申子居酒屋

营业中

休息中

第二次黎銅鑼灣申子居酒屋食飯啦🏮 之前黎食過一次 覺得食物質素好高 而且環境亦都好適合朋友聚會 飲下酒傾吓偈😝🍀申子海膽和牛燒依個一定要試吓 店員會喺我哋面前即時用火槍燒 係食之前有視覺上享受 同時間又可以聞到和牛嘅香味 最後分碟就食得😆 如果個口夠大嘅話 記得一啖放落口食 感受一下海膽同和牛係口中溶化嘅口感 再享受一下濃郁嘅香味🥰🍀極上鹽燒牛舌芯牛舌芯嘅厚度恰到好處 燒嘅火候亦都啱啱好 表面有少少焦燶 更加香脆😚 口感有嚼勁 味道又香濃 好好食😋🍀舞茸豚肉卷依個嘅味道同樣好濃郁好入味 舞茸嘅咬口 加埋豚肉味嘅濃郁 再配埋燒汁 好惹味👅🍀雞腎串/雞軟骨串正常發揮 燒嘅時間岩岩好 彈牙有咬口 都吾錯😉🍀鮮蟹肉粥食完咁多吾同嘅濃味食物 再食幾啖鮮蟹粥中和一下 好滿足😚 蟹籽分量好多 每一啖都咬到☺️

Happy Friday相約在同區上班的朋友午膳，大家剛好都想吃日本菜，於是選了這間樓上居酒屋。店內裝潢以簡約木系為主，微暗燈光帶點暗黑神秘感，甚有格調。餐廳正推出買一送一午市套餐，菜式有不少選擇。一個價錢吃到兩個套餐，相當優惠。❥ 牛肉壽喜燒 ($288)🥩雖然是Lunch Set，但份量絕不欺場，已包括前菜、湯和沙律，特別是前菜牛舌，口感彈牙富嚼勁。壽喜燒可選牛或豬，牛肉有好多片，厚切牛肉肉味濃郁。湯底味道香濃鮮甜，裡面有娃娃菜、菇類、豆腐等，吸收了肉汁的精華，不用調味已非常美味。❥ 鰻魚玉子丼🍚奉送的丼飯同樣是定食，都包括前菜、湯和沙律。鰻魚肥美厚肉，外層烤得微焦，裡頭的肉質細滑帶油香，而且無骨。配上秘製的醬汁和紮實豐厚的玉子，口感十足。這家日式居酒屋方店面雖不算大，但環境舒適，服務用心，很值得再來訪。◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿申子居酒屋 @shinkohk𖤣𖤥銅鑼灣渣甸街50號渣甸中心9樓味道 ♥ ♥ ♥ ♥ ♥ ♥ ♥ ♥ ♡ ♡服務 ♥ ♥ ♥ ♥ ♥ ♥ ♥ ♥ ♡ ♡環境 ♥ ♥ ♥ ♥ ♥ ♥ ♥ ♥ ♡ ♡價錢 ♥ ♥ ♥

成日聽人講呢間 有旺角銅鑼灣分店 我就第一次去 座位私隱度幾高 傾計一流 但價錢有點進取🙈比較推介食燒物串燒類😚超厚切牛舌芯最好食 煙韌彈牙 外皮燒到焦脆🥰另外燒物都值得try 鐘意食內臟可以叫鮮雞拼盤 有齊雞肝 雞心 雞腎🤤和牛茶漬飯有兩片和牛 加埋湯只會熟返少少 和牛口感軟滑 覺得牛香可以更出 整體口味清淡為主🙈廣島蠔大大粒 湯底鮮甜 入面有娃娃菜 菇菇🍄👅極上鹽燒牛舌芯 ($128)🥘廣島蠔鍋 ($158)🐮鹿兒島A4和牛茶漬飯 ($328)🍲火炙大蝦讚岐手打烏冬 ($168)🍗鮮雞內臟 ($88)————————————————————————📍申子居酒屋 銅鑼灣渣甸街50號渣甸中心9樓

