甘味讚岐手打烏冬 (已結業)

平時一點來到, 都要排隊5, 6 張檯才到, 今日唔知道點解唔洗, 不會是金融海嘯的影響吧?仲有窗邊卡位, 正.今日都係食烏冬吧.其實有點遺憾, 上次於海鮮餐廳食羊然後又要喊, 好像唔o岩呢....所以今餐都係食店子最熱賣的烏冬吧~另外都有考慮食20穀米飯, 但到最後都係唔要20穀米飯了, 因之前食過好鬼油.3人都係食烏冬.我的軟殼蟹天婦羅好正, 唔油, 又脆, 一讚烏冬都係和以往一樣, 水準保持, 幾彈牙. 不算大碗, 但女仔可能仍食唔晒.朋友分別叫了牛肉金菇烏冬及海鮮烏冬.牛肉金菇烏冬都幾多金菇, 牛肉係肥牛, 略肥.海鮮烏冬也ok. 朋友話要減肥, 堅持清淡, 這餐她好滿意.服務不錯, 也好友善.知道豬豬女友在遙遠的他方好辛苦, 希望她快點做完野回來, 我們又可一起食烏冬午餐~

２２／１２同男朋友慶生係沙田唔難搵野食但係我地就比佢食物吸引住７點鐘到已經有唔少係到等位不過２人位返得好快所以都唔算得左好耐呀我地一人叫左一個大的熱烏冬再叫左個什麼八爪魚的沙津加冬菇($5)，南瓜($.$)同茄子天婦羅($8)仲有一個單骨雞翼沙津算是不錯了那個八爪魚的十分好食而家用料好新鮮都算是不錯了大的熱烏冬($15)比赤丸仲要平但份量又比赤丸多ok抵呀重要的係佢地的烏冬比赤丸的彈牙其實只好說赤丸的烏冬沒什麼特別佢地上菜算是很快落單之後冇耐就有野食喇可能呢個就係佢turnover得好快的原因加上佢地上烏冬同天婦羅的時間配合得不錯唔會出現有天婦羅冇烏冬OR有烏冬冇天婦羅赤丸應向佢地取經呀!!!

此店的形式跟赤丸相似, 連鎖式經營, 以手打烏冬作賣點, 有大量的小食供選擇, 甘味係葵芳已試了一次, 沙田還是頭一次去, 店面寬敞好多, 而且食物選擇也彷彿更多元化.這裡只有熱烏冬, 麵豉湯底扣了點分(只是個人問題), 幸而烏冬都是滑而"煙un"的.好想試甘薯餅, 可惜沒有供應, 退而求其次叫了煙肉菠菜餅, 實際上都炸薯餅一塊, 亦冇煙肉/菠菜味, 充其量只是有顏色罷了.軟骨餃子棒, 這個有驚喜, 以鐵板上, 食到最後依然熱辣辣, 外層餃子皮脆脆的, 內有咬口的軟骨, 不錯呢~~~~兩人飽飽的還不用來70, 抵ar~~~

試過這裡的烏冬好食,於是再試一下~烏冬仍是那麼的美味,最特別是吸上去的一下很滑,咬下去的一下也很有口感,湯很甜,非常好~無骨雞翼湯烏冬 - 雞翼是完全是不行的...用雪藏過的雞去整,咬下去是"煤"的..冇雞味,也沒有香味..很差...吉列朱扒湯烏冬 - 豬扒也可以...也不錯吉列炸蝦 - 蝦細粉多,不過咬下去也有點彈牙~只有烏冬是真的好食...哈哈~下次來叫個淨烏冬好過

番茄鐵板牛柳粒湯烏冬牛柳粒份量都算足夠,不過係超市貨色,牛味無乜,而且幾韌下,也看不出是鐵板烤出來的.烏冬依舊煮得洽到好處,爽滑彈牙.番茄湯味道差左d,茄膏味濃,不飲都無乜損失.整體都算合格,不過不失,試過一次就夠.燒八爪魚餅好彈牙,好有鮮味,加上內裡的八爪魚粒,口感唔錯.如果再來都會再叫.

