珍煮丹 (已結業)

越開越多台式飲品店，自己都試咗好多間。暫時珍煮丹係我飲過最好飲嘅，仲有得選甜度。 佢地連冰都係碎得岩岩好泰泰珍珠鮮奶茶好好飲 👍 好特別，因為佢啲珍珠係黑糖炒嘅，所以加埋落去我驚好甜，決定叫半糖。甜度岩岩好 黑糖珍珠鮮奶都幾好飲，黑糖味好夠，不過啲奶有啲薄，可以改進吓伯爵珍珠奶茶: 茶味幾濃，不過有啲遮蓋咗啲奶味

註：來回一次睇吓人龍先去買嘅🌚視察左環境，老虎堂同幸福堂係夜晚七點幾條人龍都20個人+相反珍煮丹嗰度冇積聚咁多人流， 大約15個人內，所以就帶咗個老公去排隊。—排隊嘅時間，望下menu基本上最吸引都係黑糖系列：黑糖珍珠、黑糖仙草、黑糖紅豆（ 呢幾個都係拳頭產品）；另外就係比較多人講嘅泰泰珍珠鮮拿鐵（評語好壞參半）—排隊時間：15分鐘等嘢飲時間：5分鐘（望號碼）其實啲時間真係幾快過...—最後選擇左：1）黑糖珍珠鮮奶：呢個可以揀甜度同冰度通常其他黑糖鮮奶都飲完好漏、可能因為揀咗味糖， 同佢個杯量都剛剛好，飲完係透心涼， 仲要係覺得幾好飲， 奶味濃、 珍珠入味、彈牙🌞Approved-2）泰泰珍珠鮮拿鐵：啲人彈個味九唔搭八啦， 而我抱着唔當佢係泰國奶茶嘅口味去批評、 始終佢唔係泰式飲品店🌚仲要係拿鐵而非奶茶...飲左一啖，有啲似caramel latte， 味道甜甜地，係OK 㗎只不過如果另一杯係黑糖珍珠鮮奶，就真係有啲比較，而我比pass—回頭率：200%等嘅時候，望到個電視Mon介紹產品，見到有菊花茶下次如果唔係好多人排隊，我一定揀呢個（逆主流🌿）

又一台灣過江龍黎香港開珍珠奶茶店，又係主打黑糖鮮奶，自問真係好鐘意飲，所以都係去左排😅 星期六下午，原本諗住去望下多唔多人先再決定排唔排，但個日去到見到都幾多人，見到有少少想走，但我目測左幾分鐘，我見到條隊都郁得幾快，所以決定：排！！！我嘅目測都幾準，條隊果然去得好快，而且店員做野都好爽手，排左大概15分鐘就order到！落左order後大概5分鐘我嘅黑糖鮮奶已經到手，呢個速度我非常欣賞！我揀嘅係正常甜正常冰，黑糖掛杯都算幾多同幾靚，珍珠唔算非常煙韌，但都算有咬口，正常甜度我個人認為甜左少少，不過都算可接受範圍，黑糖同鮮奶嘅比例都幾好，有黑糖味之餘奶味又唔會太淡。整體：成個過程只係用左20分鐘，以星期六下午呢個時段我覺得非常欣賞，杯飲品質素算幾高，雖然我個人比較鐘意鹿角巷，不過行開銅鑼灣嘅話，以20分鐘排隊時間去定議啱話，呢間會係我首選！

2018年係黑糖珍奶橫行無忌嘅一年,愈開愈多,愈飲愈肥,愈肥愈開心咁,試下又一間~試下又一間~今日輪到我嚟試下呢間聽覺差少少都以為佢叫"甄子丹"嘅"珍煮丹喇 雖然話唔係搶先第一時間嚟試,呢度都開咗幾個星期,但人潮已經算係退咗喇,係唔好飲丫?定係因為個個走去排隔離街? 真係不得而知喇哈哈~ 其實而家間間價錢都差唔多,呢度都唔例外,都係$30蚊一杯黑糖珍珠鮮奶~買咗飛之後,我同阿肥企埋一邊等~大約都係等十個八個號碼。跟住我就掛住噤手機,阿肥突然好好耳力咁問我:「店入面嗰個男人係咪唱歌嗰個?我唔記得佢叫咩名~」咁我望一望,咦!係喎...呢個咪劉威煌囉阿肥話:「係啦!我本來都冇為意,但佢中氣十足,把聲好易認,我聽到先再回頭望佢嘅,果然係唱歌嗰個啦」然後我就見到劉威煌著住件黑色Tee shirt上面印有NO PHOTOS嘅字眼,果然真係冇人埋去騷擾佢,只係我八卦再望下~佢樣樣事都親力親為,由沖調飲品,到大叫輪候號碼服務客人都好落力而呢間店用嘅鮮奶,亦都係日本嗰隻紅色牌子嘅純鮮奶,唔怪得之佢同而家人龍最長最旺盛嘅幾家台飲店齊齊爭崩頭喇 等咗都冇十分鐘就叫我哋喇~當然係相機飲先之後先輪到我😂呢度同隔

