瘋狂小面 (佳德商業大廈)

营业中

休息中

🍽️：瘋狂小面 (佳德商業大廈) (中環)今日放工係中環附近，同朋友想食下辣野，搵到呢間瘋狂小面。入口係商業大廈嘅一樓，去到大廈門口有指示牌指示，唔使驚搵唔到。餐廳麵食有3款套餐可以揀，我叫左麵+小食+飲品+甜品。我點左肥腸酸辣粉+紅肉柚子+棒棒雞+成都老冰粉。朋友就點左個瘋狂牛肉麵。酸辣粉個碗面鋪滿左肉碎，湯底揀左BB辣+小麻; 辣度對我黎講岩岩好，唔會食到好辛苦；而且個粉軟硬度都拿捏得好好，好易咬但又唔會過淋👍🏻肥腸洗得好乾淨無異味，大大舊軟淋淋👍🏻棒棒雞即係手撕雞，辣辣地幾惹味🌶️最後係成都老冰粉做甜品，食完辣嘢食碗冰冰凍凍嘅冰粉就最好不過，都幾多份量，食完飽哂😃

天氣熱辣辣，行行吓街突然好想食啲開胃嘢，記得之前同事介紹過呢間川菜餐廳，於是去試一試，餐廳位置好方便，喺中環長扶手電梯附近嘅商廈1樓。.佢有3個套餐組合揀，啱晒唔同食量嘅人士選擇😛都係$87/$98/$109，呢個價錢喺中環區可以食飽而又好味，真心抵食😆👍🏻.▪️瘋狂牛肉面我揀咗紅湯，BB麻 &BB辣，有點驚喜，湯底好濃郁，飲落又濃香又唔油，而牛肉一啲都唔硬😳仲要超入味‼️仲好貼心咁有兩條菜，麵條咬落勁有口感，推介👏🏻.▪️蒜泥青瓜 蒜香好重，配埋青瓜真係夏天開胃之選.▪️成都老冰粉有山楂、花生、芝麻、提子乾，冰涼得嚟又唔太甜，好啱女士食😛.▪️烏梅汁酸酸甜甜咁，真係好解渴，好適合咁熱嘅天氣飲

近排揾到間正宗川茶餐廳😍菜式辣到好過癮🤪🤪我地揀左2份套餐 都係$109 入面有主食、小食、飲品、甜品▪️瘋狂擔擔面肉碎醬同辣椒油都好多!!配上蔥、芫荽、青瓜絲 撈勻一齊勁惹味面質十分彈牙 煮得剛剛好▪瘋狂牛肉面一上到黎見到個湯底好紅就知一定好香辣🤣牛肉有好多塊 而每塊都好大舊湯底味道麻辣得黎又好香同樣面質好有咬口 唔會煮到淋晒✨▪泡椒鳳爪總共有3隻 每隻都好入味 而且凍凍地嘅涼菜十分適合夏天食🧊呢個味道係麻多過辣 十分惹味▪棒棒雞(+$33)呢個係麻辣手撕雞 份量好多~每一塊都充滿住麻辣醬汁😋▪成都老冰粉大碗冰粉上面有提子乾 芝麻 花生味道甜甜地 解辣一流！▪️烏梅汁(常温)甜甜酸酸 解渴又開胃常溫都涼涼地~.✍🏻整體:呢間喺中環嘅留上川菜鋪地點好就腳如果中意食辣嘅記得要食呢間 辣得好過癮🤣.📍瘋狂小面中環士丹利街66-72號佳德商業大廈1樓

呢日又嚟到中環，係中環街市兜咗一圈，只見到人山人海，想搵個地方食嘢都比較困難，行行吓接近2點時來到“瘋狂小麵”，見到陸續有人買單，有啲空位，唔好執輸就喺度食碗麵吧。廚師推介嘅瘋狂肥腸麵，其中豬大腸以傳統川式手法處理，將腸內壁所有油脂清除再以川香調料小火燜三小時至肥腸軟糯，非常之好味，再有飲品 羅漢果冬瓜茶，前菜蒜泥靑瓜及成都老冰粉就係一個套餐組合，100零蚊，抵！！至於蕃茄牛肉面套餐 就由蕃茄牛肉面，紅枣銀耳湯，泡椒鳯爪和烏梅汁組成，當中蕃茄湯由師傅精心製作，再加埋自家製鮮茄醬，令到碗麵有濃郁的蕃茄味，好味又健康💚💙

套餐組合set $109-瘋狂豌雜面重口味之選干拌麵😈比醬汁完全唔手軟，正常辣度都已經幾辣下，對於食開辣嘅我嚟講都食得幾爽😎啲辣越食越香，唔係死辣嗰種-夫妻肺片 +$33味道好正宗，內臟無任何異味，偏辣一啲-成都老冰粉冰冰涼涼，食落去好清爽，解辣一流-冰糖雪梨汁+$7甜度適中，唔係個種假糖漿味套餐組合set $109-瘋狂牛肉面有3-4嚿牛肉，湯底香辣惹味，無撈麵咁重口但一樣咁好食😋不過朋友叫咗bb辣都覺得辣咗啲，可能有譚仔小辣嘅lv，不過麻度同辣度都有得分開揀，唔鐘意麻辣嘅可以唔叫-泡椒鳳爪 呢款小食唔使加錢，一百蚊食到咁多嘢好滿足啊～-凍檸茶 +$6-成都老冰粉

