瑞記咖啡

营业中

休息中

繁榮喧鬧的城市，舊有建築，舊有味道，慢慢被商場化的食店慢慢蠶食。最終消失在我們的記憶中。人漸漸長大尋找的不再是新事物，而是尋找舊味道，舊事物，舊建築。上環是少有舊式建築的地區，在繁華的都市中，人來人往，人總不會為身邊的東西而停止望多一點，感受多點。今次尋回小時曾經擁有的味道。上環熟食中心位於上環，交通方便，易尋找。輪椅朋友仔可以在地鐵E3 無極限廣場出口搭升降機至G/F，在德輔道中向西港城方向右行5分鐘，至摩利臣道向左轉，望前，在文咸東街有升降機直到2/F。餐廳地方寬敞，雖然叫餐時間要等5分鐘，勝在親力親為，老中青都為著店鋪而努力，齊心做正是精神可取之一。職員有幾忙碌都會幫助我們，值得欣賞。必食懷舊系列：靚香西多士（$23），重點不是油炸而煎，蛋香一絕，即叫即做，絕不馬虎，內脆外軟，配有美味奶醬，愈食愈開胃。鮮牛公仔麵（$28）：鮮牛份量十足，新鮮入味，出前一丁配合恰到好處的烹調時間，鮮牛和公仔麵完全配合到拍拖感覺，缺一不可。樽仔奶茶（$9）：奶感滑滑的，帶有清爽的茶味，甜味適中，入口仔細有層次，勝在用樽仔去裝奶茶，獨一無二。

上次來 已經是夏天的事，時間不會等人，一轉眼已經過了一季, 又老了一點。農曆新年過後來，正正因為對面檔口未開，所以大把位可以坐。呢到唔會趕客， 客人食飽仲不以慢慢 hea，好好。因為茶檔只有一位阿姐同老細，老細又要煮野又要幫手收搭，真係做到無停手。 雖然老細唔會對客人笑晒口，但態度還是親切，有如街坊一樣。 午市過後人潮已散，所以等候食物時間都好快。蛋牛治洪底兩片洪得非常香脆的三文治將煎至微到恰到好處的雞蛋、牛肉碎和香蔥包裹著，亮點是蔥花，簡單但唔係間間茶檔都會加，一口咬落去個份幸福感覺，滿分。食物好似家人為我煮出來一樣窩心。 餐蛋出前一丁好香、好香既麻油味，麻油是配一丁麵不可以缺小的元素，丁麵仍是彈牙的，午餐肉和煎蛋都煎到好有家的味道， 實在不錯。 熱央不以及奶茶，咖啡略帶小許燶，飲落唔夠順喉。反而奶茶夠香，如果奶可以重手一點就更好!問老細拎紙巾，老細仲親自拎過黎，其實好小事已經可以令客人開心! 希望 可以長命百歲 ! 

最簡單嘅嘢食最考功夫。今日去開上環做嘢，時間唔多，就嚟食個腿蛋治，因為得叔叔一個，所以等咗一陣叔叔先有時間整，份腿蛋治一嚟到比另外地方賣嘅大份啲、豐厚啲，咬落去熱辣辣、塊包算新鮮、火腿係煎過㗎！雖然得叔叔一腳踢，但一啲都唔馬虎，真材實料！價錢ok，盛惠16元。不過呢度無餐叫，要單叫嘅。

可能有人會覺得熟食中心衛生差d，上環尼間地面比較濕淋淋，所以要小心行，但餐廳衛生ok既，大排檔風味呀麻。餐牌款式唔多，主要試飲樽仔奶茶，我對奶茶冇研究，平時好少飲。叫左蛋牛包(有蛋牛治)($14)，西多士($23)，樽仔奶茶($14)，忌廉($10)。樽仔奶茶幾濃茶味，飲完之後，我成晚訓唔着，一飲茶就訓唔着，所以佢既茶底係濃既。蛋牛包望落好似唔夠飽咁，但食哂之後，係會feel到脹脹地，蛋香味厚過牛味，而深水埗既蛋牛治既牛味係重d，各有千秋。西多士就已經切好，醬既比例ok，不過好heavy。總體，餐牌上有麵食叫，仲有傳統滾水蛋。

