珍煮丹 (已結業)

緊呢半年飲珍珠奶茶既潮流又改為要飲黑糖珍珠，間間都黑糖珍珠鮮奶，銅鑼灣早幾個月就開左長龍店‘老虎堂’，今日先唔講住，呢個禮拜就開左另一間吹捧上天既珍奶鋪 - ‘珍煮丹’。據聞係台灣個邊聲名大噪，分店如雲，當中最出名既有黑糖珍珠鮮奶同埋泰泰鮮奶茶珍珠，今日兩杯都有叫。此店排隊時間為30分鐘至2小時，係大熱天時花費咁多時間排杯珍珠奶茶真係好難接受，如果係好好飲的話還可原諒。問題就在於呢到飲品既質素我會用垃圾來形容，如此出名，吹捧上天理應給予相對質數，可惜既係最出名既黑糖珍珠係完全沒有黑糖味，‘珍煮丹’ 真係煮到啲珍珠lum到一個地步，完全唔煙un，自己打爛自己招牌，另一樣野黑糖珍珠鮮奶既鮮奶係0奶味，我相信飲得呢啲野都唔係介意肥，好心唔好用脫脂奶之類，成杯野飲落口完全係得糖水味，而呢個味絕對唔係黑糖味。另一杯泰式奶茶，得小小茶味，顏色係對版，但味道方面完全係無泰色奶茶味。呢家呢個質素不單單不配呢個價錢，佢係連貢茶都不如。成$30 杯，唔該俾返相對質數我。賦予強烈不推薦此店評級👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼

珍煮丹終終衝出台灣喇，好幸運咁就係第一站登陸香港，正式開張之後終於咁近唔駛飛台灣都飲得到喇，當然一開就勁多人會排隊。大大個招牌放門口，絕對吸晴又可以打卡，話明黑糖最出名緊係要有番個黑糖道既牌匾，店舖都唔算太細即場見到沖野飲既過程。一定要飲既係《黑糖珍珠鮮奶》($30)，黑糖珍珠熱辣辣咁放入去，店員好好咁提醒會熱到冰溶可以要多啲冰，攪匀哂就飲得個奶味好濃，珍珠夠煙韌同黑糖味真係好香。另一杯《黑糖布丁冬瓜拿鐵》($30)，黑糖甜甜地加上冬瓜既清新甜味，合埋一齊又唔會甜到漏岩岩好，布丁夠哂滑溜溜。店名：珍煮丹地址：銅鑼灣利園山道15號餐牌:

又一間珍珠奶茶店進駐銅鑼灣，今日經過，人龍唔算長，就試試佢。我前面大約有十幾人，大約等咗20分鐘落單，叫咗一杯黑糖仙草鮮奶。28蚊，價錢可以接受。我張飛249號，佢拎飲品位上面有一個顯示屏，顯示叫到幾多號，上面係寫住189，而個店員，係叫緊220？因為圍住舖頭人太多，我唔想企喺度等，諗住問問佢個顯示屏個號碼係咪啱，個女店員話：你企喺度等啦！行來行去。真係唔知咩態度？咩流程？定係你專登要所有人都企喺度圍住舖頭等，去顯得自己生意好？有對情侶佢地遲咗返嚟，拎張飛問店員叫咗未。個女店員態度真係好差：過咗啦！等吓啦。嘩，我知你地忙，咁你同你公司反映請多個人囉。何必發洩喺顧客身上呢？最後，飲品正常，但唔值等咁耐。

今期黑糖珍珠鮮奶果然係王道🏆香港又再次興起台式飲品熱潮🔥，在銅鑼灣緊接2，3間連在一起的珍珠奶茶店，長長的人龍，滿滿的茶香隨風飄揚🌬，你又試咗邊一間呢？本星期最紅推介，最新開業的#珍煮丹 誕生在銅鑼灣了🎉🎉。今日同瓊姐到訪，梗係要飲番杯啦～😉😉 已經飲了3間不同的#黑糖珍珠鮮奶 ，今日就飲珍煮丹睇下大家有咩分別先😁😁。 我叫了少糖微冰，珍珠非常煙韌，黑糖味很重但略嫌甜了一點， 有淡淡的明治鮮奶香，每杯$30，都算ok👌🏻😊。 另外同行嘅親友瓊姐，喜歡茶多一點，見到有新奇飲品，名叫 #不知春茶 非常有興趣。味道方面，入口甘香，茶味不濃。瓊姐說有種像劉德華在田園裏嘆茶的感覺😌😌。每杯$20，價錢合理。排隊時間約15分鐘左右，等候飲品時間約2分鐘，都唔算等太耐，ok喎～👌🏻😁👌🏻

