番茄師兄

营业中

休息中

今日特登去到深水埗食下午茶！約了男朋友在深水埗北河街等，我們去這間之次去過的健康番茄師兄！去到竟然見到寫著6點再開，原來裡面坐滿客人，好感恩老闆見我們特登來食就比我們入去。我點了下午茶（牛筋肉碎番茄配米線）送飲品（熱桂圓紅棗桑寄生茶）牛筋肉碎好香濃牛味份量也不少，軟軟口感，番茄有半邊好酸甜好健康，湯底好濃番茄味，好正喔！熱桂圓紅棗桑寄生茶：不會太甜清清又補身！男友就點了必食犇犇有禮配日本拉麵 送飲品（凍信陽毛尖蜂蜜冷泡茶）犇犇有禮分了3個部位： 牛面頰、牛坑腩、崩沙腩，牛的口感好香嫩易咬，一流的高質牛，配上在香港製作的日本拉麵，好吸汁彈牙口感！飲品甜甜茶味不錯，清淡的香味

今日去左試蕃茄師兄，點左犇犇有禮同滑一滑點餐係水筆直接寫落去過左膠既menu度用完就擦番，好環保～信陽毛尖冷泡茶，淡淡既蜂蜜，甜度剛剛好～湯底唔似蕃滿門用茄膠，因為用左牛骨同蕃茄做湯底，蕃茄味好濃郁～份量好多～食到好飽！食得辣既朋友可以加埋枱上個枝麻の一滴既辣汁，好惹味～整體黎講，服務態度好好，食物都很好，下次我都會再光顧～^_^

因應6月至今的事件, 蕃茄師兄曾經多次請大家食茄牛通~但佢未請茄牛通之前我已經食過~今次就同未試過的朋友一齊黎食~湯底主要係蕃茄, 唔係完全茄膏味, 因為唔係杰身, 而且飲得出係蕃茄原味"犇犇有禮"主打係三個不同部位的牛肉, 分別是牛面頰,牛坑腩同崩沙腩; 根據師兄的講法, 係3種唔同的質感~但我只係覺得:好好食,好有肉味, 同好牛...朋友叫左"芝see菇牛:, 裡面有免治牛肉, 草菇同芝士; 感覺係"齋"D, 芝士唔係多, 草菇食落就多D啦另一個朋友就叫左"帶子牛郎", 之前我都有試過"一貝子"帶子好大粒, 而且唔會好干三個人食驚唔夠飽就再叫多個"鮮炸紫菜墨魚丸" ,um....食得出墨魚粒同紫菜~麵款其實都有4款揀,真係唔中意食面就可以揀生菜底飲品最近多D, 極度推薦大家飲檸檬雪梨露, 酸酸甜甜幾開胃最多太多人去"懲罰"師兄~所以真係可能等到發脾氣都未入到去食~不過就為左佢張單的"香港人加油!"等下係值得既!

其實我本身個人不喜歡吃蕃茄，對蕃茄食物要求很高，但聽說這家店很有名，剛好經過就試一次，點知！！名不虛傳！蕃茄湯底夠濃夠甜，米線煮得剛好，看店內介紹是說老闆每天新鮮買材料製作食物，用牛骨和蕃茄等材料製作湯底，食左第一啖之後就狂食，成碗米線比我食曬！最後最重點是 飲品又好喝又健康！我叫了一杯桂圓紅棗茶，超好飲！不太甜，可選熱/凍！店員感度很好，上菜也很快，難怪這麼多人排隊 非常推薦這家店！現在半夜打食評時還想再食呢！

良知嘅老闆食材最可靠衛生最安全服務最友善可惜係要預留時間等位因為太多人要懲罰良知食店我地由晚上八點等到九點三蕃茄湯底香濃個人喜歡加麻辣醬雞翼入味而且香辣定時唱歌和理非要發洩嘅食店

