番茄師兄

营业中

休息中

今日黎深水埗買電腦用品 順便黎覓食 見到呢排IG大推呢間蕃茄師兄就一於黎試下 黎到見到店內外其實都好多人! 我都跟埋一齊攞位排隊先 攞飛等位成件事係好自律嘅 因為店舖採取嘅係自己係板上寫名然後自己寫所屬number嘅飛仔 見到成個過程都好有秩序大讚我嗌咗個蕃茄濃湯四寶丸上海麵額外加$5炒蛋 佢麵底有四款揀 除咗上海麵仲有烏冬 米線等 同埋可以自己再額外加配料 有啲似嗌車仔麵咁 我就嗌多咗個炒蛋 碗麵黎到第一時間緊係試下個湯底先！ 飲落覺得好濃蕃茄味 好鐘意呀 至於四寶丸方面 有魚蛋 牛丸 豬肉丸同埋墨丸 我就覺得平平無奇！ 但有驚喜嘅係個炒蛋！ 炒得好滑 無諗過配合蕃茄麵咁食係好夾 所以推介大家要試下個炒蛋！ 另外 嗌咗個奶茶 佢係個樽仔裝住幾得意 不過飲落就覺得不過不失啦 茶底唔太濃 唔似港式味 如果下次再試我諗我會揀其他特式飲品

等左約30 minutes 好多人等位番茄面係主打面有烏冬,上海面, 拉面選擇料可以有牛肉 海鮮 丸等等既配搭...番茄湯夠濃...同食得出係係落足番茄料煲出黎好好食...

一向都喜歡小店放假同老公去開ssp有機會就梗係要試下呢間人氣餐廳12點15左右到 入左第一批客我地等左大概20分鐘先有位門口有塊板自己寫人數再拎紙仔大家都好有耐性等食好西終於到我地入座 急不及待叫野食🤤鹵水雞翼我無食 老公食哂 佢話好香鹵水味我嗌左一貝子配烏冬蕃茄湯底好濃 好好飲蜆就普普通通 帶子size偏細老公既犇犇有禮d牛好淋好入味 老公嗌左拉麵 好爽我覺得最好食係呢碟牛脷呀！！夠辣夠爽有多芫茜❤️❤️❤️❤️❤️有良心既小店 值得大家支持

小食不錯好吃的，因為店名*番茄師兄*，當然要評一下番茄湯底味道啦，個人覺得似味精＋茄膏，偏酸及太甜，不似新鮮番茄味，有點失望，而且價錢偏貴。總結：試過就算，嚐不到真正鮮味既番茄湯底。🙏

好濃既番茄湯烏冬黎到深水埗出名食番茄排哂隊既番茄師兄 12點開門就不用等！嗌左個豚豚圓圓 加雞髀菇個湯非常濃 仲有兩塊番茄片 豬頸肉都好淋好入味 豬腩肉就太肥加既雞髀菇就無乜特別

深水埗真係出名多嘢食，呢間鋪頭成日排晒長龍，今日終於有機會去食由於我怕食唔晒，所以淨係叫咗最份量最少嗰種佢啲蛋炒得好香，加埋啲百里香碎同蕃茄味非常配合，啲牛肉整得夠味又好淋，番茄湯好足料，飲完唔會口渴，係啲烏冬比較黐，可能因為啲湯好濃啦，下次一定要試吓第二樣價錢來講算好抵

👉🏻帶子牛郎(另加滑蛋)$73麵底有4款選擇 有拉麵、烏冬、上海麵同米線 我簡左拉麵！拉麵好彈牙～.番茄湯底濃郁 甜甜地 仲食到一份切開左一半嘅番茄 不過個番茄可以煮耐少少 會易入口啲👻.帶子同牛脷好足料 牛脷好重牛味 滑蛋好滑 就算浸左落碗番茄湯 都會食到有蛋汁🥰.如果你食得辣 可以自己再加辣落碗番茄湯到 番茄湯加辣都好好味😛——————————————————————————————番茄師兄深水埗基隆街255號地舖

蕃茄師兄食評良心食店 一定要嚟支持七點入到鋪頭 心諗好彩早啲嚟 因為已經坐滿晒人咁濟我哋嗌左兩碗面 分別係一貝子 同埋 滑一滑分別係米線同埋拉麵底個人覺得米線底比較襯佢個番茄湯底蕃茄湯底比較貼近住家菜口味 蕃茄味香得來唔會太人工 唔會太咸太甜或者太酸 俾人一種好warm嘅感覺一貝子嘅蜆肉冇腥味 而帶子食落都幾鮮嫩滑一滑入面嘅滑蛋非常好味 滑得嚟唔會膩 炒到有蛋香飄逸嘅感覺牛肉感覺亦唔會太鞋 名副其實滑一滑我地仲嗌左鮮炸腐皮墨魚蝦條 同埋 70度慢煮麻辣瑞士汁雞中翼蝦條係口痕想食 但食落幾高質 炸物唔會林唔會太乾 熱辣辣咁拎上枱 抵讚！至於碟雞翼精粹係麻辣瑞士汁 好似譚仔三哥麻辣加瑞士汁咁 係出色嘅combination：）桂圓紅棗桑寄生茶 唔太甜 用嚟解膩一流！

