甘味讚岐手打烏冬 (已結業)

呢日同男友向沙田試呢間舖豬軟骨湯烏冬(豬軟骨咸左些少)雞扒撈烏冬,幾好味黑椒炸雞軟骨(同平時我地食個d,會有黑椒味,新鮮)叫套餐加10蚊,有兩件sushi,都算新鮮侍應麻麻,叫佢羅兩隻碗都叫左幾次,仲要係分開黎羅俾你.可能係d後生仔,唔係咁想做卦.向沙田食到呢d算係平的舖頭,唔係好使排

2008/4/5做完gym同B頭食DINNER~因為唔想食得太HEAVY~所以揀左呢度~去度門口~嘩~都幾多人等緊位~攞左飛~大約等30張檯~見咁多人~諗住行下再返黎~行左15分?~返黎已經叫到我地張飛~時間岩岩好~唔遲又唔早~打開餐牌~都幾多野食~B頭叫左天婦羅蝦、蟹柳手打烏冬+橙汁(超級細杯)~蝦雖然細隻左D~但係熱辣辣都幾好味~烏冬彈牙~有口感~應該都真係手打既~我叫左雜菜黑豚肉火鍋手打烏單~雜菜比我預期中少~黑豚肉味道OK~湯底同烏冬都唔錯~另外叫左杯香蕉牛奶~太多泡~飲落好似飲空氣咁~埋單大約$145~沙田黎講價錢都屬於抵喇~

星期六下午已經係第四次幫襯.今次試o左個炸豬扒烏冬, 都唔錯!d豬扒炸得幾好, 帶金黃色, 仲冇油"益"味添.GOOD!!

什麼是衣食無憂? 從同事那裡知道新城市三期有間甘味讚岐手打烏冬，前身那間很貴的日本料理結業了，說完想試不到2天，就有機會了，說不上生活富足，衣食無憂倒是真的。蕃茄肥牛手打烏冬~ 湯底不是太濃，沒有大量味精，好有家的感覺(即簡單不花巧)，這店主打烏冬，但發覺跟超級市場買到的烏冬分別不大，跟萬豚屋差距甚遠。肥牛不過不失，倒欣賞加了豆角點綴一下，有點點清新的感覺。整體來說是不錯的吧。既然這裡的烏冬是主打，那麼壽司就是不會太出色的吧?大家不要擔心，他的三文魚及平貝壽司都很新鮮很像樣，體積就是小了點，很喜歡平貝吃下去那種軟淋淋的口感。咖喱薯餅~ 咖喱汁很濃沃，且上桌時熱辣辣的，外脆內淋，很美味，但，1份只面積還比嘉頓威化小的2小件，怎能滿足我這個大胃王!?連小費2人共消費約$95，值得給他一個笑面。PS. 與相距太近，平生最怕女人講不停口，隔鄰那2個女人就是不停不停的講，好煩。

睇完香港文化博物館已經四點多，友人肚仔有點餓餓地，返到新城市tea 兼稍事休息。大家去左甘味讚岐手打烏冬，講起來甘味讚岐我都去過好幾次了，不過分別是葵芳店、奧海城店和沙田店。這裡的手打烏冬是真的不錯，但其他食品則乏善可陳，經過今次的tea time 就更加confirm 這一點。我同另一友人點了三款小吃，墨魚餅千島汁沙律、燒雞翼及煙鴨胸。墨魚餅沙律在三款食物中算是中規中矩，墨魚餅也煎得夠香甜惹味，但有朋友話有部份蟹子是酸的（！）；雞翼基本上是淡而無味，毫無特色；而煙鴨胸實物賣相已經令人失望，又黑又細件，加上醬汁味道更加係太過咸了！接近五點的時候，侍應生過來問還有否新柯打，因為趕last call，成班朋友都大惑不解，乜下午茶後都會有last call 的嗎？試埋今次，我諗我以後再去甘味讚岐都唔會試其他野食，都係只食手打烏冬算啦！

外面擺設冠冕堂皇，懶係高檔、Pro，食落質素差勁無比。該店標榜用二十穀米，仲擺埋一包未煮既穀米樣本，就試下啦，誰知叫落，是白飯一大碗，溝得一兩粒紅米糙米。問店員求證，原來已經係果Ｄ所謂二十穀米，極度貨不對辦！我叫咖哩雞扒飯，得果幾塊，比頹飯堂更難食十倍。店員態度麻麻，反而Ｄ經理既態度重差，好似唔憂做，真係上三樓food court既質素反而仲有保證！

三月九日星期六中午，一家五口到屯門市廣場的分店。先在門外等了四十多分鐘，然後由一位看似行屍走肉的年輕侍應生招待入座；由於在門外巳有足夠時間研究，所以立即可以點菜。年輕侍應生有一句沒一句的不知她聽得到沒有便消失了，感覺像是我來乞食的。不消一會，便上菜了，還付送黑口黑面一張。接着，轉到被騙的感覺；牛肉鳥東是用肥牛片，跟相片不符，而且超過三份二是肥羔；不過鳥東又挺軟滑。另外，以$65元來說，牛肩火煱的牛肉簿如蟬翼及太少了；再被騙。算吧，好醜也一餐，但另一碗番茄鳥東裡，祗有橙色，連半片番茄皮的痕跡也找不到又跟相片不符。錫紙煱雜菜的牛油實在太太多了，很油。最後，熱奶茶裡居然嘗不到半點茶味！總括而言，引用蘇絲黄的名句「收得咁貴但俾啲咁嘅貨色，就認真差喇！」

搞到成兩點,今日都算晏囉~上次食過牛肉飯,今日試另一人氣產品-雞肉碎飯!另外加了煙肉波菜薯餅及三文魚手七卷;雞肉飯水準幾好,但幾油;薯餅夠熱!但食不出煙肉味;手卷幾新鮮,紫菜好脆,都ok,並不像以往般,有進步!