呢日同屋企人去左銅鑼灣呢間日式餐廳食lunch ，餐廳既環境幾好。依家做緊午市套餐買一送一，好抵食。今次點左壽喜燒牛定食，送鰻魚玉子丼飯。鰻魚勁大條，望落去既色澤都好靚，肉質亦都實淨唔鬆散。套餐仲跟左配菜同麵豉湯，正。壽喜燒有牛同豬揀，今次揀左牛，湯底有好多菜、菇同豆腐，非常健康，而且湯底味道香濃，撈飯食一流！小食方面，點左一口芝士黑豚卷，豚肉包住芝士拎去炸，一啖咬落去，層次豐富。買一送一之後都幾抵食，得閒可以再encore。

申子就應該唔少香港人都熟悉，早幾日就帶埋男朋友去慶祝紀念日哈哈😆問佢想食咩就只係話想食牛🤓咁冇計啦，要帶佢黎申子試下佢地個和牛燒先得啦🩵🍽申子海膽和牛燒一道吸引曬成間餐聽目光既菜式🤪店員會首先向你展示今晚既主角-和牛💁🏻‍♀️會問你喜歡幾成熟我呢啲就梗係聽番專業既推介- 5至7成熟啦🤫店員會係你面前同火槍將和牛既一面燒好，然後加入飯團同蛋黃包起再燒，最後加上海膽同醬汁未入口已經聞到和牛既油脂香😋入口即化，然後食到海膽既鮮同creamy，再加上溝咗蛋黃香既飯團層次豐富，男朋友食到讚不絕口‼️🍽極上鹽燒牛舌芯申子既名物之一👍🏻超厚身，香而不膩配有唔同調味任君選擇，不愧為人氣之選😍🍽海膽炒飯米飯粒粒分明，裹住海膽又鮮又香有飛魚子同三文魚子夾埋，炒飯內仲有櫻花蝦乾做伴料😚🍽黃金聖衣有冇人知係咩黎啦🤩其實就係燒雞皮‼️男朋友對佢既讚賞就係脆到成間餐聽都聽到既脆聲😂雞皮無需過多調味，加上少少海鹽已完美🤓🍽雞翼🍽水母刺身🍽柚子/巨峰提子highball作為一間居酒屋，食品應有盡有，非常多元化😚而且間隔闊落，好岩同朋友共聚或情侶們做個少少慶祝紀念都合適🩵

食lunch想食日式料理又有好選擇，就係位於銅鑼灣既申子居酒屋，佢地而家午市套餐仲做緊買一送一優惠十分抵食。牛肉壽喜燒 $288雖然佢係lunch set，但係佢個份量都唔野少，有前菜，湯同沙律，特別係個前菜牛舌，軟林得黎又有牛味，都幾高質。牛肉壽喜燒都好多塊，塊塊都切得好厚。旁邊仲有好多蔬菜，索哂壽喜燒同牛肉既味道，非常惹味，撈埋飯食真係一流。鰻魚玉子飯 佢地送既都係一個套餐set黎，所以都係會有齊哂前菜沙律湯，超級滿足。鰻魚細滑帶油香，而且無骨，水準之上，加埋玉子既甜味同鰻魚照燒汁，十分之夾。極上鹽燒牛舌芯 $88隨餐可以附加小食，我地揀左牛舌芯。牛舌燒正外層香脆，但係入面仲保留到肉汁同粉嫩，幾值得一試。

係openrice見到有折扣，諗住試試佢。上樓嘅日式餐廳，選擇唔係太多，食物質素不過不失，不過嘢食份量真係太少啦，一大班人分就係好少。價錢偏高，性價比唔高。加上當日去嘅時候有好幾樣菜式都無供應，有啲失望。

