甜記餃子

营业中

休息中

甜記餃子門面唔起眼 唔認真會錯過左位置如果真係要講 係廣華醫院對面有間OK個條直巷行入右手邊就係啦入到去 位置都有好多 唔使點等位坐低諗多陣 就叫左煎餃因為唔諗住食麵所以湯餃可以留返下次試另外枱面會有一樽辣菜脯 食住等餃子上粟米芝士雞肉餃 + 香芹芫茜豬肉餃 $50/10隻首先前者一咬落去個皮因為薄啲芝士汁爆出黎之後啖啖粟米 雞肉又夠多 而後者芫茜同香芹比例唔算多 反而豬肉比較多所以芫茜同香芹味唔算好出私心建議唔好蘸豉油啦 試唔出個餡既味道下次再試埋其他

甜記餃子 甜記餃子，相信唔洗我多介紹大家都認識。老闆前身任職工程師，經常來往中港兩地。後來經歷社會運動後，佢對自己嘅工作已經毫不感到興趣，於是就開設餃子店，但新冠疫情令生意大減。幸好後來增設嘅外賣「生餃」選擇，令餐廳生意上升。 而事實上我當日去時，大部分企喺門口嘅客人都係叫外賣嘅。見到咁多人響門口時，不防睇吓門口嘅「候座紙」先好下定論排唔排好。老闆堅持餃子饀料新鮮而飽滿。之前店舖附近嘅醫院疫情嚴重，佢哋都給予醫護9折優惠，唔怪得有咁多人幫襯啦。 餃子嘅選擇有十二款，饀料有齊豬牛羊雞，價錢正常。亦都設有湯麵餐同多款小食，當中最出名有醉雞，但我當日就想食雞腎多D，有食過歡迎留言。 湯餃X8 $42 今次係我第一次食甜記，我對於佢嘅饀料飽滿程度係有D驚訝。餃子皮的確係薄，又冇未熟嘅邊位，但個人認為有D過熟，冇乜口感，但又未到甩皮甩骨嘅狀況。 湯底叫咗蕃茄薯仔湯，望落清澈冇薯碎，飲落就100%係屋企煲嗰隻最清新無味精嘅味道，好順喉，我就飲哂成碗。菜脯見係推介之一，就去試吓。蘿蔔爽口偏甜，香辣惹味，有大量辣椒籽，仲有D蝦米，好味！南瓜忌廉雞肉餃 我從來都冇食過呢樣野，食完就明白點解會係推介。南瓜

🥟雙併湯餃 $46/10隻🥟叫2碗雙併就可以試多啲唔同口味😋覺得清湯比較可以突出餃子嘅味道，蕃茄薯仔湯就係住家飯嘅感覺，仲可以飲埋，各有所好😆佢仲有生餃子賣，可以買返屋企煮麵或者打邊爐😍食過兩次，可以介紹吓唔同口味！🥇粟米芝士雞肉餃 (7.9/10)🌽雞肉相對冇豬肉咁肥膩，配埋流心芝士同粟米好味👍🏻🥈南瓜忌廉雞肉餃 (7.8/10)🎃南瓜味意外地濃🥰同雞肉好夾又特別，值得試！🥉洋蔥牛肉餃 (7.5/10)🐄白菜豬肉餃 (7.5/10)🐖牛肉同豬肉都係比較膩嘅口味，建議share食會比較好😆京蔥羊肉餃 (7/10)🐑佢個羊肉有啲羶，孜然粉味比較重我就麻麻哋🤣

喺戶戶送叫左10粒湯餃外賣自取，配蕃茄薯仔湯，未食落口已經睇得出佢皮好薄叫左雙拼：香芹芫茜豬肉餃 & 南瓜忌廉雞肉餃先講香芹芫茜豬肉餃，又香又多汁，餡料好多好足料，軟硬適中南瓜雞肉餃子非常特別，食落甜甜地，幾特別，不過個人口味都係比較鐘意咸餃子，所以呢款真係試過就好蕃茄湯清清地唔會太咸，可以直接飲，菜脯辣辣地好開胃。

