番茄師兄

营业中

休息中

今日又係深水埗度出沒，之前搵過一間係深水埗食番茄麵嘅好似好正咁，而我同我女朋友又係番茄迷咁梗係要去試一試啦。一坐低見到間鋪頭嘅裝修都幾新穎，牆上邊嘅木製餐牌又幾別緻。睇完餐牌之後我就叫咗個犇犇有禮嘅牛肉麵，而女朋友呢就叫咗個四寶丸番茄湯濃湯，見到佢有個麻辣瑞士雞翼幾特別又叫埋佢，仲加左個炸魚片頭同埋叫左兩杯野飲，檸檬雪梨露同桂圓紅棗桑寄生茶。先講個犇犇有禮牛肉麵，食落都幾有牛味但係有啲部位就有少少鞋，個番茄湯底如果再濃少少就好啦同埋如果有啲蕃茄容喺入邊嘅話咁就冇得頂。反而個麻辣雞翼就真係有啲驚喜，係出面食唔到呢個小小麻辣又有瑞士雞翼既sweat sweat味道。個四寶丸就正常嘢啦冇乜特別。反而個檸檬雪梨路都幾出色， 女朋友都爭住飲我個杯唔記得咗飲自己個杯野。總括來講如果係蕃茄控休又行開深水埗嘅話都可以去試吓呢間鋪頭㗎。

平時屋企都有煮開番茄湯麵, 聽到依間用番茄湯底做招徠一直好想拜訪 🍅 店鋪裝潢光猛簡潔, 坐得都好舒服呀, 餐牌有中英文, 選擇精而不多 由於主要想試一試個湯底, 我揀左最經濟嘅滑一滑 $48, 有騸牯牛, 炒滑蛋同蕃茄濃湯麵首先個蛋炒得真係幾滑身, 湯底望落好濃郁, 如果真係無落茄膏或其他色素味精來說, 都幾夠味.. 至於個烏冬我覺得一般般, 騸牯牛抵讚好味, 唯份量少左d 得幾塊 ~ 如果唔夠湯可以免費加湯 ! 雖然未至於番尋味but久唔久食下都無防嘅 ..

這地方由深水埗地鐵站A2出口行去，環境一般，這店很光猛，設計簡單而很舒服。很喜歡番茄湯底真材實料，沒有味精，非常好飲😍😍 麵條可選麵線或烏冬，我和丈夫各自選這兩項，都覺得烏冬較為好食，可惜份量可以加多少少。我們選了「滑一滑」和「犇犇有禮」，牛肉都很滑，很好食。那放在枱上的「麻辣鮮露」非常好味👍👍👍👍喜歡辣的可以加上試試。至於飲品，「檸檬雪梨露」非常好飲👍👍👍👍值得再飲，另外，「桂圓紅棗桑寄生茶」也是不錯👍我們也加了一個小食「78度慢煮沙爹豬腩肉」，感覺沒有沙嗲味。最特別是老闆Matthew 向我們每枱打招呼推介食物😁

🍅🍅🍅🍅🍅可以話有小驚喜呀新開一會兒餐廳裝潢不錯呀幾warm既感覺，餐牌仲有中英對照🤓👉🏿#一貝子 HKD68每個item都有用到材料既名尼起的確夠哂特別呀😛一貝子係用左新鮮花甲加帶子同埋重點係個蕃茄濃湯喔🤗面底仲可以揀係米線拉麵定係烏冬💁🏽‍♀️今次就揀左米線，唔會好濟不錯吃喔😍花甲的確好新鮮，真係仲要果陣海鮮鮮味正，不過帶子就冇咩特別啦😋最重要當然係個濃湯啦正呀，超足料呀好濃味好似成個湯底都係蕃茄碎😂👉🏿 #信陽毛尖蜂蜜冷泡茶 HKD18 尼度幾款飲品都係用玻璃樽裝既幾有心思架，個茶淡淡的味道同個湯完全相反，一濃一淡不錯呀，而且個茶香好重仲有小小蜂蜜不錯不錯🤤總體尼講不過不失啦🤗