早於幾個月前來過這小店食麵，當時一食完就立刻發出好評，今天再來幫襯，同樣地係一食完就急不及待要出好評，稱讚嘅唔止係食物質素，而是老闆的無私同勇氣。聽住與運動相關的歌曲，食起來特別滋味。我哋叫咗兩碗面，一碗係有唔同牛肉，令一碗係滑蛋牛肉，兩碗都是拉麵底，吸湯力強又不會令面質變林，湯底真是一流，新鮮香濃蕃茄加牛肉味，我平時出街食面絕對唔會飲湯，因為驚有味精，但係呢個湯我飲得出佢係冇味精，絕對會成碗清晒，一滴不漏，之後完全唔覺得口渴。叫咗三個小食，酸辣牛柏葉（好似泰式風味咁，好惹味）、墨魚丸（好好味呀，彈牙不二之選）、沙嗲豬腩肉（豬腩肉有煎香過，脆脆的，沙嗲汁又不會覺得很Heavy）。成餐飯另一個highlight係個檸檬雪梨露，好清新，小小酸，又不會很甜，我最怕嗰啲落好多糖漿嘅飲品，呢個完全唔會，仲有好多雪梨容，真係超級好飲。同埋我感覺呢間店舖有環保意識，我哋專登唔用佢個飲筒，店員見到都會識做收返。裝飲品的樽玻璃，應該會循環再用，讚！香港人同蕃茄師兄一齊加油✋✋✋

十點就關門，但有事做，九點半last order才到達，快快看餐牌點食物。麻香瑞士汁雞中翼 ($14/2隻)雞翼煮得很入味，而且入口有淡淡的麻香味，寧舍開胃。.黃金片頭蕃茄濃湯米線($42)湯底有蕃茄味，較清淡，感覺沒有多餘味精，相對健康。黃金片頭十分彈牙，而且味道很香。配上兩件蕃茄，有蔬菜很健康。.犇犇有禮蕃茄濃湯日式拉麵($78)配料有新鮮牛面頰，新鮮牛坑腩，新鮮崩沙腩，一次過能夠吃到三種牛部位，挺好吃。.枱上有枝麻辣香味的調味料，我將它落到蕃茄濃湯中，配以米線一起吃，味道更可口，更開胃，原來蕃茄湯配麻辣香汁，是那麼好的配搭。.原味樽仔奶茶(跟餐+$18)茶與奶的比例味道適中，不會太甜，口感滑。.用餐期間不斷聽到餐廳播的歌，十分好聽，亦多了一些香港人的歌曲，大家也一起唱，氣氛十分溫馨。

又係黃店嘅時候💛，呢一間蕃茄師兄一開始已經走得好前，多次提供免費餐，係真香港人。作為同路人，當然要真金白銀支持佢哋💪🏻。店舖大概有30個座位左右，以紅色橙色黃色做主題，感覺好energetic，八點幾去都好多人🥳。二話不說叫咗佢哋嘅招牌滑一滑番茄濃湯烏冬。飲咗一啖蕃茄湯，嘩，口感好複雜，感覺到有好多種材料聚焦喺入面，例如有洋蔥、肉類，一個字：好飲（唔係譚仔嗰隻番茄湯嘅個皮）！配料方面，滑蛋媲美茶餐廳煮得恰到好處；牛柳真係滑到不得了，幾易入口😗；烏冬就幾重本，揀咗彈牙嘅烏冬😼～至於瑞士汁配埋麻辣呢一個組合，估唔到咁夾，幾食到四川麻辣嘅風味，衝擊傳統豉油雞翼，配搭加晒分！總括而言，本身食物質素都算幾物超所值，隨單附送香港人加油，溫暖到呢😭。支持佢哋係常識啦掛！😎💛💪🏻-滑一滑番茄濃湯烏冬 | $48麻香瑞士汁系雞中翼 | $14-番茄師兄 (深水埗)深水埗基隆街255號地舖

#支持良心餐廳#香港加油滑一滑 烏冬$48幫襯左唔少黃店 呢間真係黃到出晒汁💛💛💛一入去已經播緊 何以這土地淚再流🤤其實依間店係佢初初開業時我都嚟食過一次不過嗰時未話好impressed 因為我真係濃蕃茄控 係中意好酸好濃嗰隻 呢度嘅比較迎合大眾口味 唔會話太酸 好出蕃茄味 但係再次黎食覺得師兄進步很多呢😽 雖然湯底都係差唔多 但係滑蛋一如既往咁好食 抵讚嘅係牛肉都淋左好多👍🏻 而烏冬幼滑得黎亦帶啲咬口 食落感覺好舒服 又唔會落左味精咁食完好鬼口渴 老闆仲要幫手一腳踢 辛苦了🥰

作為蕃茄控的我，今天到深水埗工作經過這一間當然不能錯過啦。即時點了個牪牪有禮，用牛骨和新鮮蔬菜淆的蕃茄湯再加上不是冰鮮的靚牛肉，而且麵條口感配合的很好，絕對值得再試。