上網得知呢間係良心食店後即刻去幫襯懲罰吓佢本身我都已經好鍾意蕃茄湯配任何嘢而呢間唔單止蕃茄湯所有嘢都好足料！2個人不約而同揀呜犇犇有禮+配拉麵 $78加一款配菜都係加$5有新鮮牛面頰+牛坑腩+崩砂腩每樣都唔只得一塊而且係大大塊！肉質軟嫩，舊舊都無咩筋位，好易嘴嚼碗碗都真係有蕃茄喺度重點係蕃茄湯好濃唔係稀到水嗰種，有少少杰食之前飲幾啖酸酸甜甜好開胃食完再飲埋啲湯都仲得真係無味精可以放心飲晒佢啲牛同拉麵亦索晒蕃茄湯無味精底下蕃茄湯都仍然想飲完一啖又一啖值得一提係佢支有機豆漿跟餐都係+$10飲落好清甜無後加糖嘅味好原始feel食完碗蕃茄湯拉麵再飲返支無糖豆漿好舒服真係飲豆漿好過飲水香港人加油！

本身係蕃茄控的我加埋個想感受下餐廳播hit歌氣氛，於是我們一於去左番茄師兄滿足哂2位欲望！餐廳受歡迎程度，連食客排隊都如此合作，没有顯得不耐煩。它們落單方法食客自行用水筆在餐牌上點食物，侍應就會比廚師準備食物，完成後就會擦走再重用。一來這個方法很環保，二來減少大家爭抝，減輕前線員工壓力.我食烏冬以來第一次連湯底清埋，可想而知食物質素如此不錯，烏冬及拉麵很有口感，湯底完全沒有味精。樽仔奶茶跟烏冬另加$18，味道唔太甜，如果茶味濃番少少更理想，整體來講，食物份量較合適細食人士。 5:00pm-6:00pm 餐廳中場休息時間，請留意！

放工急急腳7點左右黎到已經大排長龍，門口有張list俾客人自己填人數，再拎張memo紙仔等叫number，雖然係自助形式不過攞飛完全冇混亂。雖然要排10個號碼，唔洗等好耐就已經有位👍排隊途中可以睇住餐廳電視，除左有美食介紹，亦有老闆的真情剖白💛室內keep住播好好聽好感動的歌曲豚豚圓圓 米線 加炒蛋濃郁香甜的蕃茄湯底🍅加上肥美又多件的豬腩肉，邊邊位仲煎得少脆焦香🐖炒蛋滑溜，加$5好值🥚麵底有多款選擇，除左米線外，仲有拉麵烏冬等😉麻辣瑞士汁雞中翼瑞士汁雞翼食得多，加埋秘製辣汁慢煮就少見啦。少少辣幾惹味👍💛黃店有得揀💛不妨食飯前行多一步，查一查要幫襯邊間😉

出面都有唔少用🍅蕃茄做的湯底麵，第一次食到飲晒蕃茄湯都不會口渴的湯底🍜，因為見到係用新鮮蕃茄而煲出來的。還有他們的慢煮雞翼同飲品，都很好飲。我叫左紅棗桂圓茶，好清香。😋

一嚟到深水埗嘅番茄師兄，門口已經排咗長龍。-滑一滑蕃茄濃湯 $48用新鮮騙牯牛制成，肉質夠腍又嫩滑。加多$5有多份炒滑蛋，選左上海麵底，配合特濃牛骨蕃茄湯底，滋味十足！跟餐加$18有枝原味樽仔奶茶，個人比較鍾意茶味濃，呢枝樽仔奶就啱晒我啦，而且仲好夠凍！-厚切豬扒蕃茄濃湯麵 $46塊豬扒真係好厚，但醃得好入味同埋煎得好香，美中不足係有啲位啱太熟。呢款配左日式拉麵，麵質夠爽同彈牙，蕃茄湯飲落好似比騙牯牛果碗仲濃啲🙊.本身想食埋佢個炸紫菜墨魚丸，但已經賣晒，雖有下次再試啦。店入面播住多首香港至hit歌曲，氣氛好好。.美味指數：4️⃣/5抵食指數：5️⃣/5再食機率：100%

是日點餐:番茄牛肉通- 牛味濃郁，肉質鬆軟, 又帶點彈口- 番茄湯濃到似個新鮮番茄係你個口入面一樣(可能有D誇張,... 或者係我太鐘意呢個味)- 份量足, 細食既可能食唔晒炸墨魚條- 即叫即炸, 新鮮製造- 味道 , 彈牙, 紅棗茶- 味道RICH, 好滋潤- 甜度適中番食指數:

正所謂百聞不如一見。今日終於有幸黎食呢度有名氣既番茄濃湯。叫左一個豚豚圓圓番茄濃湯同厚切豬扒番茄濃湯。當然少不了叫左個自家製飲品-桂圓紅棗桑寄生茶。濃郁既湯底，番茄味一直在嘴裡徘徊。豬頸肉出奇地有著濃厚豬味，很多店舖早已賣著沒豬肉味既豬肉，此店確是難得。厚切豬扒番茄濃湯當然少不了厚厚一塊豬扒，有手掌般大既豬扒，厚切豬扒既厚度肯定超過1cm，當然只是目測。自家製飲品的樽相當特別，裡面還有桂圓和紅棗。不過位置近北河街街市，第一次唔熟路既人難免要花點時間找尋。所有湯底均用牛腩牛骨製作而成，若然不吃牛，可加10換好普通既魚湯底。