甘牌燒鵝

营业中

休息中

I was really lucky to join Rightfrog Productions on their adventures to try the best eateries in HK when they came in April 2015. The third stop was Kam's Roast Goose where we stopped by for roast goose obviously.The goose was very velvety with a bitter aftertaste hence the need for the sweet plum sauce to balance it.

甘牌燒鵝都算出名吧，至少我咁跟唔上時代的人都聽過啦，聽人家說了好耐話好正，就差未親自嚟試翻下喇。去到已經開始排隊了，所以都等咗陣，而且不知道點咩好，所以聽介紹話燒鵝認真不錯，就點了。試了一下，嗯，還可以啊，燒鵝不錯的，燒鵝本身就已經很香甜了，而且睇色澤就知道是很上等的燒鵝。燒鵝皮首先是第一啖，沒有火炭的味道，也沒有焦味，再試試肉質，沒有嚡嘴，很嫩的口感，燒鵝的搭配的醬汁也是其中的一個功不可沒的一道程式，甜甜鹹鹹的，同燒鵝真的是超級搭，比一般的醬油更加的鮮美味道。梅子醬也是給到我意外的收穫，梅子味很正，完全沒有調味料的味道，很喜歡呀。價錢不貴，可以就是離我遠了點吧。

今天同朋友專程過嚟灣仔試下甘牌燒鵝，超級多人，等咗40幾分鐘先到我哋，食呢餐真係辛苦啰！坐低之后拿拿聲點咗嗰燒鵝套餐同叉雞套餐（其實就係多咗一個小食同埋熱飲），不過套餐嘅話可以優惠D。過咗10分鐘左右就上菜了，同平時食開嘅碟頭飯賣相差不多，份量還算OK！燒鵝嘅味道確實到位，燒鵝皮外焦裡嫩，食落嫩滑多汁，飯都食完仲覺得意猶未盡，白灼菜心好新鮮，比較嫩。白切雞和叉燒的雙拼套餐，白切雞味道唔錯，蘸嘅醬汁好正宗，雞肉都比較嫩滑。叉燒個人覺得一般般，硬咗D，唔夠入味。奶茶好正，鴛鴦相比之下味道唔夠濃，一般般。總體來講不過不失喇！

甘牌嘅燒鵝真係正吖，讓人流連忘返吖，香港地嘅燒鵝都係出咗名嘅了，咁牌燒鵝獲得米其林一星稱號，係香港站穩腳跟可想而知係几咁好味喇。本來係中午打算來試試係唔係真係咁勁，點知一試吓一跳，晚上都忍唔住又來食。中午食嘅拼盤有燒鵝，燒肉，叉燒，聽講燒肉跟燒鵝都係有數量限制的，好luck，燒鵝真係不得了吖，皮脆，肉嫩還滑肉汁豐沛，加上D酸梅汁，酸酸甜甜的，真係差點把舌頭都吞了。燒肉果真化皮，燒厚厚嘅一層皮，酥酥脆脆，不過覺得有D肥過頭吖，要陪青菜或白飯食先得。叉燒不錯，但相比燒鵝的驚艷就不算太特出了。晚上又忍唔住走返來食燒鵝吖～特別推薦燒鵝！

甘牌燒鵝，早兩日朋友約我去，預左排隊，果然12點幾來到，超級多人，太多人排隊了。等咗40mins，裡面其實位置唔多，頂多坐30幾人啦。清遠白切雞，分量都算足。雞肉剛剛熟，D骨仲有小小血絲，不過不影響。D薑蔥汁好正，可以撈飯食，我喺齋汁都可以撈飯食噶人。醋姜皮蛋，溏心蛋，皮蛋好Q，皮蛋好嫩，幾清爽。配醋姜食，好清爽。還算中規中矩啦。招牌燒鵝，味道太正，皮脆多汁，唔單單系肉嫩，仲好入味，D鵝完全無腥味。淋埋D醬，好味道，分量好足，連燒鵝下面嘅豆都好入味。推荐~~

又到Lunch time ,唔知食咩好，經過甘牌燒鵝，睇見d 鵝好似好正咁，喺門口見到一排排嘅燒鵝流曬口水，Call 埋d 老友出嚟食番餐先。週六好多人，等左半個鐘先有位，岩有位佢地就到喇。地方好細，環境一般般。服務還算可以。甘牌燒鵝香氣四溢，外焦裏嫩，脆皮多汁，有光澤，肉嫩得來又滑又實而且好入味，肥瘦適中, 唔會食到成口油.咬落去皮薄肉厚，肉味濃厚有d柔韌 ，囗感好好。而且冇鵝的蘇味。不愧為招牌菜。閃亮光澤嘅乳豬排得整整齊齊，每塊大小適中，單賣相就好吸引人。皮好薄烤得又香又脆，肉味香濃，肉質細膩，口感更加豐富，點埋醬汁味道更佳。油雞，雞好新鮮，都幾瘦身，唔會好多肥油，雞肉嫩滑，唔會好老。好多地方為咗令雞嫩滑，只雞仲有血嘅，睇見都食唔落。呢度唔會咯，真系好贊。鵝紅入口滑溜，湯好鮮味。

