甜入心 (已結業)

When my parents and I lined up for Tim Ho Wan we had too much time and decided to look for a place to get dessert after our lunch. I recall hearing about a place with “pudding inside coconut” so I decided to look it up so we could go try. Coincidentally this tiny dessert joint that makes them, 甜入心, was just a few blocks away from THW.It was around 3pm when we arrived so the restaurant was fairly empty. I guess most of their businesses come from the after-dinner crowd so we were considered one of

試下呢說最出名既甜品焦糖布甸椰皇子，見佢地門口雪櫃放左好多個，個名幾得意，佢係蛋布丁同埋下面係椰子JELLY，食落都幾清甜幾滑，OK啦!仲有食左一個叫做"龍顏大怒"，個名幾搞笑，但味道普通D淡左少少，龍眼肉無乜味，個雪糕硬到插不開，只好等佢慢慢溶化。

昨晚，和我的女朋友到這裡吃甜品，叫了一碗凍芝麻糊+一碗熱杏仁茶 。但是，味道很淡，芝麻糊唔夠凍，熱杏仁茶又唔夠熱。芝麻糊和杏仁茶好似用粉開既感覺，唔似佢話用磨的方法，真係唔知佢想點！

專登開個會員黎插你的之前岩岩開果陣 真係好好味架 起碼食左十幾次  我4月尾都仲有食  味道都係冇變....次次都係食焦糖布甸椰皇子昨晚我又想食...照舊都係買番屋企食點解個焦糖布甸會有渣....點解個椰皇大菜糕會冇乜椰味...淡到食緊普通大菜糕咁既FEEL..好明顯係溝左水呢D老闆真係冇本心 一開始做得好好吸引你食..做好左個市就食品味道變質..我以後唔會再幫襯..!!

下雨天満心歡喜吃個西式甜品、沒想到換來很難吃的！首先個星河雪月、滾水浸個雪梨、小丸子不過十粒！兩粒紅棗！加幾點桂花就！湯丸仲要是煲過熟變粉團！全冇甜味！問廚房他說是紅棗水！不換！而朱古力窩夫沒朱古力味、很甜的糖漿、不脆、完！走人！

尋日佛誔假期，夜晚9點幾食飽飯去食下甜品。去到入面坐無虛席，要喺路邊開枱。人手吾夠的關係，等位的人都站在店外，亦無任何坐位安排或拎籌安排。等左一陣終於入得。我地3個人叫了4客甜品。 喜歡吃榴槤的一定大愛榴槤椰皇，肉眼睇已經見到一大pat 榴槤，可惜我係吾食榴槤的，臭到嘔。呢個waffle好似焗耐左，有d硬，只有榛子味無朱古力味，賣相比味道好，等待時間為20分鐘。 pudding重奶味，下層有大菜糕，不過不失。呢間甜品店亦有一特色，設有免費自助淡果茶同棉花糖朱古力噴泉。因設在門口位置，導致不斷有客人進進出出門口位置，如果坐在那自助吧附近會覺得有點阻礙。

一直路走過來便是甜入心，終於去到實店可以再次品嘗親愛的榴槤椰皇子。以自助形式的英式淡果茶，色澤似竹庶水，入口有極輕微桃味，為色浪費，和另一半一杯分甘同味，清一下喉嚨準備接下來的我期待已久日想夜想的榴槤。賣相比先前一次失色少許，今次並未做到滿瀉效果，有感份量不足，可能是由於椰皇體積大小影響外觀。而陣陣榴槤香飄來，終於可以一解我對它日夜朝思暮想的心態，榴槤肉份量其實尚算不俗，不過榴槤汁份量頗少，椰青凍點蘸榴槤汁進食，感覺入口冰涼，精神為之一振，而且椰青凍充滿榴槤香入口即溶鮮甜可口，是高水準之作。而另一半的芒果小丸椰皇子($39)，芒果切件微酸再加上楊枝金露汁，雖然同樣以椰青凍作底，但入口感覺頗酸，溫度溫和疑似暴露於室溫當中，相對較榴槤入口清涼口感稍為遜色，而小丸子煙煙韌韌頗有咬口，如果將全部小丸子置於楊枝金露汁中，增加甜味會更出色。雖然芒果小丸子一般，不過榴槤椰皇子的確提高了不少分數，另外看到餐牌有數款新穎甜品即將登場，下次順道希望可以試到另一半未能有機會嘗試的巨峰泡泡。

計上次試完甜入心的招牌甜品之後，今次就決定試新野，每款都好特别今次試個d！！同出面食個d好唔同。。一d都冇失望 海底椰燉鮮奶好滑，女孩子當然必點這個 好好食 蕉古力是看到別人點所以我也忍唔到點了泥食 朱古力配香蕉原來係禁夾.. 值得一試星河雪月的賣相很特別 成個梨浸係糖水到 很清潤總括今次試既甜品都好滿意 會再光顧

晚上，另一半與客食飯，筆者嚷著要帶回甜品作宵夜，並給另一半一張清單將筆者所想吃的通通填下，決定甜品則取決於餐廳位置遠近，結果，另一半帶來甜入心的榴槤飄香椰皇子，萬分驚喜。打開外賣膠袋，一整個椰青於眼前，以發泡膠碗緊緊盛著，並以膠蓋蓋住椰青口。打開膠蓋，榴槤香氣樸鼻，榴槤肉多，佈滿整個椰青口，榴槤鮮美無比。先前從未試過甜入心的甜品，因而誤會椰青內的可能是燉蛋白，豈料，在內的竟是椰青凍，色澤呈透明，入口易溶且涼冰冰，清甜無比，口感十分特別，出奇地與榴槤肉十分搭配。整個椰皇被筆者迅速吃畢，有機會筆者都要再親臨此店，一嚐榴槤椰皇子帶來的獨特口感。

