瘋狂小面 (佳德商業大廈)

营业中

休息中

好耐冇嚟呢度食想當年我仲響中環返工，呢間嘢岩岩開，嗰陣我食過一次，覺得一般般依家我已經冇返中環，今日請咗半日假返搞少少文件，順便食吓情懷，冇諗過比記憶入面好食好多我約莫12點搭三到，門口已經排滿人。如果有用Guru攞位應該會排少啲隊。食咗D餐，有麵+小食+野飲+甜品，一百蚊樓上，以中環嚟講算抵食麵：加辣肥腸麵，湯底好濃郁，有種咸香，就算加辣都冇死辣，麵底有啲咬口小食：酸辣黑木耳，醋，青辣椒同蒜頭嘅調味好清新野飲：室溫烏梅汁，幾好飲甜品：冰粉有驚喜，芝麻，提子乾，酒糟米，山楂餅粒，淡淡嘅糖水同配料一齊食好有風味總結：調味比想像中精緻如果我第日又有野要返中環搞，應該會再食

天氣凍最適合就係食一碗熱辣辣嘅面食，呢間舖頭真的為我們帶來驚喜。我們兩個人分別點了兩個套餐，主食選擇了瘋狂豌豆面和瘋狂牛肉麵。兩碗麵的辣度剛剛好，加入配料味道很香很濃，非常之有風味。牛肉煮得很入味，面的口感很好，很有咬勁！小食我們點了一個餃子和一個棒棒雞。餃子普通，但醬汁調得很好。另外，值得一提是他們的飲品和甜點。點了冰糖雪梨水、紅棗銀耳羹；他們都很夠冰，而且不大甜，非常適合不太喜歡甜的朋友👍🏻

食物質素高水準！各有套餐及散叫提供，有素食提供。所有套餐都可以跟餐飲，務求令到客人滿足有白湯及紅湯揀，故名思意係，白唔辣，紅係辣，任君選擇。✏️ 瘋狂肥腸套餐岀名大食積嘅我有ABCD 全套我一定會揀曬，而好多時如果食類似運冒菜，酸辣粉我一定揀有大腸的，夠地道口味！套餐會跟小食，小食我就揀選泡椒鳳爪🤤有無朋友都一樣對泡椒毫無抵抗力？而小糖水方邊就揀咗凍成都老冰粉。好👌🏻小前菜嘅泡椒絕對令人食指大動，係一道美味嘅開胃菜。然後主菜肥腸麵都到埋了，雖然係肥腸但並無濃厚肥膏女仔食都覺得唔肥膩，又唔癡牙仲綿糯添。係真好味🤤配上紅肉柚子，仲爽呀！✏️ 瘋狂素小面套餐約咗位素食朋友同我午餐，即使食濃味嘢，茹素人士都有選擇呀，絕對無問題👍🏻即是平時想偶爾清淡下淨係想食果覺嘅衝擊，呢項係非常好嘅選擇⋯⋯內裏有菜心，有菇有木耳，加上煙靭嘅擔擔麵，簡直一流。份量好足，大大的一碗👍🏻小食方面，朋友就揀咗蒜泥青瓜，好爽口嘅拍青瓜，加上適當嘅麻油同蒜泥調味清爽得來，又不失惹味🤤✏️成都老冰粉食完超級香辣濃味嘅麵之後食返一碗冰粉，簡直係人生一大享受😎其實係我第一次食發覺真係好得意。好似啫喱咁嘅冰粉凍冰冰完全可以清理味蕾上嘅

