玥屋

营业中

休息中

聽聞這間舖時常都要訂位，難得今日下午放假心血來潮就去潮拜。去到好好彩唔使等位即刻入座，打開門見舖頭細細得六個座位，唔怪之得咁難訂位。叫咗個壽司定食$80壽司有吞拿魚、白玉豚、三文魚、象拔蚌、馬刀貝、璃璃蝦、北寄貝、鰻魚、海胆及玉子。刺身件件新鮮，非常大件，一共有十件。這個壽司定食還有一碗細牛肉烏冬烏冬彈牙爽口，都十分好味。餐牌上寫著午餐定食加五元可以有前菜、沙律和汽水，當然跟啦⋯⋯咁高質素的壽司又抵食又好味

因爲b小姐係大角咀番有時候 為左tum下佢開心 都會走過黎同佢食個飯有得俾我接佢收工 佢好似開心d gum但係唔可以遲過佢收工到如果唔係......今次當然成功係佢收工前到啦佢呢排好似好鍾意壽司於是揀左呢間細細地黎食鋪頭太少位 得果5、6個我地黎到已經full晒 唯有叫外賣價錢非常合理叫左3文魚 鰻魚大太卷（差d睇錯太大卷）🤦🏻‍♂️🤦🏻‍♂️🤦🏻‍♂️再尋蛋燒三文奇脆卷2個人200有找 好平樣樣都好好食極推介大太卷👍🏻👍🏻

雖然過了好一段時間，但都係想寫返。原本諗住10月23號晚食的，因為外子壽辰，但餐廳實在太率性，話唔開就唔開⋯⋯但第二日我地仍然死心不熄⋯⋯堅持要食！我鍾意食帶子、辣三文魚、芥辣八爪魚，佢地的原隻有頭甜甘蝦都唔錯呀！刺身係唔錯的，但鰻魚壽司就普通點，唔知係咪因為外賣關係呢～佢地嘅價錢算係相宜，所以我地2個人食，3百蚊左右，已經夠食有頂肚。不過要提提佢地鋪內坐位唔多，其實真係得幾個，所以唔好諗住Walk-in去食，因為連訂枱都唔係話有就有。當然，有D應該堂食比較好食，我食過一次，但有時真係即興想食，我地都會先電話落單，預好時間去攞，回家慢慢食都好美味！

聽聞這壽司店極高CP值，可惜一位難求，試過幾次訂枱都不成功，終於在平日放假趁下午冇咩人碰碰運氣。入到去已經有三四個食客坐滿吧檯，好彩仲剩低一張小圓枱有得坐。見師傅都忙到停唔到手，應該係做緊啲外賣訂單。落單後都幾快有得食，壽司用木碟上，好有置身日本的感覺，哈哈。每件壽司刺身都好大塊！亦非常新鮮！師傅仲好細心咁揸埋少少豉油喺面。花之戀上的蟹籽好爽口，同出面咬落得個腥字嗰啲差好遠！最喜愛佢既海膽壽司，海膽擺到滿瀉！也十分十分鮮甜好味！呢間壽司店價錢極平，但質素極佳，非常超值，絕對係高質良心小店！希望佢可以擴展，令更多人享受到佢既美食！

呢間野，唔知點解可以次次打去訂抬都可以full哂。又或者去到都係話full哂booking....好多人。點解有一日好難得又俾我book到，太好！去到明白點解可以咁full.因為間野真係好細間 😣得大概6個位到左右……真係一間小店黎😂😂價錢真係 好平民。好抵食。諗住價錢咁平，啲壽司應該相對下會細d.點知一上抬。哇，都幾大件，同幾靚！食落仲都新鮮，唔會話無味道咁。師博仲好細心，每件都搽有豉油同芥末。再上菜。赤貝同海膽 都好好味！唔怪得咁多人黎食啦！如果間店大間d,多d位就好了！

舊區常找到抵食好食的小店，食物質素及超值體驗強烈。 「玥屋」主打外賣壽司，佈置不起眼，店內只有大約六個座位，蠻迫，是快食快閃的。店雖小，仍有壽司吧枱，手握壽司即叫即製： 壽司價錢幾蚊一件，質素有驚喜，亦更高一籌。 「三文魚海膽丼」$63 餐牌出奇地均真，寫明有八塊三文魚，一格的海膽來自加拿大，不是韓國次一等那些，以此價錢吃到是驚喜。 食物價錢是 quality expectation 的一環。本來對這個價錢吃到的丼沒啥特別期望，而這個預判是被粉碎的。丼好吃，三文魚刺身應該撈過甜豉油 (味道不似一般壽司豉油，估計是店自己調配的)，滲進白飯，飯粒都惹味起來。我像平時一樣，只加少許 wasabi，已經 KO 了一大碗飯。 「特上壽司拼盤」$100 ，可配牛肉烏冬或蒽油甘魚手卷，已是全店最貴的餐： 壽司拼盤有兩大碟，魚生並非僅僅夠覆蓋飯，而是長得足夠圍着白飯一圈有餘。飯因為是手握壽，不會似飯團硬綁綁。 魚生質素方面是出奇地新鮮，色澤好，最好吃要數帆立貝、油甘魚；另外一碟放上四方體手卷，此特上壽司拼盤餐是好食又飽肚的選擇。 此 lunch 有花小錢豪食的感覺，唯一就是座位有局限。人家

