生記粥品專家

营业中

休息中

由於有個鍾意食野既男朋友，令我有機會試唔同地方的食物……某日放工，男朋友帶我黎生記食，佢話食客們的口碑唔錯，而我就負責record同post番我地的comments上黎。我地叫左一個魚腩豬潤粥(大$30)，一個魚球肉丸粥(細$27)。由於已經8點幾，其他食物例如油炸鬼都已經冇曬，只好專心食粥。魚球肉丸共十幾粒，雖然個碗唔係細，但都鋪曬0係個面度咁，陣容都幾誇張；男友都有同感，因為佢果碗大的d料仲多d tim……魚球好滑，唔同出面求其搵d魚整出黎畀你食……肉丸都唔錯，令到成個粥好豐富﹗男友的粥都一樣好正，我試左個魚腩，好滑亦都好juicy……粥底幾好，服務亦good~ 我地都食得好開心~補充之前的comment，佢個menu寫的價錢只係for lunch time，其他時間都係menu的價錢減$3~

第一次來上環分店，吃了魚腩魚球粥($30) －　魚腩+ 鯪魚球(6粒)足料，粥底好味！雞粥($24)　－　粥底可能受了醉雞的影響，味道較濃，雞非常入味，極推介！清湯淨蘿蔔($18)　－　蘿蔔又淋又入味，好好味！原來晚上每碗粥會便宜3元？吃得健康，總是常常想來

粥底靚靚,雞肉滑滑,魚腩鮮鮮, 正!清湯腩不過不失!!

某日男朋友仔激親我﹐原本想第二朝一齊返學食早餐...結果第二朝我就一肚氣o甘返學。去到金鐘等轉車o既時候﹐見到男朋友仔抽住一袋外賣。一問之下原來係生記o既白粥。雖然耐唔耐都會經過生記﹐不過無乜邊次係見到入面仲有燈o既...所以一直都未有機會去一嘗生記o既粥。返到學﹐男朋友仔打開個膠袋﹐我已經嚇傻o左。因為碗粥實在太大碗﹐大碗到有兩碗學記o既粥o甘濟!!儘管我如何obsessive to 粥﹐一朝早食兩碗粥實在係有o的難度...於是就同男朋友仔兩份。相隔半小時﹐雖然無出煙﹐不過碗粥都仍然算熱。第一啖食落去﹐已經令我晴天霹靂!!!我自問由細食粥食到大﹐食過o甘多間粥鋪﹐暫時只係得生記俾我覺得啖粥係清甜而且可以肯定係無味精o既。雖然只係區區一碗白粥﹐而且又唔係就腳﹐不過就係因為呢碗粥可以令人如此感動﹐所以先可以日日都令好多人大排長龍都毫無怨言。

試了魚腩魚球粥，粥底靚之餘，材料新鮮，最驚喜是好足料！材料浸滿靚粥中，＄３３抵啊！

my sister really wanted to have some congee, so i looked up the best congee place and found sang kee congee shop. we decided to give it a try yesterday. they are famous for their fish congee. my sister and i are not too into fish congee, so we shared a large beef and pork congee with preserved egg 牛肉皮蛋瘦肉粥($33). we also had some fried bread sticks 油炸鬼($8 for 2 plates), but they were already cold and therefore, tough. as for the congee, it was flavorful but didn't quite blow me away. they supposed

上環這帶食肆不小，但若揀選粥點的話，這裡無出其右。酷熱警告之下，來碗生滾粥除了挑戰自已極限之外，妄想能以高溫瑜加原理，以高溫增加血液遁環而消耗多點卡路里。老舖環境窄窄，燈光又不算明亮，若是一般普通食肆早已過門不入，但老店生記，怎樣的過了一段時間總想來朝拜一下。點了碗鯪魚球豬肝粥及配上炸麵一份，師傅們續碗續碗的制作，進度較慢。生滾粥上檯，碩大的碗裡熱粥仍在翻騰當中，而攪伴數下，鯪魚球豬肝的份量真的不小，鯪魚球滿有魚的鮮味，不會見腥，而最難纏的豬肝這裡亦掌握很好，不過火之餘亦沒有皚昧的粉紅未熟色澤，挺滑漏的。炸麵是放了一段時間的產物，可用冇厘神氣來形容，加上海量的這碗生滾粥，這份炸麵已顯得多餘了！