小有名氣 Bookmark左好耐 終於有機會黎試下食完好非常滿足 好過癮 夠麻夠辣😋走個陣見到原來被評為成都小麵十強 怪唔得咁好食 咁多人幫襯啦😂.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .🌟A+B套餐 $83▪️瘋狂牛肉麵 金桔檸檬 (+$6)🌟A+B+C套餐 $93 ▫️酸辣粉 凍檸茶 (+$5) 鐘水餃 (+$32).川味紅燒牛肉麵味道有驚喜‼️湯底濃郁 香氣十足👍🏻👍🏻👍🏻牛肉好入味之餘 筋腩比例適中 口感香軟 唔會太韌.酸辣粉都完全唔失色 幾好食🤤表面滿滿肉碎 份量一啲都唔馬虎～薯粉軟硬適中 夠彈牙.🥟鐘水餃意外地冇咁重口味醬汁充滿芝麻同埋麻油嘅鮮香 味道唔辣 都幾特別 值得一試💗.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

今日一支公係中環食lunch，簡簡單單去左老地方瘋狂小面食碗麵，瘋狂小面係長扶手電梯附近，係一間樓上餐館，位置就脚。小面其實即係傳統重慶小麵，呢度主打小麵，餐牌基本上就係三款組合既麵餐，有三個價錢$83/$93/$103，另設加一，分別係麵+飲品/麵+飲品+小吃或者甜品/麵+飲品+小吃+甜品。一排冇黎都冇加價。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。瘋狂擔擔麵加煎蛋，豌豆，酸菜餐牌寫明呢度用新鮮水麵，非油炸或掛麵，又真係食得出，好健康。今日拉麵係暖暖地，我叫左BB麻同BB辣，擔擔麵既肉碎味道少少酸麻，完全可以接受。配料除左惹味肉碎，都有兩條菜心、青瓜絲、花生米同青蔥，菜心係芯，好嫩！我另外加$9加左一隻煎蛋，豌豆加$9同酸菜加$8。煎蛋好有住家飯嘅感覺，煎得皮少少脆，入面全熟。豌豆滑溜又食到好多大大粒豆豆。酸菜一上枱就聞到好香。除咗隻煎蛋同菜心，強烈建議撈埋所有野一齊食，令到每條麵都沾有醬汁同其他材料，多重口感味道。真係清哂所有野見到碗底。熱檸水唔洗加錢飲品有4款，簡單叫左熱檸水，熱檸水有兩片檸檬，熱到出煙，食完麻辣野飲會噴火。果

呢間四川菜想試左好耐啦，次次用OpenRice search 佢都會排到好前，有好多人推介，但係我就次次都冇機會試去到門口見到個牌，寫住成都小面十強，好似好西利咁，令我好期待呢餐飯🤤叫左兩個$103的餐，入面包左4樣野，有一碗麵，小食，飲品，仲有甜品😛瘋狂豌雜麵呢款麵特登叫左走辣，睇下佢地唔辣特麵好唔好食，碗麵個肉醬同豌豆醬撈埋一齊之後個麵係好杰身濃稠，食落好有厚度😝，而且個汁係好掛麵的，好香麻油味，啖啖都食到好夠味的乾撈麵呀🤩瘋狂牛肉麵 （BB辣）所有麵都係同一個價錢， 感覺叫款有肉的麵好似抵啲🧐 佢係紅湯黎，揀左BB辣，食落都唔會話太辣，係可以接受的 😋泡椒鳳爪Menu上面有2隻辣椒🌶️果然呢款鳳爪真係好辣啦，仲好惹味，個泡椒味好出，鳳爪係爽脆的口感蒜泥青瓜如果食唔到辣的可以叫呢款呀，青瓜好新鮮爽口，味道都將夠，咸咸地仲會有極小量的酸味同蒜味😎羅漢果冬瓜茶，紅柚子茶呢兩杯飲品都沖得岩岩好，唔會太過甜👍覺得羅漢果冬瓜葉係佢地自家煲的成都老冰粉啲冰粉好大舊，唔會好碎，有啲山楂乾，提子乾等等的配料，係一個好健康的甜品😝，好食得黎又唔會好重口味紅棗銀耳湯呢款甜品都係好健康滋潤咁，啱晒食完重

