甜記餃子

营业中

休息中

朋友仔話食過好好食，所以多人排隊都要試吓！環境暗坐位又唔舒服，搖吓搖吓咁好似會跌！點知職員態度原來都幾差， 落單又落錯 ！地方又坐得唔舒服 ！最大問題係食到一半先發覺啲餃子🥟生㗎 諗住叫個職了解下，點知個職員話係咁果喎粉黎㗎！ 點食呀！ 一定唔會再來

聽同事們講呢間餃子店既餃子餡款式好多，湯餃唔錯，於是點左2款湯餃試試佢！🍽 湯餃子10隻（香芹芫荽豬肉餃+ 韭菜豬肉餃配番茄薯仔魚湯）（$47）水餃既size比平時既再大隻啲，餡料非常豐，肉同菜既比例啱啱好，啱會話好膩。湯方面係番茄薯仔魚湯，雖然魚味唔算好出，不過呢個湯頭配餃子又真係幾夾，加埋佢地既辣菜脯食真係冇得彈！提提大家，呢家餃子店不論堂食定外賣都超多人排隊，記得喺office諗定食邊款餃子，一放lunch就衝過去落單喇😆

甜記餃子世一🥲食咗咁多間餃子地位都毫無動搖過湯底食得出冇落味精餃子皮薄足料又好食餃子煎得勁脆勁好食菜脯同湯餃一齊食簡直係perfect match甜記打手進場Ed

甜記餃子好食就唔洗我多講啦💛有排沒食，今日去到油麻地就用拎得order咗椰菜冬菇雲耳豬肉餃×香芹芫荽豬肉餃（雙拼湯餃）同韭菜豬肉餃×白菜豬肉餃（雙拼煎餃）🥟🥟之前買過香芹芫荽豬肉煎餃，當時覺得好食不過有啲油，今日就轉咗湯餃，果然就清爽好多😋芹菜味好濃，唔太食得出芫荽味，不過我本身兩樣都鍾意食所以都覺得幾好食～椰菜冬菇雲耳豬肉餃入邊椰菜存在感好強😂仲keep到少少脆口使得餡料口感更豐富，感覺係最有營養既一款餃😋韭菜豬肉同白菜豬肉都係經典既搭配啦，雖然煎餃無可避免因為車程會淋咗唔係咁脆口，不過都好食既～有醋包配埋一起食就唔會覺得太油～韭菜餃既韭菜都新鮮好味😋椰菜冬菇雲耳湯餃 8.0/9香芹芫荽豬肉湯餃 8.0/9韭菜豬肉煎餃7.5/9白菜豬肉煎餃7.0/9OVERALL 8.0/9鍾意甜記既餃子都皮薄餡足夠大粒，唔似另外某間餃子店得皮勁大餡係中間一啖食晒咁😂菜肉平衡得好好，咸淡調味都好啱我口味，食落好清爽唔會覺得滯😋

每日經過種總係見到有一堆人排緊，我去過兩次，都因為起碼有十張枱擺喺我前面而放棄。終於，今次機會嚟喇！只需要等4•張•枱！好！我等！都等左成15分鐘，終於入座。入得去終於明白點解等待時間咁長，因為樣樣嘢都係即叫即整，一個煎餃子要等20分鐘！不過，唔等都等咗咁耐啦，照等~喺等嘅過程裏面極之無聊，就摷咗佢枱面嗰樽菜脯嚟食，一食，驚為天人。佢唔係得啲蒜蓉辣椒嗰種，係麻辣蝦米菜脯，麻辣中充滿蝦米的咸鮮，好似泰國魷魚片果種味道，好美味，就咁空口食都可以食唔少😍我點的是蕃茄薯仔魚湯配台灣麵，加配5隻煎餃，餡我選了特別的香葉豆角豬肉，期望滿滿的泰國風味~先上的是番茄麵，食左一啖，好讚! 番茄魚湯貨真價實，唔酸但富番茄香，湯飲得出沒味精，可以放心大啖飲，加有咬口的台灣麵，再加一啖菜脯，出奇地夾，令人食不停口。食食下，主角出場了。餃子煎得金黃，皮比較厚，煎得不夠香脆，有點韌，而且有一浸油味。一口咬下期望餡料會爆汁，點知是乾的。期望的泰式風味完全沒有，出奇地清淡，唯一要讚的是豆角幾crunchy,但整體而言，唔理想。唔知是煎餃問題，定係湯餃都係咁? 唔知，但今餐而言，餃子很失色，反而個麵有驚喜， 菜脯更是今

