瑞記咖啡

营业中

休息中

瑞記咖啡，我細細個就已經食，而家都見唔到個位老人家係舖頭幫手。最為人熟悉，不外乎西多士同樽裝奶茶。雖然我已經唔再住個附近，但偶爾都會過黎食下，因為廚師煮嘅誠意全都在食物裡找到。😊現在位於政府熟食街市內的瑞記咖啡，地方當然冇想當年係街舖咁闊落，我甚至覺得瑞記的枱櫈比其他店少。但人流不斷的反而係呢間老店以親民價錢提供出高質素食物，連外國人都會光顧！必推介-西多士冇錯！唔係普通出面個種炸到兩塊包燶晒，食完覺得-咪又係周街都有的西多士。而係加蛋汁煎香麵包，再倒上大量煉奶的西多。煉奶多少不用講，睇就知好似不計成本咁倒落去，我欣賞對於我這個愛甜的人，煉奶多當然好。且蛋味煎得很香，出食物速度快而準。一開始見西多士咁快上枱， 諗住質素降左。但原來唔係！😃仍保持熱黱黱新鮮上枱，就好似食大牌檔一定要有鑊氣個種感覺。我最喜歡就係呢種西多士，食完唔會覺得上火（俗稱:熱氣）。另外一點係，呢種只加煉奶，不加糖漿，有別於到處都能買到的版本。有人會話，咁樣自己都可以做到，點解要出去食?也許我想懷舊😂亦可能係因為我想支持呢啲有一定歷史的老店舖。價錢貼地的食肆買少見少，高質素的更少，所以就算住得唔近，放假都要過黎探探【它

中環既上班一族中午揾食普遍都有D難度，今日行遠少少，決定去上環熟食中心走一轉，一眼鎖定呢間馳名小店 - 瑞記咖啡。首次光顧，一於試下瑞記孖寶：1. 蛋牛包 - 麵包用爐烘至微暖，加上蔥花鹹牛肉炒蛋，鹹香美味。2. 樽仔奶茶 - 奶茶預先入樽雪凍，入口香醇順滑，好一杯「港式冰鎮奶茶」。不過，瑞記既食品份量不多，而且只可單點，作為午餐就略嫌不足，但不失為下午茶既一個好選擇。

路經上環 見下午茶時間決定一試瑞記到步埋座後先叫了奶茶同西多士但都清楚西多都要等返大約十分鐘所以都叫多咗個餐蛋麵P.s西多同凍奶茶最好唔好一齊嗌西多黎到都唔夠凍先講奶茶 個人覺得茶味都足 但略甜餐蛋麵就普通一個餐蛋麵 簡單講就家既的感覺🙊🙊((餓就嗌之後就到西多士西多 我係有先入為主既思維去試個人覺得有被過份吹捧既感覺特色係有 煎西多 底部加上煎蛋但煉奶的甜味過為出眾導致蛋既味道不多個人認為比較似食緊煉奶吐司

識得一個日本人香港迷每次去香港都食呢個瑞記西多，好奇係咪咁好食不是花生醬，不是炸，是點滿蛋漿煎外邊煎到香脆，入面好鬆軟上面加了大量練奶，不過出奇沒有過甜即叫即煎的確唔同！ 好味平日下午茶時間都爆，都見到好多台灣遊客

公司在中環，專登搭叮叮到上環試試一直想吃的瑞記。可能我們一點左右便到，不用等便有位置，非常好。大家心中已想好點甚麼了，我點了個餐腸麵，再加凍奶茶，再大家share一份西多和咸牛肉包。餐腸面，我覺得一般，食得太多中環某間大排擋，比它好味太多了。西多，真的是不錯。很新鮮熱辣，邊烤得鬆脆，而中心有煉奶，正。咸牛肉包，也ok,但如果要選，我會選西多。老闆娘好好，幫我把包分成五件。奶茶，我覺得稍為偏甜，但沒有冰塊，最後不會令奶茶變淡。不過我都是偏好中環的那一間。估不到在街市樓上，環境都十分乾淨和涼爽，空調開得很夠。

