珍姐海鮮火鍋飯店

营业中

休息中

its really busy in central, everywhere is crowded.i got there at 1230, wait about 10 min and get in.let yalk abt the food quality.double egg pork rice:1) very yummy, deep fries pork and two sun egg. the most special is their sauce. its kind of old hong kong style (match with the theme). adding fries pork oil makes the rice even more good smell. very good try.2) beef stir noodlealso, it added pork oil very perfect match with noodle. beef is fresh and chewy. little pink and good. noodle used is tr

要起中環穩到平價或抵食嘅午餐真係好難😣但係以下咧間真係要介紹一下佢價錢算中位價啦但絕對令人不停encore的一間餐廳😍💛咖哩羊扒飯💛真係超正😍佢嘅咖哩充滿椰香味感覺就似馬來西亞嘅咖哩🌶辣度適中第一啖食嘅時候無咩嘢但越食越辣after taste嗰個感覺好勁起喉嚨慢慢飄出嚟至於主角羊排咧就當然係prefect 🤩羊肉好腍又夠so同埋夠哂肥🤤不得不提一下佢嘅煮法因為餐廳係預先酥炸過d羊扒所以咬落去嘅感覺係又脆又辣💛最後一樣就係當然要講價錢啦起中環嚟講70蚊可以食到咁嘅質素絕對係超值

今日返工又繼續喺中環搵吓有冇新嘢食, 今日同事嘅新推介就係珍姐嘅拔道腩雞飯！因為個名好新奇, 所以我都冇睇menu上面嘅其他選擇, 即刻決定試吓佢嘅雞！不過後尾上網search咗先發現原來「拔道腩」係泰國水門市場嘅泰文讀音, 所以其實佢就係海南雞飯呢呢盒拔道腩雞飯($50)份量都幾多, 主角拔道腩雞啲肉好厚實, 啖啖肉, 肉質都幾嫩滑, 配埋個醬好正！不過個黃油飯啲米就比較生同埋乾身, 我唔係好食得慣飽到夜晚嘅午餐選擇, 下次想試蔥油豬扒飯！

“拔道腩雞飯”($48)“檸檬紅茶”($10)之前喺上環賣小食嘅珍姐餐室搬咗去中環搖身一變變咗做一間港式火鍋店🍲午市仲有提供價錢實惠嘅飯麵🤩終於食到呢個拔道腩雞飯🐔其實拔道腩係泰國水門市場嘅泰文發音所以呢道賣嘅當然係泰式雞飯🤤首先賣相已經好靚好整齊😍(好多地方賣嘅雞飯都甩皮甩骨架嘛😂)雞肉仲係帶點嫩粉紅色😍食落十分腍滑入味😋配埋辣辣地嘅醬汁好惹味🥰個油飯更係不得了🍚好香蒜同雞油味☺喺中環用呢個價食到咁高質嘅雞飯真係好難得😍

今日去中環覆診覆完診已經2 點幾難得出城記得同事有推介過蘭桂芳附近既珍姐當然要去會一會! 由環球廣場果邊行咗大約十分鐘就見到和安里既牌一轉入去已經見到五光十色既門牌門口有塊手寫餐牌,又寫得幾靚喎!入到去見到有位就坐餐廳裝修係行懷舊風, 又播住舊歌, 感覺好似返返去以前咁。午餐除左有飯, 仲有常餐見到拔道腩雞飯好似幾吸引, 只係$48, 加$10 有凍檸茶。咁就試呢個啦! 飯嚟到, 連碟都係用舊鐵碟, 好搞笑! 飯份量唔算細。雞全部都好入味同好淋，唔鞋口; 飯不只是油飯咁簡單，係有味油飯。加埋個豉油，好好味！埋單$58, 我覺得喺中環呢個地方, 算抵! 聽聞珍姐夜晚會有火鍋, 下次如果再出城都想試下。

無打開食評，但呢間真係要推介下。環境特別(懷舊feel + 懷舊歌)，服務101分， 食物質素同份量都係非常好！ 無得輸！聽講只開咗3個月，大家有時間就去支持下啦，逆市下開舖唔容易

