生記粥品專家

营业中

休息中

清湯爽腩比大利的仲好味, 幾乎成碗湯都想飲埋. 尋日去食完, 今日又想去添. 下次一定要試下魚腩粥.

上次睇李純恩個專欄介紹生記,我先知原來平時搭mtr必經0既呢條街,有間出名食粥0既店,於是,上月尾就試食2次第一次叫魚片粥,唔錯~d薑蔥好好食,朋友食豬肝,?話好爽喎,第二次食雞粥,好好味呀!!!d雞係好似醉雞咁0既味,成碗粥都好爛好香雞味~下次你地去食,一定要試呀~不過間舖超細....

上星期去試了個魚腩雞粥, 粥底好綿. 但非常鹹, 最鹹係D雞肉, 而且唔係鮮雞, 好失望

lunch去買外賣, 原來呢度興一早打電話落order, 然後落黎拎。去到有6-8個人排隊等入去坐。我叫了細牛肉粥+油炸鬼, 細size已經好夠我吃了, 牛肉好滑, 粥唔浠, 但油炸鬼就已經唔脆...共20蚊, 唔知點解減我3蚊.~

近排天氣熱得不得了，連食飯0既謂口都無，呢個時候最好就係食一碗粥，一來可以清清腸胃，二來易入口，加上花款多，隨各人喜好，可以加入任何配料。尋晚兩點幾先訓，今朝又要一早起身返工，一覺醒來覺得自己好燥，好想食碗靚粥，聞說生記粥靚，好！就來一碗再去返工，叫了一碗魚腩肉丸粥，魚腩夠鮮，不過肉丸就麻麻地，有一“小”碗薑蔥熟油鼓油，粥底好綿，又夠大碗，好滿足......不過我發現個粥底好似多左D0野喎...好似係江瑤柱....一鍋靚粥不可缺少的基本料。

一日到黑都咁多人，等位差不多係指定動作。見有專人負責切魚及生菜，足以證明生意好兼貨如輪轉。招牌魚腩粥果然好味，配合薑蔥鼓油熟油就更正！相比之下皮蛋廋肉粥就無什特色。油炸鬼應該是別處交來所以麻麻地。不過食魚粥價錢唔平，兩個人分分鐘食六七十蚊閒閒地。

每次一諗起粥，第一時間會諗起澳門三元粥店，名符其實"7-11",朝早七點開到朝早十一點，跟住休息，直至夜晚七點開到夜晚十一點，跑狗就會開到一點，雖然"寸"，但係寸得真係好服佢，真係好正，肉丸彈牙，味道鮮甜......而香港亦有間拍得住下-生記，雖然肉丸冇三元咁正，但係鯇魚腩粥確不錯，平時食陣粥我都好驚熱，但係食於三元生記，就算底橫濕哂都...抵呀！

專登楂車o黎食粥，星期日下午兩點，要等位，等o左半個鐘。不過都覺得值得！叫o左鯪魚球粥同牛肉粥，鯪魚球粥非常好味～！碗粥好大碗，環境雖然細，但乾淨，連洗手間，碗碗碟碟都乾淨。侍應都吾錯，等緊位o個陣都不斷同我地閒談下。有時旺場，Ｄ粥賣晒就冇得食嫁，所以假期早Ｄ去好Ｄ！

其實都好久無去食過o野囉，記得以前每次都係食牛肉粥。印象中其粥底一點兒都不「杰」但是米粒都「花開富貴」，最深印象都是碗粥的份量實在.......勁，細碗都有日本湯麵碗那般大(印象中未見有人order 大碗)，食量小的人士最好搵人share。另外，佢地係用酒樓碗仔盛載豉油比客人，這點都與別不同。

我諗話係生記都無咩人會異議呀>??果日一支公去點左個"細鯪魚球粥~ 好大碗~例牌架乍... 魚球好大好彈牙粥底夠綿煲到米都開花~ 今次淨係食左碗下次黎一定要試多d

魚粥分骨、腩、片、球四大類，全部特大湯碗size ，相當很嚇人。