首先要說一下，如果想到玥屋吃飯，無論是午餐或晚餐，都一定要訂位子，如果不是，你可能連外賣也買不到！在這裡食過幾次午餐，今次特地帶朋友來吃晚餐，入座後也有不少人進來問還有沒有位子，亦有很多人來買外賣，在我差不多食完要離開時，有人進來想問外賣，師傅還差點想拒絕外賣單了⋯好像是因為要準備之後的訂座。先點了海鮮沙律，魚生份量很多，沙律加了酸酸的醬汁，十分開胃。我對各樣壽司都十分滿意，魚生新鮮，壽司飯醋味適中，溫度亦控制得宜，我尤其喜歡吞拿魚蓉壽司和海膽壽司！我再看到相片中的海膽，顏色和光澤都令我垂涎三尺！🤤而玉子壽司很特別，除了上面一件玉子，飯下亦有一件玉子！想提一下的，師傳會將壽司上的魚生沾一點點醬油，如果不想要的，記得要跟師傅先說明啊。最後一件海膽還是不夠，要多叫一客才可止止海膽癮💋。2個人的晚餐結帳不用$300，很抵食的晚餐！

經朋友話呢間好正又平，所以去試下，一入到去，見到好多人等緊外賣，bar枱入面有3個師傅，再睇下環境，入面只得大約7個位，咁啱有bar枱有位，再睇下佢張order紙，真係好平，所以叫左好多，三文魚，鰻魚，蟹棒，玉子，赤貝，帶子，真心講，全部都好新鮮，真係要試一下👍🏻👍🏻👍🏻👍🏻仲有芝麻雞翼，雞骨腸都一定要試，重點講下佢個三文魚腩，佢地唔會比你叫太多，大約一人只可以叫2份，只係比三文魚貴$3，但絕對值得叫，最後到個生蠔，個人認為比較貴，好似要70一隻，可以唔使試

一直想試朋友口中性價比高既優質壽司店 但每次經過都爆滿 畢竟店內環境有限有時連外賣都唔做 今次終於夾到時間book到星期六晚準時六點到 已經見師傅為其他食客準備率先登場玥屋蛋壽司 上下兩層甜蛋令成個軍艦甜度繞舌三周 唔錯唔錯提前book左廣島蠔 師傅用醬油加鮮蔥調理 Super yummy 🤤三文魚腩是本人至愛 鮮嫩多脂 入口半溶叫左好多自己愛食的壽司 盡量滿足想試多啲既我呢個炸蝦卷最出色係炸蝦本身 爽脆蝦肉加上清脆青瓜有種冰火兩重天之感海膽不負眾望地鮮甜😻😻花之戀不過不失燒帶子連紫菜食口感都幾新穎行番奧運站 見到個天係暴雨後的餘韻 好靚！😘

生活繁忙，有時候午餐吃好一點獎勵下自己才有動力工作呢！不是第一次吃玥屋了，雖然環境比較狹窄，但是服務和食物質素都是很不錯的（以一百多元的價格來說，簡直是超值)吃最貴的一個set賣相還是很不錯的包含多款壽司，加六元還有小沙律及飲品呢。有空再光顧！

大角咀嘅玥屋都食過好幾次，第一次都係朋友同我地講，否則都唔知有間小店喺呢個位置。餐廳得7-8個位，晚市嘅話基本上都要預約，唔好以為好容易約到呀…人手有限，我次次都最少打幾十次電話……一邊係吧枱，可以見到師傳即時製作食物；近門口位置係一張圓形高枱高櫈。坐低後師傅會俾即棄餐具、包裝芥茉，唔知係咪小店關係(?)。食過午市一次，印象中可以自選刺身丼飯，價錢唔貴，質量都ok，所以客人不少，亦都供應外賣。晚市餐牌選擇就唔算話好多，有壽司、卷物、炸物、沙律、刺身，驟眼睇定價唔貴。（不過點下點下，消費通常都超出預期）壽司定價$4-$13/件，三文魚籽($17)、海膽($17)、珍寶牡丹蝦($75)件，所有壽司加$3可轉為手卷。平價嘅其實同爭鮮呀、超市買嘅件裝壽司差唔多價錢，但質素較好。卷物係一般平價日本料理價位，有炸蝦卷、鐵火卷、鰻魚卷等。炸物只有4款，餃子、雞翼等，一律$24。沙律3款；刺身嘅話最好就即時問師傅，因為每最都有新鮮空運貨。三文魚壽司($5/件)、馬刀貝壽司($7/件)、赤貝壽司($8/件)墨魚壽司($4/件)花之戀($12/件)八爪魚壽司($6/件)象拔蚌壽司($7/件)腐皮壽司($4