一向鐘意試食蕃茄湯底嘅食物，黃昏經過見到呢間蕃茄師兄見唔多人，諗住晚上黎食。七點幾去到已經差啲座無虛席，好彩行得快，唔使排隊！一貝子，花甲新鮮，帶子始終係雪藏，味道冇特別，不過海鮮配番茄湯，海鮮不是太出色，反而點上麻辣醬更加好味。湯底番茄唔係太濃，反而食落有住家feel，好舒服新鮮騙牯牛筋肉碎番茄濃湯，以為只係牛筋，原來啖啖肉，蕃茄湯配牛，好夾👍🏻70度慢煮麻辣瑞士汁雞中翼，一咬落口淡淡麻辣味，少有瑞士汁嘅甜味，不得不讚雞肉好嫩滑學利魚蛋出品嘅炸紫菜墨魚丸，不至於難食但無甚特別！檸檬雪梨露（自家製）飲落一啲都唔甜，啱晒唔鍾意飲甜野嘅人，淡淡的檸檬皮香味，略嫌太多渣鍾意食辣嘅人，可以試吓呢兩個醬，兩個混埋一齊會好味啲餐單簡單環境乾淨整潔埋單價錢

喺某飲食谷內見好多人去試過話唔錯！過咗一排行過就去試吓。滑嘟嘟-牛柳加炒蛋蕃茄湯底烏冬—蕃茄湯底味道偏鹹，唔明有人點解可以食到加湯？如果以呢個連渣形成出現就叫濃湯的話，我寧願返去勝香園。炒蛋就正常炒蛋，牛柳碎到五毫子咁嘅size，可以食得出咩呢？烏冬有人覺得咁叫咽靱有咬口，我會叫呢種做未煮熟。你估而家食意粉Al Dente 呀？慢煮雞翼—慢到從來無出現過。凍檸檬雪梨露—賣晒喎！無論廚房同樓面都嚴重欠缺人手！下午兩點入座，等咗十分鐘執檯落單，落完單又等多廿分鐘.....樓面行過嚟唔好意思你頭先叫咗乜嘢？眼見遲過我坐低嘅都食緊。到全場得返五個客，等多十分鐘走埋嚟講雞翼又賣晒要等。好老實你碗嘢幾好食都無用，更何況只係咁嘅貨仔。吹到點用心做又如何？

個人是番茄迷 對此絕對失望 羅宋湯底 d麵質夠彈牙 但唔入味 似就咁淋上去 犇犇有禮 d牛好食 夠林 高水質 可以改賣牛坑腩河 加上佢有提供麻辣鮮露 配湯河真係一流所以依間店打正旗號係番茄湯就劣評了 仲要等廿分鐘先煮到碗野出黎 牛應該一早蚊好 湯反正都係淋上去....

朋友話喺Facebook見到有個page介紹蕃茄師兄好想試，所以今日lunch Time就去咗拜訪下佢喇 我哋都算早，所以唔使排隊 坐低左冇幾耐就開始大排長龍喇 70度慢煮麻辣瑞士汁雞中翼：麻辣汁同瑞士汁好夾，好好味 滑一滑：蕃茄湯好足料，好多番茄碎，蕃茄味濃，但係唔係好鮮甜，唔算特別出色。滑蛋同牛肉嘅質素比茶餐廳好，但冇乜特別。烏冬普通。豚豚圓圓：豬頸肉爽口，腩肉有啲鞋。米線煮得啱啱好，好煙韌。總括來講食物質素正常，服務普通，但係如果以番茄湯作為噱頭就未算出色，而且價錢略貴。

行深水埗經過見到間食番茄湯米線既餐廳，因本人中意食番茄米線所以入左去食，餐廳裝修幾乾淨幾光猛，侍應介紹叫左個犇犇有禮同炸墨魚蝦條，牛好足料炸墨魚蝦條一個字正下次會再黎

世界盃呢段時間，男朋友放工之後就即刻返屋企訓覺再較時間起身睇波，咁一於搵埋個好姐妹行街食好野。話說深水埗係臥虎藏龍之地，今日唔想食小食亦都唔想食車仔麵，就同好姐妹黎到深水埗食Ｄ野就去行街睇戲，黎到基隆街見到有間好光猛既餐廳，離遠隱約見到有個番茄既標誌幾Cutie，就行去睇下。我地買左7點45飛，大約6點鐘我地就已經黎到，亦都好好彩有枱家庭客食完，可以先安排係四人座，當然兩個人坐四人座位我地都預左有人坐隔離，無問題，我地黎食野啫，一入門口就已經俾淡淡既番茄味道吸引住。食咩之前都係食左個環境先，一入到去冷氣夠，天氣咁熱入到去有陣涼風吹送，好涼快。枱櫈擺位都幾有心思，有啲櫈紅色，有啲橙色有啲黃色，又有兩部電視，而家去餐廳有得俾你一路食，一路有電視送飯真係越來越少，佢地會驚客人唔願走死都唔開，反而呢度可以俾你睇到夠為止，又有歌聽下，全程舒服。呢度主打既係番茄湯底，當然要試啦。有五個番茄麵，個個名都好有心思：滑一滑，豚豚圓圓，犇犇有禮，鮮氣逼人同埋一貝子，麵底可以選米線﹑拉麵或者烏冬。我地兩個點左一碗犇犇有禮拉麵（牛面頰， 崩沙腩，牛坑腩），兩碗對我地兩個黎講太多了，加D小食: 慢煮麻辣瑞士雞翼

