖當然要叫佢哋嘅招牌菜。我同朋友叫左兩款唔同米線試試 - 招牌花膠雞米線&藥膳黃酒花膠雞米線。兩個米線都有爐熱住，店員仲好貼心俾咗兩隻細碗我哋，可以同朋友share試哂兩款口味。先試招牌花膠雞米線，湯底好清甜，好足料，有大大件嘅花膠同雞件，而且雞係用左雞脾，非常嫩滑。之後試藥膳黃酒花膠雞米線，呢個湯底超讚！湯底有當歸、紅棗等藥材，味道香濃，夠晒滋補！飲完個黃酒雞湯成個身都暖哂！ 花膠同雞件都好多，加埋黑木耳同蟲草花，非常足料！叫咗兩個小食，明太子釀雞翼&金磚豆腐，兩款都好好食！金磚豆腐望落係美麗的金黃色，炸得剛好。 食落口feel 倒仲係熱辣辣。 薄脆的外皮，而中間係嫩滑的，食完覺得非常滿足！我第一次嘗試明太子釀雞翼，味道冇讓我失望！ 明太子沙律醬釀在拆左骨的雞翼之中，讓本來已經香口的煎雞翼，添上左一份鹹鮮。呢間餐廳每款食物都味道好好，尤其招牌花膠雞系列米線，性價比超高！夏天食已經覺得好正，冬天天氣凍有火爐䁔住嚟

今日唔係好舒服，想食啲暖胃嘅嘢，咁啱發現Office附近有一間專食養生湯麵嘅餐廳，就同同事入咗去試吓，點知出乎意料地好食!招牌湯米線可以跟爐上，唔使$70就有打邊爐嘅體驗; 加多10幾蚊就可以有鍾意嘅配料，食到最後都仲熱！唔想跟爐上的話就會用石頭鍋飯個兜上，包保夠暖！招牌花膠雞米線$68 （轉左跟飯）+ 竹笙非常足料，雞嫩滑，花膠都有三四嚿，湯底濃郁。竹笙吸收晒濃湯，非常好味！人蔘雞米線 $60 （轉左薯粉）有雞髀位，非常驚喜！啲雞都係一樣嫩滑，除咗人蔘仲有蟲草花，夠晒養生！因為跟爐上，個湯去到最後個人蔘味越嚟越出～蜜糖雞翼 $42總共有四隻雞翼，個雞翼皮係脆㗎！入邊啲肉都煎得啱啱好，調味到位，超好食～手拍青瓜 $28份量非常充足，辣醬值得推介!