瘋狂小面 (佳德商業大廈)

营业中

休息中

「瘋狂小面」喺中環士丹利街66-72號佳德商業大廈1樓。喺香港站IFC出口出，經行人天橋行到100QRC對面嘅佳德商業大廈上一層就係。雖然唔係地舖，但值得去！餐廳佈置充滿中國風，古色古香，我好鍾意呀～😍同朋友各嗌左一個A+B+C+D 套餐($98)，包「麵」、「飲品」、「小食」同埋「甜品」，呢個Full Set套餐有咁多野食，一百蚊都唔使！「瘋狂燒白面」係廚師推介，重要限量15份！見「瘋狂燒白面」個名好特別，問店員先知原來係五花腩。我好幸運可以做15個其中一個！五花腩半肥瘦，加左d梅菜，好似食緊梅菜扣肉。湯底有紅湯同白湯揀。店員話紅湯即係辣湯。揀完湯底重可以揀辣度同麻度。我鍾意麻多過辣就揀左BB麻。湯底果然如我所望，唔會辣只有麻，我重唔覺意咬到湯入面嘅花椒粒😍。加上大量蔥花，食落好香又開胃～麵嘅質地軟硬適中而且份量超多！一個人食曬成碗勁飽，食係超抵食！😍「滷水拼盤」($72)係廚師推介，梗係要試下啦！一次過可以食盡多款肉😍，包括牛𦟌、牛舌、牛肚同埋豬肚，啱曬三心兩意嘅我呀！中間擺左一小碟調味粉，食落又辣又鹹，夠惹味😋涼拌木耳落左白醋、加上紅綠辣椒同蒜片，食落又酸又辣又麻。泡椒鳳爪軟骨食

一直也喜歡食辣野，在上環，中環也食開幾間食物質素唔錯的四川麵餐廳，剛剛在open rice發現了這個四川餐廳,居然可以有四百多個好評，即刻去一試。點了牛肉麵和夫妻肺片，一上菜時發覺即刻出事，麵的質素如茶餐廳的茶餐一樣，而且麵質偏淋，沒有口感，而不是一般的中式拉麵，湯又太油和重口味，牛肉的份量仲好少，小食，夫妻肺片，份量少之餘，切得又太薄，而且也很油感覺很差，原本諗住係地道的四川口味，但食物質素真是太差

今年冬天真太冷，成日忍唔住要食熱辣辣既湯麵，於是又再返黎瘋狂小麵，主打食巴蜀菜，完全滿足我食辣+熱既慾望，套餐由$78up...中環價錢~套餐（1）~瘋狂大排麵+牛肚 / 羅漢果冬瓜茶/ 鐘水餃/成都老冰粉/鐘水餃套餐 （2）~瘋狂豌雜麵+牛脷/羅漢果冬瓜茶/成都老冰粉/泡椒鳳爪🍜鍾意湯麵，盛意推介試紅湯，麵非常煙韌，亦都好掛湯，大排滷得入味，辣度無辣至加辣都可以自由選擇🍽小食款式都有11款，今次試左泡椒鳳瓜，辣得過隱! 而鍾水餃，肥瘦均勻，餃子皮係北方特式，比較厚皮，非常有口感🥡乾撈麵推薦豌雜麵~以豌豆，雜醬主料，配蔥蒜為副，配搭出色! 另外再加牛舌，牛味香濃☕飲品揀左熱羅漢果冬瓜茶，羅漢果自身既清甜，唔需要額外加糖已經好好飲🍨食川菜每次都必定會食冰粉，冰粉口感似啫喱，質感Q彈，最解辣甜品!