有時想平平哋食個晏，又唔想吓吓食得咁肥膩，可以考慮呢間係旺角嘅餃子店。我係星期六lunch hour去幫襯，1點鐘左右去到已經排長龍要攞籌，建議想食嘅朋友早少少去攞位，避開最繁忙嘅時間。.小店座位唔算多，坐得有啲迫，加上當時係夏天，店舖有部冷氣壞咗，所以都真係幾熱🥵.餐廳餃子款式多，除咗最大路嘅椰菜、白菜、韭菜餃之外，仲有啲少見嘅款式，例如羊肉餃、粟米芝士餃等等。如果揀湯餃，仲可以揀蕃茄薯仔魚湯，啱晒我胃口.😋雙拼湯餃：椰菜冬菇雲耳豬肉餃 拼 南瓜忌廉雞肉搞（蕃茄薯仔魚湯底）湯底非常清甜，絕對唔係味精湯，忍唔住成碗飲晒！不過好蕃茄嘅我略嫌佢唔夠酸，個人認為蕃茄可以落得再重手啲。兩款餃子皮薄餡靚，隻隻都脹卜卜好足料👍🏻椰菜餃好出色，有微微嘅香菇味，加上雲耳提升餃子嘅口感；南瓜忌廉雞肉餃比較新穎，南瓜好香甜，不過始終有忌廉，食得多可能會有少少膩。.埋單$40幾蚊，唔包嘢飲，午餐嚟講算唔錯。小店仲有其他小食都好吸引，希望下次有機會試吓佢個醉雞同牛𦟌🤩

甜記餃子已經唔係第一次黎，總有心思思一諗起餃子就諗起甜記咁。相比起深水埗同太子既餃子店，我只會回甜記頭。今次食左個雙拼粟米芝士雞肉餃同椰菜冬菇雲耳豬肉餃，湯餃就要蕃茄薯仔魚湯底，岩哂咁凍天氣飲。椰菜冬菇雲耳豬肉餃好match，好正常會諗到既味。但粟米芝士雞肉餃就有驚喜，粟米好甜配埋芝士都夾既，但我下次會試其他餃😂。今次食既最大驚喜就係麻辣青瓜牛展絲，我平時唔會推介食物，但黎甜記不妨比次機會佢，試試佢，我就下次去都必嗌。下次再試其他餃先。

已經食過幾次甜記餃子，水準依然保持😊韭菜豬肉煎餃同洋蔥牛肉煎餃煎餃全部都新鮮煎起，保證熱辣辣。皮薄之如，煎起嘅餃子，依然可以保留肉汁👍🏻京蔥羊肉餃同椰菜冬菇雲耳豬肉餃配雞湯好多人都叫蕃茄湯，但由於我麻麻地蕃茄湯，所以叫左雞湯。淡淡的雞湯，令人覺得滋潤。冬天食羊肉餃覺得份外温暖。湯餃之中我最鍾意椰菜冬菇雲耳豬肉呢個口味，幾樣材料配合一齊更加突出豬肉嘅鮮味。👍🏻雙拼唔洗額外加錢，可以一次過試幾款唔同口味，滿足幾個願望😆

依間黃店非常出名，之前都聽朋友提過好多次。由於最近晚市無堂食，我地5點嚟到諗住當提早食晚餐，估唔到店鋪都一直keep住有人流，果然多人幫襯。食物同長沙灣總店一樣，但發現原來旺角分店嘅價錢會比長沙灣貴少少。甜記餃子嘅款式都唔少，因為好多都想試，所以湯餃同煎餃都叫左雙拼，可以一次食到多種口味。※雙拼湯餃 (8隻) 【$42】湯餃可以揀雞湯或者番茄薯仔魚湯，今次試左番茄薯仔魚湯，湯底唔錯，飲落唔會覺得油或者有番茄嘅酸味，反而係幾清甜，勁有住家湯嘅感覺，最後不知不覺飲哂成碗。湯餃叫左椰菜冬菇雲耳豬肉餃同埋洋蔥牛肉餃。餃子大大粒，裡面餡料非常飽滿。椰菜冬菇雲耳豬肉餃嘅餡料比例啱啱好，幾種食材非常夾，食落口感豐富而且清新。而洋蔥牛肉餃就覺得洋蔥味道比較突出，食落惹味，幾啱我依個食慣重口味嘅人士。※雙拼煎餃 (8隻) 【$46】煎餃係即煎所以會等得比較耐，差唔多都要等20分鐘，不過等待係值得的！今次煎餃試左粟米芝士雞肉餃同埋菠菜豬肉餃。粟米芝士雞肉餃依個配搭幾有驚喜，估唔到幾樣野混合埋一齊又幾夾，粟米好清甜，芝士分量其實唔算好多，亦唔係想像中有牽絲嗰款，但我反而覺得恰到好處，帶有淡淡嘅芝士味，唔會令

