田中日本料理

营业中

休息中

星期日晚９：３０到田中門口，遠遠都見到很多人正在等位，眼見其他食日本野的店舖都冷清清，這裏偏偏甘多人，一於試試～都很快有位，但要在門口點了食物才可入座，門口服務員可算有禮．我們二人點左雜錦刺身，腐皮壽司，綠茶冷麵，我們都知這間店出名大件，所以不食壽司．食物很快上枱，綠茶冷麵有點失望，因為沒有期望般大，比元綠的夏日刺身冷麵還小；腐皮壽司很大更有好濃的醬油味，腐皮好厚，好好味～雜錦刺身上枱，很集中注意ｄ三文魚，因為實在很大，有６件，更有４隻大大的甜蝦，比出面其他壽司舖大２倍，反觀其他刺身：北寄貝，帶子，劍魚腩都普通ｓｉｚｅ；最差是８爪魚很薄和不是太新鮮．服務都可以，經常加茶，要多碗冷麵汁都樂意給上．我看隔離枱的雜錦壽司原來都很大同刺身一樣，今餐食得很飽，食左很多三文魚，有點油膩！

我住在田中的附近，所以有時都會幫親它們，但因為太多人的關係，我每次都是叫外賣的，然後自取，所以都未試過那裡的服務如何。食物方面，真的不錯，份量很大，味道也不差。但現在已搬離很遠，恐怕都未有機會再吃了。(因服務未試過，所以評分為1)

同區日本菜來說﹐田中的食物質量絕對大份兼抵食。但就如下面各食家所說﹐不要對Service 有任可指望。吃飯和拉麵用料不錯﹐我吃了個雜菜拉麵﹐海苔大大塊呢。鰻魚飯也燒得很香。這裡的三文魚頭卻係不得不試。唯一一個無人等位的時間係晚上6點半前﹐之後人會多到得人驚。再要等到九點半後人先至會開始散。若你住元朗叫外買的話﹐或者你有車豪得起又多人食入元朗外賣的話﹐這裡的食物都可以。田中在元朗區來說真係算晤錯的了﹐他隔離的酒泉差不多quality卻少有滿座的。隔兩條街的勝兵衛﹐從食物質數﹐服務到衛生都不知所謂。

朋友介紹了成年，說這店的賣點是：三文魚跟平價刺生十幾蚊就食到大大塊有成六吋長三文魚的握壽司廿幾蚊有件內有4塊1吋厚成半個手掌大的三文魚手卷佢\推介的是六十幾蚊就有一板海膽連飯另有各式特平魚生見佢\約左我成年，上星期終於同佢\地去左。一去到，如前面各食家所講一樣，要等好耐位之餘，仲被迫邊等位邊點菜，真係趕客咁趕，一句講哂，就好似「野食已經平俾你啦，你仲想點呀?」的感覺。事但啦，我忍你，食左至講，一入去：首先，地方擠迫，我地四個除左個肥佬都算幾瘦，都仲覺迫；其次，服務奇差，唔知係唔係趕收工，傳菜似飛碟，好似當自己的食物是垃圾一樣拋俾客人；但最失敗的是刺生不鮮，海膽也假(我指口感)，魚生總類算多，一般常食的都齊，但真的不鮮，且價錢實令我感不安，始終如果要收支平衡，我想來貨價一定要平到你唔信先可以咁樣賣，就似返大陸食野，平到你唔信的情況下有點心寒；另外，刺生用的醬油同wasabi完全唔得，日本菜中低下些如元氣等都好過佢\，更枉論這是壽司店；食完真係有之前食家的感覺，你當我地係垃圾桶呀?老實講，或者得罪講句，我覺得在元朗區不錯這算是ok的店，但論品質，(連基本刺生的醬油都攪不好)，我可以肯定這不

等等等!!! 最憎就係等食飯!! (不過好食o既除外!)o個次去等o左成個幾鐘, 又要你一早choose 好o野食, 入到去就好似打仗o甘, 食慢d d 都唔得! 無o野呀?! 而家你估我o黎乞咩!間o野又細又迫, 同人背貼背lor, 肥d 都唔好去呀!d o野食o甘大又點ar? 垃圾都可以好大舊啦, 又好食喇wor? 我可好好好好好x 1000000000 sure o甘同人講, 如果你認同「你個胃唔係垃圾桶」, 請千萬唔好去呢間o野!

2001年我開始幫襯田中, 到宜家我都一直支持.推介食物: 三文魚壽司/剌身, 鰻魚壽司, 吉列炸蠔, 帶子壽司/剌身.留意d特價o野, 例如: 海膽($60一板) - 好多人食o架.