唔係朋友介紹都唔知，瑞記咖啡係位於街市3樓既熟食中心既一間鋪仔，係呢度完全感受到八十年代最Local個種既飲食文化。雖然都係位於中上環，但好明顯呢度都係行貼地路線，所以見到著西裝既OL OB就感覺佢地同呢度格格不入。而一睇餐牌，價錢比起出邊行文青風格既Cafe要便宜好多。知道呢度出名蛋牛包，都唔使點猶疑，即刻Order左一份蛋牛包。以雞蛋撈埋免治牛再煎香形成蛋餅，香酥惹味。連個麵包都加熱過，咬落去好軟綿綿但D包邊香脆可口。所以一口咬落去先係會經歷一層鬆脆，再經過香軟，最後咬到香香鹹鹹既蛋餅，形成三重口感。西多士，麵包浸滿蛋液再煎至金黃，包邊微微焦脆。淋上一層煉奶，香中帶甜。Order左支樽仔奶茶，凍奶茶茶味奶味適中，稍微甜了一點，但都好好飲。至少唔使去蘭芳園度排隊等飲一杯奶茶，仲可以慢慢嘆。呢個數食中心其實都係好簡單既粥粉麵飯，價錢唔貴，味道唔錯，但更多食既係一種記憶，屬於香港人既貼地文化。

依排月尾，又係勒緊褲頭既時侯了😓Lunch都係周圍搵D便野食今日行遠幾步黎到上環街市熟食中心，原來依到好多野食架，望落價錢普遍都唔貴，岩哂長期糧尾既我啦～💸我地今次揀左瑞記咖啡，因為見到佢既奶茶好得意，係用樽仔裝架，夠哂風味，飲落味道冇失望，好香既茶味，奶味又岩岩好，唔會太漏，好怕飲個D一飲落去就成啖奶個種奶茶，甜度都適中，平衡得很好上網睇人地話蛋牛包出名，一定要試，不過因為太凍既關係（仲要飲凍奶茶），於是就試左蛋牛麵，鮮牛肉好入味同稔，蛋又煎到有脆邊，蛋黃仲有少少流心😍不過見到好幾枱都叫西多士，應該係依到既名物，下次要再黎試先～🤤🤤

瑞記係街市上面, 可能聽到個位置會令唔少人打退堂鼓, 但佢個環境其實係幾企理, 都算衛生。呢度啲服務都好好, 問佢有咩介紹佢都好有耐性! 佢就話最出名就係西多士(後) - 上到枱果時覺得望落去冇乜特別，但咬第一口，發現個西多士充滿濃濃嘅蛋香味，而且煎得啱啱好，咬落去有脆脆地嘅口感。西多士最怕食到成口油, 但佢冇喎蛋牛包(前) - 熱狗包嘅邊烘得脆脆地而且新鮮製作，佢入面都非常足料, 啖啖都有咸牛肉架!樽仔奶茶 - 好滑而且又夠凍，唔會太甜, 見到廚房係搵啲凍水浸住佢架!

星期四剛巧在上環工作，便相約了朋友在瑞記咖啡共進午餐🍽。🕑午膳時間難免會遇上一大堆人潮，所以等候位置的時間也會比較長。瑞記咖啡是歷史悠久的餐廳，位於上環街市熟食中心內。餐廳裝潢簡樸，位置不多，別有一番風味👍🏻👍🏻。食物選擇亦不多，而今次我們點了兩枝樽仔奶茶、西多士以及蛋牛包。因為廚房只有一位廚師打理，所以等了大概十分鐘食物及飲品才陸續送上。🍞瑞記咖啡的西多士十分有名，棄用平時餐廳炸的烹調方法，轉用煎的方法，以減少平日西多士帶來的油膩感。沾有蛋漿的麵包表面被煎得呈金黃色的狀態，十分酥脆，是我最愛的菜式。而蛋牛包🥖的用料也很足，牛肉亦醃得很入味，即叫即炒的蛋牛配合剛烘的麵包，味道以及口感都非常豐富。以樽裝的奶茶相信會勾起不少人的集體回憶，奶味很濃，而且樽內沒有冰塊，所以奶茶不會因此而被沖淡。總括而言，瑞記咖啡是少有高質素的懷舊港式餐廳，實在值得一試。😋👍🏻

瑞記位於上環街市樓上，總覺得冬天來吃沒那麼悶熱。這次是第二次來，決定嚐嚐蛋牛治烘底，再翻兜招牌菜西多士和樽仔奶茶。價錢依舊平易近人🙂蛋牛治烘底（$14）經典的配搭往往是最讓人滿足的comfort food。麵包烘得香脆，餡料就是一般的鹹牛肉炒蛋，但已足夠好味。西多士（$23）西多沾了蛋汁再煎，帶濃濃蛋香，加上香甜的煉奶，雖然沒有夾心，但簡單好吃，比一般炸花生西多輕盈。樽仔奶茶（$13）沒有冰溝淡自然更原汁原味，但總覺得奶味稍淡。整體來說十分滿意，但要留意午市有時顧客太多，落單和出餐會比較慢。

