生記粥品專家

营业中

休息中

天氣非常炎熱 放左工 就喺附近行下睇下有咩食， 跟住就見到生記生滾粥 而家好少有生滾粥嘅粥舖食 跟住就行到入去見到好多唔同嘅粥類型~阿姐話佢有分二個size (大同細 )然後我就點咗個啱啱好一人份量 :細佢啲豬雜係好乾淨 特別係豬腸 豬肺 豬潤都好新鮮 ❤️❤️❤️肉丸 用好多胡椒粉調味 我就🙅‍♀️🙅‍♀️同唔 彈牙個粥底就食完要係咁飲水 ，我諗都好多味精😂 飲咗一支可樂 ，但係就好綿滑~個油炸鬼呢長期指定放咗喺度，剛柴又烈火🙅‍♂️🙅‍♂️🙅‍♂️ 如果唔係話好 想食可以忍一忍口

没太有胃口，就来喝一碗温温润润的粥吧*及第粥+鲩鱼片及第粥里最惊艳的是猪润和猪肉丸，猪润嫩滑，猪肉丸香弹猪杂也都很干净没异味鱼片沾酱油葱丝姜丝很鲜美一碗下肚暖乎乎的

食咗咁多年，食過咁多間，始終都係呢度啲粥最好食。雖然有好多人話比之前差咗啲，但我仍然覺得呢度啲粥綿過好多地方～坐底睇餐牌真係花多眼亂，但細心睇其實只係一般嘅配料配上不同組合。不過我咁多年嚟都係揀「魚腩肉丸鷄粥」三拼～雖然主要食粥，但配料也很重要。魚腩係呢度首選，甚至可以話為咗食魚腩粥先嚟。魚腩份量非常足夠，唔多骨，加埋碟姜葱豉油，鮮味十足。至於肉丸和鷄反而不太特別，不過不失，所以我有時也會轉食魚腩魚卜，適合不太飽肚時食。至於環境，雖然環境較差和比較細，但我始終喜歡坐原鋪入面食，咁先叫風味～

呢間舖頭啲粥好似好出名 有好耐歷史 今次經過 剝完智慧齒 食唔到硬嘢就專登買來試吓 果然 名不虛傳 啲粥真係好棉密 而且好有鮮味 魚嘅份量，亦都唔少 但以粥嚟計真係有啲貴 可以一試 亦都值得一試 但為銀着想唔會成日去食

今早會到上環工作，咁昨晚已諗定好今天早餐食乜。就係去好耐都冇去過嘅生記食粥，記得上次嚟此店都大概有十年了。呢間粥店舖位唔太大，堂食座位不多， 加上多咗遊客朝聖，聽講經常都要等位等好耐，今早8:30左右到達，未使等位。以前我爸和我經常會叫魚腩豬潤肉丸粥， 今次就照樣叫返碗魚腩豬潤肉丸粥 $77。先送上醬油姜蔥一小碗，隨後大大碗粥到來， 跟以前一樣真係料多過粥。 看得出粥底煲至好綿滑，夠火喉。入口粥味非常鮮甜， 魚腩大大件夠新鮮， 豬潤亦處理得非常好。老實講， 跟其他粥店比較， 同樣嘅粥呢度確實係有所分別。

🍴煎魚餅 $22 (3/10)魚餅好薄，煎得好油膩，食落去有少少魚味同普通嗰啲冇乜分別😂🍴清湯牛腩麵 $50 (5/10)個湯係清湯冇乜特別，牛腩係新鮮牛腩有牛尾，唔會黐牙都正常嘅，但係個面就一啲都唔爽口，仲要重鹼水味😂不了！🍴魚腩粥 $59 (6/10)好大碗，個粥好綿但冇咩魚味，個粥同個魚好似分離咗咁🧐個魚正常唔腥有魚味，好多骨，冇想像中有驚喜。推薦指數: 4/10冇期待冇失望，當普通茶餐廳食就正常囉。

專程黎食呢間出名嘅粥店，平日晚上大概7pm黎都好多客人，但唔需要等位叫左呢個魚球牛肉粥，粥底好綿，好夠味👍🏻 鯪魚球大大粒，鮮味十足🐟 牛肉好嫩滑，一D都唔嚡相反炒米粉就比較普通，黎呢度都係食返佢地最出名嘅粥好D

其實我住東涌，觀塘返工，根本上問經上環，但有時真係想食碗好味嘅粥，所以今朝一早嚟到生記食返碗。中醫話我要補下血，所以我而家間唔中都食下豬潤粥。本來諗住去旺角妹記較為順路，不過今日係星期二佢唔開，我就立即諗起生記，即刻轉車出上環。之前食得太多味道超級一般的豬潤粥，今日第一啖入口已經覺得完全係唔同級數，果然值得我專登坐車過嚟。粥底綿就唔洗講，豬潤有marinated所以入口都係好好味。平時嚟親我都肉丸粥，豬潤都正！