已食左幾次甘味，一直覺得呢度既烏冬好味，今晚和同事食左以下既食物：滑蛋蟹籽蟹柳手打烏冬 ($42)：湯底清甜，烏冬非常彈牙有咬口！無骨雞翼湯烏冬 ($38)：炸既無骨雞翼無咩特別，但烏冬好味。七味牛柳二十穀米釜飯 ($48)：無七味粉香味，牛柳淰身但唔香，飯乾身。加州卷 ($10) 芝麻三文魚他他手卷 ($12) 三文魚壽司 ($10)：味道一般，壽司飯壓得較實。吉列煙肉波菜餅 ($18)：食落似普通薯餅，無煙肉既香味。甘味既烏冬幾值得黎食，但佢既飯食真係麻麻！

呢一間果然係老實商店....個名己經話左你知...佢間鋪頭只係烏冬做得好.....其他野真係完全唔合格...都真係第一次食到呢d 咁既餐廳....今日返左舊公司同爺爺開會...開完會佢話請食飯...問我地食乜野...開頭諗住又去返和民...但係7點幾8點肯定超多人等....所以女同事提議試新野.....(真係幾黑仔...試親新野都出事)...一行5人黎到...等左15分鐘左右...都ok 啦...o係沙田其他地方等得仲耐....入坐後.....waiter都好快比茶我地.....首先叫左野飲...乾個杯先....但係唔知點解.....攞幾支啤酒都要差唔多10分鐘......乾杯後...2個女人拍板叫野食....1. 刺身拼盆 ---$ 1082. 甘薯粟子可樂餅--- $183.咖哩可樂餅---$ 184. 墨魚餅沙律5. 炒什菇6.芝士年糕7.蒸蛋8. 烏冬9. 海葵10. 天婦羅11. 紅豆冰呢間鋪頭真係太過老實....令我地呢d 鍾意食既人永不回頭....1. 點解記得呢個刺身...因為佢又貴又唔新鮮.....我都真係第一次食到會"立"口既帶子...望上去...d帶子己經暗瓦無光

十月十三日(星期日)同媽媽.妹妹食lunch,又走入甘味食烏冬好明顯個格局改變左order:>>雜菜蕃茄湯烏冬媽媽必揀* 上幾次都食過,個湯用啲茄膏泥開o甘,好重蕃茄味所以成碗烏冬個湯都好濃>>滑蛋蟹柳烏冬我第一次試呢間所揀既烏冬,都幾深印象真係好食都難以形容,不過今次再叫就無左之前個種驚喜份量減少左好多,個蟹棒依然o甘好食,啖啖肉

同成班同學在上堂前去左shatin 食lunch....今日試手打烏冬.....不過佢地無set lunch ga.....全部都係散叫....我試左個豬軟骨撈烏冬...不過個汁係curry....得個香字....無乜curry 味.....食到最後都係得少少hot 既感覺....都係食唔到curry 味.....而且個豬軟骨既肉大部份都係實.....無個種軟骨同肉略為鬆軟既感覺.....不過蕃茄吉烈豬扒烏冬就大獲好評....試左一舊豬扒....好脆....個湯又夠晒濃.....仲有兩舊蕃茄tim~~另外豬頸肉都幾好食.....總括黎講呢度既手打烏冬真係幾夠水準.... traditional 既款式一定值得一試..之於創作類別就唔好抱太大期望啦~~

極唔鐘意o係新城市食飯, 大路野太多貴唔好味同多人等.未試過呢間野諗住試下有冇驚喜. 3個人點左壽司烏冬餐. 壽司舊飯又林又散件魚唔新鮮.當自己笨因為壽司唔係主打. 但果個連餐的豉油湯烏冬真係唔得. 唔夠熱, 湯冇未死咸, 烏冬質感似未煮熟多過有咬口. 中間唔熱好似生生地的. 一級不推介蕃茄牛柳粒烏冬. 呢個反而幾好. 蕃茄湯雖然有加蕃膏但咸甜酸味道平均, 開胃. 唔小心入左泥可以點呢個. 蟹柳蟹子烏冬. 賣相幾好但食味一般湯底係清湯, 可以不試.另叫了幾款壽司都係嚇死人之作. 冇下次

