珍煮丹 (已結業)

昨晚同老婆去完中環做Gym, 都差唔多九點，晚飯都未食，有點肚餓，於是係附近找間粉麵舖，解決我嘅生理需要先！食完碗牛腩麵個口乾乾，唔知係咪味精太多，行渾中環干諾道都冇飲料舖頭，我老婆係為食達人，佢有個鬼主意，建議去銅鑼灣試下老虎堂嘅黑糖珍珠鮮奶，我上網睇10點收舖應該趕得切，因為上次係尖咀試過鹿角巷，一試難忘，想比較下其他黑糖珍珠鮮奶。我地搭叮叮9:45到銅鑼灣，趕去老虎堂途中遠處見到有人排隊中，老婆隻眼突然好似發光咁!佢好興奮咁同我講:珍煮丹啊！老婆即刻一個箭步衝去排隊，冇幾耐有個女職員排在我地後面，原來截龍，真好彩!原來珍煮丹係台灣過江龍，係台灣係好出名的，賣相幾靚，搖渾後入口，味道唔錯，珍珠唔大粒，幾好口感，有彈口唔會煮過頭，黑糖味唔會過甜，細細粒幾適合女士口味，係奶味沒有鹿角巷強烈，總結過江龍名不虛傳，有實力!值得推介!