係中環覆診完就醒起必要去上環生記食嘢！同老公散步去到時巳是2:30休閒時段，但都坐滿八成客。當然先各自叫了腩蔔河和腩粗嘆番吓先，一放底碗河粉即刻食啖久違的湯底先啦，再食嗦滿湯汁又爽的大大嚿蘿蔔啦！之後先再細嚼半肥瘦的牛腩，好嘢放在最後食！食完河粉後點可以唔追加哩度至正嘅魚腩魚骨豬潤粥。是關細細個第一欢見到隔離啲食客食得好滋味，從此就愛上了。食魚粥最特別係多個兜用來放骨，另一小碗內有薑絲葱豉油已感覺到又識食又招積的豪氣，如果一個人來就食唔到又粉又粥。滿滿的粥內放咗成七八嚿魚腩，鱼骨及魚鰭仲有四件啱啱熟的豬潤，成碗粥嘅賣相香噴噴兼滿到瀉，難為啲阿姐雙手可以傳到咁熱嘅粥到客人面前！因老公怕哽骨所以啲魚大部份是我享用，真係得益不少，佢就十分欣賞嗰軟綿綿又好味嘅粥底了。啲魚係剛剛熟，師傅控制時間非常到家，是關剛放低碗粥時啲魚肉係剛熟好嫩滑。如果怕過火就要將魚肉放到另一碗中，反之放在粥肉仲可以靠熱力在食客食其它料的時間將魚肉再煮熟啲。通常識食魚粥的食客都會點啲豉油連埋啲薑絲細味品嚐每一件魚骨魚腩。就算我以前大熱天時都唔會怕熱照食粥，因為唔知下次又要隔幾耐才番來，個肚又唔夠試其它嘢。所以首選點都係食

生记是这条街上气势最浩荡的店了，一个铺面给粥，两个铺面是清汤牛腩面，鼎盛时期还有一个铺面是鲜汤鱼米线（现已结业）。工作日生意好得不行，座位可以混着来，只要是它家的食物，坐在面店和粥店里都能点。·性价比仁者见仁，最贵的三拼粥虽然70+蚊，但份量巨大一碗，足够两个人吃，并且用料实在，我觉得在上环已经很亲民了。一人食点袖珍粥就行，这才是正常粥品的份量。特定时段还有减3蚊的优惠（显得很有诚意），店家态度也不错。·主打生滚鱼粥，融入粥底的是用鱼骨熬成的白汤。米粒煮得开花，表面浮着一层清亮的米油，质地绵厚浓稠，粥水之间好像已经不分彼此。·【鱼腩牛肉鸡粥】大片牛肉和鱼腩虽然都不错，但都没有鸡肉绝，腌制过后的鸡肉吃起来滑嫩弹润，带着一股深沉的花雕酒香。每碗粥都会搭配姜葱豉油碟，但是鸡肉不用蘸都已经足够鲜美动人。·【正鲮鱼球粥】足足有七颗鲮鱼球，名字里不用点到也吃得出来很正，有着手工鱼丸独具的细腻鲜弹，比我在其他地方吃过的鲮鱼球还要柔软一些，与香甜绵滑的粥底融合，可谓鲜上加鲜。·【清汤牛三宝】牛腩牛筋牛肚的净食三拼，一整天的蛋白质都够了。汤头是用牛骨牛腩萝卜熬成的，鲜甜滋味气势如虹。牛腩柔韧劲道，牛肚厚

🍚生記粥品專家魚腩粉腸粥+炒米粉粥底綿滑～魚腩新鮮厚肉～部分細骨進食時要留意～粉腸處理得剛好～米粉雖唔特別但煮得幾好味👍👍皮蛋瘦肉粥+油炸鬼好多配料處理得好碎～可能正因為咁味道出哂黎好好食😋油炸鬼脆口好夾盛惠💰$1xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:食粥小編勁推介要黎試下～價錢有小小貴不過味道好～一定再黎😉

之前一晚冇食晚飯, 點知呢期太凍, 我半夜三點幾凍醒左真係又凍又餓冇辦法瞓得著, din 到五點鐘, 決定起身搵野食.五點幾天都未光, 其實我都唔知食乜, 一路出去一路睇, 諗緊食粥最暖胃, 忽然諗起以前成日食生記o既肉丸粥, 就坐車去上環.佢開6:30am 我就一開門立即入去, 做左呢日o既第一個客人.以前公司在隔離, 我會預做call 定叫細肉丸粥, 一去到俾錢就帶返公司食.佢o的粥好綿, 用鮮肉丸, 細碗都有八粒, 加埋個葱絲豉油, 自己再落o的辣椒油, 實在太好味了.有時我重會就咁買生肉丸返去打邊爐.午飯時間以外堂食, 可減$3, 外賣就減 $2.

在全香港,真材實料,魚湯底的鮮味粥,本人覺得最靚的粥底便是這一間.久不久,可能一個星期或兩個星期都要食一次.多數人是食魚粥,但我多數只是叫豬潤粥.現在食豬潤粥,在這一間粥舖,便可以食到新鮮,而爽口的黃沙潤. 一個午飯,叫一碗細的豬潤粥,我已感覺好滿足.當然這店最出名便是食粥品,但其實也有粉麵食,魚清湯腩,煎魚餅,清湯蘿蔔等等.其實什麼都好食.

六點左右入座唔洗等位，姐姐比左門口轉角位我地，座得舒服，開心曬！叫左鮮牛豬潤粥，朋友叫左鮮雞粥。大家都係袖珍size, 黎到都唔細，好在無叫大碗～鮮牛同豬潤都熟得岩岩好！朋友既雞係雞脾肉，好滑，無失望。不過油炸鬼凍既，淋曬，佢切開幾舊，好似係得半條左右。。。。想叫魚餅，但只賣到17：15。好多人都叫麵食類，有機會都要食下先～朋友話晏晝好多人，要排隊架！因為無人等位，姐姐都唔會急住趕我地走，食完同朋友吹左好耐水，整體黎講唔錯，有機會會再試！

Staycation在上環，當然要整番碗生記鮮牛肉粥，一如既往，牛肉質地嫩滑，醃得好入味，配上鋪頭送的醬油薑蔥絲，絕對令人回味無窮。加多碟油炸鬼，好滿足的一個早餐。