6點未夠已見有3-5個人排隊, 但因為員工食飯時間為5-6pm, 所以無得拎位or訂位,所以只可以係門口排隊, 點知, 隔離花店因此而受影響, 要出動security guard叫人流企過一點, 免得影響他人做生意。叫了以下4樣東西:1. 燒八爪魚餅 (有少少醬汁, 沒有乾巴巴的樣子, 但仍是油了一點點)2. 豬軟骨烏冬 (很快就上了, 非常熬辣辣, 湯底很清)3. 雜錦湯烏冬 (夠熱辣辣, 但炸蝦被放入湯內~)4. 芝麻三文魚他他手卷 (好一般, 無呢味道喎~)侍應不停加水~ 不錯入座快, 但無啦啦要被侍應叫轉隔離table, 為了就4人table, 唉~ 一開始就唔應該咁樣叫我地坐啦!!! 但佢都有say sorry幾次, 算啦~

烏東色:6/10香:6/10味:9/10天婦羅色:7/10香:5/10味:4/10烏冬又滑又彈牙,很Q就是,不過個木魚湯底無鮮味,得個咸字.天婦羅又唔夠脆,蝦唔彈牙,蟹柳死實實無味,矮瓜反而ok好味.甘味讚岐手打烏冬 真係去食淨烏冬好了

早前同朋友去食我order左個咖哩豬排二十穀飯set朋友甲叫左個蕃茄牛內烏冬朋友乙就叫左個吉列豬排烏冬首先...個咖哩豬排二十穀飯set豬排好似柴皮咁...d飯好"林"我食左兩口就唔要之後...個沙律就有陣怪味我食左一口就唔要啦到個麵豉湯......鹽水咁ge味........最底仲有一舊唔溶ge麵鼓成個set...5分一都冇食到蕃茄牛內烏冬好咸...d牛肉好實...吉列豬排烏冬個湯好甜...d豬排又係好似柴皮咁總之最後我地真係選擇唔食lor...跟住同朋友行下新城市時...唔知係心理作用定係點啦我嘔返晒d野食出o黎lor我地一定唔會再食lor

午餐和同事出了三期, 傾左一陣, 因 "有人" 要keep fit, 最後決定去食烏冬.一點正來到, 要等五張飛不過十分鐘內已經有位.叫了冷烏冬+ 加洲卷, 朋友則要 蕃茄牛柳粒烏冬; 及荳奶蔬菜湯烏冬.過了一會, 有個侍應走過來話冇荳奶蔬菜湯烏冬, 唯有改 蟹柳蛋湯烏冬.朋友話上次已冇 荳奶蔬菜湯烏冬, 即已兩次冇得食, 唯有望下次有啦.我的冷烏冬先上, 味道不錯, 幾彈牙.很簡單的菜色吧.加洲卷只得兩粒, ok, 但跟沙律醬有點怪,wasabi 要另叫才有...蕃茄牛柳粒烏冬朋友話勁正, 湯底好好味, 好醒胃咁話.不傀為"人氣菜式".蟹柳烏冬一般, 朋友也說好彈牙, 正.午餐有九折, + 泊車, 算不錯了.服務很好.

昨晚一行五人到甘味吃晚飯, 還未到七時半, 門外巳有多人在輪候入座, 但輪候時間不算太長, 平均一至兩分鐘叫一次二人枱入座。我們每人點了一個烏冬/飯:- 蕃茄肥牛湯烏冬兩客: 蕃茄湯底濃郁非常, 烏冬很煙韌 - 蕃茄鐵板牛柳粒湯烏冬- 雞絲南瓜湯烏冬- 豬軟骨二十穀米飯: 份量大, 豬軟骨夠腍, 醬汁好味, 穀米飯不會太腍, yummy!!! 另再點小食:- 炸甜栗餅: 少少甜, 很惹味 - 炒野菜: 份量多, 野菜新鮮 - 炸菠菜薯餅: 同樣很足料, 很惹味 - 麻醬冷豆腐: 大家對此讚不停 味道好, 且價錢便宜, 一定會再光顧!!!