番茄師兄

营业中

休息中

下午茶時間經過 叫左個蕃茄四寶米線 職員話我知下午茶有飲品送 本來以為送檸茶檸水 原來送自家制健康飲品 個樽仲好靚架成間舖頭裝修好醒神 好襯蕃茄主題 所有餐具都襯番晒 好有心思 最緊要係野食 蕃茄湯好好飲 好濃蕃茄味 職員話所有食物都係天然 即刻覺得超值 本人好怕出街食 因為怕味精 怕垃圾食物 佢個湯底好味得尼食完唔口渴 好難得有餐廳肯落本 佢四寶丸都唔差架 一分錢一分貨啦 比多少少食得健康都係值得架個飲品係蜂蜜冷泡茶 平時買杯台式野飲都幾十蚊杯 下午茶有得送覺得好抵呀 清清地 味道唔化學希望下次試埋其他野 好多慢煮小食都想試呀 如果有蕃茄撈麵就好喇

開頭經過見到佢鋪頭名幾特別，所以去左試下有幾特別，試後感覺唔錯，一流既番茄湯底..新鮮的食材，飲品唔會似坊間只得汽水和一般水吧的飲品，是指定師兄3款特飲，環境唔錯，值得再去👍🏻☺

深水埗一向都有好多特色小店，番茄師兄是一間裝修清新年輕、乾淨、舒適和老闆番茄師兄親自主理的特色麵店。我本身都好鐘意食番茄湯，華嫂、星座等等，全部都食過。 一向最愛吃華嫂的番茄湯出前一丁，但吃過番茄師兄後，我覺得不論味道、用料和食材質素都比華嫂更勝一籌！首先，番茄師兄個番茄湯不但有好新鮮的茄味，湯的質感係番茄蓉加濃郁的鮮牛味，聽老闆說他們的湯底每日用牛骨煲三四小時，這種做法是全港首創，口感和味道都一流。同華嫂相比，華嫂鮮茄味好出色，但番茄師兄的湯底複雜性和味道口感更皆（番茄師兄就好似法國波爾多左岸嘅紅酒，而華嫂就係新世界嘅澳洲酒）！我點了一個叫犇犇有禮的湯烏冬，其實是以不同部位的牛肉湯烏冬。 我問過職員，職員解釋過這是*扇古牛*的不同部位（講完都唔知咩黎），我淨係記得其中一塊叫崩沙腩。因為每一舊都唔同部位，所以口感都各有不同，食得出係生鮮牛肉，非常鮮味！！我另外點左一碟70度慢煮瑞士汁麻辣雞翼。可能用慢煮的關係，雞翼很滑，可惜麻辣味不夠，要再加麻辣汁才夠味，老闆説他會再改良。希望下次再食會有驚喜！另外試業期間，送了兩款小食，有炸魚片頭+蝦條和紫菜墨魚丸。 相比尖沙咀雞記做得更出色，一食就

最初知道番茄師兄（簡稱「師兄」），是由師兄收舖裝修開始，由於師兄裝修選材料、嚴選食材做菜式的透明度高，感覺自己亦參與其中，自然對師兄的誕生相當期待。從師兄Facebook 得知「騸牯牛」（第一次聽這種牛），更加驅使我想吃的慾望，今天趁著下午放假便來了找師兄。紅色是師兄的主色，很搶眼，店的面積雖然不大但很光猛簡約，坐位不會很迫，我很喜歡紅色番茄logo及牆上的牛。我叫了三項：一. 犇犇有禮，如餐單上的說明：騸牯牛面頰、牛坑腩、崩沙腩加上番茄濃湯，先喝一口番茄湯，味道濃郁番茄味很豐富，師兄説番茄湯每天早上要煮三至四小時的，再吃腩及面頰，很軟口，而且材料給的也不少。二. 炸墨魚丸，有口感及彈牙，不錯。三. 熱桂圓紅棗桑寄生茶，很足料味道真的很適合女仕們啊！絕對值得再來。

同三五知己約食飯, 幾個麻甩仔都鍾意食番茄,咁唔使諗梗係Keyword search下"番茄"兩個字啦！大家都想試下呢間新嘢！所以就決定幫襯下呢位師兄啦！巴打們都知道番茄有番茄紅素對人體幾咁有益㗎啦！不過我哋食嘅係佢嘅味道同埋服務,首先,個湯底係唔錯嘅！無乜花巧嘢,只有濃濃嘅番茄味👍我就係想食番茄之嘛！小食方面就無乜特出!但都算合格嘅！係個麻辣瑞士汁雞翼較特別!我揀咗"犇犇有禮",而朋友分別揀了"豚豚圓圓"同"一貝子"!豬頸肉我不嬲唔食但試過豚豚圓圓件豬頸肉又幾爽口喎！一貝子啲花甲同帶子都好新鮮,不過我個人覺得花甲啲鮮味有少少搶過咗啲帶子!飲品選擇唔算多, 但各有特式,雪梨檸檬清新!其他無試到!食物價錢合理!食物對得住個價錢👍

