生記鮮魚湯米線 (已結業)

約了友人去打羽毛球 , 只有半個小時吃飯 , 友人介紹來這間生記 , 她說湯底好濃 , 值得一試 . 看看 menu , 價格平均是 $29 , 但落單後 , 奇怪為何寫 $20 , 原來兩點之後 , 單併的價格減至 $20 , 在這個通貨膨脹物價高企的時刻 , 突然感覺好 warm ! 朋友叫的米線先來 , 看來不錯 , 但可惜是牛肉 , 沒有嚐到 . 我的香酒雞絲米線來了, 份量好多 , 味道不錯 , 雞肉好 "稔" , 吃每一口的雞肉 , 也感覺到濃烈香酒散發出來 ,湯底好鮮甜 , 沒有被酒味蓋過 , 下次如果再來附近的話 , 好想試一試這裡的豬腩肉 .

中午十二時半後都幾難有位。我叫了魚滑米線，較清淡，唯一是米線較淋，唔夠爽口。我十二時三十分前埋單走人減三元，因為十二時三十分後很多人，插針都插唔入。這裏只 sell 好味，don't expect 服務，don't expect 環境，隨時要一張細枱坐六，七個人，手碰手，滾水在你背脊經過，不過地方尚算清潔。獨沽一味賣米線，餸有魚腐 (類似炸魚蛋)，魚滑，鮮鯇魚片，炸魚片頭，豬腩肉，豬潤，雞冀，雞絲等。每碗米線均附雜菜絲，湯底是白色的魚湯湯底，飲完完全唔口渴。朋友叫了魚腐，但因為是油炸，一個人吃會比較"漏" 。鮮鯇魚片則太淋，豬潤又會食到口都"鞋"。因此都係推薦魚滑。

天氣熱, 中午有三十三度, 還要在商業區, 熱上加熱。與老婆決定買外賣返公司食, 免得在街上等候受煎熬。選了這家的米線, 其實以前當一個人, 沒約人又不想在外面吃的時候, 都會在公司落order, 十分鐘後到店舖取。今天都是吃我們平時叫的例牌 - 魚腐米線加魚滑米線, 再在對面買杯甘荀萍果汁, 然後返公司慢慢嘆。 在公司休靜的環境下, 望著窗外的維港景色, 與老婆慢慢細味那水準依舊的兩碗米線。相對在店舖吃, 又是另一回事, 不用等位, 不用與同枱客人手撞手, 更省下六塊錢(外賣每碗平三元)。魚湯鮮而沒有味精, 每次我也連湯也喝掉, 所以每次也是飽得很滿足, 而消費僅是每位二十六元, 夫復何求矣。

一碗 take away 既魚腐米線 HK$26! 有六件好大件既魚腐, 有椰菜,芽菜絲和木耳絲做配菜. 份量好足夠. 湯底OK,不過鮮味不足, 有啲啲腥, 米線份量很多但係有啲沐似 spaghetti.魚滑米線, 啲魚肉都好滑, 唔錯呀!片頭米線d片頭好爽,好彈牙, 好好味! 唔錯唔錯! Although recently they've reduced the amount of the 米線 but still acceptable for HK$26.

開o左好耐, 都似乎無乜機會食過。遇o岩自己一個過o左o黎番工, 就來個外賣自取, 反正仲會平兩蚊其實一直都知款式唔多, 但睇過食評似乎金牌豬腩肉蠻不錯, 就會一會佢啦首先, 不肯定咁樣外賣, 份量係咪會少o的, 但都已經夠我食豬腩肉數埋數埋都有六七大塊, 肥度適中, 肉味尚存而香口米線質素仍俱咬口, 伴著的木耳爽脆。魚湯味道就唔多覺喇論埋價錢, 絕對算值

