番茄師兄

营业中

休息中

-地點：地舖好易搵，近深水埗港鐵站，揸車黎就麻煩少少，無咩地方泊。😖-環境：以為深水埗區一定乾淨有限，但店舖好整潔，座位又夠闊，店舖內所有野都好似好新咁。👍🏻-食物：崩沙牛肉烏冬，有好多舊崩沙，亦好新鮮！💕厚切豬扒上海麵， 豬扒唔算滑，亦好似無咩調味， 但就唔會食到過份既鬆肉粉處理。重點係佢湯底，食得出食蕃茄打爛左成， 唔係茄汁，亦唔會過酸🤤仲掛到麵。麻味瑞士雞翼，瑞士汁唔夠入味，可再濃d。一路食，一路有微微既麻味，岩我唔食得辣，幾特別！-飲品：檸檬雪梨露好好好好飲！❣️唔太甜，又唔會酸到敏感牙齒，加上雪梨蓉，邊飲邊有粒粒口感，成件事好fresh，岩哂夏天！桑寄生茶都好清，亦唔會過甜。-價錢：2個人食左$172，唔算好平，但食材心思都值既，又可支持小店！師兄親身落場，員工亦好親切，俾錢都俾得開心🥳。

😆番茄控貝兒想試呢間師兄好耐啦！咁耐以來聽到評語都好壞參半🙈上星期出去interview 完左見有時間就去試一試啦·滑一滑番茄濃湯麵🍜HKD48新鮮騸牯滑牛+炒滑蛋咁多人都推呢款，我一於試下😌番茄湯底唔係茄膏濃湯feel，但又未去到濃郁，不過清清地都唔錯既😋騸牯牛肉味都比較濃，幾突出，份量都多，至少係呢個價錢黎講真係算好多架啦🥰但就略帶一點韌，但始終牛肉都係有啲咬口，證明佢唔係用食粉醃到不似牛形😘👍🏻·炒滑蛋真係好滑溜，浸完熱辣辣既湯都唔會熟到老哂😻yummy ~但我始終都中意滑蛋係碟上，唔係好慣浸左係湯🙈·鮮炸紫菜墨魚丸🦑HKD14/2粒好好味，炸起香脆可口但叫得小食就注定係有啲貴🤭 ·樽仔奶茶☕️HKD18我叫完先醒起樽仔奶茶無得走甜少甜，不過飲落都唔算好甜☕️·🍅番茄師兄 (深水埗)🍜深水埗基隆街255號地舖

2019年9月2日。深水埗。雨。呢日喺IG見到呢間餐廳做好人好事於事決定同喺附近做嘢嘅朋友放工去幫襯支持睇到餐紙已經覺得好吸引啲名好有趣～可惜入嚟之後冇耐就目擊良心小店善心被利用嘅事件唉，都唔想詳述，簡單嚟講就係阿伯帶埋親朋戚友嚟呃飯食可恥！非常憤怒，埋單時同老闆傾咗陣偈佢比較豁達，寧願有幫錯都唔落閘，咁我哋唯有夾硬叫老闆唔使找，幫番佢大家一定要多多幫襯！！！講番食物，佢哋對個麵都非常講究，有幾種畀大家揀而且係會寫明來源，支持本地製麵，良心到極致！食物選擇多，價錢又相宜你睇下，下午茶真係抵到爛！點餐仲係用水筆直接寫落呢塊過咗膠嘅餐牌度用完就擦甩番，環保～同朋友一人一碗～佢嗰碗叫「豚豚圓圓」（$58），加炒滑蛋加$5一貝子，$68啲名真係改得好好好吉祥～哈哈～麵底揀咗烏冬，麵質好彈牙個湯更係不得了，非常濃郁，而且酸味出眾，好開胃～另外好欣賞嘅係枱上嘅秘製辣汁，超級惹味～～～瘋狂食辣汁～～仲有張令人開心嘅單係咪喜出望外呢？大家快啲一齊幫襯喇～

