瑞士㗎啡室 (已結業)

上星期五去咗瑞士茶記食粟米肉粒拼火腿飯。因為太多人，無計，為有叫外賣。$40加熱奶茶。個汁好厚底。個飯真係好唔掂。落水不夠，所以飯粒有點硬。火腿好大塊。好抵食。個粟米好新鮮。混入飯粒同個汁，好好食。加上杯奶茶好正，唔駛落糖都覺得好飲。

黎到呢度，唔駛講一定要試佢個瑞士雞翼餐喇，先講講個場地，特別在分上下層，樓面面積頗大，有點懷舊冰室的感覺，要讚的是各員工態度友善，上菜速度又快，須知道食野唔係只係講食咁簡單，仲要有感覺，有時伙計態度惡劣，真係野食好食到飛起都係假話返個雞翼餐，四十幾蚊係呢個時勢話貴唔太貴喇，不過佢係雞全翼，咁都算有返d交待，味道亦對得住個招牌，雞翼入晒味、火喉啱啱、肉質仍保持嫩滑，就算浸落碗湯度都唔會無晒味。除了雞全翼兩隻，還有厚多士同火腿奄列，本人就習慣夾住一齊食，變成三文治，所以成個餐一定食到你飽飽，唔會到喉唔到肺。又再黎杯咖啡，輕鬆過關，唔係一般茶餐廳的貨色，是類似澳門果種味道，上面再加可可麵，整體來說，絕對可以encore！

今日下午去咗瑞士咖啡室醫肚。間咖啡室橫裝好似六十年代冰室。點咗個椰香雞皇意粉。$40有熱奶茶。五分鐘有得食。個椰汁好厚底，好滑。混入給白飯一齊食好正。加上個雞肉好滑。好彈牙。雞肉份量好足夠。一正夠一個男人食量。杯熱奶茶好香好濃好滑。真係好抵食。

工作中午餐，同事介紹呢間餐廳帶我去試，工廠大廈地下，我哋由後門入，入面裝修行懷舊風，地方嘈雜，剛過午市又未到下午茶時間，阿姐介紹呢幾樣！瑞士汁牛河（$45）既然以瑞士汁出名，就試個炒河，賣相好黑媽媽，無參考圖片咁靚，圖片圍邊嘅菜心，改做墊底，菜心粗身但爽口，河粉索晒啲濃濃嘅瑞士汁，甜甜地好滑，河粉比較油膩，牛肉好多片，無用鬆肉粉，所以牛味幾濃！又唔韌！好味！菊花薑蜜（+$3）瓦杯上！雖然即沖貨，不過好濃，所以幾辣口！好味！店員好多，都係啲姨姨伯伯，所以唔係勤快，叫到就做！落單嗰位姨姨比較健談！又會推介下食物！唔錯！地方唔華麗，比較草根！食物好味！

依排有少少唔舒服，超咳，見到瑞士咖啡室有個傷風感冒餐，就去食。所謂傷風感冒餐，即係一個特濃蕃茄火腿通粉，加一杯姜蜜。姜蜜先到，十分之燙口，但調得很醇厚，飲落去幾舒服，紓緩番個喉嚨特濃蕃茄通粉真係超厚既一層鮮茄蓉，加清湯底，食落有鮮茄既texture，有很濃蕃茄味，幾開胃份量都幾大，雖然唔覺有乜肉，但都算飽。原本諗住聽日去食粥，但試完聽日都係回頭食傷風感冒餐啦xd

今日去瑞士咖啡室食TEA，喊左個茶餐，有火腿奄列，牛油多士，仲有個鮮牛肉意粉，同埋一杯熱飲飲，好似幾豐富甘，先食個多士，少少脆，但未去到焦脆而後鬆軟既超級口感。火腿奄列一般般，冇乜特別。牛肉意粉，個牛肉幾嫩，意粉正常野，只係個湯淡左少少。唔係好夠喉。

Lunch來到荔枝角的瑞士咖啡室，環境像懷舊冰室，環境乾淨。 我點了個蟲草花肉餅飯，蟲草花呢…就唔覺有咩味道了，至於個肉餅呢，口感味道都唔錯，厚度有份量，味道唔濃，整出黎D有油唔算好油膩，用黎撈飯一流！肉餅質感唔硬，剛剛好。總結蟲草花肉餅飯，肉餅好味，蟲草花無味。

