番茄師兄

营业中

休息中

身為深水埗街坊嘅我最鍾意係本區捐窿捐罅搵好嘢食，前排係深水埗基隆街開咗一間叫做番茄兄弟的麵店， 顧名思義梗係食番茄啦。我都好鍾意食蕃茄，而且我仲都係一名牛魔王，我見到佢哋有一個犇犇有禮嘅麵，有番茄湯底同三款不同部位嘅牛肉，見都即點啦～佢哋嘅牛係用新鮮騸牯的，有牛面頰、牛坑腩同崩沙腩。真係可以叫做牛牛牛呀～而且份量十足，每件牛都好新鮮，肉質腍嫩，非常入味。佢哋最好食嘅係烏冬麵底，勁彈牙。小食方面，就叫咗個70度慢煮麻辣瑞士汁雞中翼，雞中翼好大隻，仲好肥美，經慢煮後更滑同入味，微微嘅麻辣，瑞士汁帶甜，甜中有辣，令人相當過癮。飲品方面，就飲咗檸檬雪梨露，有份好窩心的感覺，因為呢樽雪梨露是代表師兄對母親情懷，當師兄回家他媽媽就會煲檸檬雪梨露，有好愛呀。味道方面雪梨好清甜，裡面嘅檸檬酸酸地更醒胃，材料十足，聽說製作功夫都很多及花時間，師兄仲要堅持天天新鮮製造，真心佩服。嚟緊聽師兄講，將會再推出其他新食物，很期待下次再來臨是有新驚喜。

上網見到有間新開主打牛同番茄既小店，即刻就約左朋友去食，可惜太夜去到賣剩牛面頰.....無辦法下就唯有叫左個牛面頰上海麵，滑牛炒蛋麵同麻速瑞士雞翼。牛面頰味道唔差，夠曬軟淋亦都不失牛味。但可惜既係份量太少，就算將賣曬既牛坑腩同崩沙腩轉做牛面頰，加埋成碗麵都係得5塊... 而上海麵亦都浸到淋曬，番茄味唔突出之餘亦都失去口感。滑牛炒蛋麵就比較出色，牛肉有口感有牛味，食得出唔係普通傾色，但朋友亦都覺得上海麵始終都係浸得太淋，扣左唔小分。麻辣瑞士雞翼可算係失敗之作，就算雞翼肥美，但係只係得個甜字，完美食唔出麻辣既味道，本來有點期待甜+麻辣會擦出新火花，但係事實上並不如意。

之前睇左網上短片介紹而去, 一直諗住牛腩會好味，點知其他野食更有surprise .必點：1） 檸檬雪梨飲不過我飲熱嘅，味道有驚喜, 有d 咸檸檬嘅感覺2） 一貝子聖子夠新鮮，所以加晒分。帶子都ok 嘅湯底：都ok, 因為我加左芝士 n 雞蛋，個湯底因而有d 似尖沙咀星座冰室個蕃茄湯底一般般：1) chicken wing - 唔夠麻2) 犇犇是道 - 當日牛腩唔夠熱，味道口感無咩驚喜建議：加芝士！真係好味d wo 回頭率：值得黎試下，味道不錯，但唔係屬於回頭率好高個d, 屬可間中黎食一下

同男朋友去深水埗睇影相野，大約2點30左右行經過番茄師兄，見到呢間鋪都幾旺場下，於是就走左入去食我地ge午餐。 鋪入面ge裝潢簡約，以白色、紅色同木紋做佈置，唔難令你聯想到番茄ge鮮紅。坐定定睇下張Menu，唔知系咪因為呢區都多遊客，所以餐單有中文同英文版本，真系貼心。呢度湯麵主打系番茄濃湯湯底，店家幫我地落單時，好細心咁問一問我地有無對牛敏感，因為佢地ge湯底系用牛肉去熬，真系敏感ge人佢地可以轉做魚湯湯底，仲講明無咁足料，XDD雖然自己踩自己，但我欣賞佢地ge誠實。我叫左鮮氣迫人($88)配米線，上臺就知佢湯底十分充料，果湯番茄味濃郁，濃得黎唔會太傑撻撻連湯都飲唔到，食落口無口渴ge 感覺，應該無落味精。入面有鮑魚、2只大蝦、麻辣墨魚滑，食材非常新鮮，樣樣都爽口彈牙。呢個米線ge掛湯能力唔錯，配上口濃郁ge番茄湯味，順口！味道岩岩好！男朋友叫左犇犇有禮($78)配日式拉麵，再加芝士($5)！姐非常後悔無跟男朋友呢個組合去叫，唔系我個米線唔好食，而系佢個拉麵好X好食！佢果碗有3個牛部位可以食，牛面頰、牛坑腩同崩沙腩，煮得淋本來就唔容易，仲要煮得入味就更加難，店家ge牛系真系煮得好出色

