申子居酒屋

营业中

休息中

依間居酒屋款式多之餘，環境仲幾寬敞好適合邊食邊同朋友傾吓偈首先叫左個明太子芝士山藥（$68），係燒淮山再喺上面加咗芝士同埋明太子。淮山燒完幾爽口，配埋濃郁嘅明太子同芝士香味都幾夾另外叫左蓬松玉子($108)，比起平時食到嘅玉子口感更加鬆軟，蛋味香濃仲叫咗個壽喜燒（$328），牛肉幾新鮮幾滑，湯底好甜好濃郁！配料仲有菇、娃娃菜、豆腐、粉絲，都係啲好入味嘅配料，豐富又好味主食叫左海膽炒飯（$238），個飯炒得好香粒粒分明仲有啲煙靭，海膽味鮮甜，撈埋三文魚子同埋蟹籽口感就更加豐富飲品做緊買一送一，試咗杯柚子果酒（ $98 ），幾清甜易入口，有淡淡嘅柚子香味依間餐廳選擇好多睇餐牌都揀咗好耐，下次要試埋其他！

申子居酒屋一向高質，今日去咗銅鑼灣，佢嘅午市定食依家六折，咁抵食，一定要食返次。申子三色丼有拖羅蓉、海膽同埋三文魚籽，刺身量夠多，蓋過啲壽司飯，每一啖都好滿足。拖羅蓉滑滑的，入口即溶，海膽嘅鮮味同三文魚籽嘅咬感，食落有層次感。壽司定食配上雞白湯手打烏冬，湯底呈奶白，味道唔錯。烏冬麵條彈牙。廚房發辦壽司用上當日最新鮮嘅刺身，特别系帆立貝刺身，口感滑腻，味道鮮美，其他刺身都好正。餐廳氛圍靜靜地，唔會太嘈吵，適合同朋友傾計。服務都幾好，員工態度親切，反應快。整體來講，環境舒適，菜品嘅味道好，真係值得再訪！🍽️申子居酒屋📍渣甸街50號渣甸中心9樓

食物環境一流。價錢公道又合理。款式多樣選擇及合適打卡。食物味道好岩口味，難怪甘多人推介。和牛現場燒，氣氛滿滿。串燒天婦羅好有水準，岩送酒。燒魚邊，蠔好抵食。鋪頭暗暗黑黑好合適傾偈，情調都夠。值得一提，開飯提醒。😂我覺得嚴重值得推介

成日經過旺角嘅分店一直未試過，今日嚟到銅鑼灣店感覺氣氛更好，環境寬敞唔少👏🏻一行2人叫咗以下嘅嘢食，總體感覺唔錯👍🏻🥗 呑拿魚春菊沙律 $138吞拿魚切到厚薄適中，配埋新鮮春菊，沙律汁係日式清新口味，唔會搶走魚味，食落去好refresh。燒鳥Set $288 (5串）🍢 日本大葱雞雞肉燒到表面微焦，咬落去肉汁即刻流出嚟，配埋大葱嘅甜味同微微辛辣，成個味道好有層次，唔會單調。🍡 手打免治雞肉串 每一串都見到師傅手打嘅質感，雞肉混合咗少少蔥花，咬落去彈牙之餘仲有啲肉汁，表面有啲焦香，唔會乾身。🥓 黑豚肉黑豚肉油脂分布得好靚，燒到表面微脆，入口即溶，肉味香濃但唔會膩，食完仲想再食多件。🍅 煙肉車厘茄煙肉包住新鮮車厘茄，咬落去煙肉鹹香，車厘茄爆汁又帶酸甜，兩種味道撞埋一齊超夾，完全唔覺得膩。🦐 大海蝦蝦身大隻又彈牙，燒到啱啱熟，蝦味濃郁，外層灑咗少少鹽，食落去有海水嘅鮮味，唔使點醬都好味。🌯 葱拖羅卷 $168吞拿魚腩肥美，入口即溶，配埋爽口蔥粒，壽司飯微酸，成件壽司食落去滑溜又有魚香。🍢 關東煮 $108湯底用咗昆布同柴魚熬成，清甜唔鹹，配料有蘿蔔、白蘿蔔、玉子、魚蛋，每樣都吸晒湯底精華，暖