今日食瘋狂牛肉紅麵同冰粉，好失望。見到咁多好評，難得試下四川麵食，可惜食得出係罐頭防腐劑牛肉 & 公仔面質， 味道一般，辣食會比較多油。唔值得試，唔值好評。中上環有更加多更便宜及食材更好嘅麵家，唔值得浪費quota。服務OK但地方比較狹窄。上菜速度OK，清潔度一般。因為疫情等位比較快。價錢 extremely overpriced。了解中上環會比較貴，但以咁嘅質素，太差了。唔會再嚟， 亦都極度質疑 Openrice 上既評價。

禁左成個月堂食 唯有5點幾食左野先🥲所以即刻去左公司附近瘋狂小面食返碗麵先🍜-#瘋狂牛肉面套餐 $120每次黎呢度都一定食呢個麵最鐘意呢度嘅紅湯 而且仲可以自選唔同嘅辣度同麻度🌶湯度好足料 仲食到麻痹感覺！至於牛肉切到一口嘅size方便入口 又腍又入味-#瘋狂大排面套餐 $160大排面亦都超受歡迎！聽到店員仲問廚房係咪賣晒就知道唔早d黎就冇得食今次試到呢個大排真係好好食豬肉入口即溶 好有油香 🤤連豬軟骨都可以輕鬆食埋-#鐘水餃 +$32呢個水餃真係令我地喜出望外！水餃既皮薄得黎仲好煙韌真係皮薄餡靚🥟而且個醬汁亦都好夾 冇想像中咁辣-#滷水拼盤 +$72滷水拼盤包括牛展、牛舌、牛肚同豬肚同平日食嘅唔同 滷水比較乾身 中間有少少類似孜然粉嘅味料點-#成都老冰粉 +$10食完辣野最好食個凍嘅甜品解下辣🥣冰粉上面有d芝麻同提子乾而冰粉有少少草味同甜甜地 為成餐劃上完美嘅句號-#紅棗銀耳湯 +$10呢個糖水冇冰粉咁甜不過就有紅棗嘅甜味而銀耳係偏腍 唔係爽嘅口感食完好滋潤🥰-📍瘋狂小面 (中環)中環士丹利街66-72號佳德商業大廈1樓

BB辣同BB麻 真係好適合我呢d想食辣，但係唔想食太辣ge人！！牛肉麵真係好好味😋下次會加料。想食多少少送！！羅漢果冬瓜茶 一言難盡。下次會試下酸梅湯！！顧著吃都忘記拍照了，吃了一半才記得拍😂值得再去的一家店！

放假去咗大館影下相之後搵附近有咩好食的時候見到依間嘢食都幾多好評同幾吸引所以係6點前去試下佢同朋友叫咗2個98蚊餐主食+飲品+小食+甜品 = $98以下重點推介好食的餐點🌶🐷瘋狂大排面(紅湯)紅湯姐係辣，唔想要辣可以叫白湯咁佢個湯底好濃都偏辣大排姐係排骨麵肉滷得剛好，同亦唔會滷太耐變太爛最鐘意佢個軟骨都係淋的加埋酸菜個湯底更有層次不過滷蛋就有少少重味咗偏咸而佢個麵質係似日本拉麵🐥棒棒雞 (跟餐小吃+$32)份量唔算多都係味道唔錯佢都係辣但同麵個個味又唔一樣就似係口水雞味差唔多佢啲雞係一片片食個時候會方便啲🍧成都老冰粉 雖然個日天氣有啲凍但係冰粉真係好好食而佢個冰粉都有令人失望少少甜但入口好順滑加埋啲配料食味道更昇華咗個日同行朋友本身叫咗小辣紅湯同個店員反應咗佢比埋個白湯我地咁白湯個湯底都好正有淡淡牛味同有少少膠質整體所有嘢食都係高質

天氣咁凍想食碗熱嘅湯麵暖下個身。經過嗰頭附近見到呢間四川風味麵舖。餐廳係大廈嘅一樓行樓梯一層好方便。佢套餐價錢由$78到$98。有好多款嘅面啦小食嘢飲同甜品都有。最貼心嘅係大多數面都有紅湯同白湯俾你揀，紅湯嘅仲可以揀唔同程度嘅辣度。瘋狂牛肉麵呢個面我叫咗少少辣少少麻，本身唔係好太食得辣，呢個辣就啱啱好，唔會太嗆，而佢嘅辣係有層次嘅有後勁。酸菜豬肚麵呢個酸菜份量好多，個湯底都充滿豬肚嘅味道，以麵質方面煮得啱啱好，食落有口感。豬肚份量都幾多。泡椒鳳爪 蒜泥青瓜呢個泡椒鳳爪夠晒辣，好適合鍾意食得辣嘅朋友。紅棗銀耳湯 成都老冰粉食完碗辣嘅面，飲呢碗冰甜既紅棗銀耳湯好舒服。而冰粉就好特別，佢幾好食，唔會太甜仲有上面嘅配料增加口感。個人推介冰粉。熱檸水 羅漢果冬瓜茶值得一讚嘅係，餐廳防疫措施做足，食得安心。