最鍾意試新嘢嘅我，聽聞深水埗開咗一間用蕃茄湯底嘅麵店，我立即急不及待去試下。星期五嘅晚上到達餐廳嘅時間比較早， 當我坐低冇幾耐 店內已經坐滿客人，一入到去就比餐廳色彩繽紛嘅餐牌食具吸引住了。 餐牌上有五款招牌麵， 包括有犇犇有禮，鮮氣逼人，一貝子，滑一滑，豚豚圓圓等等。麵底還可以選擇米線，日式拉麵或者烏冬 。小食方便佢有三種炸物可以選擇， 最吸引我就係慢煮小食， 飲品方面就係一些健康有益嘅飲料。今次我點了犇犇有禮 $78，一貝子$68， 70度慢煮麻辣瑞士汁雞中翼 $28， 鮮炸魚片頭 $24， 凍檸檬雪梨露 $18， 熱桂圓紅棗桑寄生茶 $18。 首先講下犇犇有禮，佢嘅食材係用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵咗香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿嘅蕃茄蓉，犇犇有禮 選擇咗配拉麵， 麵嘅質地彈口煙韌， 一食落口就知道係高質嘅拉麵，牛腩類有好重嘅牛味香味四溢！一貝子配米線， 超級大粒嘅花甲再加兩粒北海道帶子， 兩樣都好鮮味， 食海鮮最緊要就係夠

今日到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫。餐牌相對其他食店而言，簡單直接，只做幾種主打菜。刻有店名的木匙木筷、印有全店所有菜式的墊枱紙、帶有食店LOGO的餐碗及特飲玻璃樽，甚至中英對照的點餐紙，從各種細微處可以看出店主的心思。該名女的店小二亦十分好客熱情，向我一一講解了各款菜式的特點。慢煮麻辣雞翼，生熟度剛好，入味又嫩滑，微微麻辣味慢慢滲出，惹味而不會過辣，吃不了辣的朋友也能一嚐麻辣滋味。炸墨魚丸外層粉漿十分輕薄，肉質鮮味彈牙，趁熱食最好。梨汁啖啖果肉，具果香，甜而不膩﹔而主菜蕃茄湯烏冬，蕃茄湯非常有驚喜，濃郁有層次，香甜且帶肉類的味道，令人欲罷不能﹔而烏冬麵身煙韌，沾上蕃茄濃湯後，更加叫人食慾大振！烏冬的配菜分別是鮑魚鮮蝦不會過老或太韌，而是新鮮有彈性﹔菜式品種雖然不多，但絕不欺場，食物質量十分高，份量也不少，個人吃到最後實在因為太飽而喝不下所有蕃茄湯，覺得可惜……食店方面亦挺貼心，見客人想喝湯，會主動問客人是否需要加湯。綜上所述，十分推薦這間用心經營的食店，我亦會再次光顧！