話明係樓上小店當然無咁易搵，係樓下轉左兩圈先搵到間大廈，仲要行樓梯開幾個門先搵到，好彩佢好貼心係每個轉彎位同門口都有貼招牌，留意到就知道點樣行，首先會見到廚房，衛生還可以。聽聞中午時間呢間係要排隊既，都正常因為中環無乜川菜，一係就要高級酒樓，晚餐時間就無乜人，有幾枱都係黎食飯順便飲酒傾計，由於入座時間已經就黎晚上8點，順口問下店員係咪9點關門，佢話營業時間係咁寫，但如果想坐耐啲食都無問題，呢個就係小店既溫情吧。無影到飲品，兩個人嗌左烏梅汁同雪梨汁，兩杯都唔錯。麵叫左兩款，因為第一次黎唔清楚辣度所以全部係正常辣，因為我好食得辣就覺得辣度岩岩好，而同行友人就覺得較嗆不斷要飲野，所以佢既正常辣應該係一般街邊既中辣，唔太食得辣既朋友可以叫少辣。擔擔麵唔係平時食到上海果種花生味濃既湯麵，而係撈麵，麵條做得新鮮唔會一pat pat，根根分明都有沾到辣肉末既醬汁十分惹味。瘋狂牛肉麵，天時凍食最岩，會較擔擔麵辣少少，但佢既辣唔係辣死人果種，而係一啖就飲到覺得成個人都好暖，牛肉都煮得入味又保留咬口。麵整體都做得好出色，下次會想試下鍾水餃、麻辣串串同酸辣粉、蕃茄湯、白湯咸菜豬肚。小食嗌左蒸蛋、紅酒豬耳同蒜

🍽 瘋狂小面 Crazy Noodles ~~~~~~~~~~~~~~~~~~~~~~~~~~~~~~ 今日黎到中環瘋狂一番先～有唔同嘅套餐組合可以選擇🍽 🟢 第一個套餐 A + B + C + D （$103）👉 A 瘋狂小面： 瘋狂牛肉面 （白湯）🔸️ 麵條彈牙，食落有啲似日本麵🔸️ 白湯有好多芫荽，芫茜味嘅加持，味道濃郁左，帶來新既層次🔸️ 牛肉幾好味，牛肉味濃，口感十足👉 B 瘋狂飲品：冰糖雪梨汁（+$6）👉 C 瘋狂小吃：棒棒雞（+32）🔸️ 口水雞咁🔸️ 麻辣味夠🔸️ 份量啱啱好👉 D 瘋狂甜品 ：凍成都老冰粉🔸️ 口感特別，有啲似啫喱但又煙韌 🔸️ 表面有一層甜甜既糖漿仲有啲配料，有提子乾，花生， 山楂，芝麻🔸️ 紅湯食到好辣嘅時候，仲可以解辣添～ 🟢 第二個套餐 A + B + C （$93）👉 A 瘋狂小面： 瘋狂肥腸面 （紅湯）🔸️ 紅湯有得選擇唔同嘅辣度同麻度，唔太食得辣又為食嘅🥚👩就揀左BB辣同BB麻，一開始食唔覺辣，點知越食就越辣😂🔸️ 湯底帶有麻辣味，幾開胃🔸️ 值得一讚係豬腸好淋身，入味而且清理得好乾淨，好食😋🔸️ 麵條一樣彈牙👉 B 瘋狂飲品：烏梅汁👉 C 瘋狂小吃：高湯蒸蛋（+