秋風起，係打邊爐既季節呀 (其實對我黎講，一年365日都係打邊爐既季節)🍲今次食到一間我覺得係香港食過最好食既邊爐!!!!!!仲要好黃💛環境正✅氣氛正✅湯底正✅牛肉正✅老闆正✅朋友話呢間野勁難book　位置喺蘭桂坊前的斜路　串燒店轉右門口好有玩味，霓虹燈招牌，係懷舊港式裝修呀，仲一路播住懷舊金曲我地一行6個人，留左全間舖頭中間既圓枱俾我地之後開多張摺枱俾我地放食物，好有親切感，好有家的感覺-講講湯底　招牌豬骨蜆煲🐽🍲哇　奶白色的湯好濃味　少少胡椒味　天氣凍凍地驅寒岩哂真係飲左幾碗湯先開始打邊爐勁多條豬骨同埋豬手　骨髓係豬骨煲既精華飲得出係非常有誠意足料既濃湯 一定唔係用味精湯仲要會不斷加湯　唔怕會愈食愈淡-4人套餐 $1380已經包左餐牌上面大部分既野重點係幾款牛都包左!!唔洗自己再簡招牌寫得老蘭嫩牛　牛就一定要試啦老闆會成盤牛拎出黎同我地介紹唔同部位的牛食法，味道都會逐一介紹其實我都唔記得同埋唔識分套餐包一碟大既手切封門柳，細既精選牛(牛頸脊,牛匙柄,牛爪邊)唔好問我有咩分別　到時問老闆我淨係知全部都好好食!!!!! 不過我favourite係勁鮮嫩既牛頸脊🐮-💛厚切午餐肉🐽超邪惡嘅

作為珍姐粉絲, 見佢喺中環開咗火煱店, 即刻相約老公同埋朋友仔去珍姐度打邊爐, 以美食開始10 月頭呢個長假期啦!  (提提你: 上環珍姐已結業) 珍姐位於蘭桂坊中間O既一條巷, 叫和安里, 由中環站行上去大約5 分鍾就到了。就算當晚一出地鐵站開始落毛毛雨, 快步行一陣就到了。一入到巷已經見到五光十色O既霓虹燈招牌, 勁易認。當晚BOOK 咗7  點, 因為BOOKING 好FULL, 所以食店分咗2 個時段, 1) 6-9pm; 2) 9pm-12am. 我哋叫咗呢個二人火煱套餐, 再加海鮮同其他食物。以下係火煱MENU, 剔完就俾店員入單。飲品MENU, 珍姐特飲不能錯過呀!   晚市仲有極品手切牛豬油撈麵, 下次試下先! 二人套餐包括自選湯底, 招牌豬骨蜆煲/清潤椰子竹絲雞煲, 諗咗陣, 秋天要潤一潤佢, 就清潤椰子竹絲雞煲啦! 清潤椰子竹絲雞煲 (湯底) - 個湯底一嚟到, 嘩! 成隻竹絲雞上, 仲有杞子同粟米添呀! 未開始火煱, 就梗係呢個時候睇下個湯底咩質素, 一飲, 我哋3 個同時發出驚嘆聲: 好清甜呀!!! 唔係味精味, 係媽媽煲O既湯味呀! 真係好想先飲一煲先加湯打邊

旅遊書,本土文化,蘭桂芳就係Club 同Bar既集中地。其實一行之隔，有幾間小店係橫街。今日就試左間火鍋店。 店員推介豬骨湯底,但我唔食豬骨,最後點了椰子烏雞。依間火鍋店一定會食完再食。 同店員閒聊,原來佢地有做午餐。係中環返工可以一試。店員全都係後生仔女,所以好好傾。係食飯時都見到好多客walk-in, 但無位。所以想試依間餐廳,最好提前book位。 依家未有酒牌,唔可以提供酒精飲品,但可以自己拎酒,暫時免開瓶費。但店員話遲d就會收。

以前成日嚟呢條巷食飯, 食食吓就少去咗. 今日同朋友諗食乜, 突然醒起呢條巷仔, 一於入去行吓啦.見到呢間類似茶餐廳嘅舖頭好多人等外賣, 應該唔錯卦, 就入咗去啦. 好好彩唔使等位, 一入去就坐低咗. 我哋兩個人被安排坐4人卡位, 疫情下冇安排搭枱. 掙扎咗好耐食常餐定係午餐. 最後我揀咗蔥油豬扒煎雙蛋飯, 朋友就揀咗常餐. 好快就有得食, 蛋係煎到脆邊透明色, 正! 豬扒煎得啱啱好, 唔會太乾又唔會太油. 加埋蔥油同豉油汁, 好味! 份量正常, 今日唔太肚餓所以有食淨飯. 對男仕黎講應該勉強夠食.朋友對常餐嘅蒜蓉多士同通粉湯底好滿意, 通粉湯底係加入左花生醬, 而蒜蓉多士烘得啱啱好, 係誠意之作. 下次我應試常餐.題外話 - 為什麼珍姐的英文名是 Big JJ 😂🤣

呢條巷好多野食，行到最入面，有呢間-中午係茶餐廳，夜晚就有火鍋嘅珍姐。今次中午黎到，試下個午餐。見好多人叫雞飯，我地都叫左😛。拔道腩雞飯$48無包野飲，雞幾滑，份量唔少，啲飯都好味，感覺似泰式雞飯，應該係水門雞飯嘅朋友😆。48蚊好食又飽肚😋中環黎講，幾推薦👍🏼