老公生日興祝系列之晚餐，我揀左申子居酒屋，我哋之前食過旺角分店覺得唔錯，今次就食申子既銅鑼灣分店。📍銅鑼灣 申子居酒屋我哋食左：🌟必食申子海膽和牛燒💰378申子選用係A4鹿兒島和牛，和牛好似成個碟咁大塊，和牛雪花平均，用火槍燒然後中間包住蛋漿再燒。最後面頭加埋鮮甜嘅海膽同魚子醬，一啖咬落去多重口感，有魚子醬同海膽既鮮味，火炙既和牛香味，中間啲飯入面嘅蛋爆漿係口入面，一試難忘。🌟極上蟹膏蟹肉燉飯💰288上次食過蟹粥，今次食飯，蟹肉，蟹膏同三文魚子都超多，撈埋啲飯。每粒飯都沾有蟹肉蟹膏同埋三文魚子，十分滋味。🌟蓬松玉子💰108玉子份量超多，日本蛋炒得好香滑，中間仲有芝士流心，配埋日本喼汁，升華蛋既香滑。🌟極上鹽燒牛舌芯💰128牛舌芯好厚實，一啖咬落去好彈牙。牛舌冇膻味，就咁食都好食，隔離仲配有鹽同埋小小䄂子點埋牛舌芯食另有一番風味。總結：申子選用材料優質，份量多，食材同味道媲美日本居酒屋🏮📍 申子居酒屋 (銅鑼灣)銅鑼灣渣甸街50號渣甸中心9樓10分滿分味道：8/10環境：7.5/10價格：7.5/102人總數💰992（已加一）496#hkfoodieblogger #hkblogger#

最近見申子午市依家做緊套餐買一送一優惠好抵食😋就決定去試下去完北海道之後就對海鮮丼念念不忘標準都高晒🤣我地要左一個申子三色丼送鰻魚玉子丼有海膽三文魚子吞拿魚蓉依到既海鮮丼都拍得住日本既水準😋海膽鮮甜 三文魚子好鮮唔會太咸吞拿魚蓉軟綿 油脂豐富✨鰻魚玉子丼大大條鰻魚 好軟稔 玉子好厚身 香香甜甜 💕套餐既配菜都好有誠意 有麵豉湯 牛舌 同蟹肉沙律 啖啖肉另外追加左鹽燒牛舌心 依個一定要加😋 牛舌心好爽口 帶焦香 正✨

這家日式餐廳在午市時段推出買一送一的優惠，便約朋友過來午餐。⭐️鰻魚玉子鰻魚很厚，肉質柔軟﹐入口即化﹐與玉子滑順質感融合得恰到好處。⭐️壽喜燒配有白飯和生雞蛋。醬汁恰到好處的甜鹹比例﹐與牛肉、蔬菜完美融合﹐散發出撲鼻的香氣。金針菇的脆嫩口感﹐更是增添了這道菜的層次感。配上一碗溫暖的白飯，滿足。兩份主菜都有兩碟小菜，蟹子青瓜清爽可口﹐蟹子的鮮甜味融於其中。牛舌的鹽燒手法更是將其原有的嫩滑口感發揮得淋漓盡致。⭐️極上鹽燒牛舌芯牛舌芯很彈牙爽口，很不錯。