每次到深水埗的目的都是以食為本，今次當然不例外啦！晚上8點多去到番茄師兄的店門外，已有為數不少的人在等候。等了大半個鐘左右已有職員安排我們入座。我們點了兩個番茄麵，分別是牛筋丸番茄麵和一貝子番茄麵。上海麵的份量十足，而且富口感不會煮得過熟過腍，不過我本偏好較軟的上海麵，所以把麵浸在番茄湯多一會兒就剛好了！牛筋丸亦十分彈口！一貝子番茄麵便是帶子及花甲，花甲十分鮮甜，配上濃郁的番茄湯，鮮味一流！而帶子亦有稍作煎香，吃入口不會有雪味，亦算大粒！隨單附送無價的香港人情味，值得一再支持！

本身係openrice見到咁多好評就去試下啦，點知去到就發現成間舖門口都痴哂新假期廣告，心諗依間野仲唔係比錢賣廣告嘅？！ 不過一場黎到就照食啦。我叫左個一貝子，啫係帶子蜆番茄湯烏冬，好驚喜啲帶子係真係有帶子味嘅帶子而唔係平時幾十蚊一碗海鮮拉麵入面啲急凍左唔知幾多年霉哂嘅帶子，而蜆係勁新鮮有海水味似係啲呀媽係街市買番黎自己煮嘅蜆。湯就飲得岀係用鮮茄煲，唔係得茄膏味。六十八蚊就可以食到啲咁新鮮嘅海鮮真係好抵！

今日放假，決定黎最近最火熱既番茄師兄試下。其實佢都好近地鐵站，5分鐘內就到。果然係人氣之選，其實已經係平日，仲要大約1點幾，依然有好多人排隊等位。溫題：係自己係門口寫自己人數同等候號碼。雖然人多，但老細都仲係好細心幫我地執枱同放好餐具🍴落餐係自己用marker寫上去，既環保又方便，讚👍🏼叫左個犇犇有禮，有牛面頰，崩沙腩同坑腩。 其實我之前未食過牛面頰，今日一試真係愛上左，好滑又充滿牛味，不得了。崩沙腩，爽軟香滑，仲重牛味過個牛面頰最後，試埋舊坑腩，肥瘦適中，爽口彈牙，三種唔同享受除左牛好得之外，湯底都勁正，絕無稀場另外，叫左杯熱檸檬雪梨露，非常足料，飲落有粒粒雪梨蓉，加埋檸檬既酸酸地，出奇地夾同好飲

我今次特登嚟呢度食係因為佢係黃店💛💛我叫左個帶子牛朗即係有兩粒帶子同埋牛脷 配拉麵。牛脷有好多舊！好味 好重牛味 唔騷 唔un算易咬！番茄湯好味 我覺得個番茄湯都好重牛味所以好飲🤤而帶子我就覺得普普通通不過不失。我係喺呢間鋪開之前幾分鐘過到去，已經喺度排緊隊，放咗人入去之後都好快full 有種安慰嘅感覺☺️幾驚黃店少生意🤪不過我就覺得有一個waitress有少少惡 可能太忙🙊不過我見另外兩個都似乎幾nice🙊睇我食得幾乾淨就知好食😜

12點半黎到門口已經好多人 係出需等見男老闆成日出黎安排拎飛入座都好好禮貌 好有小店人情味 芝SEE菇牛蕃茄濃湯烏冬 $48上枱好香 聞落就係係芝士漢堡既味 牛肉碎上但都好重牛味 而且唔老唔鞋口 芝士原來係係個堆滿滿既菇同牛肉碎下面 湯底咸香得黎有蕃茄既香甜 烏冬係日本人係香港設廠造既 幼細彈牙 配溶芝士同湯底好夾試左人地個犇犇有禮 無芝士既湯底非常甜 更加食到蕃茄香濃 拉麵都係烏冬同廠 完全無鹼水味 好彈牙 試左牛面肉同牛腩都好淋 好濃牛味 鮮炸腐皮墨魚蝦條 $18/2件都幾彈牙 入面有d粟米粒 口感幾好 配埋泰式辣醬幾香口檸檬雪梨露 $18 見介紹話係幾十年前自創就試下 個膠樽仔印左餐廳名 幾有心思 飲落好多雪梨蓉 檸檬味幾出 又唔會太甜