生記鮮魚湯米線 (已結業)

5/2(五) 7.30pm上班的週五,逗留至七時許才離座.飢腸轆轆,伺機到就近的生記親嚐它的魚湯米線.七時許,店內坐滿食客,剛好跟兩組食客分享在同一桌,點了袖珍版的片頭魚腐米線$25作入門.奶白的鮮魚湯頭味道濃郁,三角片頭及魚腐各不相讓,質感佳,魚味香,木耳生菜絲及米線只作大閒角而已.說是袖珍,但本人根本未能將全部米線收歸肚內,對我等"好魚羣:來說,此店該是必經之地!

睇住佢開張，睇住佢旺場，見證住蔡瀾同TBB o既威力~佢o既米線，一個字，大件夾抵食!!雜錦米線 (魚腐、魚片頭、豬腩肉、雞翼、魚肉)估唔到最好味o既係雞翼，有好香芳o既玫瑰露，通常佢都係後上同o岩o岩先整好，所以肉汁豐富，卥水味鮮~魚腐，飽滿，唔會好似坊間果d "林"pat pat~魚片頭，彈牙，不過有d腥~魚肉，太大pat，唔彈牙，不過新鮮仲有椰菜、芽菜及木耳絲做配菜，真係好難唔飽ga!雞絲米線其實仲有一碗叫雞絲米線都好好味，又係好有酒香... 不過，每次叫o既時候，永遠都大夾抵食o既雜錦米線心理打敗... 睇o黎，要搵日唔係好餓o既時間先會叫佢~服務態度d亞姐快狠準，但態度唔錯，會問你係唔係食完先拎碗走，都算係咁啦~ 30幾蚊o野... 仲想點??食完加返杯可樂飲，真係好滿足ga!http://hk.myblog.yahoo.com/ultrabearhk/article?new=1&mid=10

一月十八日 (星期一)近幾日吃得太多,決定今日和老公仔決定來個light lunch!老公仔提議到生記吃米線坦白說他是我吃過最好吃的魚湯米線行遠點都值得呢是日比較早去到,所以不用等位我點了魚腐魚片頭米線,老公仔點了個雜錦米線魚腐當然有水準,片頭都不錯,加上一碗大大的魚湯米線,滿足!老公仔的有腩肉,雞奕,魚肉等,各樣味道是中上水準份量很多呢!女仔來說,兩個人share一碗也可以!估不到吃米線也吃得如此的飽呢大力推介生記!

今天下午和薑餅人、弟弟和頌頌去睇貨. 完成任務後我建議去生記吃魚湯米線.等了一陣便有位, 位子依舊很迫, 但客人依然很多.薑餅人和頌頌都要了魚腐豬潤米線，弟弟要了魚腐米線，我就揀了鮮鯪魚滑米線。 另外再加兩款小食, 炸魚片頭和炆豬腩肉.魚湯清甜不涸喉, 最愛是胡椒味不過重, 結果連湯都喝清.魚腐鬆嫩, 但我的鯪魚滑更出色. 鯪魚滑彈牙帶點煙韌, 魚肉清香, 可説是我吃過最出色的鯪魚滑.米線爽滑, 加入芽菜, 木耳絲和椰菜絲, 十分健康清新, 縱使分量不小, 吃完也不過膩 (不代表不會過飽, 哈哈)炸魚片頭一向是我至愛, 怎也不會太難食 (主觀大於一切).炆豬腩肉是切成薄片, 薑餅人和弟弟都讚不絕口. 鹵水味香, 不膩但充滿油甘香.四個人都吃清, 哈哈, 很大食啊！

我都多黎, 因為喺附近做野, 佢既雞絲好有酒香, 但會蓋過其他餸的味, 所以不宜配魚片魚滑之類東西.雞翼一流~ 又滑又夠味又大隻魚腐唔使講啦, 人人都識嗌食果陣係好味, 仲忍唔住飲晒d湯.....但每次食完都口渴.....是味精嗎?

去過生記鮮魚湯米線二次, 第一次在數個月先, 人不算太多, 魚腐魚湯米線的味道一流. 之後看電視見到蔡瀾介紹過後, 每次午餐時候經過, 都是水洩不通, 與第一次簡直是天壤之別. 昨日好不容易再去重味魚腐魚湯米線, 但今次一張4人坐的枱, 偏要坐5個人, 加上走廊位置, 必定給職員碰碰撞撞, 入坐後找人落單都很困難. 雖然味道很好, 但受著苦吃午餐又何苦呢! 各位如想試試一碗被名氣帶動的米線, 請避開12:00-2:30pm的時間, 可能會食得開心一點!

睇完蔡生節目覺得好吸引~平時甚少出沒上環呢日特登黎試下味~叫左魚腐鯪魚滑米線 + 腩肉雞絲米線~湯底唔錯, 清清地, 食完後唔會一路覺得口渴~魚腐真係食過咁多間以黎最正! 下次要散叫一碟先得!鯪魚滑亦都好正! 又滑又唔會腥~以為雞絲係煲湯個 d, 原來係好似雞柳咁, 比想像中好味!腩肉 d 肥肉同皮我就唔太識欣賞, 不過都幾入味~本來想叫埋炸魚片頭, 點知賣晒~食食下聽到伙記話連魚腐鯪魚滑都冇晒, 果然係魚製品專家~

十月十六日(星期五)同老公到了生記,今次是試試魚湯米線這條line!上次吃過了粥麵,果然好吃!放心試試他的鮮魚米線吧!魚腐米線,先說魚腐,很香的!與魚米家的差不多,而且還要大粒呢!加上魚湯,很濃,很鮮味!!!好吃呀!!米線份量不少,加上了椰菜芽菜!美味!雞絲魚湯米線,雞絲比想像中好吃呢!雞絲有點酒香味!!!我不喜歡吃雞絲的都覺得水準高呢!!推介!上次帶帶同事來吃!不過記得要早點來呢!

