瑞士㗎啡室 (已結業)

工作中午餐，同事介紹呢間餐廳帶我去試，工廠大廈地下，我哋由後門入，入面裝修行懷舊風，地方嘈雜，剛過午市又未到下午茶時間，阿姐介紹呢幾樣！瑞士汁牛河（$45）既然以瑞士汁出名，就試個炒河，賣相好黑媽媽，無參考圖片咁靚，圖片圍邊嘅菜心，改做墊底，菜心粗身但爽口，河粉索晒啲濃濃嘅瑞士汁，甜甜地好滑，河粉比較油膩，牛肉好多片，無用鬆肉粉，所以牛味幾濃！又唔韌！好味！菊花薑蜜（+$3）瓦杯上！雖然即沖貨，不過好濃，所以幾辣口！好味！店員好多，都係啲姨姨伯伯，所以唔係勤快，叫到就做！落單嗰位姨姨比較健談！又會推介下食物！唔錯！地方唔華麗，比較草根！食物好味！