材料新鮮，蕃茄控必選，牛肉及魚片頭是必選的飲品特別老闆殷勤有禮，還不時查問有冇嘢需要改善。環境不錯，地方易找，交通方便值得支持的食點，非常有誠意。值得再次一試。

早兩日行過見到新開張，望入去裝修簡約而且本身是一位牛痴😬所以便進店一試。點了一碗犇犇有禮和雪梨露。先講吓碗麵番茄🍅湯底味道濃郁，牛肉好似話係三個不同部位，講真唔太識分😅但食落真係好有鮮牛肉味。而雪梨露真係真材實料超出預期😋絕對唔似市面一般雪梨水。值得一試👍🏼見啲樓面姐姐都好好招呼，食食吓有個男人埋嚟問吓對啲食物質素有咩意見。可能新開張想睇吓食客反應啦！小弟比咗啲意見佢建議可以增加小食嘅款式。

麵食-出奇制勝超乎水凖嘅番茄湯底，配以精心炮製嘅慢煮牛坑腩，崩沙腩及牛面頰，一次滿足你三個願望。小食-回味無窮可以品嚐到遠近馳名學利魚蛋嘅出品，有魚片頭及墨魚條等等當然少不了師兄嘅獨門秘方麻辣雞中翼，不自覺地食完一隻又一隻！飲料-用心製作能夠飲到自家製嘅飮料，既健康又解渴。當中桂圓紅棗桑寄生茶及檸檬雪梨露都係每日鲜製，老幼咸宜。

雖然唔係食過好多番茄湯底嘅餐廳。當知道深水埗開咗間以番茄湯底作主打嘅食店，先被鮮明的logo吸引住，再細心睇埋餐單，立刻被其中一道菜式嘅名稱被考起，原來「犇犇有禮」的「犇」音「賓」，相當有意思。由於與朋友一起來，所以餐單上嘅食物全叫了，看着一碗香氣四溢嘅食物，已按奈不住拿起筷子，烏冬與番茄湯十分夾，番茄湯底看得出用料十足，唔似坊間嘅硬酸味，使我忍不住喝起湯來，牛腩雖然唔肥但夠腍，順帶一提「豚豚圓圓」係慢煮州出來，好嫩。至於小食方面，我最喜歡「70度慢煮麻辣瑞士汁雞翼」，我哋安哥了兩碟，如果再辣一點更好。還有飲品也不錯，在夏天一邊食一邊飲，暑氣全消。

記得五月尾的時候， 曾經在街頭接過此店派發傳單和濕紙巾，並預告六月中試業。今天再次路經此地，已經看見大門口掛上了營業中的木牌，店內面積不算太大，裝潢和顏色配搭很有年青和簡約的感覺。店內主打五款蕃茄湯麵和一些炸物小食，可能老闆想給人一種專注做好蕃茄湯的印象吧！點了一客＂一貝子＂拉麵， 其實是花甲和帶子的蕃茄湯麵，也點了慢煮麻辣瑞士汁雞翼和沙爹豬腩肉各一份。＂一貝子＂拉麵的花甲很鮮味，帶子也比一般的厚身，問過老闆原來帶子是平日我們用作刺身食用的那一款北海道刺身級帶子。蕃茄湯不會太稀，有一點點蕃茄茸令口感更好，最重要飲完唔會口渴。慢煮瑞士汁雞翼甜中帶有點點麻辣的香味，算是不錯的嘗試，若果雞中翼尺寸可以細一點，口感可能會更好！ 最令人一試難忘的是慢煮沙爹豬腩肉，肉質軟滑，用入口融用來形容好像誇張了一點，但其實也差不多了！ 惹味的沙嗲醬與之配合得非常好。原來試業期間惠顧會奉送一支飲品，我選擇了這一支叫做信陽毛尖蜂蜜冷泡茶，淡淡綠茶的清香配上蜂蜜的味道，感覺很fresh！老實說，店內食物的價錢不可說是便宜，甚至有點兒昂貴，但是我相信價錢會在食材上反映出來的！畢竟在現今物價高漲的時代，食一個麥Ｘ勞正