生記粥品專家

营业中

休息中

今晚無飯開放o左工要去信德搞o的野(No,唔係買套票! 哈哈)本來想去澳門茶餐\\\\\\\\\\\\\\\廳快快搞點就算但見天氣涼涼地, 不如走過去生記食碗粥.. 都有一排無去過坐低,叫o左碗魚腩魚骨粥. 好在仲未賣晒... 因為跑馬仔? 阿姐放低碟薑蔥豉油魚腩一樣的滑粥底一樣的綿材料一樣的新鮮師父一樣的多... 食晒碗粥我就唸..... 孔雀石綠...Rating: In-line with expectation

放學後有點餓, 急不及待的來這裡吃碗粥, 想叫例牌, 但巳售罄, 轉叫了鮮雞粥, 等不了多久, 就有粥上檯, 先嚐幾啖帶點糊感的粥底, 鮮甜味很濃, 粥內有數件起了皮的雞脾肉, 入口很有雞味外肉質又爽, 還有那碗仔的香蔥豉油, 放棄了咸味的豉油, 但內裡的香蔥就不能放過。生記雖巳吃過多次, 相比起其他粥店,仍然覺得此店是較特出及可保持著一貫水準。

小弟係上環工作都有幾年時間，都有食過幾間粥鋪既粥，不過都係覺得生記既魚腩大碗粥最好食，仲有就係鯪魚球粥，一定要試囉！個粥底又唔太希，又唔會太結！只可以用一個字黎形容"正"！如果大家經過附近咪去試囉﹒

還有幾天便要在其他地方搵食,都唔知有無d咁高水準既粥食,牛肉依然嫩滑,粥底軟綿,可惜炒米粉成日都碎濕濕,真係唔得,希望有機會再來!

6-9-2005之前經常都是叫細及第粥，今次試下叫細魚腩粥，但原來$26已經是細的。友人叫了細肉丸粥，見到加$4可有菜，但再問先知要加在粥裏，要碟菜應該$10才對。雖然係叫細但很大碗有3-4件魚腩、肉丸就有8粒嘩! 好抵食喇! 將菜加落粥度又真不錯!

Ordered 2 kinds of congeeSmall Pig's heart and liver congee $23The pig's heart very crunchy, the liver very tasty, overall very goodRegular Carp's Belly and Chicken $29The Carp's belly quite fresh today, not taste of mud either. The chicken is quite good although I prefer chicken with bonesThe liver congee tastes stronger and better probably because of the ingredients are marinated different.The vegetables with tofu paste $10 is very hugeOverall tastes very good, especially the soy sauce with g

20050816 8.30pm做完gym, 一個人食o野, 行經呢度, 雖然上次食完粥覺得只屬一般, 但係我決定比多一次機會......個清湯腩!1個人好容易就有位.* 蘿蔔清湯腩伊($26) - 蘿蔔同清湯腩都係招牌貨, 但我覺得只屬一般, 湯底最唔得, 一飲就知係好多"師傅"(味精). 腩唔夠靚, 韌韌地. 上湯蘿蔔不俗, 夠淋, 無渣, 但唔夠甜.* 油菜($10) - 睇張相都知個菜靚啦! 仲有個蠔油係得wor(不過都係麥文記好食o的)!坐我對面的一對夫婦, order 了兩碗粉和兩碗粥, 其中一碗只"畢"o左幾啖, 老闆見到就問點解, 個男人就答話的粥好淡, 好似飲水咁稀~ 個老細二話不說就將張單上面碗粥個價錢搽o左! 連隨就倒埋! o拿! 呢o的先係今時今日應有o既服務態度o黎嘛!~埋單$36. 好飽. 如過人逼就一定唔會o黎排, 唔洗等位的話翻o卓無妨.by the way, 大家喜歡我將o的相影到咁close-up 同tune 到咁"爆" 嘛? 我最近十分鐘意咁做, 哈哈~ XD

23-6-2005 1900今日所做既所有事結果係錯錯錯，試問自己冇做錯，個天幾時先放過我呢？本來約左人食飯，但因唔舒服，變左食自己，行下行下去了區內食粥好出名的地方，隨意便點了鮮雞粥及生菜全走。粥質素唔錯，但距離好綿程度有約干距離，雞柳好滑，但冇乜雞味，相反味精就似乎食到唔少，因為個口事後有陣好怪的化學味，係我心情唔好先係咁，還是我把口衰呢？

呢度的牛腩好好味, 除了麵, 仲可以吃粥. 唔似九記得牛腩獨沽一味. 不過份量比較少, 通常會叫多一分油菜才飽. 午飯時間好多人, 特別係粥舖, 冬天很多人的.

雞粥，d粥底好綿，好甜，好夠熱，又唔算好重師傅，非常好。雞係用雞柳，帶酒香，好滑，好正。油炸鬼麻麻，唔熱，就唔好期望好食。

粥同麵冇想像中好食清湯牛腩麵- 好普通, 比某些潮式粥麵鋪差粥- 用料不錯, 粥底有落瑤柱,豬肉丸加胡椒, 幾好食個人覺得好食程度未致於要排晒隊

週五晚一入舖,冷風襲面,就係最近流行所講「捱冷氣」.粥舖都一定唔可以較25度,無計.坐對面碗粥香到出奇,見到都流口水,但都係叫左牛肚同牛腩.牛腩係靚,但清過頭唔係我杯茶.牛肚就差d 喇,無乜味但韌.我諗d粥會好味好多.

有點熱氣，天時熱，胃口麻麻，不如食碗粥。中上環食粥的選擇不外乎兩、三個，想吃有料粥，就當然要來生記。已經兩點幾，仍然幾多人，飯市時段仍然是要排隊的，可見市場之大，一碗靚粥還是難求的。是日不想吃魚，就叫鮮雞粥，杰底。因為人多，外賣單亦不少，所以都要等左一陣至有得食。粥雖叫杰底，已不及以前杰身，仍然綿滑，夠味道，靚粥始終是靚粥；鮮雞已起骨，肉質鮮嫩，雖然附上蔥及醬油，但其實什麼也不用點也很好味，仍有水準。埋單26蚊，唔係低價，但論及粥底和材料，是物有所值，是必要一試的粥舖。當然要試其功力，不吃魚腩、魚骨，也要叫鮮雞，如果只叫碗皮蛋廋肉粥，又會有幾「驚喜」呢？見過「泰昌」及「民園」現象，有時也幾好笑，這些有水準的老舖其實經營都幾十年，日日唔去食，到其執笠才趁潮流、同人迫，我會話：「都食過唔少啦！」。

D雞本身好鮮嫩, 好甜, 再點少少莞茜豉油就好好食. 記著, size有分大細架. 我就覺得細都夠食, 下次想試魚鰾.

呢間既爽腩好奇怪,佢係預先切好晒,唔似一般店舖咁即時切,而且佢有時都會有d’根膜’係當中,平時好少食到,湯有水準,但麵就好似過淋,都算ok啦!