一直都想食呢間，無奈都幾難搵，我第一次搵搵左好耐都搵唔到，最後放棄。上星期五死心不息篤google maps ，終於搵到＼(^o^)／差唔多10:00先黎到，依然有大把食客排隊，員工應接不暇，好忙！好彩我地兩個女仔，好快有位，入面都幾逼，多架bb車啲侍應都無位行(￣∇￣)店內有免費英式淡果茶同朱古力噴泉，淡果茶好似水咁，完全無味既。黎呢到當然要食焦糖布甸椰皇子！呢個特色甜品真係加價得好快，依家已經要36！跟住再加多一個侯爵72心太軟，同樣都係$36。認真，食之前，我對呢兩樣甜品都有同樣既期望，就係希望最基本俾到我一種感覺係$36我係抵俾既。呢個甜品都幾有驚喜，夠特別夠人氣多人追捧！焦糖布甸香甜滑溜，份量亦係一大個！至於椰子啫喱，清潤不死甜，但我個人認為和布甸的味道不太合。最後當然少不得挖椰肉，好易挖唔洗好費力！濃濃椰子香，一室溫馨。侯爵72心太軟，真心覺得一般般。雲呢拿雪糕只係普通貨色，用多些生果伴碟我相信會好過用人工調出水果味的軟糖。心太軟有流心，朱古力略嫌少許苦，不過不失，食完超級無敵滯。想去甜入心既慾望終於達成了，或者我已經明白點解每日都客似雲來，佢確實有吸引人們再次光臨的能耐，

是咁的，朋友介紹糖水店，深水埗西式甜品店不多。這店光顧了數次，雖然不是每一樣都試過，但店中名物吃了兩次，水準依舊保持。樣子胖胖的焦糖布丁，軟身香口，比較甜，下面是用椰青水製作的透明糕，清甜可口，就滿椰香，有熱食及凍食，個人比較喜歡熱吃，椰香更濃郁暖胃。椰王子另有榴槤可選，只限凍食，榴香四溢!男生都愛美女，朋友選了三美人來滿足第二個胃，杏仁豆腐、香檳酒凍、焦糖布丁三位甜蜜美人，香檳有酒香味，杏仁比較軟滑。這個小木瓜，燉蛋白香滑，海底椰清新，簡單配搭是我健康之選！

聽說深水涉開了一間極具人氣的甜品店，嗜甜的我和媽媽當然要趁著還神這個好日子去朝聖啦！ 這間店的位置比較偏辟和靜，如果不是看過專題報道，相信我們也不會找到 我們9時許去到，還未開始人多，店裡不是很大，外面多放了一些桌子和椅子，相信是用來應付夜一點來光顧的客人。進去的時候看見每一"木台"都有人叫椰子的甜品，也心知一定是這裡的招牌菜啦 不過因為小妹不能吃椰青，所以無福消受本想叫草莓拿破崙，但原來當日較早前店裡接到公司的訂單，把他們的拿破崙一掃而空，好傷心最後我們決定叫：'候爵72心大軟'即叫即製，用上了候爵72度的朱古力，入口軟滑，味道濃郁香醇，齒甲留香；唯一的美中不足是vanilla ice cream太甜，而且不太軟滑'芒果乘涼'芒果鮮甜，糖槳不會過甜，涼粉爽口這間店的人都十分親切，臨走前，有位在那裡工作的女士問我覺得他們的甜品如何，我便乘機向她說沒有吃到拿破崙很失望，她還跟我說一定要再光顧，我說一定一定！

臨近冬至的日子，下午茶時段來到深水埗吃雞煲，食完之後，在附近散散步，就來這裡吃晚餐，因為我很喜歡這裡的椰皇甜品，天寒地凍，我也吃改一改，要吃點熱的。剛好這裡有新推出熱的椰皇燉鮮奶湯丸 $39，當店員奉上甜品時，陣陣椰皇香氣撲鼻，椰皇內是滿滿的燉鮮奶和三粒湯丸。燉鮮奶和椰皇味的配搭很好，我比較喜歡椰香的味，沒有了平時那種奶味，更合我心意，很快已經吃完，很想添吃。湯丸是芝麻餡料，湯丸軟腍又不失煙韌，平時愛吃花生餡多一點的我，這個芝麻餡也算不錯，沒有甜膩的感覺。吃完冬至或團年飯，來這裡吃個椰皇湯圓，相信也是一個不錯的選擇。

夜晚同屋企人食完飯,想搵啲甜品食下, 見間野都有啲人食下, 於是就等位喇 !入到去見到好幾款椰皇甜品都好得意,於是就叫左其中一個黎試試. 另外, 仲叫左朱古力四重奏,龍顏大怒同埋芒果班戟.結果,個波羅椰子皇不枉我睇中佢, 真係好好味 ! 佢除左味道好味之外, 佢個椰皇刮出黎啲椰肉都好鮮甜, 相信個椰皇係新鮮的.另外,龍顏大怒都覺得好好味, 好清甜好滋潤, 下次會再食龍顏大怒 !  阿媽話芒果班戟都ok !唯一覺得朱古力四重奏就飽左啲,因為聞到都飽喇,啱啲真係好鍾意食朱古力既人囉...值得推介 !

第一次同朋友去食，見咁偏僻以為都係普通……點知個椰子個果椰子味好濃，味好重（有點驚喜^^ ）服務生仲教我將3個混埋一齊食，仲主動教我點樣易啲“筆”啲椰肉！！朋友個果就朱古力味都幾重下，變到有點“流”…都係覺得椰子個果好啲！比較物有所值！