✔️申子海膽和牛燒 $378呢個講唔停食過好多次 係一如既往咁好食！！！和牛油脂極豐富🥹 燒得啱啱好 軟嫩無比 加埋蛋黃撈飯同海膽一齊食 真係無敵🔥✔️極上鹽燒牛舌芯 $128呢個都好高質 牛舌芯切到係一口size 又夠厚不失口感 超級爽彈🤤外面又燒到有點焦香 就咁加啲鹽一齊食已經好正😚✔️廣島蠔沾麵 $188本身以為沾面係拉麵 出奇地原來冷烏冬😳 湯底店家話係10倍特濃 食落真係非常濃稠 略嫌鹹咗啲🙈 廣島蠔鮮甜 不過得一隻 唔係好夠喉🥹✔️鮟鱇魚肝 $188鮟鱇魚肝質地綿密細滑 入口即溶 味道非常鮮 好似食緊鵝肝咁😍 調味加入咗有柚子醋 整體唔膩開胃😋

申子居酒屋之前食過一次，一直對和牛燒同牛舌芯念念不忘，收工約埋朋友再食😍✨申子海膽和牛燒 （鹿兒島A4）$378視覺、味覺齊享受既申子和牛燒，揀左5成之後，店員就會即場用火槍烹調，輕輕燒完每一面之後，加埋蛋黃、飯、秘製醬汁、仲有海膽、黑魚子醬，超級邪惡！入口充滿油香，加上海膽既鮮甜，真係好正😎✨極上鹽燒牛舌芯👅 $128呢款都好受歡迎~ 牛舌芯屬於厚切，燒得香口，外脆內嫩，食落好爽口，都可以搭配檸檬汁、海鹽😛✨汁煮左口魚裙邊 $148將左口魚裙邊炙燒，使其油脂香氣更加突出，食落充滿油脂香氣，口感軟嫩，入口即化🤤✨黑松露雞肉芝士雜炊 $168一上臺即刻聞到濃郁黑松露味，加上雞肉、芝士、米飯、高湯，混合在一起口感濃稠，香氣十足，雞肉也十分嫩滑😚

申子居酒屋恰逢午市套餐有六折優惠，於是決定一試。餐廳環境以黑色木系為主，裝潢帶有濃厚的日式風情，座位寬敞且私隱度高，讓人感覺舒適且不會被鄰桌干擾。🍣壽司定食配雞湯烏冬壽司的魚生選材新鮮，6款廚師發板壽司包括有三文魚、甜蝦及帶子刺身，各具特色，魚肉鮮甜且質感細膩。雞湯烏冬湯底以雞骨熬製，香氣濃郁且滑順，烏冬麵條彈牙滑溜😚🐮壽喜燒定食配白飯壽喜燒湯底鹹甜適中，牛肉沾上蛋漿，特別柔嫩多汁。配菜包括蔬菜、豆腐和粉絲，均吸滿湯汁，口感豐富且層次分明。餐後還加點了汁煮左口魚，魚脂豐厚，入口滑嫩，魚肉部位帶有微妙的咬口感。🎈申子居酒屋🎈渣甸街50號渣甸中心9樓

環境味道各方便很好。 吉列芝士豬，係出嚟外表衰啲，切得散修修，芝士又唔夠拉絲，賣2百零蚊，試一次都夠個價錢3.5/10分和牛海膽…..同樣塊板黑黑地，食味道店員當你面燒喎，3.5/10分仲試左雞棒，雞皮，燒魚邊…牛舌3.5/10分最尾加個海膽炒飯調味多加注意，食2次唔同色水份量 3/10分絕對良心食評絕對絕對符合開飯要求。前食評一直不被審核，因為講左食物質素未如理想。希望今次食評食記有望被公開。！！！！