酸辣粉啊、米線啊果 d 我就最鍾意食㗎啦 😍 早兩日行完 Donki 好肚餓，搵到呢間川菜麵館，見到菜式都好吸引 😆 重點係有冰粉，所以就去瘋狂一下 😎瘋狂豌雜麵見到個名覺得好特別，原來豌雜麵重慶小面嘅一種，主要係肉醬、豌豆配薑蔥蒜調味 😎 個豬肉醬有 d 似炸醬，配埋豌豆、花生一齊食，口感非常豐富，我叫左 BB 辣同 BB 麻，平時食十小辣嘅我覺得都幾辣下，證明佢真係正宗夠辣勁 👍🏻 麵條彈牙又掛汁，鹹鹹辣辣好過癮 😍酸菜豬肚麵四川酸菜加白胡椒豬骨湯，個酸菜唔會一味得個酸字，好香好好食 🤤 成碗麵勁多豬肚，d 豬肚全部都好乾淨，仲要煮得剛剛好 👍🏻 我都幾鍾意佢嘅麵，實在得黎彈牙 😍鐘水餃見佢個名幾得意所以叫黎食，原來佢係好出名嘅成都小食 🤩 豬肉水餃配特製紅油，一個汁已經有齊甜鹹辣三個味道，勁特別！泡椒鳳爪超級足料所以勁辣 🙈 但係真係辣得好過癮 😂成都老冰粉（凍）我嘅冰粉 😍 爽口嘅冰粉配紅糖水、葡萄乾同山楂餅、芝麻、花生，食落去超級解辣，而且一 d 都唔漏 🤤呢度一個餐有麵+小食+飲品+甜品都係 $120 起跳，我覺得都幾抵食，因為香港真係唔多地方有正宗嘅成都小食，絕對覺得需要

再次來到荷里活道嘅大館，又再經過士丹利街，就咁望見到两間舖頭，一間係食梳乎厘嘅，另一間就係瘋狂小面，同朋友傾掂數，就來食四川面啦。朋友點咗“瘋狂肥腸麵套餐”，肥腸我麻麻哋鍾意，試咗一舊，又幾好，沒有想像中的油膩感；又嗌咗“夫妻肺片”食，地道小食，嗰辣度可以接受，唔錯吖；“番茄牛肉麵套餐”，蕃茄湯就巴閉啦，佢由師傅精心挑選嘅鮮蕃茄先用溫水去皮，再用白鑊方式除去蕃茄青草的氣味，之後再用4小時慢煮方式，最後用香濃豬骨湯撞湯的方式撞出香濃嘅蕃茄湯，所以食呢個麵一定要飲曬碗湯，無謂嘥咗佢。yummy😋"羅漢果冬瓜茶"和"成都老冰粉”亦係我哋嘅選擇，食到飽飽行街啦。

耐冇食辣野 就好想搵啲專食辣野嘅餐廳😂 今次就拉埋朋友陪我去附近搵啲食辣野嘅餐廳dinner☺️ 最後就簡左間食辣麵嘅鋪頭🍜🍀瘋狂牛肉麵有幾粒牛肉 牛肉味道幾濃 口感有嚼勁 吾會太硬🐮 湯底嘅麻味幾香濃 辣味叫左BB辣 容易入口 岩晒啲想食辣但又怕太辣嘅人😉 麵條軟硬適中 同個湯幾夾😛🍀瘋狂擔擔麵依碗叫左正常麻正常辣 味道香濃 吾會過份麻辣😗 麵質爽口 配埋啲辣辣地嘅肉碎幾好食👍🏽 有好多嘅青瓜絲🥒 有種解下辣嘅感覺🤣🍀鐘水餃水餃細細粒容易入口🥟 辣味夠幾開胃 可以簡黎做小食😉🍀捧捧雞細細碗 可以當係過下口癮嘅小食 辣味好重 岩鐘意食辣嘅朋友囝🐔🍀烏梅汁好似酸梅湯咁 幾開胃🥤

瘋狂肥腸面 羅漢果冬瓜茶泡椒鳳爪成都老冰粉今晚一個人食飯，嚟到中環想幫個胃口搵啲新「刺激」，就上網搵吓又平又抵食嘅麻辣餐唔該廳，搵到「瘋狂小面」。餐廳喺大廈一樓，搭一層電梯就到。內部裝修有好多面譜同中式磚瓦，符合主題。最吸引嘅，係夜晚都有$100左右嘅單人餐，煮食飲品小食甜品都有。煮食，我叫咗瘋狂肥腸小面，邪惡得來又好味，冇人看管就放肆吓。小食我點咗泡椒鳳爪，兩粒辣椒仔真係唔小兒科，好在嘢飲有杯羅漢果冬瓜茶，解一解辣味。再食埋佢碗正宗嘅成都老冰粉，感覺良到入胃入心。喺中環食晚飯，埋單都係$100左右，真係單身佬好去處。