到生記怎能不試骨腩粥呢，粥底綿滑，魚骨大塊又鮮甜，絕不帶腥，沾上新鮮薑，即使大熱天時也不會介意吃一碗熱騰騰的粥。其他推介，生菜魚球牛肉粥，雞粥(雞肉去皮不肥膩，帶點酒香)。

今日同媽子0黎食粥~ 12點幾0黎到, 人唔多~我叫左魚腩粥, 媽咪要左豬潤粥, 跟住我地仲叫左蘿白牛腩. 魚腩好滑, 粥無味精, 好好味~ 媽咪0既豬潤粥都唔錯, 豬潤夠爽而份量好多~ 蘿白牛腩都好味, 但係0的湯較咸~雖然位置唔係太就腳, 但為左一碗好0既粥, 都值得再0黎

粥料勁正:魚腩好滑又唔腥,豬心好爽脆鮮甜有豬心味,鮮牛肉好lum有牛味,魚球份量勁多又有魚味唔算多粉,最正係魚卜,又爽又唔腥,不過成日好快賣唒. 粥底唔算勁棉不過都唔錯,味精就唔知算多定少. 彊蔥好新鮮,蔥無腥臭.其他野食方面,煎魚餅三件一碟,即叫即煎,表面好香好脆.不過由於我又叫魚餅又叫魚球,食到我想嘔.清湯牛腩做得唔錯,唔識點形容總之同大利差不多.羅白唔係好甜因此無咩特別. 檸茶茶底太淡喇價錢方面細碗$2x,大碗$3x-$4x. 食大碗的話粥底好易起水. 面食粥品同樣出色.生記係一間勁正既粥店.試過之後真係feel到'除卻生記不是粥' 真是令人懷念

來吃雞粥, 雞肉己起骨, 吃得很過癮, 不過味道覺得沒有甚麼特別耶.

今日去左上環....本來諗住去依間生記食碗粥....不過原來佢係有出名既清湯牛腩食我自己咁鍾意食牛肉...入到去就叫左個牛腩米食..價值$18牛腩係唔錯....有肥有瘦不過佢碗面送既一條生菜就一般雖然係送...不過都唔好咁林....不過都冇所謂....都係為左食牛腩辣油果d就一般....味唔係特別....落左o中冇左d牛腩味

靈機一觸,到港島吃碗魚粥,地點為上環畢街,身為粥品界之"少林寺"生記,二千年為其出過食評之後,一別數載.環境同年前來沒有兩樣,依然劑逼,如果想坐得舒適,可坐外面的清湯腩店,不過小弟堅持在老店吃,更有風味.來個腩球粥,即是魚腩拼鯪魚球,生記的鯪魚球多年前吃過,念念不忘.今日重聚,味道依然,質感彈牙,魚肉味濃,沒有被果皮"辣"到只得果皮味.魚腩當然爆到沒有腥味,肉質嫩滑且肥美.粥底依然清甜可人.餐牌上沒有的魚卜,係熟客才會叫,不過之前要致電預留.對我這個九龍人,吃魚粥首選仍是新興棧,在香港島,就是生記.

以往一定食的肉丸粥靠唔住沒有鮮肉味道、粥有淡味咗，沒有以前好食，唔掂啦

粥... 好味好多人話佢好重味精我都唔係好食得味精喎不過食完之後, 都唔係點覺得好口渴本身唔係咁食魚, 但佢既魚腩真係掂, 唔腥, 仲有四大舊食完真係夠飽肚雞帶有少少酒香味, 幾夾豬心碌到岩岩好, 唔會過鞋, 又唔會出血水佢個薑蔥碗仔同埋魚骨碟先至最有心思有時食野要睇埋呢D 少少野