又一間台灣過江龍！！仲要開正另一台式飲品店隔離，打對台，好大信心咁～黑糖鮮奶$30甜度同冰可以揀，我揀左少冰，糖正常。order時店員話要等20分鐘，所以我轉頭再返去。點知返返去到已經過左10幾個，前面成排飲品擺晒喺度都未有人攞，冰已經融晒，叫少冰擺一陣都唔會融晒咁誇張掛？！變左之後搖勻左係唔夠凍的。時間預得唔好～珍珠會唔會太多？我個人覺得都幾甜，黑糖味唔夠出，珠係細珠，可能因為唔夠凍，珠唔夠彈牙，而奶都無乜奶味，整體都幾失望呢～

真係好耐冇飲珍珠奶茶了咁見銅鑼灣珍煮丹開左我就吾知點解連飲左2次其實個2次 我都係叫黑糖珍珠鮮奶但第一次個時叫半糖咁我就以為唔會好甜啦點知仲係好甜咁我之後下一次叫就醒目左就即刻叫微糖啦甜度真係剛剛好奶味都幾重配埋d珍珠真係好好飲所以大家記得買時一定要叫微糖啊真係差好遠的另外呢 佢冇得轉脫脂奶飲完真係覺得自己好肥不過就破例一次咁多啦下不為例同埋我去個時大約夜晚6:00鐘到好彩唔算太多人排左大約十分鐘就買到了好開心

繼芝士奶蓋（雖然而家仲好受歡迎），又一瘋狂黑糖珍珠奶茶。講起黑糖珍珠奶茶，一定會想起銅鑼灣兩條珍珠奶茶街----利園山道&渣甸街。因為渣甸街個兩間長期都排長龍，長到龍尾都見唔到。上星期六睇完戲之後，經過呢間門口見到得3-4人排，就黎試下。隔離既迷夏客同茶湯會既人龍都去左排黑糖珍珠奶茶叫左個黑糖珍珠鮮奶，微糖，少冰。友人話黑糖都較甜，建議要叫少糖。由排隊落單到拎到杯野飲，一共花左10分鐘時間左右，真係好好彩。店員叫先影相，再搖混。杯野飲好多珍珠，但都幾細杯，一個人都飲得晒。呢間店主打係珍珠都用黑糖煮，所以一咬啲珍珠煙煙銀銀之餘，珍珠好濃黑糖味。由於叫微糖，覺得甜度岩岩好，不過除左珍珠之外，又無咩黑糖味，友人話老虎堂整體黑話味較濃。第一次飲覺得幾新鮮，如果唔太多人排隊，都會去再試下。

近排出左好多新野飲,黎到銅鑼灣,緊係去試下新野飲,今次揀左珍煮丹😁😁話說近排出左好多間都係黑糖珍珠,當然今次黎到珍煮丹,都係試黑糖珍珠新奶啦classic d又signature d,之前仲驚咁多宣傳要排好耐隊,又唔算喎,排得都幾快！大概10幾分鐘就已經拎到上手喇😆黑糖紋唔算太多,飲落鮮奶味都好重～珍珠既咬口係比較彈果隻,整體黎講我覺得唔錯,好過好多間珍珠鮮奶,同埋佢唔會排好耐,所以無左d有名無實既感覺,ok可以再飲👍🏻

好難得，係銅鑼灣飲黑糖都唔洗排隊，我第一次飲黑糖珍珠，覺得都幾好飲，不過真係好甜。。。朋友話覺得好飲過老虎堂，係咪真既我就唔知啦珍珠細細粒，都幾有咬口，雖然好飲，但對我黎講真係太甜啦