咁多人食，評語又唔錯，就過去試一次。等咗應該半個鐘左右，就有位坐。嗌左一碗湯餃，一碟煎餃。湯餃有附送一隻小飛蟲🦟。煎餃有頭髮。唔明點解咁多人覺得呢間好食，衛生程度都真係麻麻。唔會再去幫襯！

今日試一間bookmark左好耐既餃子舖，佢係旺角同油麻地交界，基本上如果晚餐時段去都要排隊，所以最好拎左飛仔先。🐒單拼煎餃（洋蔥牛肉餃）配台灣面💰$46🐒雙拼湯餃（韮菜+莞茜豬肉）配蕃茄薯仔湯💰$48👉🏻本身想試羊肉餃，但無哂就試牛肉煎餃，結果都出乎想像，好重牛味同勁多肉汁，洋蔥味反而唔太出👉🏻韮菜同莞茜相比下就普通左啲，但都係真材實料嘅。🐒小食醉雞💰$50👉🏻個人覺得凍左啲啲，因為係啲脂肪都硬左黃色一舊舊，感覺就唔太好，但食落味道都好好，有酒味但又唔會過咸。整體係好好味，如果去我會prefer煎餃多過湯餃，不過環境因為小店，所以都唔好expect會可以坐喺度慢慢傾同好舒服

呢間真係百吃不厭～每次都一定叫蕃茄薯仔湯台灣麵～重點係要加佢既辣菜脯！好惹味💛醉雞係我心目中頭2位～ 惹味得黎又有啲酒香味但唔會過苦 好入味！我個人真係好鐘意！2個人share仲可以食多啲其他唔同既野！叫左滷水牛展都比較出色～ 個汁又係好好食！ 菜要點埋汁～煎芝士粟米餃係必食！芝士香同啲餡料好夾～好香口超好食！其他我好小會食😂次次去都要排隊所以一定要預早啲去美中不足既係環境會比較窄無咁舒服整體分數：8

-今次又出有關甜記嘅post啦💕🥟 冇計啦，因為佢真係我會再三回訪嘅餃子店，真係太好食🥺-今次晚上七點幾去，門口仍然係要排一個長龍，證明大家對佢嘅認同🤭 一路等位一路已經見到有啲餃子已經賣晒，所以想食嘅朋友真係要早啲去🤍-好彩我想試嘅仲有🤭 立即要左洋蔥牛肉併忌廉南瓜雞肉煎餃、椰菜雲耳豬肉同芝士雞肉湯餃✌🏻🥟-不得不提人哋嘅煎餃 完全係皮薄餡靚，非常推薦忌廉南瓜雞肉煎餃🥟 好creamy，仲會食到南瓜嘅甜味，我覺得兩者好夾💕 -洋蔥牛肉餃子好足料，一咬會勁多肉汁，而且食到粒粒香甜洋蔥，中和左油膩感，好香口❣️-蕃茄薯仔魚湯味道鮮甜，好有住家菜嘅味道🍅 配埋大大粒嘅餃子，完全係令人非常開胃🤪 我同張生勁快食曬，啲餃子勁多餡，配埋菜脯一齊食真係好幸福🥰

之前喺IG已經成日見到好多人都有介紹過，身為餃子迷既我一放假即刻去試吓，點知真係幾正🥟👏🏻佢都算好多款式可以揀，重有得雙拼添！有湯餃同煎餃2種煮法👍🏻但煎餃就需要等大約20分鐘～我哋分別叫咗兩款煎餃同兩款湯餃🥟💛煎餃💛<韭菜豬肉餃>身為韭菜愛好者，點都要試吓呢款韭菜豬肉餃，煎餃外皮香脆可口，十分足料，爽口彈牙既豬肉配搭濃濃既韭菜味👍🏻超愛！<芹菜芫荽豬肉餃>呢款本身冇諗住嗌😂係因為叫錯咗，但因為我識我唔食芹菜嘅關係就無試到🤫但朋友食左就話佢既芫荽味勁香，咁我諗鍾意食芫荽嘅你就應該要試下啦🤪💛湯餃💛：湯底可選擇蕃茄薯仔湯🍅/雞湯~我哋就揀咗前者🍅，係有種家的味道👍🏻<椰菜冬菇雲耳豬肉餃>呢款係最最最推介嘅😍同樣地皮薄餡多，椰菜冬菇雲都好爽口好新鮮👍🏻成個配搭都好match！<洋蔥牛肉餃>呢款嘅味道比較特別，系出邊比較少食到嘅牛肉餡，但係洋蔥味都濃郁，值得一試！