(8/2/08)姊姊托我寫此食評,說道這裡的刺身唔新鮮,海膽更是臭味...!壽司飯又過酸。出奇是仍有不少人光顧,不過多數人都係食烏冬。叫得做烏冬店,真係只得烏冬ok,天婦羅也是粉粉的!

再一次黎幫襯, 因為實在令人回味無窮.中午時段, 門口依然很多人等位.今次試了醬汁煙鴨胸烏冬:-嘩! 都好好味喎, 醬汁好好味, 加埋煙鴨胸一齊食, 味道好似bbq味, 超好味.今次黎又有新驚喜~

上山吹風,不知不覺吹到三點,步到新城市搵食。聽聞新城市西田food court以外,也開了不少新食肆,今次先試這間。下午茶選擇多,點了牛肉野菜炒烏冬,加杯熱柚子蜜。柚子蜜夠熱,但沖得淡了一點。牛肉野菜炒烏冬份量則比想像中的多,鳥冬軟硬適中,卻沒有煙韌彈牙感覺,但勝在滑與入味。牛肉同樣入味,食落香口。至於野菜則是椰菜、青椒、蘿蔔絲、黃蘿蔔,除了黃蘿蔔較酸外,其他的也算入味。整個炒烏冬並不感油膩,但食到底水(汁)多。價錢也比想像平,比起樓上food court,這裡較平兼飽肚。故以新城市來說此店是抵食。

今次已經係第三次黎甘味食(頭一次葵芳分店, 第二及三次沙田分店), 兩間分店都維持倒一樣水準.第三次仍然翻叮無骨雞翼鳥冬, 因為實在太好味(我覺得).-烏冬: 好味到唔識講.-雞翼: 炸得唔錯, 冇油益味(不過仲有d雞毛未拔清).今次仲加$25食左客三文魚刺身添....

嘻...為了遷就同行的口味，結果又係食烏冬~事隔應該剛夠一星期吉列豬扒蕃茄烏冬$48+海鮮咖喱烏冬$58+雞軟骨餃子棒$28+兩碟三文魚壽司@$9對方叫的蕃茄烏冬我都試了少少，其實蕃茄湯底我倆都覺有用上茄膏，只要再加少少蕃茄整個湯已有微酸感覺...但非我杯茶~因為屋企食過媽媽煮的更好味咁吉列我都食了兩件，當然快餐貨式。哈~我的而且一星期後又再叫返萬豚屋一樣款式的海鮮咖喱烏冬！咖喱湯底都係一樣=咖喱味一丁海鮮都足料，蟹條肉x1、帆立貝x1、青口x1、大蝦x3、三文魚肉有三細件當中的蟹肉都不欺場，就係平日食長腳蟹般的原條拆肉。心諗：唔係俾蟹柳我都算係咁啦！至於烏冬裡無啦啦的三文魚肉令我忽發奇想~會唔會係三文魚壽司嗰d三文魚嗱！？三文魚壽司只要正常擺得入口我就ok！因為我講過要跟門牌叫菜，這裡係食烏冬當然係睇返烏冬台戲啦！所以三文魚壽司我但求冇怪味就算。因為幾日前與朋友在屋企柴娃娃叫過元綠的到會外賣都唔差囉！似乎比這裡的三文魚更好。雞軟骨餃子棒的雞軟骨係很少~食過的赤丸或和花亭似乎雞軟骨多d！服務ok，係晚巿太忙太多人杯水凍晒未必有職員即刻斟。食後感：整體烏冬都ok啦！韌度尚可。嗯，赤丸質素

星期日睇完Arabesque Aerial Theatre Outdoor Show後，便過來西田搵食. 這裡晚市6點開始，未夠鐘就已經有人等.三文魚壽司(2客) - 幾鮮甜喎! 可惜WASABI唔夠辣. 美國穀飼牛肩鍋燒烏冬- 牛肩肉唔錯，野菜湯底清清地，烏冬略嫌煮得太耐，淋左D. 加大烏冬- 這個烏冬好好多，彈牙，甜鼓油湯底好味.$120先可簽卡.

dec 25, 07,3人來lunch,叫:1) 南瓜雞絲麵豉湯烏冬-個烏冬都稱得上煙,但麵豉湯唔好濃隻-南瓜就唔腍晒隻,呢個就睇咪你杯茶喇 2) 鮮什菌湯烏冬-友人讚個烏冬個口感不錯,而且d菇仲幾鮮添-個湯底木魚底,雖未至於極鮮甜,但還不錯呢!! 3) 生薑豚肉20穀飯餐-是廚師推介之1-個飯就+好多種唔同穀物落去,甚為健康-個汁好惹味,有子薑味,個豚肉切成薄片,+埋洋蔥等......good-但等好耐,懷疑接我將單才開始煮飯,因我來到時佢先夠鐘開門