響上環返工嘅人，甚至好少蒲開依頭嘅人，都應該聽過瑞記嘅大名，因為佢成日被不同雜誌推薦，尤其是佢嗰個比出面一般餐廳稍為健康嘅西多士，一直都係店内嘅signature。今日下晝見唔係好餓，我就自己一個點左西多士當午餐食碟西多士一上，就見到佢同我想像中嘅西多士完全唔同與其叫西多士，依個其實只係個沾左小小蛋漿嘅麵包，再輕輕煎一煎，難怪佢比起成個油炸嘅西多士健康得多不過我覺得個名有d取巧，其實佢唔算係西多士，只係一個煎方包再加煉奶而食落同西多士嘅味道，口感都截然不同佢食落一d都唔脆，只係普通嘅煎麵包，另外因為煉奶充滿佢嘅中心，加埋表面嗰d煉奶，成個多士奶味幾重，同時偏甜我覺得可以一試，但整體不過不失，無咩驚喜

在上環返工，想食50蚊以下的午餐真的不容易，上環熟食中心是其中一個選擇。第一次上去，係openrice做過資料搜集後，決定嚟呢度食個午餐。上到去，行咗一個圈都搵唔到，原來佢係係其中一個角落附近。以下係我當日的午餐：第一個想食的蛋牛包，因為蛋包蛋治係呢度最出名，夠份量，不過個包嚟度，我搵唔到"牛"，原來係咸牛肉，炒碎晒係蛋入面。第二個叫的係鮮油多，餐牌係無呢個菜，係貼係牆到見到，好耐無食過，難得係呢茶餐廳見，所以點了呢個，味道唔錯。第三個係奶茶，我本來唔諗住叫嘢飲，我見隔離枱的奶茶又好、咖啡又好、甚至係鴛鴦都好，係用樽載，咁特別，即刻叫嚟試下，夠凍，味道好濃。

There are cha chan tengs all over the place but then there is Shiu Kee Coffee (瑞記咖啡). As old school as you can get, this small cha chan teng is located inside the Sheung Wan cooked food center on top of a wet market. It's located on the left when you get off the escalators. Be sure to sit in the tables near the restaurant as the other ones are other restaurants.Menu is in English and Chinese. They offer various toasted sandwiches and noodles. And yes, the typical drinks.But most people order the

陪朋友仔黎到上環試婚紗，早啲黎到搵食！係Openrice睇左好幾間，揀個輕便下午茶！地點唔難搵，係熟食中心入面！4點幾黎到都幾多人！大部份人都一定會叫個西多士同樽仔奶茶！所以我地都跟風！西多士！超多煉奶的！好正！新鮮即整👍🏻熱辣辣！Yummy!!!不過入面係無花生醬個啲，應該話係無餡料先埋，不過大量煉奶搭夠！😘蛋牛治烘底非常足料！好香！另外再叫左杯熱奶茶同熱咖啡，係唔錯的！但其實凍樽仔奶茶水先係呢到最出名！

突登黎到試下排名咁高既小店價錢相宜 樽裝奶茶懷舊味道滿瀉先試鮮牛麵 再食蛋牛包落單時唔小心叫左蛋牛治黎到想換返 職員完全無問題幾十蚊食到香港人情味 值得開po叫好性價比一流

其實上環都真係好多好野食，但小食就唔多，同朋友係附近行完街想食個下午茶，就揀咗依間喇。其實熟食街市黎講，佢都算乾淨，而且無異味，同埋最爽嘅就係可以買埋同場其他餐廳一齊食，咁就滿足到晒所有人嘅願望不過我今次嘅目標就係西多士同奶茶。西多真係好出色，不過其實佢冇花生醬嫁，鍾意食花生醬嘅朋友可能就有少少失望，但我就覺得依個仲好味過有花生醬嘅，事關佢蛋味好香濃，而且練奶嘅份量亦都岩岩好，味道又唔係太甜，所以更能食出蛋香，而且煎得外脆內軟，真係好好味而奶茶就不過不失，奶同茶嘅比例好平均，不過本人就比較鍾意食茶味濃嘅，所以就覺得還好了，不過同西多士一齊食就真係好夾，好滿足啊！同埋兩樣加埋就都係$36，西多士($23),奶茶($13)，好味得黎夠飽又實惠