👁‍🗨 黑糖珍珠鮮奶💲30鍾意台式飲品既我，呢排一直係度試唔同店既黑糖珍珠鮮奶，慕求搵到最適合自己既口味😍終於都試埋開正係迷客夏隔離既珍珠丹，夜晚食完飯排都係花左十五分鐘左右🤓黑糖味的確幾香濃，鍾意甜既我對於呢點絕對會加分😛可惜珍珠比較腍身黏牙，四五粒癡埋一齊卡係飲管，幾經辛苦先吸到上去🤡而且鮮奶稍微薄身，結果越飲越似奶水，見到唔少人都有同樣既問題，希望質素遲下有所改善同穩定😳🔛 整體評分（6.5/10）

The waiting time for drinks to be served was acceptable considered there was a long queue. The jasmine pearl milk tea did have much jasmine taste to it, and the pearls made the drink super sweet. It was too sweet to even drink it all. All I can say is this place is overrated.

同我d兄弟食完飯，見仲有時間(10:00pm)，就行左去Times Square買野飲。醒起呢頭開左新既黑糖珍珠就過黎試試，排左大概10分鐘到就可以order，等杯野等左5分鐘多d。呢到既黑糖系列係有得選擇甜度，我地都叫左少糖，但係個日唔知係咪間舖唔夠冰用，只可以叫微冰。有飲過黑糖鮮奶既大家都應該知道底部既黑糖漿係熱既，所以微冰令到杯野唔夠凍，未搞混已經冇哂冰。至於味道方面，都屬於幾好唔會太甜(少糖)，珍珠淋淋地唔算有咬口個隻。如果多返d冰，相信會好飲d既。

黑糖珍奶愈出愈多 開到成個銅鑼灣都係 講真我冇點特別去試至少唔會企係到排成粒鐘😂今次係朋友買俾我的唔洗自己排哈哈 不過佢都好似唔係排左好耐🤔由於冇乜飲過其他所以冇得比較我覺得呢到既珍珠幾q彈有咬口唔會腍晒一pat野咁 黑糖味幾重 記得飲前/一路飲一路搞個底 如果唔係會偏甜不過飲完一杯真係好飽 好似食左餐飯咁🤥

昨晚同老婆去完中環做Gym, 都差唔多九點，晚飯都未食，有點肚餓，於是係附近找間粉麵舖，解決我嘅生理需要先！食完碗牛腩麵個口乾乾，唔知係咪味精太多，行渾中環干諾道都冇飲料舖頭，我老婆係為食達人，佢有個鬼主意，建議去銅鑼灣試下老虎堂嘅黑糖珍珠鮮奶，我上網睇10點收舖應該趕得切，因為上次係尖咀試過鹿角巷，一試難忘，想比較下其他黑糖珍珠鮮奶。我地搭叮叮9:45到銅鑼灣，趕去老虎堂途中遠處見到有人排隊中，老婆隻眼突然好似發光咁!佢好興奮咁同我講:珍煮丹啊！老婆即刻一個箭步衝去排隊，冇幾耐有個女職員排在我地後面，原來截龍，真好彩!原來珍煮丹係台灣過江龍，係台灣係好出名的，賣相幾靚，搖渾後入口，味道唔錯，珍珠唔大粒，幾好口感，有彈口唔會煮過頭，黑糖味唔會過甜，細細粒幾適合女士口味，係奶味沒有鹿角巷強烈，總結過江龍名不虛傳，有實力!值得推介!

上次試完幸福堂，感覺有點兒失望。今日路經這人氣過江龍台式飲品店-珍煮丹，可能天雨的關係，排隊的人龍唔多，一於試試看。他們除了專賣黑糖飲品外，還有供應一般台式飲品如紅茶、拿鐵、抹茶、檸檬特飲和果茶等等，選擇唔少，價錢由$18-$34。既然店上掛著「黑糖道」的牌扁，當然要試試他們的招牌黑糖珍珠鮮奶$30。可能我個人嗜甜，點了正常甜，正常冰，所以味道濃郁。這黑糖珍珠鮮奶真的有水準！暖暖的黑糖在白雪雪的鮮奶幻化，形成琥珀的紋路，賣相吸引。鮮奶入口奶滑，奶味濃郁，加埋香甜又甘香的黑糖，味道香甜又味美. 珍珠口感煙韌又QQ, 仲有濃濃的黑糖風味，好好𡁻。真的同老虎堂唔差太遠。