呢間瘋狂小面喺中環，地理位置方便，雖然假日黎，中午都好多客人餐廳主打麵食，我地叫咗廚師推介瘋狂白肉麵加飲品同甜品白肉麵：湯底好濃，有好多酸菜同蔥花，最最最正的係白肉，白肉的肥肉入口即溶，完全唔洗咬，麵底似拉麵，有咬口瘋狂缽缽雞（2人）佢有30串肉類同30串菜類，份量好多，根本食唔晒，兩個人逐串逐串食，麻麻辣辣咁，爽甜品:冰粉呢個冰粉號解辣，佢唔會太甜，口感就似啫喱，上面有啲酒糟提子乾花生同埋芝麻，撈埋一齊食好清爽

I was in Central for work and wanted to grab dinner before heading home. Wanted something quick and recalled this Sichuan noodle restaurant given the freezing cold weather. Their crazy set menu was so clear and easy to tick with choices of different components, toppings, upgrades of drinks or appetisers, and desserts. We ordered 2 noodle sets with a noodle + drink + appetiser + dessert at $98+10%. A basic set with just noodle + drink cost $78+10% while a set with noodle + drink + appetiser/desse

估唔到呢度樓上有間咁樣嘅四川餐廳，中環地段嚟講價錢算適中，可以叫套餐，包左主菜、飲品、小食同甜品！ 🍴 瘋狂牛肉麵套餐 ($88) + 瘋狂大排面套餐 ($88) 紅湯 ⭐️⭐️⭐️⭐️ 湯底可以揀紅湯同白湯，咁嚟得食四川野當然要食下辣啦，湯底辣辣地唔會好油，好適合香港人口味。牛肉好腍好入味，冇牙都食到！麵質軟硬度啱啱好，份量都算幾多，推介！ 🍴 鐘水餃 (+$32) + 燒椒茄子 (+$32) ⭐️⭐️⭐️⭐️ 鐘水餃一啖食入口，微辣得嚟好開胃，外皮做到好薄，入面d肉做得都幾入味，正啊。茄子就切開細細條，配住辣汁一齊食係好夾！ 🍴 金桔檸檬 (+$6) + 冰糖雪梨汁 (+$6) + 成都老冰粉 ⭐️⭐️⭐️⭐️ 飲品真係必叫，食完辣野再飲d清涼飲品解辣，再加埋清澈透明嘅冰粉，完美配搭！ .............................. 瘋狂小面 地址📍: 中環士丹利街66-72號佳德商業大廈1樓 總評分: 8.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️💫 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️

今日約左朋友係中環，要係中環搵D 非離地價餐廳醫肚要花D 心思，最後就揀左呢間平時少見價錢又接受到既餐廳啦🔅瘋狂豌雜面+豬肚好有特色嘅一款面，用花生雜豆+肉燥+醬汁組成。成都風味應該唔係人人都試過， 如果鍾意食撈麵嘅，一定會愛上，辣同麻可以自己揀級數，非常體貼🔅瘋狂肥腸面+大排大排D 肉好淋，好入味，唔喜歡吃肉既我都要讚，淋到用筷子輕輕就可以夾開。而肥腸即係豬腸，肥膏適中，而且無臭豬味，洗得好乾淨，最抵讚係個湯底，有胡椒豬肚味，食曬個麵仲可以飲埋個湯🔅蒜泥青瓜好夠蒜蓉味，而呢個生蒜又唔會辣到搶喉，青瓜好爽口，有甜味，又多汁🔅夫妻肺片望落細細碟，夾極都仲有，望落好似唔辣，食落又唔係wor，好爽口，而且薄薄一片，夾埋D 蔥同芫茜，非常入味，個醬汁調配得好好🔅烏梅汁如果食辣的話， 飲一啖烏梅汁喉嚨即刻會順曬，而且酸酸甜甜，好解到渴🔅成都老冰粉食完辣野食呢個甜品結尾好滿足，口腔都清新曬，而且呢款甜品平時係甜品鋪食唔到，好有新鮮感，質感有D 似果凍，配料有D 酒糟+花生+提子乾+芝麻+山楂，原來可以咁夾，好好食，零罪惡感

