田中日本料理

营业中

休息中

我那天下午6:00去到，雖然no.要等10幾張，但因為田中人齊可優先安排，所以我們好快可以入去。個人好欣賞這項措施，另外，45分鐘都幾足夠，因為食物上得好快！三文魚壽司那片三文魚大大件，最適合我這類愛好者！如果三文魚刺身再大件d，就好啦。餃子窩好好味，用泡菜做湯底，辣辣地好開胃！食物整體上，都唔錯，難怪咁多人等位啦！我發覺元朗都幾多日本菜，唔入去真係唔知呀！

個服務生可能係同你講唔做外賣咋~~~當日既生意好好好早已經唔可以登記入坐係因為冇法入哂d人有時d客嘈係好正常,因為等好耐,比我都唔開心但o係個同時大家有冇諗過佢地係好忙做唔切野會俾人罵呀~~

食得要快,45分鐘內食完雖然平且大件,但要在45分鐘內吃完則心理上頗有壓力呢!

雖然佢好多人等位，我6:30開始等，到7點有位。雖然佢限你只有45分鐘食野，雖然佢d位真係好迫。價錢唔係話好平，不過佢既分量真係好多，係出面既一倍有多，咁計落就覺得好抵啦。而且d食物好新鮮，如果想食得舒服又想試田中，咁就叫外賣比較好。我叫左三文魚壽司，鰻魚壽司，加州卷，三文魚卷，豬扒蛋飯連面鼓湯，雞軟骨串。共$136，我地真係飽到唔郁得，好飽。

九點幾去，所以唔駛點得位。三文魚壽司新鮮，炸蠔都好正，甜蝦壽司，個頭d膏鮮都震。地位真係細，後面係洗手間，d人出出入入，差不多張桌頂住個胃黎食野。食天婦羅，佢地後來俾多隻蝦我地，原來係師傅話，有隻煮得唔係咁好，so 送番隻。可見佢地做事細仔和細心。

講真，呢間野係食大件同抵食……可能又因為d野去得快，所以d野都好新鮮雖然環境係迫，但未至於好差，想又抵食又有比你坐得耐坐得舒服o既，間野都唔會生存得好耐！酒泉我都去過，奈何d野細件，唔抵食……去慣田中o既人客唔會鐘意佢果套，而且我食過唔算真係好新鮮……所以酒泉依然做唔起係有跟據o既總而然知，想食得自在，唔介意比得多少少錢o既可以去酒泉，想食得抵唔介意環境迫o既同等o既話就去田中囉

去到等左４個字，都幾人等，不過食得０個９個字，去得快都正常。<br />但真係好逼下，不過野食就真係幾好食！<br />兩個人食，點左三文魚壽司同刺身，帶子壽司，拉面，蠔，食完好飽下<br />ｄ三文魚壽司真係好正，勁大個，元綠價錢，塊三文魚大成倍，個拉面早知唔好叫，普通，早知食其他仲好。聽日講手卷好抵食，早知叫呢個！<br />總共食左百幾蚊，好抵ａｒ<br />如果唔嫌環境差，食得咁少時間，ｄ野食真係好好食。同埋仲有另一個方法，就係打包，都係即<br />ｍａｋｅ，又可以舒服咁食！<br />

地方好窄, 等45分鐘先有位, 但又要齊人先可入坐同限時45分鐘離座, 如果係好好食的話都覺得值, 但本人覺得名多於實, 不是十分好味, 只能說一般抵食, 另店員服務很差, 平均每人要100蚊!!

田中隔離間'酒泉'都好好味,,有次食個lunch set,唔使$40好多野食~(七味燒左口魚跟地獄湯烏冬, 三文魚sushi兩件, 蚧籽沙律一小碟, 炸茄子一件,& 麵豉湯,,加一罐雪碧)又唔迫,又坐得舒服, service都幾好~好過田中好多田中d service超級差呀,以下評分係酒泉既個喊係田中既

1. 地方淺窄: 試過同女友去食, 安排坐晌巷口位...問題係, 巷口係其他人出入之地, 同巷既人要出入的話我地就一定要企起身讓人行, 當日我同我女友晌果指定既45分鐘之內共企起身讓坐共8次(包括俾食客出入同店員埋去執野, 一出一入都要企開), 計一計, 平均5-6分鐘要停一停口俾人行。當日女友仲嬲到最後果幾分鐘係企晌度一路等店員執入面既野一路食, 等全間舖既人望住, 以示不滿。2. 服務態度亦都一般, 當日要我地成日起身坐低起身坐低連一句「唔好意思」都冇之餘, 連要求添茶添水都口黑面黑-- 仲有一單唔關我地事, 但係就見到門口果位知客姐姐同個等位既人客嗌交, 起因係個人客唔滿意位姐姐既態度。3. 食物水準晌同區黎講確係最好, 呢方面無容置疑; 不過又唔見得話真係勁好食, 而家只不過係「池裡無魚蝦自大」而矣。所以, 總結黎講, 美食係要黎享受既, 而唔係要黎倒落肚既... 限時限刻, 店員態度又差... 正如我女友所講, 為左維護自己作為一個有權利食野既人既尊嚴, 我地唔會再去呢間野架啦。

唔明點解o甘多人話正, 我反而欣賞旁邊的"酒泉", 帶子刺身好新鮮, 好抵食, 唔使排長龍, 何必吹大田中呢?

老實講我覺得咁既價錢食到d 咁既野真係好抵!! 講食物質素, 佢o係元朗可以講係一哥! 當然同d 千幾蚊上落樓既都有d 距離啦~ 之前佢搬左我唔知~ 去左果間叫金田既日本野食... 食落先覺得唔同... 我自己每次去一定叫三文魚刺身!! 因為實在又大件又新鮮~ 除此之外會叫蟹子沙拉、天婦羅同海膽~ 仲有! 如果多人既可以叫什錦手卷$80 for six! 真係好抵~

你地覺得唔正, 咁未唔好去食囉.等我地呢o的常客唔使等咁耐位...正

而家"田中" 屹立係元朗教育路，雖然舖係搬左，之但係依然咁多人，佢隔離都開左間日本料理抱住執死雞既態度。田中未搬之前，同B 仔好近，大多數人食完佢就順勢去理B 仔，搞到成個元朗最旺就係佢地。但其實各位有冇諗過又或者試過食完佢D 大大件既三文魚會好溜，都唔想再食其他野。而且佢地又捉到消費者同師奶們既心態認為"大大件" 就會"好抵食"，講真如果係好野，應該係貴精不貴多先岩。自問雖然唔係田中既捧場客，我反為覺得佢地既"咖哩朱扒飯" 仲好過大大件既三文魚。至於服務態度呢樣野，佢地一向都冇亦都唔著重，事關佢地成日請好多替工，同埋佢地認為自己"唔憂做" !!

田中0的0野食真係平靚正!但出面等位D人仲多過食緊0野D人,變左0係裏食野好唔自在,好似個個人0弟住你食咁!壽司同刺身夠哂大件又新鮮,D 0野食抵食夾大件,雖然等得耐,食完D 0野都抵番哂啦~