台灣過江龍「珍煮丹」系台灣有20幾間分店，主打黑糖✨今日正式登陸銅鑼灣😊黑糖珍珠鮮奶無得頂😍飲過咁多間黎講，真係數一數二咁好飲！自製黑糖，而佢哋嘅珍珠亦系店內現煮🍯所以拎上手珍珠仲系新鮮熱🤩珍珠煙軔腍軟夠哂黑糖味，好有咬口巧巧味🤤冰度甜度亦有得揀！叫左小冰就真•小冰💁‍♀️飲落正常嘅甜度同溫度都prefect☺️奶味唔算好濃,不過浸左一陣之後飲用，奶中散發左黑糖味，更好飲泰泰珍珠鮮拿鐵同樣用咗黑糖珍珠，不過黑糖味就冇咁勁啦🙂嗌左少甜，飲落吾似正宗泰茶，味道一般，珍珠亦都硬身小小，都系揀反招牌黑糖珍珠鮮奶飲啦🤤

銅鑼灣開咗幾間有黑糖鮮奶賣嘅台式飲料店，最出名嘅應該暫時係老虎堂，最新嘅應該就係珍煮丹啦！唔想排一粒鐘，所以冇揀老虎堂，我哋直接衝去開咗幾日嘅珍煮丹。一去到見到得十幾人排隊，暗自竊喜，等待不會太久一邊排一邊思想鬥爭，飲咩好呢？貪心的人最後揀咗黑糖珍珠仙草鮮奶左邊嗰杯我嘅 右邊嗰杯係佢嘅黑糖冬瓜珍珠唔係誇張，第一啖一飲，啲珍珠入口一剎那，啲黑糖味湧住入嚟，好耐冇試過喺香港食到咁香濃煙靭嘅黑糖粉圓！好滾動好掛住台灣又平又好味嘅陳三鼎下次想試下紅豆或者布丁珍珠！

黑糖珍珠鮮奶（$30)又一間台灣人氣黑糖珍珠茶飲店 珍煮丹 喺銅鑼灣開左了！咁當然第一時間試下佢招牌既黑糖珍珠鮮奶☺️ 等左好快就飲得，記得飲前要搖匀，呢杯既奶味同黑糖味都好濃，不過味道偏甜，建議大家一定要少甜，珍珠就幾滑幾煙韌。另外亦叫左杯宇治抹茶珍珠($31)，呢杯相對地就一般，抹茶味係有但就同珍珠唔係好夾，唔夠奶滑，整體冇想像中咁好飲，都係名氣大於一切，要排隊就不必啦，下次有機會再試埋其他人話好飲嘅宇治抹茶紅豆。

近幾年台式飲品已成為香港嘅熱潮台式飲品分店遍布全港總有一間在你附近！台灣最hit嘅手搖飲料"珍煮丹"幾日前終於抵達香港香港人已經一窩蜂排隊試飲(我都不例外)等左大約20分鐘除左試黑糖鮮奶招牌系列外亦都點左另一招牌推介宇治抹茶紅豆黑糖布丁鮮奶$28(微糖)單看賣相並沒有黑糖紋好靚嘅效果搖勻之後飲 發覺揀微糖嘅甜度係剛剛好有黑糖及奶香味聽聞黑糖係自家製嘅 所以特別香甜而鮮奶用左明治牛奶 奶味亦較為濃郁配合布丁 口感豐富 而且幾飽肚個人覺得整體黎講味道ok!宇治抹茶紅豆$32又一招牌款式飲不到抹茶香味 呢杯確實偏甜個人覺得比較適合微糖或半糖紅豆甜度適中 軟腍綿密 味道ok！

呢次襯平日黎試一試新野 - 珍煮丹喇🤤🤤晏就點幾鐘 都幾多返工人士黎排隊買 佢地多數一買就買6-8杯到 所以唔好諗住人少就快 其實佢地個量都幾多🤭🤭今次就排左20分鐘左右就order左 然後再要等8-10分鐘先有野飲😍😍我地叫左杯泰泰珍珠拿鐵同黑糖珍珠鮮奶🍻泰泰珍珠拿鐵就係用泰式奶茶加黑糖珍珠做成 已經叫左半糖 都好甜 = 黑糖珍珠奶茶正常甜 可以因為泰式奶茶都偏甜！ 另外一杯 黑糖珍珠鮮奶🥛珍珠用到細珍珠 黑糖味都幾濃 而且係少數台式飲品中用碎冰的不過奶味同黑糖味無想像中咁濃 反而感覺銅鑼灣另一間有名氣的比較好飲 所以呢間試過就👌🏼😝😝

👫銅鑼灣近排新開勁多台式飲品，好想試曬佢呀😍 前晚收工男朋友已經買定珍煮丹等我，即時攰氣都無曬😳一一一一一一一一一一一一一一#黑糖珍珠鮮奶 <$30>飲落奶味偏淡，唔夠濃🤷🏻‍♀️珍珠係黑糖味，無口感而言，煮得過稔😫不過黑糖味都唔錯，挽回少少分數💕整體嚟講偏甜，大家可以嗌半糖/少糖會好啲🤓一一一一一一一一一一一一一一👾驚喜指數：❗️❗️🔙翻撻指數：❗️❗️❗️（5個❗️最高）一一一一一一一一一一一一一一💑提提你：▪️飲用前要搖勻☝🏻