朋友唔知邊度8到呢度有間好正嘅壽司，就去咗食！地點就真係幾唔方便，如果d 人揸車就會好d ! 我地就喺奧運站行過去！去到間鋪頭，真係細到不得了，我諗10個位都冇，我哋真係勁好彩只係等一陣就竟然有位，所以大家如果去食就一定要book 位嘞！坐低食，終於明白點解間野d 人話正，首先刺身勁新鮮，三文魚、甜蝦、帆立貝到勁正，加上價錢真係好抵，所以我哋兩個人都叫咗好多！甜蛋出奇好食，螺肉都惹味，真係值得一嚟！不過都係果句，記得要 book 位！

朋友介紹 原本她說只能星期一打去訂位 而且很難訂 因為整個鋪只有幾個位 星期二打去 剛好訂到星期六的 但只剩下6點和930 最後我訂了6點兩位日本菜一直是我最愛 可能常常到日本找好吃的去司 對壽司要去自然會高一點。從奧運站過去不算難找 行大約5-10分鐘已經到達，開門時確實了店面只有7個位 我和男友就坐在吧台前先來是我最愛海膽 $20一件 入口鮮甜 很新鮮 不錯喔再來是甜蝦和三文魚腩 甜蝦寫是連頭上的 三文魚腩新鮮 但是切法是長而薄 雖說是新鮮 但口感不足 有點小失望 帶子有厚感 味道也不錯 下圖是辣吞拿魚奇脆卷 口感特別 但稍咸了一點整體感覺不錯 但也不是很驚喜口感上未能很滿足 期間非常多外賣單 感覺熟客非常多住近的也不仿一卜

問朋友有乜壽司店推介，介紹左呢度俾我，之後上黎睇下食評，都ok，所以即刻打去訂位，剛好6點半至7點半有兩個位。😍因為得一個鐘食，所以已經做定功課食乜。小弟對食唔系好講究既人，鐘意食三文魚多d，仲有帶子，平時去食放題都系食呢兩樣多。。呢兩樣系呢度都非常好食飲左罐可樂，埋單$318，幾抵，下次會再黎壽司:三文魚腩。4件，薄薄地，都好食三文魚。2件。厚好多，外表靚，又甜，5元一件，好抵食帶子。6，勁大隻，好甜，正。墨魚。2。ok甜蝦。5。幾好食，蝦頭我吸左小小，無乜惺味。辣味八瓜魚。1。幾好食。象拔蚌。2。第一次食，見食評有推介，唔錯。北寄貝。2，無特別，不算大塊。赤貝。2。睇食評話惺，果然系有d惺，下次唔食。日本蟹柳。1，無特別白玉豚。1。第一次食，唔知乜黎，但甜甜地，幾好食芝麻八爪魚1。正路燒帶子1。幾好。燒三文魚腩1。正路。。。。。海哲。1盒，正路葱油廿魚手卷 。1。幾好葱呑拿魚腩手卷。1。幾好。

朋友介紹大角咀有間質素唔錯的壽司店，一於去試下。係奧運站行過去唔算遠，店舖入面幾細下，一眼睇晒只有7個位，難怪朋友話一定要book 位。我地坐左係吧檯，朋友推薦叫最豐富的特上壽司定食，有11款壽司再跟細牛肉烏冬或葱油甘魚手卷，另外朋友想食其他手卷，問左師父可唔可以轉葱吞拿魚手卷，師父都俾轉其他款的。葱吞拿魚手卷 - 吞拿魚分量唔少，最重要新鮮。細牛肉烏冬 - 牛肉唔多，但有牛肉的香味，烏冬都彈牙，而且夠熱食都好味。赤貝 / 白玉豚 /吞拿魚   - 吞拿魚一般，反而白玉豚夠肥美，赤貝好爽口。三文魚腩 / 帶子 / 赤貝 / 白玉豚 / 劍魚腩 / 油甘魚 - 基本上都好新鮮，特別係劍魚腩同油甘魚的味道比出面的更好食。玉子 / 鰻魚 - 玉子夠大件，但唔算香； 鰻魚燒得夠香口，味道唔錯。海膽 - 海膽最值得試，分量充足，而且真係鮮甜，只係紫菜淋左D。最後唔記得影甘蝦，但都好大隻，味道唔錯。其實每款只係一件，係食得太慢所以重覆影左，比較特別係師父一整好就可以馬上放到你面前，可以好新鮮即刻食，不過壽司的飯好細舊，對細食的女仔來講剛剛好，但大食既就未必夠飽啦~整體而言，價錢合理，質素頗優，係地