蕃茄野呢期好似好興，好多店都加入蕃茄元素，同老彿爺點會吾試吖。走進店都幾新幾光猛，吾使等位，都ok。睇吓餐牌有咩好野先😋，點了個一貝子烏冬和䐁䐁圓上海，炸蝦腐板卷小食，檸檬雪梨露，杞元紅棗茶。先來了小吃，炸蝦腐皮卷，吾錯喎，熱辣辣，脆卜卜，夠香口，有蝦味，不錯。跟手黎個一貝子烏冬，睇賣相都伏伏地，4隻蜆?!帶子白過鬼，冇黎色水，同相片中完全两碼子，賣相即時~~頂。味道嘛~~~~再頂，蜆，帶子係冇味嘅，烏冬同上海面一樣粗，咩烏冬黎?!諗住你重點係湯頭，同罐頭金寶冇分別，金寶湯仲好飲。再黎䐁豚圓圓上海面，隻豬都該幾肥吓，d肥豬白肉厚到呢！老佛爺食到媽媽聲!飲品都還可以， 檸檬雪梨幾好，紅棗茶一般，加5元有個樽，因我平時隨身的膠水樽剛爛了，當買個用，但原來好重吓，該吾會用了。埋單計埋後加的一枝飲單，210蚊，都算貴，仲要咁嘅質素，烏冬不似烏冬，你比個讚岐烏冬我都算你，湯頭似罐頭湯，貝類急凍冇味，感覺係食住潮流，將現成用料配搭在一起，食不出任何烹飪嘅誠意。

深水埗真係日日有新發現，路過呢間店，俾個店名吸引咗我呢個求知欲好強嘅人。店名有冇寫錯先？究竟係番茄定蕃茄？ 就係咁走咗入去食嘢睇下可唔可以搵出答案。入到去就俾佢嘅食物名稱吸引住；一貝子、犇犇有禮、豚豚圓圓、鮮氣逼人。睇得出店主下了一番心思，有意思。再睇清楚牆上介紹牛部份的海報騸•牯•牛⋯⋯What”s that? 我第一次聽，又見到餐牌有「慢煮」小食，下？呢啲小店都搞「慢煮」？ 於是我同朋友一人叫一碗犇犇有禮，試下呢款牛係乜東東芫荽蔥，再試埋佢嘅慢煮麻辣瑞士汁雞翼。番茄湯底非常濃郁（食到一半仲可以添加），仲見到茄肉，睇得出、食得出、聞得出用新鮮番茄熬制而成，牛係用牛面頰、崩沙腩、牛坑腩組成。食一碗麵咬出三個層次嘅牛，牛味濃，相信呢下就係騸牯牛出色嘅地方，好食，大滿足啊！麵底暫時只有米線、日式拉麵、烏冬選擇，識揀麵底一定要揀烏冬，因為烏冬先能吸收番茄湯底嘅精華。如果可以有通粉或者意粉就好喇，希望店主考慮下加入呢兩個選擇。到小食，慢煮瑞士汁麻辣雞翼，我個人認為可以再麻d同辣d, 但70度慢煮控制得好好，入味得嚟d肉唔会實哂，d肉仲好嫩滑，呢d就係慢煮嘅奧妙！另外我特別欣賞此店係冇奶茶咖啡檸

今晚食個早飯，六點多就黎到餐廳，未開始要排隊！整間餐廳都用蕃茄色去裝潢，蕃茄控可以4D咁去feel 下番茄大來的歡樂！服務又好貼心，有籃子放在櫈下，給客人放袋子，可以食得舒服D!我和老公都十分喜愛食牛，所以叫了一碗犇犇有禮配烏冬，和一碗期間限定的牛筋肉碎拉麵！犇犇有禮有牛臉頰和牛坑腩，煮得真係好冧，番茄湯底好濃郁，一定要飲晒啲湯！牛筋肉碎都好冧，有少少筋位，有口感！至於檸檬雪梨飲品，有粒粒雪梨，不太甜，非常正！之後有人想奶，都賣晒啦，好搶手！

聞名前往點了番茄牛肉麵，麵身、湯頭和牛肉嚐起來是各自獨立的個體，不熱不冷的切塊牛肉並沒有吸收番茄湯的精華，麵條感覺也是另外煮熟後放入番茄湯，入口時毫無番茄香味，因此未能融合完美呈現出一碗番茄牛肉麵😤⋯⋯

一入去環境O K，叫左個犇犇有禮拉麵，其實係牛三宝麵，牛腩等我覺普普通通。番茄湯底夠濃夠味不錯，我反而最喜歡飲品檸檬雪梨露，堂飲十八蚊，連好靚嘅外賣樽加五蚊，員工服務好，下次試其它先