有個朋友係中環番工推介呢間辣野話好出色；我自己都好中意食辣，一於黎試下，呢度裝修真係好似去左內地食野甘；呢度有套餐叫性價比好高，分別有ABCD選項，A係面類，B係飲品，C係小食，D係甜品，可以自由配搭，呢次叫左兩個餐，都係一碗麵加飲品加一個小食A面食+B飲品+C小食 $98🐷瘋狂牛肉面面揀左正常辣度，一黎到見到碗湯好紅，飲第一啖湯覺得辣得黎好爽唔係食唔到果種辣，應該係遷就左香港人既口味；呢度既面標榜係新鮮水面，非油炸或掛面；食落去口感真係同平時既唔同，面更加有彈性，同埋唔經油炸感覺比較健康；牛肉有5，6舊，份量都唔少，牛肉食落去好腍但又唔係一夾就爛果種，呢個面好推薦👍🏻👍🏻👍🏻🐷瘋狂肥腸面+牛舌 (+$14)呢個面同樣揀左正常辣，一飲湯已經覺得好正；肥腸處理得好好，洗得好乾淨無騷味，而且腸入邊既油脂已經洗除左，口感好軟糯；加錢要左牛舌，牛舌係薄切好索湯，而且因為薄切好易咬唔會韌👍🏻👍🏻👍🏻🐷泡椒鳳爪呢個小食有3隻鳳爪，呢個係今餐最辣既食物，一入口唔算辣，但果個辣會留係舌頭愈來愈辣，但呢個小食辣得好過癮，雖然辣但又想繼續食；另外鳳爪好爽脆，好有咬口👍🏻👍🏻🐷燒椒茄子 (+$33）呢個茄子

美味精品小麴店在行人電梯旁1/ F交通方便川味也正宗、不太辣試了牛肉麵麵條也Q彈濃湯二人分享所以加了麵底再加大腸和白肉也美味，加了木耳非常爽口二位雪花啤酒！大致美味！室內装修雅致懐舊古式古香的！我見很多一位在吧枱位吃麵也舒適好坐！再加了水粉也好味的二人約三佰多中現來說抵食舒逍！享受me time 也不錯的推介!

“瘋狂肥腸面+凍檸茶+棒棒雞+成都老冰粉”($137)“瘋狂豌雜面+金桔檸檬+夫妻肺片”($127)呢間喺中環嘅瘋狂小面已經開咗好幾年以前都曾經嚟過食缽缽雞今次再嚟終於係食返碗瘋狂小面🤣叫小面全部都已經跟咗熱飲另外可按個人喜好加配特飲,小食,甜品我地點咗瘋狂肥腸麵配紅湯,瘋狂豌雜麵肥腸大大片,食落十分軟糯🐷紅湯揀咗少辣加麻,麻香十足好惹味🌶豌雜麵係重慶小面嘅其中一種豌豆帶點甜,配上濃味雜醬配合得岩岩好😚小食點咗棒棒雞🐔,夫妻肺片🐮2款都十分入味,份量都算多😋最後食返碗成都老冰粉解解辣舒服哂☺️

已經數唔到食過幾次，作為忠實回頭客，喺中環想食麻辣就非佢莫屬，今次終於輪到試下「干拌面」，跟「紅湯面」感覺好唔同，新鮮水麵，與坊間一般用乾麵來煮的，麵條更富彈性，比起湯麵更惹味，其中一個加分位係，芫茜黨表示芫茜夠新鮮份量夠多，嗯，仲要多肉！辣度方面，可以任選「麻」「辣」程度，試過幾次獨愛「小辣多麻」，醬汁香濃有麻醬風味，而且麵條掛滿了醬汁非常滋味。小吃方面，我幾鍾意泡椒鳳爪，辣到hi hi地，又幾過癮最愛點上四川的甜品冰粉「成都老涼粉」，晶凝通透，冰涼香甜且解辣，價錢合理。