今日剋服自身嘅懶惰，去咗灣仔揾一個老友食飯，飯點到咗，但系周圍都超級多人，一時不耐煩就去咗甘牌燒鵝。點知甘牌燒鵝都好鬼多人，點了油雞，肚子實在太餓，油雞做得不錯，雞肉唔會覺得好嚡，相反，口感非常的嫩滑，唔知係咩品種嘅鷄，平時係出邊食嘅鷄都容易嚡嘴，甘牌燒鵝嘅油雞連雞皮我都食得落，入口特別脆滑好味，而且肥瘦岩岩好，唔會令你滿口都係油咁咯，而且滿滿一碟，價錢又唔話好貴，好抵食吖!仲有值得一提嘅系燒鵝叉燒雙拼，畢竟呢度系甘牌燒鵝，梗系無可以少得燒鵝喇，燒鵝同叉燒都好多啫，燒鵝味道已經驢火純青喇，入口已經無曬鵝肉本身嘅騷味，更加好食。

今日阿爸話想食燒鵝，佢地比我早落班就先去攞位，我落班就趕過去了，以為可以入座食得了，點知去到仲系要等左二十分鐘先有位，呢間店仲系甘旺，環境就一般，但燒味做得比較出色。燒鵝同油雞拼盤，燒鵝燒得皮脆肉嫩，切開會有肉汁流出嚟個盤度，再加上黃豆醬，入口香脆可口，咬落仲有鵝汁系個嘴彈出，食完仲想食。油雞肉質好嫩，入味，好好食。鵝血都唔錯，可能有D人唔中意，接受到嘅朋友仔要點嚟試下，有少少韮菜調味，鵝血煮得好滑，系屋企比較容易煮老，有放胡椒，辣辣滑滑嘅好正。呢度嘅乳豬都好出名，皮好脆，肉就好嫩，不過我怕肥，食兩舊就可以了。

評語：座位擠迫要搭枱、燒鵝令人失望、隨意改動售鵝條款香港坊間的燒鵝神話「鏞記酒家」因甘老先生的辭世而正式清盤，而製作燒鵝的炭爐因食環署已停發大型炭爐牌照，舊有設備又不可移到別處使用，這意味炭燒燒鵝將會成為絕響。幸有鏞記酒家長房第三代後人於灣仔經營的「甘牌燒鵝」而得以延續，開業僅4個月即登上《米芝蓮指南香港澳門2015》一星食肆。餐廳僅有30個座位所以經常全埸爆滿需要排隊，這裏主打燒味，還有30多款滷水，不賣小菜，還有碟頭燒鵝飯和燒鵝瀨供應，50至100元有交易，價格親民。我當日參觀完貿發局的「香港冬日美食節」後回程順道前往灣仔的「甘牌燒鵝」晚飯。約六時許抵達但店前已擠滿輪候的人，拿籌後借來店家餐牌，本擬一個人就來個碟頭燒鵝飯(HK$52)加一碗例湯(HK$12)合共67元，萬想不到店家臨時宣佈停售碟頭燒鵝飯，所有燒鵝只有隻上，而最低消費的例牌也要HK$145。我感覺店家只顧利益而妄顧承諾，要改動售鵝條款亦應在派籌時聲明，絕不可以話改就改。至於招牌燒鵝的味道和口感絕非傳聞般誇大，鵝的味道不足肉又韌，皮唔夠香脆，比坊間燒臘店的出品也不如，已延續半個世紀的燒鵝神話，難道就此幻滅了嗎!本擬一個

等左超耐先食到吖！！不過食左落口先知道等咁耐都係值得嘎！點解咁講？妳試過就知，只燒鵝色澤靚，咬落去皮薄肉厚，一啖咬落去，滿足感爆燈吖 係門口見到一排排掛住噶燒鵝就已經流曬口水啦，我唔相信有人可以忍受燒鵝噶舉大誘惑咯 不過呢度除左燒鵝，仲有好多其他都好好食噶野嘎，例如話燒雞，同燒鵝一樣，色澤好靚，而且唔會好油，食落去好香，雞肉好滑好嫩，正啊！ 後黎真係食得好飽，不過都係忍唔住叫左碟豬紅。平時我都唔會點食嘎，不過間呢間野啲野食咁正就鼓起勇氣試一下.點知真係有surprise，豬紅一啲都唔腥，好好食