去過生記食粥好多次，未試過生記米線，聽聞用足料嘅魚湯，一直都好想一嘗，但每次午市亦人山人海。今日四點做完gym就決定試試。 叫咗個細鯪魚滑米線，二點後單拼廿蚊，超平。魚滑真係特級好味，魚味濃厚，香滑可囗。米線唔太幼，好有囗感。嗰湯仲正，奶白色，香濃鮮味…仲睇，而家就去食啦！

今天去上環看中醫取藥。撞正午飯時間，人多車多，上環的路又莫名其妙地窄。這間米線店子很多人，輪侯到企出門口，幸好一個人很快就有位。吃了一個招牌魚腐鮮魚湯米線$29。六大舊魚腐新鮮炸起，不多油，內裡真是豆腐跟魚肉混合（不是魚膠啊）。米線好滑，但配料是苦的椰菜、無味的芽菜和雲耳。最差勁（出名？）是湯底，像清湯一樣，那來鮮魚湯？底部的湯喝下去還有粒粒的粉，不知是胡椒還是其他。個人覺得下了味精，吃完非常口渴，急不及待付帳去買果汁飲。環境迫無可迫，旁邊人用筷子也會撞到我的手，好幾次。

上星期三食下午茶，我已經有一排無幫襯<生記鮮魚湯米線>，2:00 後袖珍米線由 $19 加價至$20！依然非常抵食！買外賣唔使加 $1。招牌豬腩肉魚湯米線 (袖珍) $20 如果中午時段食，有 8 大塊豬腩肉，下午茶有 6 大塊，米線只比午餐少些少，成碗份量真不少！豬腩肉嘅肥瘦比例均勻，夠入味、皮爽肉香！ 仲有配菜，只有些少椰菜、芽菜及木耳絲。食米線時，有魚蓉痴住， 魚湯加上肉汁鮮美，更加惹味！味道依然！水準不變！

一碗$29既魚腐米線, 魚腐新鮮炸起, 好食魚湯冇味精, 食完都唔會口渴服務一般, 不過我唔係d麻煩友, 郁d就投訴人地服務唔好(甚至老作)...鋪頭細細, 應該互相遷就, 咁咪開心d囉!

今天下着毛毛雨，都是逛百貨公司比較好，所以我和老公選擇了中環為落腳地點‧在逛百貨公司前，我們先前往孖沙茶餐廳去吃點東西，可是到達後才發現該餐廳在當日休息，在這個時候，我們赫然見到對面鋪的生記魚湯米線仍在營業，而且店內客人不多，於是便走去光顧(前陣子本想光顧，可是店外的一條長人龍把我們嚇跑了，所以沒有光顧)‧看過餐牌後，我們點了金牌豬腩肉魚湯米線和魚腐魚湯米線，可是品嚐過後卻帶點失望‧因為所謂的魚湯，只略帶小許的糊椒粉味，而最主要的鮮魚味卻一點也品嚐不到，雖然我們不知此店採用什麼新鮮的魚，但都不應該沒有魚味!至於魚腐和豬腩肉的味道反而不俗，炸魚腐吃起來既香兼有咬口，而豬腩肉也滷得很入味，只是稍為切得薄一點‧整體而言，份量足夠，可惜湯底鮮味不足!

今晚和朋友玩遊電車河, 所以便去咗上環覓食, 因聽聞附近有一間做得好好味的魚湯米線店舖,於是乎我們就去試吓囉 這間食店就是生記鮮魚湯米線, 但原來此店直屬好出名的粥店 - 生記粥品專家。雖然這間店關門時間是晚上八時正, 我們去到已經是晚上七時四十五分, 但店員也好熱情地招呼我們入店內食嘢 !我們兩人也order 了招牌雜錦魚湯米線, 因可以樣樣都試到嘛雜錦包括有魚腐、鮮鯪魚滑、炸魚片頭、豬腩肉、鹵水雞翼。(1)先講吓魚腐, 我認為此店做得好味過魚米家, 魚腐好滑又好味(魚腐係用鯪魚肉打到起膠, 之後加生粉加蛋黃汁攪勻, 炸至金黃色, 外表有點像炸鯪魚球, 因為好似豆腐咁滑,所以叫魚腐。)(2)鮮鯪魚滑好鮮好爽滑, 真係唔錯(3)炸魚片頭就一般貨色, 沒有驚喜 !!!(4)金牌豬腩肉半肥半肉, 完全無雪藏味, 而且鹵得好入味, 肉質鬆軟(5)鹵水雞翼亦無雪藏味, 肉質鮮嫩, 好夠味至於湯湯底方面, 我完全唔覺有味精, 湯煮到奶白色, 好濃好清甜又夠魚味, 但一點都唔覺有魚腥味, 我差點想飲咗全碗湯添米線方面亦好彈牙咁大碗米線只是HKD34一碗, 真是好抵食呢