由於係附近工作，所以lunch hour經常都會㴝呢間餃子店🥟，可見佢既魅力沒法擋，令我一試再試🤣主角上菜之前，我地先試左麻辣手拍青瓜🥒（$22），好新鮮爽脆，配上麻辣汁🌶，令人胃口大開😋餃子方面，My favourite 當然係粟米芝士雞肉餃💕，無論是湯餃定煎餃，芝士味都好突岀。個人口味prefer煎餃多D，非常香口，而且又唔會乾，肉汁又juicy，基本上係每次必點❣️鍾意吃南瓜🎃既人，一定會幾鍾意南瓜忌廉雞肉餃啦，南瓜味飽滿濃郁，甚至蓋過D雞肉味湯餃/湯麵有兩款湯底可供選擇，分別係雞湯和蕃茄薯仔魚湯。味道上，雞湯味道略為偏淡😂，最好就揀D重口味既餃子啦另外，枱上會有一小罐辣菜脯作配菜，係無限refill❤️‍🔥，辣辣地好開胃，撈埋餃子一齊食，簡直令人吃慾大增👍🏻。見到好多客人，賣單嗰陣都會買罐（$32）翻屋企～最後，比個今日點餐record供大家參考下：- 麻辣手拍青瓜（$22）- 煎餃麵（$46）：粟米芝士雞肉餃/台灣麵/蕃茄薯仔魚湯/熱洛神花茶（另加$4）- 煎餃麵（$46）：椰菜冬菇雲耳豬肉餃/雞湯/台灣麵/雞湯- 10隻湯餃（$46）：白菜豬肉餃/粟米芝士雞肉餃/蕃茄薯仔魚湯-

「媽媽的味道，甜記餃子💛」🇭🇰📍旺角/長沙灣呢間唔係講笑，大肚婆由佢啱啱喺長沙灣開舖冇乜人識再到依家喺旺角開埋分店大排長龍，水準都keep到👍🏽最驚食到啲餃子餡係醃得太鹹太勁，連啲肉都係深啡色。甜記餃子就唔會，係天然嘅食材味，冇咩味精，食完唔會口渴，清新又健康之選。咬開見到都係肉本來嘅顏色，肉有肉味，唔係死鹹。皮就係薄款似雲吞皮。啲餡都夠多夠飽滿，但因為皮偏薄，所以餃子較鬆散🙈好易爛，要小心食大肚婆今次叫咗：🌝南瓜忌廉餃+🌝香葉豆角餃+🌝番茄薯仔魚湯（$46/10隻、$42/8隻）（單雙併同價）🌝南瓜忌廉餃(9/10)次次都叫呢款，對creamy嘅嘢零抵抗力。而且真係食到南瓜天然嘅香甜，唔會醃得太過份，但如果再包得結實啲會更好。🌝香葉豆角餃(8/10)香葉味道好出，大肚婆覺得好似食緊泰國菜？😂再加埋豆角，咬落去卜卜脆，口感一流，但都係取代唔到南瓜忌廉餃喺我心中嘅位置✨🌝番茄薯仔魚湯（8/10）呢個相信唔洗多講，香港人最愛嘅住家湯之一，非常清甜，又有湯渣，真材實料冇味精！唯一就係冇咩魚味，所以驚腥嘅人都接受到

同事話係全香港最好食嘅餃子餃子皮薄餡靚，真材實料，無味精，似自己屋企整咁。同同事一人要左10隻雙拼湯餃46蚊碗，無加一試左芫荽芹菜餃、椰菜木耳餃、玉米芝士餃、南瓜忌廉餃前兩個常見嘅唔多講。玉米芝士餃有啲芝士流心，係罐頭玉米+芝士味道，好味南瓜忌廉餃有忌廉味道，奶香味，原本以為同玉米芝士差唔多，但都有特色最值得贊係辣菜脯，好辣好鮮味，食唔停口，如果食得辣真係必試。原來有得單買辣菜脯，32蚊一罐，食完買左兩罐

