瑞士㗎啡室 (已結業)

瑞士咖啡廳係荔枝角呢一帶都幾出名，除左招牌瑞士雞翼幾好食之外，早餐同常餐其實都做得唔錯，係呢一帶好多人既首選。今日一行五人又落左黎瑞士食早餐。我多數都點A餐，火腿通粉配炒蛋牛油方包，搭杯凍奶茶；唔好睇好似唔係好多野食咁，瑞士既方包厚切到，一塊有成塊半咁厚，唔係誇張。有幾次叫左蛋沙治黎做早餐, 都要留到去tea 先食得哂。雞蛋都炒得唔錯架，幾有蛋香，都算幾滑。個方包大得黎其實好軟熟。個通粉就中規中舉啦。杯凍奶茶都正架，奶同茶比例剛好，夠凍。同區茶記TOP3應該有，希望佢繼續保持水準。

今日在荔枝角搵嘢食咁岩見到呢度有新飲品，所以試一試叫咗個豉汁蒸排骨鳳抓飯其實上菜果下同預期有出入，媽呀～人地腦海係諗住一盅盅果啲架嘛🙈不過都唔緊要，咪當試下新嘢味道中規中矩，相比起一盅盅果d，個飯係遜色啲，因為佢俾既都係一般茶餐廳飯，有啲乾。另外，今次重點係紫薯牛奶因乜解究依家全城皆紫薯😂咁呢隻紫薯牛奶味道唔夠濃，只有少少紫薯味，同埋上果陣仲有好多紫薯粉未溶，可一試但無咩興趣再試。加$3飲熱飲，對慳家上班族嚟講係奢侈享受。

公司附近嘅瑞士咖啡室,經常客滿。呢日早D出門 食 lunch。好彩有位吾洗等。我最喜愛呢度嘅瑞士雞翼常餐,好有童年 feel。最鐘意呢份多士夠厚, 再加埋火腿炒蛋已經飽左一半主角來了 2隻全翼瑞士雞翼。瑞士汁不太鹹, 雞翼又啖啖肉仲有通心粉一碗。呢份常餐真係非常抵食。

瑞士午市就成日去食, 多數都FULL HOUSE~但早餐呢就好少叫, 因為始終距離公司有D遠! 驚送外賣都等得耐~今日心血來潮想試下瑞士既早餐!我叫左一份沙蛋三文治, 同埋凍奶茶..........大約等左4,5個字啦~~外賣就到喇~ 一開個外賣盒真係嚇親, 唔係誇張!因為佢塊方包真係厚到, 我覺得係4塊方包咁多-_-方包真係好新鮮, 水份夠, 軟軟熟熟, 所以即使好大份都唔想食淨..唔想哂野而沙律蛋呢都幾好, 個醬無話搞到出左水, 酸酸甜甜, 個味都幾好~不過, 因為個包實在太厚, 比例上沙蛋偏少, 如果可以多d就無得彈喇...呢個早餐.. 食完..飽到午飯都唔洗食..............................-0-

Lunch time 行遠小小去左食瑞士以前係中環新蒲崗翻工都有食過呢間，都係d舊式茶餐廳，荔枝角就分左上下兩層，lunch hour 都好多人排隊，等左一陣先入到去我今日叫左個瑞士雞翼公仔面餐，豐富到不行啊有碗蕃茄湯面，有兩隻瑞士雞翼，有炒蛋同多士，多到呢，真係好抵食佢個茄湯甜甜地幾得意幾好味，幾清新仲有個瑞士雞翼都好入味，瑞士汁好食，兩隻都真個幾多，仲原個多士係厚切，真係好出瘋狂，佢d料都幾足架，唔錯唔錯

到瑞士㗎啡室，不作他選，要嚐的當然是瑞士汁菜式。小人向來最愛之物乾炒牛河用上瑞士汁去炒，多一份濃甜，鑊氣十足，牛肉甜嫩，河粉油滑，顏色較普通牛河深了一些，卻是超超級的好味！寧願跟著下餐清淡一點，也要吃這個瑞士汁牛河！

無聊browse下openrice正值下午茶時間又身在荔枝角選了這間試試心儀的瑞士汁炒牛河很是滿足汁濃，炒得夠香，又有鍋氣仲好generous 大大片牛肉舖頂另叫一個瑞士汁雞脾金磚呢度啲瑞士汁的菜式真係無得輸下午茶餐抵食到震！三十蚊前後，有30幾款選擇下次試瑞士汁雞亦先

