瑞士咖啡室

营业中

休息中

一代誇世纪的老蛇竇樂香園巳在零八年尾被迫結業了，引來滔滔人潮，慨歎常人都在失去時才憧得珍惜。 趁周末的早上走到中環吃早餐，一心想尋找新進蛇竇，在攤販林立的横街中找到了這間古早感覺的新茶室，店名雖叫瑞士咖啡室，但在店中勉強找到瑞士鶏翼撈丁麵跟瑞士兩字扯上點點關係。 店内的裝修刻意裝扮成老式茶室的模樣，有菱角型馬賽克地板、大磁砌的牆身，還有一個真的閤樓，閤樓的假窗口貼上一些老香港的街景，似乎老細有心吸引遊客幫襯。 店内座位不小相隔也夠空間，環境都唔錯。 侍應一有空閒便揩抹食枱，店面都幾乾淨衛生。早餐只有三款A, B, C餐， 果然夠懷舊竟然沒有即食麵可選！ 我要了Ｂ餐餐肉米、牛油方包烘底、西煎雙蛋跟茶走，食物很快便送到，侍應還禮貌地叫聲早晨，茶走都是嫌茶味不夠重； 其它的只是一般；最欣賞的是那片厚身的烘油多，吃落香口但仍覺柔軟鬆厚，不知是不是可叫口感好呢？ 食免後才見餐牌上寫着可轉較味濃的番茄湯底，留待下次來時再吃罷。 我見餐牌上有散叫的双拼即食麵餐，没有什麽特式煑法，但索價廿六個大洋，好像貴了一點！這店位於中環旺區内街，位於鐵皮攤檔之後，都很有潛質成多新一代蛇竇，不過今時

新開張，都算闊落，以收費計環境都算叫做好，跟同事落嚟食lunch，下午茶時段食個常餐，一個女人仔都食唔哂，相比同區茶記嘅茶餐，價錢仲好抵，除非鐘情於某茶記嘅食品，唔介意俾貴ｄ，好似蘭芳ｘ咁，想飲杯奶茶都要俾$20最低消費，我就覺得唔值喇，可能我係師奶仔啦，食物唔錯，招呼ok，又唔趕客，地點隱蔽，中環區算難得，希望可以keep 住水準，等我哋ｄ蛇仔蛇女可以有個靚竇啦

聽聞利源西街開了一間新既茶記..., 今日到中環一遊, 而且budget了茶記. 那理所當然地, 試新野.埋藏在一個個鐵皮檔內. 果然是隱蔽的一個茶室, 中環蛇竇新選擇啊!! 先說裝修格局, 又採用了復古的裝修. 紙皮石地版, 簡單的常餐, 加央多等等. 又想大家做集體回憶, 玩老港冰室GRIMMIC. 上次光顧了上環的香港餐室, 視為一個復刻版. 這裡簡陋粗糙一點, 仿冰室的效果半似半假, 感覺有如國產的A貨. 做得似就算.話明食A貨, 當然點下常餐, 有通粉, 有厚麵包, 有火腿煎蛋, 有叉燒. 果然, 呢度既A貨做得似模似樣. 味道方面, 叉燒湯通, 那應有的雞精味在那裡呢. A貨果然, 做得似, 質不似. 火腿煎蛋, 沒有用奄列形式出, 煎蛋又忘了要求太陽蛋. 厚切麵包, 沒有食, 但可能是烤爐未夠舊的問題, 始終感覺未夠火侯.同事是食肉獸一名, 不同我玩, 一間茶餐要在中環生存, 始終要整返個午餐Menu餵胞一班食肉獸. 煎蛋肉醬飯也是茶記的常任委員. 肉醬色水不太鮮, 味道普通, 而且又是那反蛋的錯. 摧毁了本來做得夠真的A貨.天花吊著一盞盞氣燈, 但開著光管, 用來做什麼

早兩日個同事為多謝我介紹佢做左個問卷賺左$1,500，話請我食lunch．幫人賺左錢，都想人袋得暖D，於是提議去瑞士咖啡室，知道係一間茶餐廳，新開又未試過，位置比較隱蔽，唔係o係中環做o野o既人都未必識去，諗住應該無咁多人識．我叫左個午餐，有個飯有杯野飲，盛惠$30，我個午餐係豉椒排骨飯，飯同餸o既比例OK，味道不過不失，餐茶叫左凍檸水．o係中環返工lunch time時間搵到個位食平價lunch，真係唔容易，服務都算係幾好，起碼無趕客，同落單唔會嫌我地慢，真係有還得神落o既感覺！

光顧時間：FRI night營業時間只是 至07:00pm食物沒什麼特別，不算比同區的便宜，凍飲更要加$3是次order: 西多士 多醬 (總算有多醬) + 凍OT(好似細杯了一點)

又同朋友落0黎食 tea, 行緊去食熱狗途中見到呢間新茶記的 banner 好似不錯, 捐了入0黎利源西街試試, 一人叫一份下午茶餐各自食.我叫的係油多 + 熱奶茶 ($10)... 奶茶一0黎, 心已涼了一截, 飲落果然太多奶, 奶得飲唔出茶味, 唔得; 油多就變了奶油多 -_-, 烘得唔夠, 牛油太多又唔溶, 煉奶就落得太少, 認真唔得. 唯一好 (?) 處, 應該係幾厚身的麵包?朋友就叫了西多士 ($20) + 凍奶茶 (凍飲加 $3)... 凍奶茶稀稀的, 又係好奶; 西多士厚厚的, 炸得金黃, 賣相好靚, 不過唔脆, 又無喱蛋香, 仲係 soggy 的, 加上溝了水的糖漿, 百分百好睇唔好食.環境幾好「蛇」, 裝修好刻意地扮冰室, 不過都扮得幾似, 哈哈; 招呼就一般.竟然 $10 食到一個中環 tea, 勁平, 不過下次嘛 -- 我會俾多幾蚊 / 十幾蚊去更好食的地方! P.S. 睇著你平到阿媽都唔認得的份上, 俾個 OK 面你啦.

星期日同朋友係西環打完波　行開中環想食茶餐廳無意中發現開了間新舖　地方開明　大　又幾特別　有少少懷舊feel咁最緊要食物方面attract me嘛....D多士好好味，好軟綿綿 ----- 正呀! 係中環都有好味多士，只是$6份 ---- 勁吸引瑞士雞翼撈面D雞翼又好好味too 據聞現在午飯時間還有飯食　搵日要試下個lunch….同區這類型的茶餐好像有點兒小　起碼呢間好大間好多位坐相信中午食飯要等位都不用等很久吧值得我再去試的茶餐

今日遲咗D去食lunch,落到街已經超多人搵食...行行吓見到新餐廳就入去試吓。環境一流, 新餐廳乾淨, 好耐未試過坐得咁舒服! d枱枱櫈櫈唔會迫埋一齊, 好難得係中環唔洗迫。睇吓menu 原來食物種類似澳洲牛奶公司喎我叫了叉燒通粉+ 炒蛋茶餐,同事叫了五香肉丁米+煎蛋...厚多士 + 牛油~正! 叉燒好肥美, 炒蛋好味, 奶茶ok,都幾滑~D嘢又黎得快, 品質唔錯~我又有個新蛇竇