星期六例多人，等咗大約半小時入坐。以新鮮蕃茄濃湯底配牛是賣點。我地點咗：✩✩滑一滑 - 炒蛋鮮牛蕃茄湯米線要說湯味是足夠蕃茄蓉再添上幾嚿原瓣蕃茄，視覺口感都係足料蕃茄蓉，但味覺又好誠實咁話你知又唔係好濃，調味又偏淡，對於偏愛重口味嘅我總係覺得到喉唔到肺......鮮牛算淋，但都有少少根咬唔爛，不過份量多就加分！.✩✩✩犇犇有禮 - 騙牯牛臉額、牛坑腩、崩沙腩，蕃茄濃湯米線牛腩類做得比鮮牛出色，牛味故然較鮮牛重啲，重點唔韌，我覺得比鮮牛好食，但價錢又太貴......食完你會覺得唔值呢個價。.米線偏淋，無彈牙亦無口感可言，或者都focus咗蕃茄湯底和牛肉上，只要個麵底唔特別難食，都唔會有特別感覺。.枱上有二樽鮮露，麻辣鮮露和辣鮮露，重口味嘅我當然要落啲試下，嗰隻辣鮮露真係救咗成碗嘢，即時提升咗全碗嘅味道，如果無咗嗰樽嘢，我會覺得麻麻地，但落咗鮮露就覺得還可以啦～諷刺嘅係鮮露已經完美咁奪走咗蕃茄湯嘅味道.......✩信陽毛尖蜂蜜冷泡茶冷泡茶好遺憾唔係我杯茶，類似壽眉啲friend

番茄師兄湯麵專門店主理人專心鑽研番茄湯底，坊間多用豬骨熬製，而番茄師兄則用牛腩及牛骨天天新鮮熬煮，加入大量番茄，啖啖番茄蓉，沒有任何添加劑，可以放心飲用，當天早利亞幾乎飲盡也沒有口渴感。師兄喜歡研究飲食，食材用料講究，專誠到屯門蝴蝶邨跟牛皇「莫景雄先生」訂「騸牯牛」，今天我點了「滑一滑」就是用了新鮮騸牯滑牛片，口感跟雪藏肥牛是兩碼子事。餐牌上另有4款番茄湯麵，「犇犇有禮」用了騸牯牛三個不同部位－面頰、坑腩及崩沙腩。「豚豚圓圓」則是慢煮豬腩肉及豬頸肉，「鮮氣逼人」包括新鮮鮑魚、大蝦及麻辣墨魚滑，「一貝子」用刺身級帶子加新鮮花甲，想像到鮮味非常，下次要試。 番茄師兄另一賣點是每天新鮮自製的飲品，包括有桂圓紅棗桑寄生茶、檸檬雪梨露及信陽毛尖蜂蜜泠泡茶，有熱有凍，沒有多餘糖份，最緊要正氣。 師兄初次開店，希望跟大家分享他心中的美食，所以用料有要求，雖然仍有進步空間，但值得大家一試，師兄繼續努力呀。 番茄師兄深水埗基隆街255號地舖 注 : 鄰近深水埗地鐵站，附近有咪表車位。#hkfoodblogger#hkfoodies#食評分享#餐廳食評#深水埗美食#番茄師兄#獨自開餐

早排見網上介紹依間餐廳已經心心眼, 我對所有蕃茄湯底既野都情有獨鍾, 平日我屋企煮公仔面都會掉粒蕃茄落去架估到網上介紹完一定大排長龍,所以我都隔左排先唻試, 唻到果然已經熱潮減退, 都唔使點等位就可以入座啦佢有四款湯面簡, 今次就簡個最親民既試一試先一上枱已經流哂口水, 蕃茄湯底色水好深,隻炒蛋真係炒到好滑好靚仔, 未食淨係望都好滿足, 啖湯好濃郁, 蕃茄同牛肉不嬲都係絕配, 味道好夾,牛肉唔會太老, 估唔到今次網上介紹冇中伏, 下次要再試下海鮮蕃茄湯面先得！

見隔離嘅鋪頭排晒長龍，心急又肚餓又熱屎辣辣，膽粗粗試吓呢間番茄師兄。叫左個犇犇有禮烏冬，番茄湯味好濃郁，啲牛有好有牛味，最後連湯都飲埋，只可惜份量就略嫌太少，不過都值得一試！