聽朋友介紹，話呢一間位於中環，新開嘅火鍋店無論裝修，服務態度，同埋食物質素都好高質，就決定收工後去呢度一試，食朋友餐升職飯。環境：呢度地方唔大，講真，做火鍋店略嫌細左啲，比較似普通茶餐廳冰室格局。的確冇錯，呢度中午會做埋午市，有撈麵、茶記野，價錢都幾大眾化架。入返正題，呢度裝修以八九十年代為主題，幾有特色。除咗裝修，夜晚仲會播八九十年代嘅經典金曲，仿佛一直睇緊流行經典五十年咁，正呀！食物：呢度主要係食海鮮同埋牛肉，如果食海鮮最好早一日留定，當日叫唔一定有架。講返海鮮，味道有鮮味，好新鮮，而且貝殼類舖頭好細心，會事先開幾刀，令到海鮮容易熟啲，就咁擺落去烚，熟佢就會甩出嚟， 唔會好似出面咁啲肉黐住曬個殼，真心要讚！湯底方面，出面好多火鍋店其實都係味精湯底，入面唔會有特別多配料，但係呢度可以話畀你聽咩叫 - 真·材·實·料！鍋底本身已經有啲海鮮，我諗起碼有十粒大沙伯，一路食老闆仲一路幫我哋添加，食埋食埋每人都起碼食咗七八粒，都咪話唔抵，仲要粒粒冇沙又有鮮味，一個字，正！牛肉方面，呢度有好多特別嘅部位可以食到，鍾意食牛嘅真係唔可以錯過，不過講到最欣賞嘅都係老闆會親自拎一盤牛肉，每個部位向客人逐

縱然門外橫風橫雨，但位於中環橫巷嘅呢間小店都會努力發出微光，用佢哋嘅力量去溫暖店內咁多位食客！有太多嘢要分享喇！嘢食、服務、裝修、環境、氣氛etc~~~~~講咗食物先！打邊爐湯底超重要！我哋叫咗椰子烏雞杞子粟米～好明顯我係唔知湯底叫咩名⋯⋯有料讀料🤣椰子烏雞杞子粟米 - 咩都唔好講，飲咗啖湯先！超足料！係好香椰子味，飲落唔油唔鹹，唔似出面啲湯底咁望落好油，或者飲完會好口喝。係會忍唔住飲完啖又一啖，唔停口，可唔可以諗諗出包裝袋湯咁賣？最神奇係打完成個邊爐，有牛有丸有海鮮有菜，即係好似平時邊爐咁食啦，清完所有嘢之後⋯⋯個湯底都係清！！唔洗好似出面邊爐咁，食完一輪或者落完牛，要篩一篩湯面啲油花！有對比就有傷害，古人誠不我欺！飲到要老闆不斷加湯⋯⋯唔關我事㗎老世！係你哋湯底有誠意炸！仲有一點！唔好以為隻烏雞係裝飾淨吊味！我哋大大話話都食咗3個幾鐘，最後先食隻雞，救命！一啲都唔榎歰歰(鞋拾拾)，唔乾都唔硬～雞皮是重點！係滑捋捋㗎！多出嚟嘅果兩吋腰一定唔止個湯底做成！罪魁禍首仲有邊爐二人餐、其他配料同海鮮！二人火煱套餐 - 任選湯底一款、精選雙拼牛肉、厚切午餐肉、珍寶蟹柳、海魚魚蛋、鳳城雲吞、蔬菜

上環珍姐嘅燒買魚蛋車仔腸粉試得多。見朋友面書喺度打卡，好正咁，就嚟試下。餐牌上好多都好想試，最後揀咗葱油豬扒蛋飯。非常好味道。見人食泰式雞飯同豬油撈粗都好正咁，仲有免治茄牛通，下次要試。中環嚟講，呢個價係十分之抵食。

事緣之前食開佢喺上環嗰間小食店感覺用心。喺我公司附近開咗間咩珍姐海鮮火鍋。早排行過試吓佢哋個晏晝。裝修典型舊港式格局。兩邊卡位中間整個大牌匾同水吧。簡簡單單，新裝修啲嘢企企理理。試咗兩次又幾好食喎。個豬扒幾重香茅味，配埋燶邊半熟蛋，加埋個甜甜地豉油汁，好好送飯。另外試咗豬油鮮牛撈麵，因為之前喺上環食過呢個撈麵食，再試一試。好似進步咗，可能係多咗鮮牛同即叫即食。老闆話係同夜晚打邊爐啲牛一樣。咁搞到我想試一試夜晚打邊爐。啱啱呢排可以四人一台枱。膽粗粗試吓呢間中環邊爐。另一個少見係沙白。平時去街市都見唔到咁大隻。極甜，無話可說。冇相樣樣都好新鮮，服務都好殷勤，睇得出好有心。價錢仲要唔貴。食咗咁多鮮牛同海鮮，每人都唔使5舊水。必定番桌。