事緣係同新女朋友行開深水埗搵野食，行行下見到間鋪頭叫蕃茄先生，我當堂笑到哭，竟然有人敢係我面前自稱蕃茄師兄，我就入去試一試你。望望餐牌，見到佢主打係蕃茄湯底，蕃茄湯底唔算咩特別野，連三哥都有得叫，見到粉麵有得揀上海麵，我開始手震，唔熟蕃茄既未必知我做咩，蕃茄拍檔榜，第二名就係上海麵 ... 我估唔到係呢間鋪頭仔都可以食到，到呢一刻，我決定認真對待呢間食店。我叫左個豚肉上海麵，碗野一黎到，我飲左一淡湯，我開始滴汗，個湯底竟然唔係用茄膏或茄汁整，而係用蕃茄整，我開始手震，我唔敢再講野，我無出聲食哂成碗麵，乾埋D湯，無等女朋友就走左。。

深水埗好多食店，唯獨呢間排晒長龍一向鐘意食茄麵，呢間個湯飲完唔會喉嚨乾比起其他店真係呢間係正好多 環境都舒服D個湯底有用牛煲 唔食牛可以+$10轉魚湯嘢飲都好飲 店員都好有禮貌香港人 一齊多D支持小店香港人加油

#中意嘅請分享請點讚🍻----------😋犇犇有禮 $78蕃茄湯非常濃郁，會飲到好多蕃茄蓉，食得出係真材實料用左好多蕃茄煲出黎。呢款有牛面頰、牛坑腩、崩沙腩， 每款大約3-4件。牛面頰比較特別，唔係好多餐廳有得食，食落好林又夠入味。崩沙腩就比較有咬口。3款入面最正係牛坑腩，炆得岩岩好，肥瘦適中。麵可以揀烏冬、拉麵、上海麵、米線。我今次就揀，我烏冬，可以吸到蕃茄湯嘅精華。-😋一貝子 $68入面有5隻大花蜆同2隻帶子。帶子好新鮮，係平時食刺身嘅水準。不過大花蜆就唔夠新鮮有小小腥。-😋70度慢煮麻香瑞士汁雞翼 $28因為係慢煮雞翼，所以肉質好嫩滑，同平時嘅瑞士雞翼唔同，呢款加左麻香，食落好香口又有小小辣。----------🔎番茄師兄🚩深水埗基隆街255號地舖

朋友見依間好多人推介而且佢都好鐘意食蕃茄嘅 就叫我陪佢去食 睇下係咪咁正🙈一去到佢同其他啲舖頭嘅感覺都唔同 比較新穎啲 而且簡潔 lunch time去都幾爆下 都幾好多人食睇咗陣Menu見到選擇都幾多元化 連麵嘅種類都最少有四種 啱晒唔同口味嘅人豚豚圓圓簡左拉麵 仲加左炒蛋同芝士 蕃茄湯底個湯底好濃郁 蕃茄味濃之餘仲有啲牛嘅香味 芝士撈埋落啲湯入面 令到個湯底昇華到另一個層面 正到爆 炒蛋好香蛋香味 豬頸肉同豬腩肉份量都幾多下 一貝子簡左米線 加左炒蛋同芝士 魚湯個湯底係魚湯 雖然佢冇蕃茄湯咁鮮式奪目 但依個湯底都唔差 鮮甜嘅味道🤤 半溶嘅芝士撈埋個湯到 都唔會搶左對方嘅味道 材料方面都好豐富呀有花蜆同帶子 花蜆冇沙而且好鮮甜 帶子都好大粒 都幾肥美 另外我見到佢枱面有啲配料 有樽麻之一滴 貪得意就加左啲落碗麵到 飲左啖湯先 嘩左聲 第一啖飲落係麻香味 之後佢令到個魚湯更加出色 麻辣中帶點鮮味 正 鐘意食辣嘅都可以試下小食方面麻香瑞士汁雞翼平時食瑞士雞翼食得多 今次依個麻香瑞士汁雞翼同平時個啲唔同就要試下 雞翼整得好入味 麻辣得黎都好易入口 我朋友唔食辣都食到 食過番尋味🤤脆皮墨魚蝦