<瘋狂小面> 📍中環🔸中環小價位正宗川菜 🌶️🌶️🌶️🔸廚房刀功厲害！🔪🔪🔪長期糧尾嘅窮系女子，要喺中環搵食，真係唔容易 💸 搵到一間價位大概$100嘅川菜餐廳，月底黎講就如救人一命，勝造七級浮屠 🤭🤭🤭$109 包前菜、主菜、甜品同飲品，中環區嚟講都算抵食！餐廳環境闊落，都頗多同胞幫襯，感覺正宗 🌶️🌶️🌶️酸辣粉 — 正宗四川口味，弱弱的我只夠膽叫小辣中麻 🤭 湯底香濃，小辣其實已經都好夠！！！食到我標眼水 🥹 （果然我唔係辣妹子嘅料子）我揀咗牛舌 + 肥腸，廚房師傅多工十分之厲害 🔪🔪🔪 輕盈嘅肉肉十分之容易入口，好刀功令到牛舌一啲都唔會韌，入口稔稔，有鬆化的感覺。瘋狂擔擔面 — 隔籬飯香 🤣🤣🤣 試咗一啖朋友嘅擔擔麵，十分之有彈性！加上佢秘製嘅調味，好香口！😋 人哋碗麵我唔敢食太多，下次等我都叫番個試下先～ 辣到我流晒眼水（冇鬼用的我）🤭，好彩有叫碗冰粉舒緩一下 🧊 酸酸甜甜嘅調味。

中環呢間瘋狂小面係小編以前返工午餐最愛之一，皆因佢個辣真係夠過癮同真係好夠辣🤩今次重遊故地，再一次點左佢啦既瘋狂小麵面套餐組合。瘋狂肥腸面真係無得輸！肥腸爽口彈牙，仲處理得非常之乾淨！呢一點真係要讚！今次湯底揀咗小辣，冇揀到麻辣，淨係小辣已經非常之惹味。仲加$9要咗隻滷水蛋，同樣做得非常入味出色。之前一路想食但冇機會，今次就特登叫左成都老冰粉，原來呢個成都甜品係好特別，外表似啫喱，每舀一羹都有一d其他配料例如杞子、芝麻等等，識落原來係好夾㗎喎！的確幾特別又有驚喜！羅漢果冬瓜茶用料十足，羅漢果味非常之出，有種幫咗我消熱氣嘅感覺！哈哈😆💥 瘋狂小面 (佳德商業大廈) 📍 中環士丹利街66-72號佳德商業大廈1樓美食 #香港美食 #吃貨 #相機食先 #tagforfood #foodie #foodlover #hkrestaurant #gastronomy#hkigfood #hkfood #hkfoodpic #hkfoodstagram #hkfoodshare #hkfoodlover #hkfoodie #hongkong #hongkongfood #hkig#hkgirl #

瘋狂小面但麵不少！想試呢間好一陣子～今次終於可以去試下🤓▪️番茄煎蛋麵佢唔係煎蛋，係炸蛋，所以皮很酥脆。蛋幾大舊，仲有兩隻，不錯！入面都好多蠔菇🍄麵都幾好味，幾彈牙，唔會太軟腍，仲保持啲口感。湯底我覺得其他應該會好啲。▪️瘋狂牛肉麵加了$9多隻滷蛋！因為浸落湯到，個滷蛋都有啲麻味，唔錯！▪️蒜蓉青瓜青瓜不嬲都好鍾意🤓▪️木耳個木耳應該係加了花椒，花椒味幾濃幾入味，所以可能會覺得有啲辣又麻麻地！

黎到中環晏晝一班人食飯有咩選擇好呢？當然係呢黎間瘋狂小面食成都野之餘又係上樓舖方便一班人食野易搵位啦😎😎食佢個餐a+b+c+d 都係百拎蚊度 真係超抵食☺️推薦廚師推介碗豆麵+肥腸麵 同 成都老冰粉 真係帶幾多個朋友都一致讚好呀😂😂👍🏻👍🏻果然係中環性價比高之選呀呀呀‼️‼️

位置喺春回堂涼茶隔離商業大廈1樓，下晝2點過咗放飯繁忙時間比較少客，地方算大，枱頭仲有用緊隔板👀見餐單推薦乾撈豌雜麵同肥腸面，掙扎咗陣最後決定食「瘋狂豌雜麵」，未食過，試吓😙BB辣，麵上主角係豌豆同雜醬肉末，雜醬味道好濃，鹹香中帶少少辣，入口綿沙，豌豆清甜剛好降低重鹹嘅雜醬；麵條掛湯力強，將雜醬、豌豆、蔥花、花生、榨菜粒撈勻後口味豐富；「蒜泥青瓜」爽脆入味🥒「成都老涼粉」有花生芝麻提子乾山楂粒，拌糖水微甜🍨質地清涼爽滑

score 總分： 75至80第一次睇到這個名，心諗 “睇黎個老闆都幾有“性格”喎”。點知一去到，鋪面又冇咩特別咋喎......又有幾瘋狂呀？咪吹大喎，等我試下你有幾狂野！？外表只是一碗普通“那炸麵”，點知一咬上“頂呀！按你個肚臍機關制”，一食就真心“瘋狂”愛上佢。講堅，出乎意料之外嘅好味道。完全冇諗過比一般麵館好食咁多。點解會愛上佢？咩愛有得解釋架咩？我有！ 係因為佢夠“野味，夠辣！火辣得黎又令人上引” 食得少少辣辣嘅人就會明白一個道理。。。。咁q辣嘅! 但又真係幾好味喎！ 你話瘋唔瘋狂？直頭自虐狂啦～再加上中環區，性價比真係冇得頂，無敵啦～玩晒！