生記粥麵

营业中

休息中

近排病病地, 見公司附近有間粥鋪就去試下, 作為元朗人, 難免拎生記同郭記比, 而且我自己喜歡自己煲多過出去食, 此食評難免不夠中立, 今次試了1) 皮蛋廋肉粥2) 炒米粉1)皮蛋廋肉粥: 講真粥底好一般, 食落同o的酒樓平貨無乜分別, 我覺得唔夠厚啦, 用料我覺得係少, $25 一個粥只係得一隻皮蛋同o的肉碎, 我仲以為係肉片, 可能係過左海o的野就貴o的, 如此係貨式係元朗應該唔晒$20, 味道, 我就覺得有味精....其實係連我自己煲o既都不如2) 炒米粉, $10, 都係普通野無乜驚喜, 不過都叫值, 最少見到有肉, 比海皇o個d好d啦可能尼o的唔係生記出名食物啦, 所以味道一般啦, 希望下次試佢出名o既魚粥會有驚喜

6月13日，21:00紅雨夜，坐總部IT人順風車回港。到大酒店旁的大酒店下車。餓極，竟見熟悉的名字，生記進駐東區了。店光猛整潔，座位不算闊落。首先要了及第粥：粥底：綿厚、帶淡淡瑤柱鮮味。配料：豬潤偏厚味甘、粉腸味豐厚、肉丸仍離不開醃料過重。豬心爽脆。見胃納尚有空間，便追加牛筋麵。麵底：鹹水味不算重，但亦不夠爽。牛筋：香腍入味，充滿了膠質。水準同區難求，這店值得再來。

路過吃碗魚骨粥. 魚骨太碎,疑是剩餘物資. 粥底濃度尚可,夠熱. 薑蔥份量不夠,要追加.吃後口渴非常. 味精何其重手也.我是生記魚生粥常客. 此分店不入流

同事唔係好舒服, 所以就決定食 d 清淡少少既野之前食過呢度既粥, 所以今次 order d 麵試下清湯蘿蔔牛筋麵 $24蘿蔔好多下, 清甜無榨, 唔錯牛筋有幾舊, 都 ok, 不過相對其他麵舖食過既, 就比下去 lu可能自己比較鍾意食濃味少少既野, 所以清湯相對較淡同事 order 既粥, 佢地都話幾好..始終粥品係佢地既招牌, 尤其魚腩粥. 加少少豉油...好味我諗下次黎都係 order 返魚腩粥

昨晚去接女朋友收工，陪她去食晚飯，但因她沒胃口而我又吃了飯，結果去了生記食粥！我們去到剛好是九點五十五分（佢地收十點），D阿姐都好有禮貌叫我地入去，仲係無催我地落單。睇左餐牌一陣，決定兩個人share 一碗大既鯪魚球雞粥+一碟炸麵。鯪魚球滑雞粥（大碗）：相信份量是一個平常女子是吃一完的！粥底很綿，米粒完全爆開，而且很好味。鯪魚球很彈牙，很有魚味；滑雞啖啖肉，似雞球多D，而且之前醃過，好入味；仲有幾條生菜係碗粥裡面。至於炸麵，是買來的貨，不提也罷！

這裡開了一段日子都未來過, 於是找一天在午飯人潮散去後來了一試。由於不太餓, 就在袖珍粥的類別裏挑, 可是袖珍粥又沒有魚腩粥, 退而求其次, 要鯇魚片粥 ($21, 2:30 後減 $3), 又見香魚餅 ($10) 好像很吸引, 也要了。魚片粥的魚片碎碎的, 當然沒有魚腩啖啖肉的快感, 不過仍算新鮮; 可惜粥底據說是豬骨底而不是魚湯底, 不過仍相當綿滑, 不錯啦。其實我最喜歡的是那碗薑蔥豉油裏的...薑蔥囉, 齋食或伴魚吃都好好味呀!魚餅呢, 就差一皮了, 一碟有 3 塊, 有點薄身, 可是煎的不夠香脆, 有點失望啊。地方算企理, 不過店內的蚊燈啪啪作響, 嚇死人。

生記響粥品界出晒名，剛好響太古城睇完戲，兩口子行十分鐘吃碗靚粥，粥底夠綿，鯪魚球夠鮮味，夠彈牙，可惜炒米粉不夠熱，材料少，油菜份量不多，以這價錢跟質素，只能橫掃鰂魚涌，相對灣仔景記及靠得住，相差遠矣！

上個禮拜去買外賣粥返公司食當 lunch... 叫o左袖袗豬潤粥 ($21) + $5 皮蛋 + $10 炒米粉.... 明明櫥窗張價目表寫明外賣減 $3, 但佢根本就冇減我 $3, 照收我 $36... 而且收銀個阿姐態度惡劣, 我同佢理論時佢仲話減o左... 橫計掂計都冇減過又話減o左... 講真, 我唔係志在o個 $3... 但咁樣對顧客就好唔應該~!!! 恃住間舖大把生意就咁對顧客, 實在太差~!!! d 炒米粉又冇咩料, d 粥又稀..... 真係好唔 worth... 仲要受氣.... 奉勸大家唔好去... 去太古城間華昌好好多~

25/4/08 約7:30pm因為連續2天身體都不舒服，胃口又欠佳，便想一試被讚不絕的生記；但是當我外賣了一客出名的鮮鮸魚片粥，回來打開一看及用匙一攪，已經知覺粥底很"水"，跟住一吃下更加肯定粥底是"水汪汪"，距離粥底要"綿"還很遠！

對生記有強烈既感情,因為細細個爸爸成日帶我食好野,生記係其中之一. 知道佢係鰂魚涌開左分店,即刻黎試下!叫左個大既牛肉肉丸粥,加一碟油炒鬼. 米煮得開爛,粥好綿,肉丸有成八粒,結實彈牙;牛肉好嫩,點了薑蔥豉油,更是鮮甜.講真三十幾蚊碗係幾貴,但係我覺得唔可以因為價錢就叫人唔好去食. 三十幾蚊無錯係大家樂可以食到個set有湯有嘢飲,但係真心講句,你覺得係米只要俾好多野你食,就算係垃圾咁就叫做抵?只要係用心去做得好,我覺得無論係三十幾蚊既粥或者三百幾蚊既海鮮,我都會覺得"抵"!!!

生記o係鰂魚涌開左分店, 聽講o係上環好出名, 但未食過lunch 時間就同兩個同事黎試下都幾多人食, 但就好似唔多夠侍應咁好耐先至有人問你幾多位咁, 又無排隊咁去到坐低睇睇個menu粥貴過麵? 單拼$28, 雙拼$35, 三拼$42, 每加一樣餸 $7粉麵類約$24 左右呢度粥出名, 所以最後三個人都係order 左粥魚腩滑雞粥x 2 $70魚腩滑牛粥$35墨魚餅$11腐乳通菜$10d 粥幾好味, d 魚腩好滑好鮮, 加埋d 薑葱豉油更加可以帶出d 鮮味, d 雞幾滑下, 應該唔係雪雞墨魚餅夠滑, 但同事話扁左, 總店可能好d總括黎講, 的確唔錯, 可以一試, 不過價錢都唔算平雖然依家米貴, 畢竟只是一碗粥