🤩汁煮左口魚裙邊 魚裙邊好入味，醬汁偏帶少少鹹香，魚肉嘅質感滑溜嫩口👍👍🤩申子新卷 呢個係當晚嘅亮點之一，有三文魚子，拖羅蓉，海膽，仲有啲脆脆喺飯入面，配搭完美，質素非常高👏👏👏🤩鹽燒雞翼 雞翼燒得皮脆肉嫩，鹽味調得好均勻，外層有輕微焦香，內裡保持肉汁❤️❤️🤩雞腎串 雞腎燒得夠火候，保留咗少少脆口嘅口感，但內裡又唔會過韌，調味偏淡🫶🫶🤩大葱雞肉燒一串 呢個串燒算係經典款，雞肉嫩滑，而大葱燒到微焦，帶出甜味🙌🙌🤩大葱黑豚燒黑豚肉質感豐滿，脂肪比例啱啱好，而柚子嘅香氣為成道菜加咗個清新嘅層次😜😜🤩軟芝士黑豚卷 呢個係當晚其中一個最特別嘅組合，芝士嘅香濃同黑豚肉嘅豐盈味道互相配合得幾好，外層燒到微焦，內裡芝士溶化，味道豐富😝😝🤩極尚鹽燒牛舌芯 牛舌芯切得厚薄適中，鹽燒嘅做法帶出咗牛舌本身嘅鮮味同嚼勁，質感非常彈牙🫡🫡🤩豚肉蘆筍卷 豚肉包住蘆筍，將豚肉嘅油脂同蘆筍嘅清甜完美結合，一口咬落去，層次感好豐富🫶🫶

🔥申子海膽和牛燒 $378⭐️10/10⭐️非常出色又適合打卡！和牛油脂分布平均，店員會席前用火槍將和牛燒至焦香，大火燒焦後釋放油脂，再混入蛋黃和白飯，非常邪惡！最後再鋪上海膽和魚子醬，絕對是金錢堆砌出來的美味！🔥申子新卷 $248⭐️9.5/10⭐️由海膽、三文魚籽和吞拿魚蓉等高級食材經典配搭的卷物，海膽新鮮，三文魚籽帶出了一點鹹香味，卷物內的炸魚皮增加口感，大推！🔥極上鹽燒牛舌心 $128⭐️10/10⭐️必點！牛舌心肉質軟腍爽口，富有香濃牛肉味，可以配搭岩鹽、檸檬汁或柚子胡椒進食，總有一種適合你！🔥明太子雞翼 $68⭐️8.5/10⭐️雞翼表面脆至金黃色，去骨後將明太子釀入雞翼入面，香脆美味又帶點鹹香，不錯！🔥手打墨魚捧 $78⭐️8.5/10⭐️墨魚捧用料十足，爽口彈牙，墨魚粒增添口感，配合月見醬油汁，味道香濃！

三重芝士拉絲吉列千層豚肉，淨係拉啲芝士出嚟呢吓都已經好興奮🥰🥳咬落去豬扒一啲都唔韌，非常好味。本人就最喜歡食鹽燒牛舌芯，食落去好有Texture,好惹味😋😋 經理推介海皇廣島蠔炒麵，佢話非常健康，又真係估佢唔到。居酒屋都可以食到低卡低熱量嘅蒟蒻麵，食落去好爽口，配上大蝦大蠔，好正💓💓今次試咗百年梅酒，有買一送一，勁正，同朋友一人一杯，勁開心😚😚甜甜地好易入口，小酌一杯，認真唔錯。餐廳環境舒服，一班朋友食吓傾吓，確實係一大享受。

踏入餐廳感覺似走咗入一場日式溫馨小聚，木質裝潢同柔和燈光營造咗唔少悠閒氣氛，窗邊卡座位濶落舒適。蟹肉蟹子牛油果沙律蟹肉鮮甜美味，蟹子同牛油果滑溜得來又有層次，入口即化，配上輕盈嘅醋味醬汁，開胃得來唔膩。洋風雞肉卷雞肉卷用上日式醬油炆煮，肉質軟嫩多汁，咬落去有種微妙的香氣撲鼻。舞茸豚肉卷豚肉卷則有舞茸嘅獨特菌香，肉同菇嘅組合令人驚喜，汁水滿瀉，食得滿足。主菜申子海膽和牛燒絕對係全場焦點，牛肉嫩滑得來入口即化，海膽嘅鮮味同火焰燒製嘅焦香完美融合，每一口都充滿層次感，食落有種幸福感爆棚。服務員仲特意提醒要趁熱享用，果然一試難忘！最後嘅日式雞鎚花蝦用咗鮮甜嘅櫻花蝦，外層酥脆內裡軟嫩，配上輕盈蘸醬，輕鬆食完三件仲想再追加。份量適中，唔會太撐，適合同朋友傾計聊天嘅場合。價錢方面，人均約$300上下，質素同環境成正比，性價比高得嚟又有驚喜。呢度特別適合想搵個安靜位同三五知己享受一餐嘅人，晚市時間可能要早啲book位，因為人氣有啲旺。總括嚟講，菜式同環境配合得天衣無縫，味道同氛圍都令人回味。

