生記粥品專家

营业中

休息中

趕住返學, 記得好耐以前食過, 再試下有冇失準. 叫左個雞粥, 粥底幾好, 夠綿, 又有味, 再食雞, 嘩, 正, 好滑, 一d 都唔鞋, 而且仲幾多. 我叫左細碗, 但一d 都唔細, 係正常size, 女仔一定夠食. 成日都咁多人, 係真材實料既....下次試下d 面先...

中午食lunch,就係附近揾間啦.生記就係我不貳之選.叫左碗清湯根楠河~份量適中,湯底味道o岩o岩好,清得黎又有點楠味.牛根幾爽滑,但牛腩就一般啦,個人覺得九記既牛楠更加稔同滑.加少少辣椒油,即刻醒胃.價錢就中中地啦,上環區24蚊一碗河尚可接受.不過間舖頭真係好細,所以平日12點9門口都排左十幾人.環境好擠迫,背對背咁滯.(諗起舊年有日譚詠麟黎生記食lunch時,我就係坐係佢背面!!)仲要差唔多食完就即刻問你要唔要,感覺不太好.但我都會體諒生記既,lunch時間短而舖頭細,點都做多幾轉生意先.我係生記fans之一,一定回頭!

天氣回暖，胃口不免是有點飽飽滯滯，朝早想飲杯咖啡之餘，亦想吃碗麥皮。想來想去，中上環一帶，好像只記起這裡。晨咁早都一樣多人，在這裡，叫粥叫早餐都可以。叫了個有麥皮的D餐，麥皮已加糖，甜甜的，幾滑身，味道不錯，不過個人而言，喜歡鹹麥皮多一點，但這裡是沒有得選擇；還有一件三文治，要了蛋治烘底，雞蛋餡夾得滿滿的，吃罷，幾飽。杯鴦走唔係太掂，一時唔醒起這裡的咖啡或茶，都只係麻麻。18蚊，吃得飽一飽的。題外話：你或者不喜歡生記，但絕對要配服這裡的拚搏精神~由做粥起家，之後連清湯腩粉麵都賣埋，再來就是咖啡奶茶早餐茶餐，一網打盡，由早做到夜。堅守在上環這麼多年，年初亦打埋過九龍，其經營風格，跟另一牛腩名牌九記，又是兩個樣子。

叫了$20 牛肉粥粥底可算合格, 但並不出色, 但牛肉很嫩滑事後口渴, 証明有味精

四月四號星期二Y小姐成日話我對叫生記o既舖頭有癖好今日午飯時間, 行吓行吓, 行o左去上環. 都唔知食咩好, 就落o左去生記食牛腩麵排隊等o左五分鐘坐低叫o左碗蘿白牛腩伊. 一片片牛腩, 少少鹹味, 夠腍, 好味. 牛肉清湯, 夠鮮, 差唔多飲晒. 蘿白, 無渣, 夠火喉之後覺得唔係好飽.. 叫左個細雞粥. o的雞好似用成樽绍興酒醃過咁. 好入味. 粥都好綿Y小姐, 生記係得喎..

係上環真係冇咩地方有好野食，如果真係搵唔到，生記ga清湯腩算係其中的好選擇。可能有口碑啦，平時生記都好多人排隊，去到點半都重有人龍。黎到生記，我只係鐘意叫清湯腩，貪佢清湯底，唔油膩，牛腩又淋，唔會話好。試過食其他野，好似魚蛋麵或者粥咁，都係覺得清湯腩最好。可能人龍太長ga關係啦，所以排隊ga時候，伙記就已經幫你落單喇，入座就差唔多即刻有得食lu，咁都幾好，唔洗排完一輪之後又要等落單！

行經上環,見肚仔餓就黎生記試下d地道粥啦,第一次黎,一定係試下出名既生魚粥,再黎多碟抄米..野食到,頭啖粥...嗯,係幾好,魚片夠多,食左半碗碟米粉就黎啦...不過真係冇咩睇頭..明明係抄點會咁多水既....食左少少就放棄啦....then叫碟油菜送粥囉..食完之後個口好乾...相信碗粥真係好多味精

每次經過, 這裡的人龍都令人郤步, 終於一個星期日的晚上8時多, 人龍不見了!九成以上的食客都是吃魚雲粥, 我想是更好吃的, 但自己不諸此術, 於是退而求其次, 吃了魚片粥和清湯牛腩面...說實在在的, 粥沒太大驚喜, 蠻好吃就是了, 反而是那點粥料的薑葱鼓油令人歡喜; 而牛腩面, 則非常一般...

2006年2月20日朝早一起身就覺頭暈，請了病假在家，但整天都覺暈眩，昏昏沉沉的睡了大半日。原本老公約了朋友晚餐都取消了，改為買粥回來給小頭吃- 好感動呢。生記的粥都吃過幾次，似乎上環店的較好吃。粥底幾綿，有開哂花的米粒，雖然不算杰身但不會攪幾攪便水還水米還米。粥好夠味但食完不口乾，皮蛋也不澀不鞋口，瘦肉也不，幾有水準。我覺得好過銅鑼灣的利苑和北角的泉和- 兩者皆重味精。當然生記最出名的一定是魚腩粥- 魚腩好新鮮，點薑蔥豉油真好味。

今天去了上環午膳,終有機會一嘗馳譽上環已久的生記粥麵。要了出名的及第粥和清湯什牛腩麵,還有煎魚餅。 牛腩麵只屬普通貨色,麵一般,牛腩更有點「鞋」,比「潮興」更不如,清湯腩還是天后「大利」最出色。 粥做很得不錯,粥底有瑤柱,帶有少許\鮮甜,材料也頗新鮮,在粥品來說已是上品。略嫌美中不足的是粥底比較「簿」,如果「杰」一點會更好。魚餅頗出色,有魚咪, 又夠彈牙,可算是意外驚喜。

聽聞佢地牛腩出名, 所以特登去試試. 點知一去到睇menu, 原來佢只有清湯腩. 可能自己食慣濃味, 食佢d清湯腩時真覺"無文無味"~~~但d牛筋都幾彈口.....如果用返柱侯整, 一定仲好味!

下午四時多...得二枱客...難得少人...試了及第粥...有豬干, 豬心,豬肚,豬腸...材料新鮮但十分一般....粥不夠杰...好多人吃魚扣....好似好特別...可能我不懂叫.=<

我最近係上環返工.所以都有成會去生記食野..先講佢個粥..佢個粥底都算ok..幾綿..唔算稀.但食茖又唔膠口.佢d魚都幾好..雖然好多人都食魚腩..但個人喜歡食魚骨.因為佢比較滑架.但少肉..魚腩魚骨粥..不錯choose.佢既牛腩我都食過..不過不失..但我覺得唔夠大利好.

前後在生記食過多次, 講真味道同粥底都算係咁, 不過不失...已經可以在香港做名店. :-( 豬心粥、魚較粥等都算有特色. 最弊強勁味精刺喉, 食完個口會好唔舒服, 為了健康, 還是少試為妙.講到食粥, 一定要試試澳門龍華o既白粥, 綿中尚見到一粒粒米粒. 唔須要配料, 只略加一小撮鹽, 完全享受米o既清香. 香港一般o既米漿粥可以早抖!

今天吃了魚腩粥，是這裏出名粥之一。$26 大大碗，裏面有好好好多白雪雪滑o都o都的魚腩，好多... 啖啖都係肉~ 另配姜蔥豉油一碗俾你點來吃，天氣咁凍食碗粥當堂暖番晒~ 連蔡瀾食過都話正!另外呢度出名的仲有清湯牛腩，湯伊麵等，不防一試。