田中日本料理

营业中

休息中

當然一間舖頭好食而平先多人等，餐set 食45分鐘都只不過唔想d 人o係度dum波鐘o者，佢間舖咁細，而出面又成日咁多人等……其實我平時兩個人去食都好夠時間囉。<br>食物方面就抵食夾大件啦，大約40蚊一個飯夠兩個女仔呀，壽司手卷方面，同出面差唔多價錢，但係size 大人地兩三倍喎。如果o岩食，雜錦手卷有六件巨型手卷，都只係72蚊，一件12蚊喳，真係好抵食o家。仲有佢d 三文魚好新鮮，真係睇住佢成條成條咁切出黎，可能好好賣先可以咁做啦。<br>若果d人唔鐘意佢做生意o既方法，咪唔好去食囉……人地整d 野係好食，都怪得人地做得咁大牌。

期實我都幫襯過好幾次.食物都幾好,而且大件, 但係D 服務員就...上兩星期同我太太諗住去食25/12 見好多人係門口等,諗住都照等,就叫服務員登記,點知個女仔好唔禮貌講句'今晚唔做堂食呀!!"大佬呀我係有錢幫襯你嫁.後來我先知問口D人係等外買仲有佢地限人地45分鐘食完!!一坐落張臺你計時, 大佬呀,唔係要鬥快食哂下話!!?"今時今日,咁既服務態度點得嫁!!"

我上個星期日晚食過，之後個口乾了成日，唔知係咪芥辣或豉油有問題。

田中o的o野食真係平靚正呀!不過可惜成日都o甘多人, 次次去親都要等位o的三文魚刺身大大件, 又新鮮全部o野o既size都好大, 價錢又唔貴值得幫襯呀!

We had a very good taste Japanese food there in early April. especially the 魚生拼盤, 魚生好大件both quantity and quality are very excellent ...

大致上呢間日本餐廳的食物都幾好味,尤其魚生, 實在新鮮, 我相信是元朗區數一數二之日本食店, 而且此食肆之食物大件埋抵食, 只不過可能因為近牌太多食客, 而且經常大排長龍,所以此食店開始實行限時進食之新規例....每次限時四十五分鐘, 本人覺得時間實在太少啦....不能讓食客細心品嚐美味的食物>.< 實在是.....希望盡快取消新規例啦.

田中雜錦手卷真係抵食,一客有六件,都係七十幾蚊,帶子成個五蚊銀咁大件,有時仲大添,又新鮮,都係收三十幾蚊半客,七十幾蚊一客,半客有八件.一客就有十六件,另外甜蝦拼三文魚刺身,就六十幾蚊,真係非常之抵食,我食過三次田中都係中午,所以唔駛食得四十五分鐘.......

<br>田中雜錦手卷抵食夾大件，剌身新鮮，水準一流！可惜地方太細，而且服務態度一般。加上等位要成個幾鐘，但只限吃45分鐘，令到顧客食到背脊骨落！條氣頂住頂住！

真係好好味,壽司刺身都好大件,好新鮮!! 如果兩個人去,最好望下附近的食品份量,才決定叫多少野食,因為分分會叫多左,食唔哂!!! 但係環境好迫,間舖好細,所以要等好耐位!!! 大家要有心理準備!!! 仲有呢間舖頭係逢星期一休息的,我試過星期一去撲個空!!!好慘!!!