生記鮮魚湯米線 (已結業)

中午十二時半後都幾難有位。我叫了魚滑米線，較清淡，唯一是米線較淋，唔夠爽口。我十二時三十分前埋單走人減三元，因為十二時三十分後很多人，插針都插唔入。這裏只 sell 好味，don't expect 服務，don't expect 環境，隨時要一張細枱坐六，七個人，手碰手，滾水在你背脊經過，不過地方尚算清潔。獨沽一味賣米線，餸有魚腐 (類似炸魚蛋)，魚滑，鮮鯇魚片，炸魚片頭，豬腩肉，豬潤，雞冀，雞絲等。每碗米線均附雜菜絲，湯底是白色的魚湯湯底，飲完完全唔口渴。朋友叫了魚腐，但因為是油炸，一個人吃會比較"漏" 。鮮鯇魚片則太淋，豬潤又會食到口都"鞋"。因此都係推薦魚滑。