身為一個元朗人, 一定幫襯過田中, 我第一次幫襯田中時,它仍在b仔隔離, 是元朗的朋友介紹, 印象中好多人, 排了2個鐘, 地方又細又熱又人多, 只是魚生好大片, 談不上好味又不是好新鮮, 極其量只是抵食, 但不會再去.昨晚再去, 今次是d kln fan 入來要求去食, 6點鍾已經爆曬, 等左1個鐘, 食得45min, 食物質數沒有改變, 分量比以前少左, 價錢貴過以前少少, 就連好抵都不是, 何苦要等咁耐.元朗愈來愈多田中這類型的食店, 再這可能又成為令一間加太賀.

今晚去了想去好耐的田中...我在家睇完奬門人去,都九時四十五分,等了兩分鐘就入去,可能太晚了,它十時半關門.去到點了三文魚加甜蝦+ 天婦羅+ 銀雪魚+ 魷魚蟹子壽司, 都只不過是212元, 都好滿足, 加上不用排隊. 下次如果再上, 都可以考慮晚少少去, 不用排長龍, 都是食都無味....

之前一直聽身邊o既人講到點好點好,就同個fd去試,不過去到足足等左45分鐘有多,仲要o係條街到ling住張紙選左食咩落order先,入到去坐得好迫,壽司d飯好"納"上面d刺身雖然好大件,不過唔好食,d蝦唔新鮮,好(梅),不過個蟹子沙律好正,好大碗,土佐豆腐都ok好味,不過佢地好似好趕咁,我地剛食完就即刻收野同問我地食飽未,如果食飽就埋單好唔好,好似坐多陣都唔得PS: 個知客幾好人,見我地兩個女仔ORDER左好多野食,有D DOUBLE左(如三文魚刺身同三文魚壽司都係三文魚),佢叫我地唔好叫,唔好"SIDE" $$

幫襯田中都有一段時間，從不限時到限45分鍾、從舊鋪到新鋪.....食物都是抵食大件，好想食日本菜的時候總會想起田中，但一想到很不「人道」的等待和時限就總令我卻步......有半年沒有去，希望有點好轉，(因則聞元朗開了幾間類似的食店)，午市時間，一點到達，等位......等了幾張不算太多，原來又有新規矩，就係入座前落單，嘩...洗唔洗呀？點了一板海膽、一個蟹子沙律及兩件帶子sushi，一入座就已經放到面前，後加一個炸生蠔.....水準是依然好的.....35分鍾.....不好意思再坐下去.....因為門口仲有好多人.......有什麼感覺??我只知自己越食越快.....下次仲去唔去好呢??因為我正在思索飲食的意義......

今晚同男友去左試下, 因D同事個個都話正兼抵食.... 我覺得一般啦!! 我地叫左三文魚& 鰻魚壽司, 的確好大件, 幾正!! 蚧子&帶子壽司, D蚧子多到好似唔駛錢噤, 比起元氣大件好多.. 帶子都好大件, 不過貴左D!!銀鱈魚烏冬, 嘩呢個就唔掂啦!! 個魚好明顯落左好多糖, 食左一半都食唔到落去啦~ 不過至勁都係呢個"鹽燒雞軟骨" 真係牙都爛呀!!! 我食左兩粒已經頂唔順啦~~~~~仲有個三文魚頭煲, 魚頭魚肉得好少, 下面全部係D菜D冬菇, 不過D冬菇竟然有沙.....蚧子沙律.. 嘩.~^^~. 全場至正!!! 抵食夾大碟呀!! 我叫左個細居然有湯碗噤大, 味道好好, 好清!! 仲要只係廿八蚊炸!!!不過奉勸各位如果想去食記得早D囉位, 起碼要等45分鐘.... 同埋... 要食快D囉~~~ 因為只限你坐45分鐘...

呢道ｄ野係好大件，但我覺得ｄいくら(三文魚子)味道好怪，有冇其他人試過～？

佢最好既係d 飯夠大。。都幾好食啦！

海膽不澀，算幾好。魚生雖然大件而且味道不算差，但又沒有預期中超卓，比大坑渠旁的金田遜色（雖後者的知名道沒有前者的高）。

我最近就去過啦~(2005.1.1)我自己覺得幾好.d三文魚好厚好大份,又低食.另外都有唔少特別既野....服務方面,我都好滿意架.佢地幾忙都好都有問必答.唔錯唔錯...佢地真係好有效率,當係等位既時候,佢地就會叫你叫定野食.雖然只有短短45mins,不過果度d師父會整得好快,出得好快,唔洗擔心喎~而唔好既野當然有啦~有一次,因為唔知道原來田中係星期一係唔開.結果白行.仲有,如果想打包,果度d 盒係要收錢架~(記住要自備盒啦.)果到都幾迫,食野果陣會幾辛苦架~如果係假期去既話,會有好多人,所以要早d去等位呀~