生記係上環都出晒名啦,但係次次都係食魚腩粥就算知道新開有魚湯米線都無意卻去試偶然星期日睇到蔡瀾介紹呢到個魚湯好似好好食咁把心一橫中午去試試啦一去到人頭湧湧決定叫外賣叫左魚腐米線原價$28外賣減$3先試個魚湯,睇落油唔算多,一飲落去真係好鮮甜個魚腐其實同隔離粥店既魚球差唔多不過就軟身小小同埋咸左小小個米線唔知係咪外賣既關系所以都幾脹身同幾諗下不過淨係要佢個魚湯都抵番晒

昨天休假便趁機會到蔡瀾先生介紹的生記魚湯米線,嚐嚐他們的招牌米線.因正值周圍辦公室放午飯時間,門口聚集了一大群食客.以往見到這樣的"大場面"必走無疑,但專程來到就只好四處逛一下,等人流稍散才進去.結果在2pm終於有座位了.店子是典型的小店格局,人多擠迫.論環境頗為不舒服,不過侍應的招待蠻殷勤,效率不錯.點了魚腐米線,本想以$28的價錢,應該不會飽肚,所以想點炸魚片頭小食.不過,因已售罄,只好作罷.當米線上桌的時候,真的很驚訝!!!竟然有6粒乒乓球般大小的魚腐,而且喝一口湯,真的嚐到魚的鮮味.實在太好吃了,尤其是魚腐又軟又大又入味,簡直難以想像現今還能以$28的價錢,吃到這麼好味的真材實料,好食夾大件的魚腐米線.果真蔡生沒有介紹錯!

22-9-2009身體不適, 想食得清淡一點, 又想去遠一點, 嚟到呢間魚湯米線店. 而點解會俾佢吸引了過來, 當時係因為 「生記」(http://www.openrice.com/restaurant/commentdetail.htm?commentid=2028751) 兩個字 1:15pm 嚟到, 都等了 10 分鐘先「攝」到位, 立即叫個魚腐 + 豬膶魚湯米線 (屬「自選雙併」, $34).湯底呈米白色, 仲見到唔少「拆」 出來的碎濕濕魚肉... 熱得燙嘴, 味道好家庭 feel, 先覺得好清, 跟住開始有魚鮮 (非「腥」) 味的 "aftertaste", 好飲喎 索湯的米線雖然淥得偏腍, 但因為湯實在不錯, 差極有個譜的; 魚腐打得鬆泡, 不過調味似乎唔多勻, 頭一兩舊魚味較突出, 但其他的就太勁胡椒味, 嗆喉到呢 豬膶薄切, 賣相好似剛剛熟幾吸引, 但食落又硬又粉又苦澀, 認真唔掂! 結果食剩超過一半,「以示抗議」 環境同一般粉麵店無異, 衛生就比粥品嗰邊好得多; 阿姐們快手快腳, 態度唔差, lunch hour 算係咁吧.放低 $34, 路過可以一試

數年前於中環食過順德魚米之家, 魚腐米線好好味, 一直都好想搵最正宗的魚腐米線. 今日終於試到了, 聽聞上環呢間生記咁出名, 一於3號波都照去..下午荼, 2點後, $19大元一碗, 話雖袖珍, 但都十分大碗, 魚湯真係奶白色, 見到師傅真係即叫即煮個魚湯, 幾專業wor..! 終於開始試食啦, 先飲魚湯, 都有魚鮮味, 不過咸,..我不嬲都食得咸, 呢個魚湯真係..,...似乎咸味已蓋過d 魚鮮味了... 有點失望魚腐 - 正宗, 有魚味, 聽到阿姐話即叫即炸, 咁都幾新鮮wor. 不過油左少少. 米線 , 夠林, 水準合格.順道一提, 2點後, 大碗的米線都係減$3 --> 即係$25 @ , 真係好抵如果公司附近有就好啦!

這裡lunch 十分多人，但人流好快，我哋等一陣就有位坐。望吓周圍D人食乜先，很多人食魚腐和魚片頭。所以我都喺楝魚腐魚湯米線($28)，朋友就要魚腐魚湯米線+豬膶($34)。個魚湯好鮮甜，有少少胡椒味，幾好味喎，至於魚腐就似炸魚蛋多D，有魚味，味道都好，但就唔喺我唸個種魚腐囉。朋友話D豬膶不錯，爽口又好味。

想試好耐, 終於有機會試下。2點去叫左個下午茶(袖珍), 細碗少少, 不過雙拼都只係$25, 係果頭食野真係算抵~ 豬膶煮得岩岩好, 唔好太熟。魚腐好夠味, 唔好流野。最重要係個魚湯囉, 唔太濃, 夠味, 仲要好好味杲。會再去食, 下次要試下佢既魚滑同雞絲~

2:00pm下午茶, 袖珍魚腐拼魚片頭米線 $25雖然係細碗, 但份量十足, 魚腐同魚片頭都OK,係唯獨個魚湯底好淡, 無乜魚味, 有代改善...