人就係會重複………………覓食！又嚟我嘅心水餐廳啦！約返上次嚟嘅飯腳一齊食。聚舊，人要聚舊，地方也要聚舊。開心見到獅子山仍在，在獅子山下食飯，感覺特別有歸屬感。餐廳而家做緊感謝祭，廚師精心烹調嘅午餐盛宴全部六折，差不多半價就食到一份精緻午餐。牛肉壽喜燒($143) 牛肉無多餘嘅脂肪，肥瘦適中，肉質唔嚡唔韌，軟腍適中，口感好。雞蛋好靚，蛋黃顏色豔黃，本來應該放在鍋裡與牛肉蔬菜同食，但最後決定放到飯碗裡撈飯食，簡直係明智之選。蒲燒鰻魚厚切玉子丼($143)首先一定要讚飯底唔係白飯，而係鰻魚炒飯！本來已經有一大截鰻魚，加埋炒飯裡邊嘅鰻魚粒，饅魚控一定會感到大滿足！其次唔只玉子係厚切，鰻魚都一樣好厚肉，肉質亦非常有彈性。最後連配菜小碟嘅醃菜同牛舌粒亦被清碟，非常豐富、滿足嘅午餐。用心嘅擺盤，加上精心挑選嘅盛器，呢d細節位已反映出餐廳對美食有所要求。所以食材質素、以致烹調都一絲不苟，我唔會話呢度係全港最好食嘅日式料理，但喺我自己嘅搵食list上邊，申子絕對係頭5位嘅餐廳選擇。

朋友介紹話呢間魚生丼好好食，一於試下👍餐廳環境都優雅舒服，離地體站1-2分鐘就到，位置便利。午餐做緊6折，平均百幾就有一個set，套餐就包左兩個小食同一碗魚湯。今日小食係牛舌同芝麻豆腐，好味道。魚湯香濃，有心機。🐟豐州鮪魚拖羅丼一個set有齊三款吞拿魚，有吞拿魚魚蓉、拖羅同赤身，一碗可以滿足哂所有期望。魚蓉上面有芝麻同埋蔥花口感好豐富。拖羅同赤身都係厚切，拖羅有油脂的甘香同好香濃，每一啖都好滿足。🐟申子三式丼哇！有驚喜，慢慢的海膽、魚子同托羅蓉，加上個飯已經調過味，連平時食好少飯既我都清左半碗。另外叫左好特別少見既燒左口魚裙邊！！份量超多，油脂爆棚好好食🤤整理上價錢合理，味道中上！會encore。

🇯🇵 日式居酒屋🏮系列—▫️餐廳：申子居酒屋 @shinkohk ▫️地點：全香港有2️⃣間分店📍銅鑼灣渣甸街50號渣甸中心9樓（港鐵銅鑼灣站 D3 出口, 步行約3分鐘）▫️營業時間⏰：星期一至日 12:00-15:00 & 17:00-23:00▫️價錢：～$150+—美味：🥩🥩🥩🥩環境：🥩🥩🥩🥩價錢：💰💰💰+0.85💰服務：👨‍🍳👨‍🍳👨‍🍳+0.9👨‍🍳—👧🏻👦🏻好鐘意食日式野，依間已經去咗5-6次😍😍😍Jeng 😆環境都好好☺️～📍 北海道海膽軍艦價錢：$128@分數：🍣🍣🍣🍣😆😆滿滿既海膽，好鮮甜😆😆—📍極上蟹膏蟹肉燉飯價錢：$288分數：🦀🦀🦀🦀+0.1🦀勁足料既蟹飯🤩🤩超多蟹肉蟹膏🤩🤩每啖都食到☺️☺️加埋啲飯好夠軟熟，jeng—📍極上鹽燒牛舌芯價錢：$128分數：🐃🐃🐃🐃可以話係必叫🤩🤩超級爽口，而且好夠燒味😃😃juicy jeng—📍日式鮮製鮑魚價錢：$278分數：🦪🦪🦪🦪+0.2🦪幾驚喜🤣🤣鮑魚係幾大隻，仲好爽口同入味—📍雞腎&雞軟骨價錢：$38@分數：🐥🐥🐥+0.8🐥都爽口既，但冇燒肉咁驚喜—📍手打墨魚棒價錢：$78分數：🦑🦑🦑🦑幾特別😃😃墨魚外層脆脆地，入面好多墨魚粒🦑加埋蛋j