在深水埗的晚上，初嘗番茄湯底，但味道很一般。我和家人二人各點了犇犇及帶子的烏冬及米線，海鮮雖清甜，番茄湯內有番茄粒，但只有普通番茄味，沒有想像中出色，湯中的米線則全不入味，而且烏冬亦帶點酸味，令人失望。店舖沒有任何套餐，只設單點，惠顧番茄麵亦不會有任何優惠餐飲加配。要另以最平$18單點，但飲品質素亦非常一般。配以中價麵，需約$80一人，在深水埗的平價美食中相比實在太貴。環境尚算平靜，座位亦尚算舒適，整體平平無奇，物非所值。

番茄湯夠濃郁，食物新鮮。嗌咗滑一滑、一貝子，同埋麻辣瑞士汁雞翼。食物名稱好有心思。個雞翼好香，麻而不太辣。職員服務都友善。最驚喜係個麻辣鮮露，加落蕃茄湯好夾！我同女朋友都食得好開心。

周日下午去試深水埗新開食肆，餐廳以蕃茄濃湯為賣點，和友人點了犇犇有禮和豚豚圓圓。選了米線，好硬，有好多條都似未煮透，要求店員更換。犇犇（$78）有三款牛肉，崩沙腩太騷、牛坑腩好韌、牛面頰ok; 豚豚（$58）裡面豬頸肉林到一d 口感都無，食唔出係豬頸肉，豬腩肉d 肥膏太多；蕃茄濃湯都可接受，係幾濃，同埋算無乜味精。店內另有特式飲品，叫左一樽檸檬雪梨露（$18）,酸甜適中，有好多雪梨肉，都幾好味但喺深水埗區黎講，咁嘅價錢質素，去一次試過就算，唔會再去。

全力支持番茄師兄。上星期放工去支持番茄師兄，試一試佢嘅 signature 番茄湯底。同老闆 Matthew傾計， 真心佩服佢跳出自己嘅comfort zone，為了完成自己煮嘢食開餐廳嘅夢想。試咗佢嘅犇犇有禮（音：彬彬有禮）同不同既小食犇犇有禮：一碗麵有齊崩沙腩，牛面珠登， 牛坑腩。老闆不計成本去買入騸牯牛，原因係呢種牛嘅牛味更加好味。 到底乜嘢係騸牯牛？ 大家可以親自去小店食嘢嘅時候問老闆吧！ 老闆好好人，好鍾意同食客傾偈交流意見， 同煮食心得。一般坊間用嘅蕃茄湯底都係用豬骨去煮，但番茄師兄嘅蕃茄湯底係用牛去做湯底。 所以當你細緻啲去品嚐個湯底嘅時候會飲到有牛味。 成碗烏冬食完，飲埋個湯都完全冇口渴嘅感覺，證明淡淡真材實料，心機作品！小食： 78度慢煮沙爹豬腩肉使用新鮮嘅豬肉煮熟之後再用輕燒嘅方式完成， 豬肉好淋， 又會食到少少烤過嘅味道。 再配上小小嘅沙爹醬調味，非常好食，一流，必試！飲品：全店嘅飲品都係自家製造出面冇得賣。檸檬雪梨露呢款飲品非常有料！鍾意多料嘅你必定要試，是於店內人氣飲品No1. 個人比較surprise同喜歡嘅飲品： 信陽毛尖蜂蜜冷泡茶。清淡嘅茶底配上小小嘅蜂

一點半左右黎到，都唔算太多人，不過後尾越座越多，同埋覺得冷氣唔夠叫左一貝子米線 $68 ,有蜆啦，兩粒帶子，兩樣野都幾鮮味湯底好濃蕃茄可以飲埋D湯犇犇有禮配左烏冬$78 , D牛就唔夠好淋，不過味道都還可以！小食叫左78度慢煮沙嗲豬腩肉 $28,真係無乜特別唔覺得特別好食，沙嗲汁好少好少，仲有檯面上的辣鮮露反而仲惹味炸魚片頭 $24同炸腐皮墨魚蝦條 $24,都係好普通，麻麻地其實呢三個小食唔叫都無咩所謂反而想試下個雞翼，但又話買晒了！不過埋單時又聽到有番雞翼飲品就叫左檸檬雪梨露，都幾好味個樽都幾靚，同埋飲落去仲有粒粒既渣甘！唔錯呢餐甘就食左$240了