今日嚟開香工，梗係要嚟瑞士咖啡室食佢個瑞士雞脾啦！見人哋講得咁出色咁正，點都要嚟八卦一下坐低貫徹茶記嘅服務：快！姐姐好快手咁已經擺低杯水同餐巾叉羹！睇餐牌，好多選擇！搵咗一陣先見到我想試嘅嘢：瑞士雞脾拼金鏄！先嚟咗杯嘢飲，熱檸水，正常嘢！兩分鐘後就嚟咗個瑞士雞脾拼金鏄！心諗咁快嘅⋯⋯見到隻雞脾都有煙出，即係熱嘅，還好！但兩件金鏄，牛油都唔溶，仲諗係咪牛油太冰⋯⋯一切落去，都唔算太油，但就係唔熱囉⋯⋯有啲失望好處係糖漿任落！因為成樽比你，唔係依家嘅新茶記一包包咁！食咗一件金鏄之後食雞脾，色水好夠！但只係色水好夠，冇特別喇！整體嚟講係有啲失望嘅！

無係荔枝角返工都有一段時間，今日剛好要黎呢到買少少野，順便黎食個late lunch，諗返起之前係呢頭返工最愛既餐廳，就打算返黎試下啦。瑞士雞脾加金磚: 之前叫開既都係瑞士雞翼，仲要配意粉之類，好飽，唔鍾意食正餐既我今次叫左瑞士雞脾加金磚，配一杯熱奶茶。雞脾醃得好入味，煮得剛剛好，唔會太淋，瑞士汁既濃度適中。西多士夠厚，唔太大舊。熱奶茶方面好香濃，亦都好滑，好有中式特色。環境方面，雖然門口睇落一D都唔吸引，但係入到去真係好有香港舊式茶餐廳既特色，以懷舊冰室作主題，裝潢亦都好刻意去營造昔日茶餐廳的氛圍，綠色小階磚地板，白色卡位同店內既掛畫都睇得出餐廳係花過心思去設計。

曾在荔枝角工作，對「瑞士」早已不陌生。瑞士雞翼的調味真的很討好，連平常不碰全翼的我也難以抗拒，遲五分鐘下單便已賣光。同行朋友點了炸脾配金磗（細件厚切西多士），依然保持高水準。絕對是家有賣點，有質素的茶餐廳。支持！

今日天陰陰，決定叫外賣唔出去食。我叫左瑞士雞翼飯，$44 連凍飲，外賣唔洗加錢。大約半個鐘就送到，同區外賣黎講算好有效率。講反個飯，認真唔差，幾好食。個汁我簡左黑椒汁，微辣，送飯一流。瑞士雞翼醃得好入味，略咸，有D雞毛未蚊乾淨，不過只係小問題；個人認為，飯略少，如果可以多D 飯就Perfect。總括而言，同區外賣較為高質素既一間，會再叫。

今次只可俾ok本身乾炒牛河系勁油我明但係多到滴曬油咁就唔掂啦多油到食個下午茶餐一半已經飽滯左個兩條菜就係碟底油到發光反光其他同以往一樣咁好味不過茶餐唔可以牛肉轉肉片下次食第二樣熱華田亦厚實濃郁好味

成日黎食lunch!set lunch由39起包熱飲！點左個咸蛋蒸肉餅飯加招牌熱奶茶！雖然係set但一d都唔馬夫！一大碟飯同餸另上！男人食都夠飽！先講個肉餅！可能會有dd咸！但肉汁夠juicy而且肥肉唔多！一食就食曬！招牌熱奶茶唔使多講！茶味濃奶滑！不愧係鎮店之寶！會繼續支持！

返工地方轉到長沙灣，周圍都係港式茶記，真係有排食，但今日首先食個扮晒番鬼佬嘅瑞士咖啡室。相信好多朋友都去過唔同地方嘅瑞士，本人都唔例外，長話短說啦。今日先嚟一個普通的午餐 - 椒鹽豬扒飯。睇佢個賣相唔係太討好，但豬扒味道唔錯，可以一試架！

好耐以前黎香工買衫，響呢間茶記食過一客帶子薯蓉，係比較少會響茶記見到嘅野食，印象難忘，今次經過想食多次。有個姨姨幫我地落單，佢係咁催，我地就問佢意見，佢好似係憑記憶介紹我地食乜野，仲搞錯左野，佢又好似唔識睇menu，指住個餸佢都唔識落單，唉，我地又睇得唔好，真麻煩。我地點左瑞士雞翼腸仔飯，雞翼個汁普通啦，雞肉無雞味，唔掂。仲有個白汁海鮮焗薯蓉，阿姐落錯左焗飯，好失望！而且個芝士汁非常鹹，唔好食，海鮮份量就ok啦。價錢唔係平，都要＄43。