台北最正嘅珍煮丹終於黎香港啦今日同朋友去開銅鑼灣買杯試下先又係好多人排隊，人龍一直都咁多不過好彩唔洗排好耐排左大約30分鐘，等攞嘢飲大約5分鐘其實算好快，因為店員都好快手（之前排老虎同鹿角相對係極慢🤫）順帶一提，店員都好有禮貌可能新開店嘅關係，唔知keep到幾耐🤫入正題啦☝️同朋友分別點左幾杯分別係黑糖珍珠鮮奶（少糖少冰）黑糖珍珠布丁鮮奶（少糖少冰）蜂蜜菊花（少冰）黑糖珍珠攞上手係暖暖地店員提醒要搖均先好飲一入口😋😋😋奶味同黑糖味好夾奶味唔算濃，但我覺得咁樣先凸顯到個黑糖味本人比較concern黑糖味道（因為牛奶好多間都用明治奶架啦）黑糖味好香好天然（天然黑糖味，應該冇加奇怪嘢）黑糖珍珠軟軟地，每粒都入晒黑糖味愈咬愈香😋😋一啲都唔會覺得膩珍珠後來會比之前硬啲，我個人比較鍾意後期嘅口感而且布丁都有驚喜喎🤩好Q好好味😋😋😋😋因為有位朋友唔好奶，所以點左杯蜂蜜菊花諗住呢杯係普通嘢...但點知...呢杯最有驚喜🤩🤩岩晒女仔因爲賣相真係幾靚入面真係有幾朵菊花同杞子望落好清新飲落清甜解渴，仲食到啲菊花😇似係真材實料煲出黎，個味唔假咁熱飲正！總括黎講，果然名不虛傳試左咁多間黑糖鮮奶心中排名第一非珍煮丹

要排梗係同朋友一齊排，人人叫唔同嘅嘢就一次過試幾款啦！嗱，我唔係咁好甜嘢，所以試咗朋友杯黑糖仙草布丁珍奶（HKD30）爆甜之後，我即刻收皮。咁唔好甜可以飲咩呢？因為我勁鍾意朱古力，就試咗朱古力珍珠拿鐵（HKD30），佢朱古力勁濃！又唔係糖漿啱種甜，唔錯喎！不過拿鐵味近乎0，大家按心水揀啦。仲有宇治抹茶紅豆（HKD32）都唔係好甜，不過茶味可以再濃啲，紅豆都幾腍，ok。美咪指數：7.5/10抵食指數：7/10

聽講香港開左間珍煮丹，即刻狗沖黎試，香港人真係好鐘意排隊，包括我第一日開張除左排隊排到隻狗之外，冰量都無得選擇，店員話唔夠冰得微冰揀，比錢亦都無得用八達通要比cash。其實一路排，一路有衝動想去隔離個幾間求其買杯就算。珍煮丹既珍珠係的確幾好𡁻，黑糖同奶既mix and match 都認真唔錯，但如果你問30蚊買杯黑糖珍奶，仲要係熱辣辣既天氣排大半個鐘頭隊，用呢個cost買呢杯珍奶抵唔抵，就真係見人見智啦。

珍煮丹係台灣 都好受歡迎，有成二十幾間分店，而佢最出名就是 黑糖珍珠鮮奶 💓，當然要試下！⭐️黑糖珍珠布丁鮮奶 ($30)黑糖珍珠布丁/仙草/紅豆鮮奶同黑糖珍珠鮮奶個定價竟然都係$30😂，珍煮丹的黑糖係自家製❤️，珍珠在店內現煮的，珍珠好Q彈煙韌，黑糖味亦好重，份量亦好多呢，平時都好愛吃布丁，當然加埋佢啦！布丁都幾滑同有蛋香，不過飲完都幾飽肚同好有邪惡感😂🙈！⭐️黑糖珍珠仙草鮮奶 ($30)朋友叫了這個，我也有試到，味道其實同我果杯差唔多，仙草是自家製，味道都不錯呢，不過2杯我地叫了半糖都好夠甜了，都建議大家叫半糖好了😂😉

小編今日返完大學做論文之後、正準備打道回府之際、經過呢間珍煮丹、其實本身冇乜意欲去食，但見到條龍唔係太長又冇太陽伯伯照耀著你，咁就排下隊試下啦反正又冇特別野做排隊途中有個職員出黎派menu比我地睇、服務態度殷勤、小編都好滾動～可惜呢份滾動隨著飲品既到來而幻滅好啦、輪到小編order、一早已經唸定叫熱既黑糖珍珠仙草鮮奶啦、問職員可否微糖、職員話咁樣會影響黑糖濃度、咁唯有唔要微糖啦然後比錢當然只收現金啦（d鋪頭剛開張梗係唔裝八達通機啦，盡cap現金吖嘛）等左唔超過5分鐘已經有野飲啦、職員話記得要搖勻佢至飲，好啦，咁小編就一路搖搖到返屋企啦飲第一啖、咁淡既？再飲真d、咁稀既？好似奶水？說好的黑糖呢？珍珠、軟瀨瀨、食偉哥都搞唔掂飲飲下仲飲到d奶既苦澀味救命呀！杯野咩事呀？最後下場當然係掉左佢，完成唔到飲曬佢既使命囉真係真心難飲、暫時飲過最伏既一間珍奶