成日聽中環返工既朋友講有間好食既川味面館，今次一食就愛上，川香十足😋瘋狂擔擔面套餐$93瘋狂擔擔面好多肉沫，青瓜絲同花生🥜加上少許辣油，撈埋一齊十分滋味😋成都老冰粉（凍）+$10有山楂、提子乾、冰粉jelly，消爽解膩又唔會好甜，正！瘋狂肥腸面套餐$93瘋狂肥腸面揀左小辣bb麻，好好食😄特別個日lunch食左所謂酸辣粉關注組第一名調味好重，好咸既情況下，係呢度食到真正好食既麻辣粉面真係治療左個心靈！煎蛋 +$9煎蛋要激讚，煎到金黃色脆邊，但蛋黃仲係流心！😍鐘水餃$32香辣得黎又甜甜地好開胃☺️

係中環鬧市一樓既樓上餐廳，係商業大廈一入去係標誌既木枱，筷子筒， 磚牆瓦壁。好似入左古裝劇既麵館食店既感覺。枱面已經準備好多紙巾，俾食客辣到飛哩啡呢既時候用瘋狂牛肉麵用紅燒之後燉煮既牛肉，肉同筋均勻，入口軟熟一口一塊。唔食得辣既揀 bb辣 bb 麻，大約對比三哥十小辣左右 。菜心清爽，再配合陽春麵食，簡簡單單。如果食得辣既，可以挑戰正常辣正常麻， 普通辣先係店鋪最慣常最招牌既味道瘋狂小麵既招牌 - 鐘水餃有多重口味，特色醬汁又辣椒辣，加花椒麻，加甜甜地既，配合細細粒好似雲吞既水餃食，相當滋味推薦！食完兩味辣野自然要降降火，解解辣，叫左羅漢果茶同冰粉做埋尾！羅漢果茶 清熱氣 解辣亦唔會太甜大大杯 解辣唔錯冰粉冰粉係成都傳統既甜品，通常食完辣野享用透明既冰粉口感似啫喱，清爽微微甜。加上唔同配料，有 酒糟、花生、提子乾調味及加入不同口感。最適合食完一大堆辣野滿頭大汗既時候，食一碗透心涼，帶走口入面既辣味，平衡下呢一餐，相當滿足。

收工經過中環想搵地方食辣，睇到介紹話呢度係過江龍「成都小面十強」餐廳裝修極有中國建築風，仲會發現不少京劇面具設計～ 🔹鐘水餃雖然係小食，但因為味道十分好，喜出望外，要推薦！ 一碟有6小隻餃子，餃皮算比一般透明，口感煙韌。最最最特別係佢嘅甜豉油配上醋做醬汁，甜甜酸酸嘅味道，值得一試！🔹瘋狂碗雜面(走辣)由豌豆蓉同雜葱姜蒜醬混埋店內新鮮水麵條而成，肉醬份量算多，味濃，好好味🔹瘋狂肥腸面食辣就緊係揀「紅湯」湯底既麻辣味突出且有層次。面嘅份量算多，但面條偏淋身。肥腸用正宗川式處理，大大粒又清理得非常乾淨，入口易咬唔韌。真係好正👍🏻🔹棒棒雞其實係手撕雞版嘅口水雞，去骨切肉嘅麻辣口水雞，勁易入口，麻辣味有點似肥腸面。🔹烏梅汁/羅漢果冬瓜茶兩杯都足料夠濃，介田好有「家」的感覺最後補充：店內有介紹 👉🏻「小面」是一個統稱，是指以蔥蒜醬醋辣椒調味的麻辣素面，分湯麵和千溜兩種類型。小面有很多種，其中以牛肉面與雜醬豌豆面最為常見。👈🏻