珍味地道韓食 (已結業)

呢度既食物幾好食，但份量真係太過少，如果調整一下食物份量就好啦。以下係套餐 $280　有2碗湯、1碗飯、牛助骨、泡菜豆腐海鮮湯同炒粉絲牛肋骨非常好食，燉到好軟腍之餘保留到肉既質感。味道係燒汁帶微甜，牛肉香而不羶。好可惜一客只有四件，同埋骨比較大，所以得好少肉。底部墊左紅白蘿蔔及薯仔各一件。泡菜豆腐海鮮湯海鮮主要係幾粒好細既蝦，整體以辣味為主，豆腐都幾滑。炒粉絲胡椒味幾重，粉絲彈牙，配埋椰菜爽脆既口感，幾好食。芝士炒年糕 $98都幾濃郁既芝士味，但又唔會過火，同樣隻碟大但份量少。前菜一般，無咩特別。

從未走進柯士甸路既街道，原來係寧靜架！好像去了另一個世界！向來香港給我印像係很嘈吵！但是今天與别不同的感覺！很舒服呀！舖頭門口更使我感到去了韓國一樣！就算一個人也可以享受一下！我就叫了一個韓式雞肉煎蛋飯，飯內有雞肉、泡菜、青瓜、芝麻同蛋！配料十足！飯加上餸味道一流！令我完全將這碟完全吃掉了！下次我一定要約多幾個朋友食多幾款菜式！

平時食韓國食都去開尖沙咀韓國街 今次朋友帶我黎哩間食 老闆娘係地道韓國人 兩個人食 叫左三個菜 豆腐牛肉泡菜湯 田園煎餅 同海鮮炒飯豆腐牛肉泡菜湯好夠味 豆腐同牛肉份量適中 但如果對唔食得辣既人黎講就會有啲辣田園煎餅平時都食開泡菜煎餅 今次想試下新款 原來素菜既煎餅都咁好食 老闆娘煎得岩岩好 好脆 哩個冇泡菜煎餅咁辣 仲可以店汁 更加好味海鮮炒飯哩個係三個菜入面最鐘意既 份量夠兩至三個人share食 入面有蝦 魷魚 飯炒得岩岩好 唔會好硬或者太林 味道都夠 唔辣既 誠意推介大家試哩個！總括黎講 哩個環境唔錯 雖然地方唔大 但幾溫馨 一入到去就有種去左韓國餐館食野既感覺 下次都會再黎試其他野

收工同同事食晚飯, 同事鐘意食韓國野, 揀左黎呢間韓式餐廳.呢間鋪唔大, 但係坐落都幾舒服, 而且我發現佢地d裝飾都幾有心思, 好多韓國特色擺設.仲重要係落單個姐姐好好人, 好nice, 係咁介紹我地食咩.辛辣年糕麵:呢個年糕麵真係要讚下, 份量適中但配料多, 有洋蔥 蛋 椰菜 蘿蔔絲 腐皮 芝麻, 麵煮得岩岩好, 唔會太淋, 醬汁唔會太辣, 少少甜甜地, 夠飽肚!人參雞湯:呢個雞湯味道夠濃, 人參味好重, 而且雞既份量大慨有半隻雞, 亦都有2-3條人參仔係湯入面.同事話, 呢間餐廳既價錢係韓食街入面, 相比係抵食過其他既, 而且味道唔會偷工減料, 值得一讚!

一股韓風吹襲香港～使香港愛上了韓戲，韓星，又愛上了韓國食物！而家香港都有不少韓國餐廳，不過地道既韓國餐廳不多！但係柯士甸路有一間外面街道幾清靜，舖頭面積不大！但幾有特色！坐低後，當然要食番個步隊鍋啦！嘩！嘩！嘩！賣相超吸引！有大大塊芝士！又有魚片！牛肉！又有韓國午餐肉同腸仔！仲有好似獅子狗！什菜！很多餸呀！加上韓式麵！今次真係大滿足味道濃濃的，靚呀

同幾位朋友一齊去食晚飯偏向食肉食既我，又鐘意食炸雞既我點會唔點炸雞黎食呀!!!!!!!!食落去醬汁唔係好辣，微辣加上些少酸甜味越食越滋味，兼且幾孚係啖啖都係肉成碟都係只有少許骨，加埋十分一左右啦肉質一啲都唔“un”,又唔“鞋”身另外，佢地事前先送上小食薯仔，泡菜等等，味道上唔會太濃，清清淡淡不過泡菜就屬於偏向辣味。最後當然要叫飲品啦！我都係鐘意飲韓國檸七同出面啲雪碧，七喜味道雖然差別不大但勝於係咁甜同膩，好快就飲完啦。此外，老闆非常好，很樂意為每一檯介紹介紹佢地既熱門各樣野，態度讚讚讚👍