✔️福岡牛腸鍋 $280講唔停成日都係youtube 見到啲mukbang會食一條條圓滾滾好多肥膏嘅牛腸 一直都好想試😍 而今次又見到期間限定餐牌有呢一款就即刻嗌咗黎試 呢度嘅牛腸已經切成細細件 所以冇平時見嗰啲咁震撼🥺 不過食完就會知道點解要切到咁細粒 因為牛腸本身會有啲韌 如果好大件嘅話會好難咬🤔 所以切做細細粒反而更加容易進食😳 牛腸質感煙靭 掛住滿滿嘅肥膏 咀嚼嘅時候油脂感係口腔徘徊 超正😋✔️廣島蠔春卷 $108外皮十分酥脆可口 春卷裏面每一條都包咗一隻大廣島蠔🦪 炸完都冇過熟 鮮味好出🥰 唯獨是覺得加咗紫蘇葉破壞咗少少味道🙈🥬✔️申子海膽和牛燒 $378呢個係每次嚟都必點‼️ 今次店員仲要表演咗幾個花式去燒牛 食得又睇得📸呢款嘅和牛真係入口即溶 加埋蛋黃真係無比嫩滑🍳 雖然價錢上係比較貴 但係真係世界級好食😍✔️極上鹽燒牛舌芯  $128牛舌心都係每次都會encore嘅菜式😚 肉質十分爽彈 肉味又濃 真心冇得彈🥳

申子居酒屋⭐️牛肉壽喜燒⭐️ 角切魚生丼申子居酒屋最近做緊lunch set 買一送一promtion。我地喺揀咗個牛肉壽喜燒set，餐廳話可以喺四款指定lunch set 入面揀一款送。四款lunch set 分別係鰻魚玉子丼、和風牛舌丼、親子丼同埋角切魚生丼。首先講下牛肉壽喜燒，入面大概有十幾片安格斯牛肉，醬汁整體都偏甜，但係配上日本雞蛋中和番個甜味就啱啱好。角切魚生丼有d 驚喜，唔單止份量好足，而且每一款魚生都好新鮮，完全唔似係一個免費lunch set。

超好食大滿足推介😋之前已經食過晚餐，試過邪惡流心芝士豬扒，今次知道出左午餐買一送一，即刻同同事一齊試下，超抵食‼️份量仲好多，餐廳話驚客人唔夠飽，特別加大份量😋細食既朋友記得叫少飯，因為真係太多，午餐係到食座得舒服，夠靜🤫私心大推蓬鬆玉子，拉絲芝士，勁好食‼️好邪惡😆😆😆壽喜燒湯好夠濃，我好中意😋鰻魚飯無骨呀🥹好怕食到有骨既鰻魚，連配菜都好食，下次試埋其他😋壽喜燒定食$288 送鰻魚玉子飯蓬鬆玉子 $98

申子必食✅勁香每啖一粒粒爆の海膽炒飯😋申子海膽和牛燒🐮入口即溶😋燒完之後滿滿嘅油香，再加海膽鮮甜，日本蛋香滑🌊⚠️激爆⚠️吉列三重芝士千層豚肉🐷，流心千層，啖啖芝士🧀，外層薄脆，非常之香口勁香口「必食」海膽炒飯，粒粒三文魚籽&蟹籽係口入面爆發🌋幾重鮮味係口入面浪嚟浪去🌊［申子居酒屋 (銅鑼灣)］📍銅鑼灣渣甸街50號渣甸中心9樓推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8.5⭐️環境（10⭐️滿）：7.5⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：7.5⭐️服務（10⭐️滿）：8⭐️地點（10⭐️滿）：9⭐#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #香港必食 #假日好去處 #相機食先 #美食推薦 #食評分享 #美食博客 #美食分享 #美食しい #食左先講 #852ig #hkiger #hkkol #抵食 #winsomelai

午餐做緊特價買一送一，好抵食。刺身定食配鰻魚玉子飯定食包括：前菜、味噌湯、蒸蛋、刺身併盤；成個set好齊。刺身併盤賣相精緻，每日款式不同。刺身新鮮質感嫩滑，好滿意👍！特別係個牡丹蝦刺身，肉質彈牙。帶子係入口即溶！烏冬幾好食，麵質好軟身，湯頭又香甜。鰻魚玉子飯，超大塊鰻魚又厚身；玉子係厚身好有口感，同外面食個d好唔同，我鍾意食玉子。炸蠔春卷小食（新）炸蠔春卷炸得好脆好好食😋內面大大粒蠔肉，口感好正