成日都見到有人介紹喱間甜記餃子，今日就去試下先！叫左一份10隻雙拼煎餃子同一個湯既餃子試🤤煎餃叫左粟米芝士雞肉餃，韭菜豬肉餃，煎餃每隻都煎到金黃色，外皮好脆，但又唔會有種好油既感覺。粟米芝士雞肉餃:一咬入去，d芝士係流心，爆左少少汁出嚟🤤之後食到粒粒粟米既餡，係咸咸甜甜既口味，都幾特別😋韭菜豬肉餃:韭菜餃都好出色，韭菜好香甜，雖然平時我冇特別鍾意食韭菜，不過都覺得喱個幾好味😙菠菜豬肉餃配臺灣麵我個人覺得湯餃好似大粒小小，湯底叫左蕃茄薯仔魚湯。個湯底好有屋企既味道我第一次食菠菜餃，覺得好新鮮，而且幾好味！整體覺得好有自家制，好健康既感覺🤩加埋佢既辣菜圃，十分惹味！

上乘餃子冇做之後,一直都吊餃癮,上環永樂係唔錯,都想試其他,今日一次過試兩間,因為唔想嘟,今日買生餃返屋企煮,冇豬肉既有芝士雞肉餃同南瓜忌廉雞肉餃,感覺有d fushion,最後係洋蔥牛肉餃同京蔥羊肉餃之間揀左羊肉餃,反正兩種蔥都唔鍾意,更係揀羊肉啦,要左一打羊肉餃,請店員跟埋辣菜脯,等拎外賣更係睇下野,個平安符好靚呀,返到屋企拎出黎,個盒好靚,送禮咁,紙套入面係膠盒,好鬼精美,仲跟左兩粒菜脯同一包醋.打開盒,d 餃好整齊排排坐,精美到好似超市果買到d咁,白烚幾隻,已經聞到蔥味(慘啦~)餃子結實冇爆口,咬開果然滿滿係蔥,真係超多XD但仲食到羊味,於是用辣椒油,辣菜脯同醋去掩蓋陣蔥味,但AFTER TASTE 都係有蔥味XDDDD其實鍾意食蔥既人應該會好鍾意,邊度有冇蔥既羊肉餃呢?菜脯唔算辣,甜甜地,仲有櫻花蝦仔架.

Geo條👅評分：⭐️⭐️⭐️⭐️ ⭐️(5⭐️最高）芫荽豬肉餃麵番茄湯 $42加洛神花茶 $4甜記嘅番茄湯底真心超好食同飲，今次叫芫荽豬肉餃，芫荽味唔算太濃，對一般朋友仔嚟講都易入口，同埋佢哋嘅餃子🥟隻隻都幾大粒同埋唔會好厚皮！最緊要個番茄湯，真係可以飲，真係煲出嚟嘅番茄薯仔湯，次次都飲晒，個湯底好甜👍🏻同一啲都唔油，幾正🤤如果鍾意食辣，一定要加菜脯，好爽口，辣辣哋配埋餃子食，真心正🤤

岀街食都可以健康啲呢間係旺角想試咗好耐嘅餃子店今次終於等到有餃子同好者一齊食了😋三個人Share以下嘅食物蝦籽蠔油菜心 -22菜心都幾甜，同埋整得幾淋個人就鍾意食淋菜所以覺得整得好好食餃子有單/雙併 湯餃/煎餃今次人多少少就叫咗5款餃子嚟試椰菜冬菇雲耳豬肉餃呢個配搭令到食落感覺好夾口，好有咬感-南瓜忌廉雞肉餃唔知係咪南瓜加咗忌廉咬落好鬆散，好淋不過南瓜食落都幾香-白菜豬肉餃普普通通唔花巧👍🏼-洋蔥牛肉餃牛肉味唔太重可能因為俾洋蔥味蓋過晒不過自己本身唔太食洋蔥而今次啲洋蔥都幾生，所似好大陣味結果餘下嘅就要交俾朋友了😂以上雙併湯餃 -42/8 pcs -46/10pcs粟米芝士雞肉煎餃(5pcs)配台灣麵 -46粟米真係好有提升食物好味程度嘅效果不過三色豆個粟米唔計嘅🤣煎餃好香口，因為有粟米嘅原固，餃子都好甜但因為趕住返學，所以叫唔到第二轉煎餃台灣麵都好彈牙，份量都唔少3個人Share都唔怕唔夠食湯底方面，有雞湯或者番茄薯仔魚湯本身諗住叫一個雞湯試吓點知最後都叫錯咗朋友都係叫返魚湯😂唯有下次先試吓啦🤣另外每人加咗一杯洛神花茶 -8