今日獨自食午餐，行行下想起好耐冇食「番茄師兄」，就ㄧ於今日再去光顧。這家店顧名思義，係主打食番茄，所以我只要在點餐紙標上喜愛的餸菜和配搭的麵底便可了，十分方便環保。我今日就選了豚豚圓圓烏冬和亞答子柚子茶。豚豚圓圓烏冬是用新鮮豬腩肉和豬頸肉以慢煮方式烹調後再煎香表面，豬腩肉不會太肥，沒有油膩膩，豬頸肉厚薄適中，唔粗鞋唔韌。烏冬是扁扁的，軟硬度適中，吸收了番茄濃湯，ㄧ口接ㄧ口，轉眼間已將整碗餸、湯、麵放進大肚子了。亞答子柚子茶消費滿$36便可加$6㸃ㄧ杯亞答子柚子茶，飮下去唔太甜，有淡淡的柚子味，杯底的亞答子煙煙韌韌，有咬口好飲。食物質素仍保持到，下次再來食過。

真係差到要開個account打食評！剛好到深水埗買野 見到openrice咁多好評就去試下 點知去到d位非常逼 都不在話下 竟然見到地下有死甲曱 食慾全無落單個陣 侍應仲要掛住傾計 嗌左好耐先有人黎 仲要一副唔耐煩既樣之後 重頭戲黎喇 嗌左個花甲烏冬 花甲竟然有沙既 個湯底淡而無味 去食譚仔三哥個番茄湯底好過 仲要索價5-60蚊 係深水埗呢d平民區 大把選擇 真係唔明點解會咁多好評 唔知係咪買返黎 去隔離食蘇媽蘇媽好過！

🐾蕃茄師兄🐾蕃茄癮起💝朋友就帶左我黎宜間蕃茄師兄食佢地落單係用過左膠嘅卡咁,再用marker寫,咁樣慳好多紙!夠曬環保👍-🍴主食🍴🔺一貝子蕃茄濃湯面🔺❤❤❤❤面底方面我地揀左烏冬,因為覺得烏冬同蕃茄好夾!一貝子係有大花蜆,帶子,材料都算新鮮,入面重有幾舊蕃茄,蕃茄味就出左好多👍湯底係杰杰地個種!係好濃的👍👍-🔺犇犇有禮蕃茄濃湯面🔺❤❤❤牛我就唔係好識食🙊淨係食到好重牛味(廢話?)😂我朋友就話牛嘅份量有啲少唔夠食🙊面底我地揀左上海面~湯底同一貝子係一樣的👍-🍴小食🍴🔺 鮮炸腐皮墨魚蝦條🔺感覺好似即叫即炸因為一上菜我哋熱到食唔到咁濟😂好食👍-🍹檸檬雪梨露🍹❤❤❤超重檸檬香味,但又唔會太酸,雪梨味都重,不過飲落有啲渣渣,我相信佢係足料榨的😂😂😂-----------------評分(非專業,完全跟據個人口味☺)食物:8/10環境:8/10服務:8/10人均消費:$50-$100

番茄師兄~今日公司包場開小party 地點就瞓腳，座車去好方便。番茄牛腩 ~ 必食， 好香甜咖哩牛腩~牛腩切到一口一件，醬汁濃厚，忍唔住連食幾件。鹵水雞翼~ 甜甜的又有八角香味，好入味。豉椒炒蜆~ 大大隻蜆肉鹵水汁牛展 ~ 炆燉得又香又入味炸魚片角+炸墨魚條 ~ 夠哂香口炒蟶子 + 鮑魚~ 好鮮甜彈牙豬頸肉~ 係上面加左濃濃的醬汁冷盤特制汁牛柏葉和牛舌~ 啲酸辣汁好惹味重點推介玻璃樽桂圓茶， 食咗咁多濃味野， 飲番兩支桂圓茶 ，夠曬香甜潤喉。以上菜式是包場，可能份量和平時唔同。

路過北河街，上網一搵，搵到呢間近期好hit嘅蕃茄湯麵，主打濃郁湯底。身為蕃茄控嘅我就心思思想試我就叫左滑一滑（$48）先講個湯，好普通，唔重蕃茄味，同其他蕃茄湯麵比完全比下去牛肉就一般般，唔係雪藏，但唔多牛味最好食呢個滑蛋，應該話係最正常我朋友就叫左腐皮墨魚蝦條蕃茄濃湯麵（$44）咬左一啖腐皮條，幾好食，入面有墨魚粒，中意有口感嘅就唔好錯過跟餐加$16叫左桂圓紅棗寄生茶（凍），係自家製，誠意十足，個玻璃樽可以拎走