今日約咗朋友去上環溫書，我去到上環已經點半鐘，又未食野，就同朋友打算去生記食野。當我行到生記，見到有間生記魚湯米線便入了去。平時行過都唔覺有呢間野存在，可能平時都係直接去街頭的生記粥麵而疏忽了。入到去，鋪子不大，大約有三十個位置，但係比較光猛同寬落，不像權記那麼迫陝。餐牌上的米線選擇不多，但剛剛兩點踏進平價米線時間，同時我被那寫著魚湯是用新鮮魚煲制而成，便叫了一碗"香酒雞絲魚湯米湯"。不足二分鐘便上枱了，但有點失望，因為來到見到的不是雞絲，而是雞粒，不要緊，照食啦，雖然係雞粒，但是有淡淡的酒香味，味道不錯，但雞粒有點硬身，口感一般。至於最重要既魚湯湯底，淡白色，魚味也是淡淡的，不是太濃，但也算是清甜，味精也不重，整碗魚湯飲晒也不覺得口渴。整體上一般，可以再去，但正常價錢要約30元，比較不太值，下午茶時間(2:00pm-5:00)的20元價格比較合理。

三月二十八日 (星期一)今日心血來潮,突然想吃生記魚湯米線剛巧六月小姐又想一試,我們一行三人就去了遲來了一點,代價就是要等位我和六月小姐分別點了魚腐米線和片頭米線再share自製的雙併呢老公仔則照舊什錦米線廚房出菜時,店員看到少了一粒魚腐(原本應該是六粒),連忙着廚房補回真是很均真魚腐有豐富的鮮魚味,雖炸過,但仍不覺油膩米線份量真的很足,我和六月小姐都吃不完老闆晨早煮的魚湯極鮮甜,可惜太飽,不能喝光老公仔的雜錦有魚腐,魚滑,雞翼,片頭,絲瓜和腩肉最欣賞的是鹵水雞翼,腩肉半肥膏半豬肉,層次分明,口感豐富為什麼凡是叫生記的都是美食呢?

食品：下午茶$20單拼，$26雙拼。叫了環境：好逼。而且搭檯時不斷有人入有人出，食一碗米線都要斷斷續續。服務：都算沒有問題。衛生：衛生還可以，抹檯都算快及企理。餐具也算乾淨。價格：下午茶可以以抵食來形容。而下午茶是以兩點開始的，算係一個有自由Lunch hour而又可以等一會兒吃平少少的下午茶。總評：這間店最出色應該係魚腐，魚滑都好大件(雖然我今次無叫到)，而且個湯底都幾好味，米線彈牙。以$26一個雙拼來說都可以話係抵既。

十一月十一日 (星期四)由魚粥起家的生記越做越旺要來一試非一點到埗不可魚腐魚湯米線魚腐有六粒,味道好!經炸過後但不算油膩魚湯美味,豐富的魚肉味米線份量夠多,我好不容易才能吃完呢雜錦魚湯米線材料包括腩肉,魚腐,魚清,雞翼,魚角,絲瓜老公仔喜歡吃鹵水雞翼,特別推介是次的腩肉,半肥半肉,層次分,口感豐富份量很大!$36-抵吃!師傅的心血是吃得出的,誠意推介!