影片
以上资料只供参考，请与餐厅确认详情
帮衬咗十几年，好食好正宗，但系点解今日至写食评，因为懒😅咁点解有冲动写？因为一支竹签😄几个月以嚟想叫部队锅，成日都冇，今日竟然有。八卦问吓老板娘，原来之前冇竹签串住啲面皮，佢话咁样唔得正宗，唔可以咁，所以唔供应。对于我好少事，冇串住我都唔会知。值得赞同推介，唔系净系好味，系老板娘嘅认真同用心做菜式！韩菜成行成市，我唔敢话佢最好，但系佢嘅认真同一丝不苟，我相信一般流水作业式嘅一定做唔到。除咗部队锅，仲极力推介牛肋条（非常入味）、泡菜煎饼、人参鸡汤、炒年糕。如果好钟意泡菜，一定要食同买走，佢系自家制
继续阅读
叫左个二人套餐 咩BBQ烧肉套餐$420真系食紧垃圾咁！完全唔知自己食紧啲乜除咗个海鲜豆腐锅叫正常之外，个牛肋骨老靭过我呀嫲完全咬唔断咁滞！个烧猪腩肉食左一旧咸到食咗成啖盐咁。。忍唔住叫个侍应哥哥换过碟之后仲精彩 转眼变咗猪肉干！！真系黐线 连个侍应都喺厨房同个老板娘交涉话会否太干身 俾我哋听到谂住叫个老板娘出来了解吓，点知佢喺厨房大大声一句猪腩肉好难整㗎 我唔会出去啰。。真心无奈呢间嘢真系超级难𩠌想试吓食x嘅人可以去帮衬！态度恶劣！嘢食难食！
继续阅读
一心想食韩国嘢，但由于星期六成条韩国街都人头涌涌。。。一路行行到新柯士甸路见餐牌都系普通韩食，入面有枱于是入座喇。坐低后，就落单。。谂住食炸酱面。。点知无哂，唯有水冷面，牛肉拌饭，煎饺子。。。楼面只有一个大叔，慢活。。。但友善而且给人温暖嘅感觉说实话3百几蚊唔算抵，但胜在有个温暖嘅大叔
继续阅读
朋友话呢间野好好食于是第二日即刻走过来试吓大推秘制牛肋骨！真系超级好食又热又入味我谂如果有碗饭俾我我应该可以用嚟送饭食晒另外嗌咗个寿司虽然味道都OK但系就冇个牛肋条咁惊艳喇今次得我一个人食食唔到太多野下次再嚟过
继续阅读
前后叫左三碟𩠌，有人参鸡汤、韩烧五花腩、水冷面。人参鸡汤似系百佳包装果只就咁倒出黎煲，所以佢系作为第一碟上菜，汤入面好少糯米饭，d鸡骨又碎，满嘴都系渣。水冷面一上黎好清，味道好淡，梨片仲咸过碗汤。最离谱个五花腩，竟然加洋葱就咁油煎炸，跟篮生菜同半条青瓜仔，收二百几蚊。连蒜头同酱都无，又干又咸，咸到摆盐入口，要退换。而换左第二次都系只有死咸无腌酱既味道，食纸皮咁，衰过系汉和自己煎。作为小店，真系得两位姨姨系厨房，洗同煮都系佢两位，厨师好似边个都做得咁，试完都不了。
继续阅读