韓式小吃，泡菜必食，辣中帶酸，辣得惹味，味道同韓國食既一樣！可能因為老闆娘是韓國人的原固吧！田園煎餅似中式嘅煎薄餅，但相對冇咁油膩！而且煎餅的餡料是蔬菜，感覺健康！煎餅煎至兩邊金黃，賣相討人喜愛，入口香脆可口！

尖沙咀韓國餐廳林立，食過咁多間韓國餐廳，我同朋友都一致覺得宜間餐廳好有韓國feel同家的感覺。簡簡單單既豆腐湯，但充滿韓式既味道！豆腐湯酸酸辣辣，味道正正同韓國食既一樣！豆腐軟滑，牛肉滑嫩，韓式粉絲夠粗好有口感。海鮮炒飯材料好豐富，有蝦有魷魚，重點係海鮮夠新鮮！海蝦肉質實際爽口彈牙，面層既芝麻令炒飯更惹味

朋友生日，便選了她最愛吃的韓式食物《珍味》去慶祝，舖頭唔算大，但坐位舒適寬敞。揀選了幾味她最愛吃的食物，但我最喜歡它的是前菜《沙律》，除了一般常用的馬鈴薯外，這裡會加上蘋果，新鮮香甜，又爽脆，還有提子乾，增添咬口感。還有魚仔，味道有小許辣帶點甜，魚仔炸至脆口，加上芝麻就更香口。而最有特式的是《海鮮豆腐鍋》，鍋子雖不算大，但勝在足料，有脆肉瓜，煲完都唔會淋身；而洋蔥則滲出一股清甜味；豆腐够嫰滑且有濃郁的香豆味；蜆雖然不大隻，但新鮮令湯帶出鮮甜味道，加上少許辣，飲到停不了口。而呢個招牌《牛肋骨》，也可話揀得冇錯，入味之餘，啲肉仲整得好林，一入口好鬆化，啲肉好容易咬開，唔會痴住d骨，

除咗鐘意睇韓劇，都好鐘意韓食！聽朋友講依間雖然舖面細細，但係老細親自用心打理，做出的野食，緊係食得出啦！今次就約埋屋企人去試下！其中既人參鸡湯，湯底好清甜，支參都算甘香，令人回味！牛仔骨係用鉄板上，為免牛仔骨因鉄板過熱，影響牛仔骨口感，用咗洋蔥放滿底，洋蔥又有益，真有用心！豆腐鍋，辣辣哋，不算太辣，容易入口，好醒胃！炒粉絲，D料都算豐富，有紅蘿蔔絲、洋蔥、茜芹、木耳、白芝麻……，配撘得很出色，調味得宜！老細用心製作，吃得出、吃得出！

今晚同朋友到柯士甸路搵食，一街之上雲集了多間韓國餐廳，今天選擇了珍味地道韓食，家庭式的感覺。前菜有泡菜、西蘭花、薯仔和魚片。點了個牛肋骨餐（$250），入面有牛肋骨、韓式炒年糕、豆腐海鮮湯、前菜和韓式特飲。牛肋骨是店內的招牌菜，肉質軟腍入味，醬汁風味十足，咬落口感十足，惹味無比，不愧是招牌菜啊！韓式炒年糕質感煙韌可口，醬汁香濃，帶點微辣，伴上清新的蔬菜。豆腐海鮮湯非常惹味，熱鍋盛住的海鮮湯夠熱辣之餘豆腐又夠嫩滑，香辣濃郁的湯底伴上蝦仁、蜆份外滿足！最後還點了多一碟醬汁薯仔（$40），薯味香濃，汁香惹味！