不愧為票選餃子店第一位皮薄餡靚其實一年之前已經食過一次甜記當時外賣叫咗煎餃食落感覺似炸餃而且皮比較厚唔覺得特別好食直至投票結果出咗又好多人排隊於是都無機會再食今次終於試到堂食湯餃 ($42八隻 $46十隻)皮係偏薄而且偏滑有d介乎餃子皮同雲吞皮中間餡料試左白菜豬肉餃 都幾足料味道就正常發揮粟米芝士雞肉餃芝士融入雞肉中上之選南瓜忌廉雞肉餃相當出色蒸熟左既南瓜又香又甜忌廉令南瓜同雞肉又融合但又唔會有漏既感覺

🥟雙拼湯餃($42/10隻)餃子皮厚薄適中餡料充足 每隻都夠飽滿-椰菜冬菇雲耳豬肉餃🍄充滿咗大量嘅椰菜同冬菇食落好爽口-菠菜豬肉餃🐷味道唔錯多菜少肉 -蕃茄薯仔湯🍅🥔飲落好有屋企住家湯嘅味道 清清地 無落任何味精如果湯再滿啲會更好-👍🏻👍🏻秘製蝦米辣菜脯好好味 不過食落真係有啲辣🌶🌶🌶後尾發覺將菜脯沾上醋配合水餃一齊食 惹味程度即刻大大提升😋🥟雙拼煎餃($46/10隻)有啲失望😣煎餃偏油但又唔係好夠脆粟米芝士雞肉餃🌽芝士味🧀啱啱好唔會太膩-白菜豬肉餃🥬煎餃略嫌失色四款餃之中比較普通整體來講個人比較鍾意湯餃 比起煎餃食落更加足料隻隻都大大粒 脹卜卜呢個價錢都算幾抵食 仲要雙拼都唔使加錢👍🏻下次有機想試吓嘅佢哋仲有洋蔥牛肉餃同南瓜忌廉雞肉餃😎好有特色

今日中午去左食甜記餃子，而間係朋友介紹。叫左一個口水雞麵。佢個麵清清淡淡好大碗，但係個雞嘅口水汁就好濃郁嘢味，仲要咁啱係雞髀位，幾好味跟著叫左芝士雞肉餃同韭菜豬肉餃，餡料十足大大舊餃，推介🥟。

蝦籽蠔油菜心 $22因為敏感就走咗蝦籽變成淨菜心 唔想太油就記得叫埋走油 健康啲😌 呢個價錢黎講都算幾大份 而且每條既顏色都夠翠綠 幾新鮮同埋夜晚7點幾就賣哂🥺評分: 8/10🌟粟米芝士雞肉煎餃 $50/10pcs煎餃要等大概20分鐘 趕時間的話就唔建議叫煎餃 🥟煎至金黃色 外面脆口內面啲芝士微溶 夾埋粟米同雞肉既味道同口感都唔錯😋 唯一係芝士比較膩🧀 令整體油膩感偏重 所以個人覺得一般😮‍💨評分: 8/10🌟椰菜冬菇雲耳豬肉湯餃 $46/10pcs湯餃可以揀雞湯或蕃茄薯仔魚湯🐟 因為魚湯比較少餐廳有就叫咗 飲落都幾鮮甜冇乜味精 好有屋企既味道😚 而且餃子既餡料十足 皮唔會太厚 幾有鮮味 值得一試✨評分: 8.5/10🌟———————————————————————— 甜記餃子 (旺角)旺角通菜街2Q-2Z號鴻輝大廈地下2號舖

成日見到呢間本土餃子店大排長龍，而網上又好評不斷，一直都想嚟試，今日終於成功啦。小店主打湯餃同煎餃，店內有十種餃子選擇，有舊式同新派，相信一定能滿足唔同口味嘅foodies。————————————————🥟 雙併湯餃（椰菜冬菇雲耳豬肉餃、韭菜豬肉餃配番茄薯仔魚湯）, $46（3.5/5）餃子皮薄餡多，粒粒飽滿。餡料蔬菜較多且新鮮，感覺健康。椰菜餃食落爽口，而韮菜餃就香味十足。不過如果你追求爆汁嘅感覺，佢就未必滿足到你。番茄湯較清，食餃子嗰陣唔算好飲到湯味。🥟 雙併煎餃（粟米芝士雞肉餃，京葱羊肉餃）, $50（3.5/5）煎香左嘅餃子食落有啲似炸雲吞。粟米芝士雞肉餃味道正常，不過如果可以再重啲芝士味就好啦。京葱羊肉餃嘅味道好香，羊肉唔算好羶。食嘅時候仲可以加埋又香又麻嘅菜脯一齊食，不過記住千祈唔好加得太多，如果唔係就會冚晒餃子味㗎啦。————————————————