兩個人想食下午餐，無意間發現呢間位於街市入面嘅茶餐廳。個位置都偏，行左兩三個圈先搵到感覺上係夫妻檔，兩個人踢晒腳，所以都唔會太理會服務質素。但係呢間茶餐廳啲食物真係無得輸！首先講蛋牛麵，牛肉幾滑，唔會覺得佢煮左好耐。可能佢地去貨去得快，所以唔覺得係煮左勁耐嘅牛肉咁鞋口，亦醃得唔咸。而蛋牛治都唔差，咸牛肉配炒蛋，唔會覺得咸牛肉太咸，但又留到一點嘅咸香，炒蛋亦夠滑。推薦凍樽仔奶茶！👍🏻夠晒港式！奶味香茶味濃！😋比熱奶茶好味🤤

最近分別兩次去了瑞記茶餐廳，到底為何？就是因為太好食鳥~~第一次去的時候先試了客西多士。一般來說西多都是炸的，反而這份西多是煎出來的，效果竟又不俗，外層依然脆，麵包又香，配合牛油來吃，感覺還沒有炸的那麼肥膩，一口一啖，狠容易便KO了。第二次不再西多，改為簡單的奶醬多及奶茶。奶醬多較為薄身，烘得不會硬邦邦的，脆脆的加上甜甜酸酸的果醬和香甜滑溜的奶，吃完還想再吃。茶夠濃、奶夠滑，就是這杯奶茶的寫照。一份奶醬多、一杯熱奶茶，實乃下午茶之極品！已經在思索著第三次吃甚麼鳥~~

星期日梗係要食好西，慰勞下自己。唔知係咪未瞓醒遊緊暈，睇錯咗location，走咗去皇后街嘅街市熟食中心，怪唔之得一眼望曬都唔見瑞記啦 😐 去到正值下午茶時間，好彩仲有位 🤗 成間舖得兩個夥計，一個煮嘢一個執檯，做到踢曬腳咁，我哋哎極都無反應，又唔知駕步，係咪要自己走去落單喎，唯有等 ..... 開頭好嬲㗎，不過見佢落單嘅時候態度都好好，咁就算啦，都要體諒下人嘅。- 奶茶（$13）用樽仔裝嘅奶茶好呃like lor 😎 雪到凍冰冰咁，心都涼曬。凍就夠凍啦，不過我覺得茶味唔夠，奶味又好淡，搞到成樽奶茶有啲失色。- 西多士（$23）識食就千祈唔好錯過哩個西多，真係無得輸，係我食過最好味嘅西多。平時食嘅西多係炸嘅，但佢應該係蘸咗啲蛋漿再去煎嘅。西多兩邊都煎到脆卜卜，仲好有蛋香味，蘸埋啲煉奶一齊食，好滿足啊！下次我要「唔該西多多煉奶啊」 😋- 鮮牛麵（$28）鮮牛麵就係牛肉公仔麵一碗，除咗牛肉驟眼睇似瘦肉，但咬落去一啲都唔韌之外，無乜特別，可以唔試。

西多 - 加咗蛋漿一齊煎，特別啲，落咗煉奶，變咗中式做法，味道唔錯。熱奶茶 - 香港茶餐廳味道，濃茶味，唔會太甜，幾好。凍奶茶 - 入落玻璃樽，雪凍，連樽都係凍，港式冰鎮奶茶，可惜太甜。鮮牛肉米粉 - 呢個反而太清淡，無乜特色。

有時候一個人在上環待個多小時，既然是早餐時份，吃一個簡單早餐是不錯的選擇。個人喜歡食去舊式茶餐廳，又或者說是沒有太多門面花巧的餐廳。在香港餐廳用膳，價錢上已經要包含貴租金，如果要包含豪華裝修，那剩下在食物的價錢便會不值，這也是為什麼有太多靚靚餐廳常被人說CP值不高。上環街巿很多選擇，其中呢間餐廳是我常來之一。貪什麼？就是貪簡單。一般早餐，真心覺得份量太多，迫你食麵之餘仲有好多唔想食的配搭。這裡沒有早餐套餐，想食什麼，叫幾多，飲什麼自己叫。人大了，但求溫飽便可，叫了一個蛋牛包，加一杯熱奶茶就剛剛好。望入小小廚房，看見老闆先把麵包用爐略烘，然後再加鹹牛肉炒蛋，就成為一份美味的蛋牛包。熱奶茶奉上時就已經加入煉奶，甜度足夠，但相信在落單時可以預先叫老闆更改甜度。埋單27蚊，但食完既滿足感可以比其他40蚊早餐為高!