今日出黎深水埗買電腦野，見到呢間鋪個名，好明顯係以番茄作招牌賣點，身為番茄迷嘅我，當然一定要黎試一試啦入到去見到牆身有D菜色名玩食同音字，可見菜色命名都頗有心思睇返落單MENU，佢都有解釋返每個菜色名係包括D咩餸，同埋有得選擇唔同麵底，而張餐枱紙就有埋食物相睇，都幾吸引咁我同朋友分別揀左 犇犇有禮番茄濃湯烏冬($78)、一貝子番茄濃湯米線($68)加粟米粒(+$3)、酸辣涼拌牛面頰($36)、檸檬雪梨露(凍) (跟餐+$16)、桂圓紅棗桑寄生茶(凍) (跟餐+$16)先送上飲品，左：檸檬雪梨露(凍)，右：桂圓紅棗桑寄生茶(凍)。檸檬雪梨露飲落超有驚喜檸檬D酸味唔會蓋過雪梨D甜味，比例適中，酸酸甜甜夠晒潤喉。同埋飲落去每一啖都飲到D雪梨蓉，夠晒真材實料，聽返師兄講先知原來D飲品係每日店鋪自己新鮮製造好少可一間食店對飲品都咁有要求，非常用心桂圓紅棗桑寄生茶都水準之上，飲落滋潤，唔會太過甜酸辣涼拌牛面頰：呢個小食都有D驚喜，佢每一塊牛面頰都撈到D調味料好均勻，唔會係汁還汁、肉還肉咁。作為涼拌小食的確好開胃，味道比想像中更要出色，不過我唔食莞茜，感謝同行朋友幫我夾走晒犇犇有禮番茄濃湯烏冬：裡面

對上一次幫襯已經係大半年前，一直都好想食番，番茄湯底濃郁，份量好多，係一間好有誠意嘅良心小店。發現佢已經加咗好多新嘅菜式，所以都急不及待好想快啲去食😋😋1️⃣帶子牛郎番茄濃湯麵🍜$68麵有唔同既選擇，有拉麵，上海麵、烏冬等，我揀左好咬口既烏冬。而餸係北海道刺身及帶子加牛脷，另外我仲加咗芝士同炒滑蛋。不得不讚d 牛脷，整得好林，而且份量有超多，食極都仲有，真係無得輸！2️⃣滑蛋騸牯牛面頰飯$56估唔到除左麵食之外，仲推出飯系列，多左好多選擇，好好呀！牛面頰軟軟的，牛味十足！3️⃣麻香瑞士汁系列雞中翼$28 4隻雞翼係用秘製嘅麻辣汁同埋煮嘅方法烹調，我之前食過一次已經好想再食，今次都一樣好味🤤4️⃣酸辣涼拌系列牛柏葉$30，叫咗小辣，呢個小食係新推出架，之前都冇食過，酸酸甜甜幾開胃👍5️⃣信陽毛尖蜂蜜冷泡茶係中國嘅十大名茶，可以生津解渴，有淡淡的蜂蜜味，口味相當清新。6️⃣有機樽仔凍豆漿豆漿就同平時出面飲嘅差唔多啦，呢一度嘅相對冇咁甜。其他相片：

第二次來吃晚餐了！對上一次來的時候, 是他們新開張不久, 這次再來時, 餐牌上已經有更多款式的小食和飲品供選擇, 很多款食物也很吸引我們呢！炒滑蛋是必吃的, 我極力推薦炒蛋! 炒得很嫩滑, 充滿蛋香, 一點兒也不乾身, 仍留有蛋汁。白灼時蔬、牛油炒雞髀菇帶子牛郎番茄濃湯麵🍜 — 選擇了以上海麵做麵底, 我亦追加了炒滑蛋、雞髀菇、椰菜。蕃茄濃湯採用新鮮蕃茄🍅、新鮮騸牯牛腩、牛骨熬製, 湯底帶點牛味。蕃茄味鮮甜, 上海麵充分吸收到蕃茄濃湯的味道。蕃茄湯很清甜, 裏面還吃到新鮮蕃茄蓉。牛脷炆得夠軟腍, 很入味; 帶子幾彈牙, 很有口感。桂圓紅棗桑寄生茶 — 味道不會太甜, 裏面還有一粒紅棗, 飲落感覺滋潤和養生的。