唔知係咪天氣凍，成日都覺得好肚餓的上緊班個腦入邊飄黎飄去既都係雞肶啊，鵝肶啊，肉肉啊，越冧越餓啊····一落班要即刻飛去甘牌燒鵝食翻夠本好長既一條長龍啊，一去到就見到個朋友排緊隊，真係啱既姐，甘都穩到人撐抬腳，一邊排一邊望住哩燒鵝，哎呀，仲肚餓···排咗半個鐘終於到我哋喇，甘牌入邊裝修好到位，俾人感覺溫暖、乾淨、明亮。燒鵝到脆皮多汁，肉嫩而不散且入味，處理得好好無鵝既土腥味，當中流咗少少鵝脂肪膠汁流入碟度，同黃豆一齊食簡直系絕配啊油雞飯：雞肉嫩滑，唔會老都唔會干，系齒間滑動既感覺眞系美好，哩個絕對係我食過既粵菜入邊雞肉處理得最嫩滑既一家叉燒飯：叉燒既味道同平時食既有哩唔同，好似有D酒既清香，肥瘦適中，咬落去唔會太硬，味道同樣超讚！！今日真係大滿足，不枉挨住肚餓排咗咁耐隊，滿足曬我哩個食肉獸既胃啊如果有一日你光顧甘牌發現當天既燒鵝賣曬，甘叉燒同油雞絕對會令你不枉此行！

已經去了2次，食物不錯！尤其是燒煵肉，皮脆肉香！糖心皮蛋也很好，店內的男士服務也很周到。到了第3次去，門口這次接待名牌叫Eva的女士態度非常不佳，門外只有2人在等待，不算忙，但我們問她問題時，她不但只顧跟counter聊天還用厭煩的眼神和嘴臉敷衍我們，食物再好但有這種欠缺笑容和親切感的服務仍是會令客人為之卻步的，所以這次我們沒有進入用膳！因為有好的食物質素和服務態度的餐廳比比皆是，希望他們會有所改進！

星期日要返工, 同事們叫了甘牌燒鵝，上次淨係食蜜汁叉燒飯，半肥瘦叉燒真是諗好滑，完全沒有渣，心諗說得米芝蓮的名聲，點都要試試個燒鵝，豈料當時沒有燒鵝供應(中午沒有燒鵝)，燒鴨都好，同事買了蜜汁叉燒飯，燒鴨飯同叉燒燒鴨雙雙拼飯，但今次真是全失水準, 件叉燒又「鞋」又有渣，食完要揾牙簽幫手，燒鴨唔錯，在飯盒咁長時鴨皮都是脆身。比較街市的燒鴨飯，甘牌燒鵝當然優勝，但是否值得用這個價錢買，就見仁見智。

今日見時間尚早六點幾，不用等，試左甘牌燒鵝！雖然唔使點等，但服務態度很差，門口的接待阿姐黑面神甘，入到去茶水都無一杯，叫左三個餸，有兩個無曬，我講左：下，咁早乜都無！阿姐勁串甘話，唔係乜都無，係你要果個無啫！最後求其叫左個燒鵝飯，又唔係特別好食，舊鵝凍冰冰，仲要有兩舊全部是肥膏，唔食得！我覺得深井果啲好食好多！真係唔知佢個米芝連點拿番來！無下次！

一年一度的慶生飯又來了。今年將決定權全部交由太太發版。小弟只是說想吃中菜，其餘的則全由太太安排....回想起來，好像也已有頗久沒這般輕鬆自在，可以不用反覆思量要到哪裡開飯了....太太故作神秘，到了最後一刻也不肯告訴我目的地在哪兒。不過當車子駛到去灣仔時，為食情報網一向遍佈全港的我就已估到是這裡....六時許已來到門口，但已赫然見到有一大堆人站在門外。其中有三分之一的人是在等燒鵝外賣的，其餘的在等堂食的人客中，大部份的都是來自內地的 (許多人還是拖著行李來)....看看時計，心想等個至少半小時也應走不了吧....不過可能是人流去得快的關係吧，最終只需等二十分鐘左右就成了....餐廳格局就如茶記無異，位與位之間的空隙是蠻擠的，所以我們這夜只能以吃快餐的速率去享用這一頓"燒臘夜宴"....來到這裡都不用細看餐牌，馬上就點了幾份鏞記的名物.....第一款上桌的是每檯必叫的皮蛋酸薑。很遺憾的，皮蛋黃雖看上去是"流油"的但鹼味卻有點偏重帶苦；酸薑的浸色很不自然是過份的呈粉紅，但食起來的辛辣味卻是調較得剛剛合適不會死辣之外又帶點甜，算是扳回了一城....許多年前至鏞記吃到的太子撈麵著實驚為天人，現