早陣子發現這幾條街有不少韓國餐廳，已經決定想吃韓食時便可以逐間試。這次選了店面小小，看起來頗地道的珍味地道韓食。這裡有不同的套餐可供選擇，如果想把套餐內的食物轉第二款，只需加10元及補差價，很大自由度呢。我選了250元的套餐，把餐牌上的豆腐海鮮鍋轉了做海鮮煎餅。先點了2杯飲品，左邊的是濟洲蜜柑汁，右邊的是果肉芒果汁。蜜柑汁酸酸甜甜，頗清新開胃。芒果汁原來是有果肉的芒果梳打，不會太甜。我真的很喜歡這些韓式小碟，大多都很好味，這裡的泡菜酸辣度剛好，醬汁薯仔超入味軟稔，最意外是有芝士腸仔粒😂，西蘭花就沒什特別。韓式炒粉絲材料很足，粉絲的口感不錯，也不算太油，只是略嫌鹹了少許，胡椒味也稍微重了一點。珍味牛肋骨牛肋骨炆得軟稔又夠入味，完全是入口鬆化，很夠火氣之作。醬汁方面，雖味濃但不鹹，帶微甜，還夾雜著肉的味道，讚。除了美味的牛肋骨，還有非常入味的紅蘿蔔和薯仔呢。牛肋骨醬汁味道香甜又濃，送飯一流。海鮮煎餅早幾天吃過不太合格的海鮮煎餅，所以很想再吃，幸好這裡的海鮮煎餅，一上桌已聞到很香，賣相也不錯。雖然海鮮只有蝦，但煎得夠香脆又不會糊，有咬感味道也不錯。這裡環境讓人感覺温馨自在，服務也很熱切，食物

今日同女朋友食個好豐富既午餐，叫左一個人參雞set餐三百幾蚊，有一個人參雞湯，唔油膩，裡面有半隻雞，有少量飯，似泡飯甘，一上台岩岩煲好，好熱，出晒煙，甘更系即刻畢黎似下，咦...唔錯啵，好香人參味，唔系苦味，系清甜回甘，雞煲到融左甘，所以湯底比較黏口，好濃，而每一啖湯裡面有少少飯粒蔥花，變上更有口感牛肋骨（話系主打野食），牛肉好軟，肉質唔系（梅），煮到岩岩熟，所以一d都唔難咬，有自制燒肉汁，甜甜的，好開胃，好岩（送）飯食泡菜煎餅一上台我以為甘紅應該好辣，原來唔系，佢裡面除左泡菜外仲有紅蘿白，椰菜等蔬菜配料，平時系出面食，呢塊野都系（林）既，但呢間又唔系喔，煎到外層系脆口的，內軟身，食落口佢泡菜唔系好多，所以唔辣，反而佢落少少吊下味，仲好過落太多會變得死喊味。

朋友喜愛食韓國菜,今日佢生日,由佢話事,佢話帶左我去一間由韓國人開的店。聽朋友講舖頭門口貼了以下標誌的即此舖食物全部自家製。店內給人一種很有家的感覺,餐牌亦中英對照,很方便遊客。我地叫左燒牛仔骨,用左新鮮洋蔥舖低,唔會因用左鐵板上菜而導致牛肉過熟,而且上菜時除了嗅到濃濃的牛肉味外,亦夾雜住有洋蔥的香味。此外牛仔骨用的醬汁很香甜野味👍牛肉石頭鍋鈑,用左大豆,紅蘿白等吾同的配菜切絲,再加埋牛肉及雞蛋,仲有自家秘製醬,望到已經流世口水,由於個鍋很熱, 所以撈埋一起時仲可以聽到「渣」「渣」聲。鍋飯很香醬油味,配菜亦爽口,食到飯礁時就更脆口了,無得頂。最欣賞老板娘自家製的配菜。有泡菜,腐皮,薯仔,蘿白絲。泡菜辣得黎很適中。腐皮甜甜地有D似日本菜的腐皮壽司。薯仔有醬由的香甜。蘿白絲辣中帶略酸及小甜,是我最愛

同男友拍拖食飯，早排係facebook見到有人食完post相話好味，所以過黎試下。佢地鋪頭唔大，但係裝修得幾闊落，燈光都幾光猛，差唔多每張台都有梳化坐，坐得都幾舒服。牛肋骨：姐姐話牛肋骨係招牌菜，一定要試，咁我地就叫左一份黎食。真係好正！d牛肉好淋，一咬就開，骨既比例唔算大條，而且個醬汁真係精髓所在，唔會太咸有微甜，用個汁送飯真係一流！海鮮炸醬麵：男友揀左個麵，意外發現個麵有好多料，份量又大份，入面有魷魚，蝦，青瓜，洋蔥，薯仔等等，麵質煙韌有咬口，如果就咁食d配料就會有少少太咸，但撈埋麵一齊食，味道就會岩岩好。整體黎講呢間韓國菜真係唔錯，姐姐服務態度好好，老闆娘應該係韓國人，仲教我地講韓文。呢間係韓食街入面價錢算中等，但質素係上品，最緊要係食得開心。