見到紅噹噹又多料又大碗的酸辣粉，很自然條件反射，唾液分泌增加。開始吃了，幸好點了bb辣，還捱得住，但也卻因為加麻， 開始變得抓狂， 嘴唇麻痺， 要吃那煙韌的紅薯粉，也花了好些時間咀嚼。 一般來說，要吃這四川酸辣粉， 總要經歷這些起伏，如果遇到一碗會為之瘋狂的， 起伏變更大了。再嘗嘗那加了豬肚的瘋狂擔擔麵， 點了少辣少麻， 大量的肉碎，加上花生， 青瓜絲，蔥粒，撈一撈，很香口惹味。 小吃有棒棒雞和鍾水餃， 棒棒雞肉質很特別，好像是雞胸和雞腿肉之間，冇骨，鍾水餃餡料是甜肉。 甜品成都老冰粉和紅棗銀耳湯都不錯， 特別是成都老冰粉， 不同的配料配冰粉很有口感。

來開中環，食開川味的麵店就第一時間唸到瘋狂小面，這裡是我之前經常來的飯堂，今天也不例外，帶朋友來試試。喜歡這裡其中一個原因是這裡裝潢十分中國風，配合川味這個菜式，感覺自己就在熊貓國吃飯一樣。我們是填紙仔落單，點了好多野食好豐富，有瘋狂大排骨麵套餐，選擇了紅湯少少辣，少少麻，再➕雜醬，就一流啦，這個湯是十分濃郁的，岩曬重口味既我。再點了瘋狂碗雜麵套餐，可以選擇不同菜式，我們選了牛肚和酸菜，撈在一起吃也是不錯風味另外還有一些小吃，有蒜泥青瓜和棒棒雞，青瓜爽口脆辣，會偏辣一點，對於無辣不歡的我就最喜歡的呢，棒棒雞就比較油膩，但味道也是特別正宗的，大家可以試試。最後是我最喜歡的成都冰粉，吃完辣吃一碗冰粉真的好爽，而且冰粉上面很足料，有花生，芝麻葡萄紫等等，每一口都好有口感。大家沒吃過的，要來瘋狂小面試試哦。

瘋狂燒白麵套餐（小辣）$135:一個套餐都幾豐富，有一碗麵、棒棒雞（小食）、成都老冰粉（甜品）同一杯金桔檸檬野飲。碗麵小辣其實唔係好辣，湯底仲有啲花椒，東坡肉好腍，但係肥左少少。麵質比較彈牙，同拉麵差唔多，幾好食，加9蚊可以有鹵蛋，好入味。棒棒雞就係將好細隻既雞髀切薄片，再浸落辣椒油度，味道同口水雞差唔多。成都老冰粉就幾特別，侍應話係用來解辣🤣🤣，冰粉質感似硬硬地既啫喱，配料有花生、提子乾同芝麻，食落又甜又鹹。酸菜豬肚面套餐 $126哩個麵係白湯，所以係唔辣既，湯底酸酸地，有少少胡椒味，仲有好多蔥，味道豐富。加14蚊仲可以試埋豬大腸，不過個人覺得豬肚比較好食。小食方面叫左蒸蛋，係廚師推介，真係幾好食，蛋蒸得好滑，啖啖地再配埋鹵肉，味道一流！甜品既紅棗銀耳湯就非常健康同養生。銀耳好大舊同好甜！飲品就送左雪梨水，同金桔檸檬一樣咁滋潤。👍🏻