［下午茶精選］經過荔枝角，想起瑞士汁炒河，於是等到2點下午茶時段，就衝左入去。二個人叫左三個下午茶餐，我諗隔離台都嚇親，實情只系未食午餐。瑞士汁炒河、雞脾配薯條、咖央西多士味道無得頂，甜甜地的汁配河粉，雖然有點油，但偶然放縱一下，都系樂事！雞脾入味，幾嫩，但薯條略嫌有d唔夠脆好邪惡，但好好味。三個下午茶餐，再加埋杯脆爆同紅豆冰，真心抵食又回味下次再黎回味一番。

再次光臨瑞士咖啡室，今次點了瑞士雞髀薯條再加杯凍奶茶。瑞士雞髀依然入味好食，但炸薯條非常一般。凍奶茶冇奶味，好「希」咁，身為老字號茶餐廳奶茶如此水準，真係有啲失望⋯⋯

話說 我覺得如果係荔枝角返工既話 瑞士係必食既!話明叫瑞士 呢到最正當然係瑞士汁啦!我記得第一次黎食既時候 我同事話第一次黎食一定要食佢地呢個瑞士汁雞翼撈麵其實就咁睇圖 都知道有幾多瑞士汁佢最正既地方係 呢到既瑞士汁係ON SIDE既所以你可以調出你想要濃度! 淡D 咸D都可以自己ADJUST仲有兩隻瑞士汁雞翼睇落去雖然好似好簡單 但係真係好好味 食得好幸福!

同同事做嘢，五點都未食lunch,同事就介紹附近呢間老字號，本身我個人係鐘意懷舊吖，冰室吖個啲舊式茶餐廳。已經好期待。個度啲員工好好禮貌，等落order唔會黑面👍嘢食冇得頂，金磚keep到外脆內軟，吉列魚柳炸到啱啱好，瑞士雞脾嘅汁好好好味，肉質淋👍👍👍茶走甜度啱啱好。埋單又好笑容。俾錢都俾得好開心。讚要挑剔只有係冷氣凍左啲。😅😂但真係買少見少了。因為真係好香港味同好食。。。仲有，香港人打工。。。病都要反工。。。尤其是傷風感冒。。。呢間好窩心，突登照顧埋呢個情況。特別有傷風感冒餐。。。😍😍😍知道唔係新聞，但係加加埋埋，仲仲有素食添~我真係俾好高分佢。加油雖然我冇咩幾可經過。但我一定會揾時間再去食同介紹朋友。

今天幫仔仔去荔枝角買校服, 買完巳差不多十一點四十五分, 於是趁繁忙時間前, 快快找間餐廳坐下.  行到瑞士門口, 被他們枝攪鬼筋肉奶茶吸引住, 於是決定入去一試.  坐下才發現原來仲有早餐食, 正呀, 啱晒慳家的我.  魚柳好夠熱, 但條腸就差D, 如果可以熱D就very good.   枝奶茶, 茶和奶味適中,  整體滿意, 可以下次再來. 

今日黎左荔枝角搵老公食下午茶,老公帶左我黎呢間餐廳佢話原來好多附近番工既上班族都好鍾意黎食~佢介紹最出名就係瑞士汁雞翼~瑞士汁味真的很濃郁~ 雞肉嫩滑~ 無論雞翼定雞脾都好入味~脆薯條份量夠, 新鮮炸起脆卜卜~而且價錢都幾抵食! 認真唔錯!

荔枝角午飯時間真係人頭湧湧, 其中呢間瑞士咖啡室, 更加係非常旺市。普通$40幾蚊一個餐,  區內合理水平, 不過食物質素真係好好, 特別推介一定係「瑞士常餐」($45),  包括番茄或羅宋湯粉麵、奄列、烘多士半份、瑞士汁雞全翼、奶茶,  非常豐富。瑞士汁雞翼唔需要擔心食得太「論盡」,  因為浸得入味又稔身,  用叉一切已經分開皮肉。另一個推介係「營養餐」($42),  包括番茄或羅宋湯火腿粉麵、沙律、三文治、維記鮮奶。沙律上面放左全隻烚蛋, 好正! 多士可以加2蚊雙拼, 今次我就拼左芝士鹹牛肉三文治,  一大片芝士加上超多鹹牛肉, 絕無欺場。 

收工過黎，仲趕得切未收鋪，食埋仲有茶餐既餐廳。既然仲有下午茶叫當然叫啦，叫左碟瑞士汁炒牛河。碟牛河賣相唔多靚仔架，黑忟忟咁，但食落都ok. 河粉炒到好滑，火候唔係好大，但我認為好足夠，雖則有點肥，但無其他茶餐廳咁肥。瑞士汁就唔鹹，但河粉頗入味，有瑞士汁既微甜，稍有不足係牛肉部位有點根，質素不高，但30餘塊算係咁。