早兩日心血來潮想食西多士，醒起有朋友推薦過瑞記，有咁啱喺上環附近行緊街，所以就即刻飛撲去上環街市度食嘢我地係下就四點幾先去，人流好少，而且隔離d店全都執緊枱做晚市，所以完全唔使等位即刻入去就有得坐樽裝奶茶因為冇加冰所以味道好濃郁，好欣賞佢哋雪凍個玻璃樽來裝奶茶！西多好香脆，而且煉奶味好重，但牛肉麵就麻麻哋冇乜特別另一碗牛肉麵冇入鏡埋單百幾蚊左右，個人幾鍾意佢個西多士而且好有香港懷舊風味有時間嘅話會再嚟多次

好少去街市，樓下堅係環境差d,但睇左雜誌介紹，最後決定去一試。本來睇個西多個樣吾多特別，但一食落口，真係 嘩 嘩 聲。 個包好林，好軟熟，嘩，個牛油同包包，禁簡單既材料，可以禁好食。真係必試。

長年在外好友回港, 特意帶喜歡奶茶的他在出發澳門前來噗個靚早餐先上船!平日的平凡早上都坐滿客, 難怪不少食家話有排等, 而店亦人手短缺, 只好自己等有位坐底。其實阿姐都知我地剛坐低已即刻出黎幫我地執枱, 奈何一出黎已有幾枱人叫住佢, 見到佢咁忙都覺得要搵多個人幫下佢手啦!好快已決定要食咩, 奶茶一定走唔甩, 野食方面就叫一份蛋牛治一份餐蛋包奶茶的確係好值得慕名而來一試, 聽以前開茶檔既叔叔講每間茶餐廳都有自己溝出既茶葉黎沖茶, 而呢度既幼茶就有一種好特別既香味, 飲完十分懷念細個成日去叔叔度呃奶茶飲既日子, 而佢既茶檔一早已經因為貴租而做唔住了.....而前屋企都會托佢地買茶葉返屋企沖奶茶, 真係好想每日都再飲到。蛋牛治係招牌吧, 點都要試下, 加埋蔥花好香, $14好抵餐蛋包就比較普遍, 不過個包烘到脆脆地好食!可惜地點有點遠, 唔係一星期食足5日都可以! 係九龍區是但搵個地方食早餐都過$30, 呢度岩岩好$29又有咁好既奶茶飲, 十分羨慕住係附近既人囉!

今日打算買午餐時想起係網上見到介紹呢間上環有名的瑞記咖啡1點幾去到已坐滿人而且買外賣都有條人龍，其他店都沒有這情況。小店只有一位呀姐和廚房叔叔，完全唔夠人手。望入廚房見到完全做到踢晒腳，食客要經常摧單。當然佢地並非服務態度差，只是不能期望有服務吧。牆上的餐牌很懷舊瑞記出名的有西多士，蔥花蛋牛包，樽仔奶茶。今次一於試齊三寶，不過由於外賣樽仔奶茶只可以倒入紙杯，失去左特色。蛋牛包用上熱狗包夾住蔥花蛋牛，因為面包烘過，所以幾鬆軟，但蛋牛比例上太少。西多是煎的，再淋上煉奶，面包比較薄身。基本上蛋牛包和西多都沒有驚喜。樽仔奶茶由於連樽放雪櫃所以不用加冰，奶茶甜度適中，入口順滑，茶香奶滑，不錯

今日到上環附近，下午茶時間不少得去瑞記歎返個下午茶餐，充滿懷舊風味既餐廳，一件非常有特式古老方法製成既西多士，煎到麵包金黃香脆鬆軟，再係面頭倒上牛油煉奶唔係糖醬，味道有d似食奶醬多，但同奶醬多比佢好食多好多，呢到仲有特式既係，連凍奶茶都懷舊過人，係以支裝奉上比客人，既又特式又好好飲，雪得夠晒凍，茶味夠晒濃，因為冇冰唔會咁飲飲味道愈飲愈淡，大大支一樽飲到尾，啖啖香滑好飲! 呢到食物質素好之餘，價錢仲非常抵食吸引，咁樣食都係廿幾蚊，正!