玥屋

营业中

休息中

玥屋平時放工唔book位都幾難有得食，今次就星期六係附近踢完場早波，就去試下堂食！可能一早唔係太多人book既關係walk in都可以安排到入座😁食材新鮮，食左兩round ~ 推介象拔蚌，油甘魚，三文魚腩，帶子，有頭甜蝦，赤貝咁既價錢，用料十足！會再去食😍

成日經過呢間日本小店, 都係FULL HOUSE, 應該不錯, 就膽粗粗同女朋友食一次.我地叫左好多壽司加2件手卷.價錢方面: 同爭鮮差唔多. 仲唔洗加一, 加3蚊仲可以變手卷. 我地今次買滿200, 仲送2件帆立貝刺身.質素方面: 性價比高, 壽司飯握得好實, 鰻魚暖暖地, 好味, 三文魚有豐富的三文魚油, 蛋有自己logo名， 帆立貝同海膽都好鮮甜, 小卷也不錯. 下次會再食過.. ^.^

你間壽司店其實都幫襯左好耐，佢哋雖然裝修唔係好靚，但係佢哋嘅嘢食出奇嘅高水平，而且價錢仲好平。今晚喺呢度買咗外賣，重點推介油金魚壽司同白玉豚壽司，唔係好多地方有得食肉質鮮美，另外海膽壽司都唔錯，一啲都唔聲，仲有蔥吞拿魚壽司蔥油金魚壽司，全部壽司都係師傅即點即造。人均消費＄150已經食到＄300水平嘅食物，所以通常都要預早幾日定位先至會有位。蟹子沙律，蟹子鮮甜，材料新鮮花之戀壽司同辣味三文魚壽司，辣味沙律醬整得好好食油金魚壽司同白玉豚壽司非常鮮美海膽壽司一啲都唔醒，蔥吞拿魚壽司同蔥油金魚即叫即做，好鮮味

大角咀街坊都應該知，好多人都話玥屋好出名，好好食，又好難BOOK位，星期6個日路過見入面仲有2個位，就走入去問下，入到去見到一共得7個位，一黎到先係冇人理我地啦，咁我地直接行埋位就比人問, 你有冇BOOK嫁?係, 冇BOOK 呀, 咁你又唔理人想我地點。攪左陣佢話本身個個BOOKING 既人遲左，所以我地有40分鐘時間食。咁我地就叫左2個SET LUNCH，好啦我個個係壽司定食($75)，有10件壽司加一個牛肉烏冬，個10件壽司，有吞拿魚、白玉豚、三文魚、象拔蚌、馬刀貝、玻璃蝦、北寄貝、鰻魚、海膽、玉子，壽司個賣相其實好吸引，不過食落又唔係咁特出，特出到要等咁耐lo, 不過件海膽都真係幾正，又多又鮮，白玉豚都好肥美，其他就OK 啦。如果要等位我就應該唔會再黎，完!!!

來了這間壽司店好幾次，都忘記了寫食評！這間壽司店，只得幾個位，現在給人堆紅了更加難book位，所以只能外賣，我幾次都是揸車去買完係車食，這個價錢來説，它們真是好有誠意了！我個人幾喜歡佢地的壽司飯，味道調配得幾好！刺身都可以，因為出貨量多，所以應不會隔很多日！喜歡即叫即做！師父都很親民！會同你講幾句！如果可把豉油和芥茉換了，會更加能提升食物！但都真係算很不錯！比較其他壽司外賣店真的是算高水評

係附近返工，都係第一次食，全場有六至七個位，所以今次食都係同事一個星期前訂位的。入到去可能剛開鋪，好熱，都要忍耐一陣，環境就真係一般的，如果想坐得舒適，未必係你嘅選擇午餐有魚生飯，壽司拼盤選擇，價錢偏平，同事形容爲争鮮價，但好過爭鮮嘅質素，但難得有檯，我地選擇揀自己鍾意食的，逐件叫。。我total 叫左十一件，因為聽聞唔算太大舊，坐吧檯的話會好似高級壽司店般，放個長碟係你面前，整起一件俾一件你。。我地坐門口高檯，就要等耐點，整起幾舊先出一轉。。頭輪我無影相。。叫左墨魚。。正常芥辣八爪魚。。麻麻。。我自己鍾意八爪魚係生嘅，滑滑的，但佢呢隻係熟嘅玻璃蝦。。同爭鮮一樣的第二輪如下赤貝。。麻麻。。好薄一片蔥碎吞拿魚。。最好味的油甘魚。。都幾肥美海膽。。都係好麻麻最接受唔到。。其實係。。壽司飯竟然係暖的😅總括嚟講，係抵嘅，但質素絕對普通。。

雖然自己經常經過這間細小的店舖，但一直未幫襯過它。這一天，趁著放假，又是平日，便去試它一試。這間雖只是最多只可容納十人的小店，通道狹窄，坐得逼狹，令自己感到挺不舒適，但店子一到午、晚時間，很多時都全場爆滿，難以覓得一個半個座位。雖說這間小店座位不多，仍可想見它必有過人的能耐。這店子地方雖小，而且只得三位香港師傅在吧位內的工作間中製作各款食物，不過店中的食物款式都不太少，壽司、刺身、沙律、卷物、炸物、沙律都有，當中尤以壽司種類最多，也最受歡迎。據店中的單張說，這兒的魚生都是每天空運來港的新鮮日本貨，不禁令人期待。因為見到這兒午市有自選魚生飯吃，可隨自己心意揀選想吃的魚生，頗為吸引，便決定一試。這「午市自選魚生飯」是這樣的，壽司飯（$5）是必有的，各款魚生就分為三種價錢，$10的有油甘魚、吞拿魚、創魚腩和白玉豚，$7的有帶子、赤貝、象拔蚌、甘蝦、三文魚腩和鰻魚，$4的就有馬刀貝、玻璃蝦、墨魚、北寄貝、醋鯖魚等，客人想吃哪樣就剔那樣，豐儉由人，十分方便。所有魚生飯只要另加 $5便可以有沙律、前菜和汽水一罐，當然是加啦！而且只要滿 $30就可以用 $25加海膽一格，那便加完又加吧！沙律只是聊備

早排見Facebook推文介紹大角嘴有間唔錯又平民價既壽司，而且見D相賣相又真係好得，上網睇完D資料知道餐廳位少，最好book位先，於是放工前就打個電話去Book，一聽，我話唔該我想Book2位今晚，未講完，對方就話，唔好意思今晚full曬！跟手就收線！本來真係惱惱地D咁既服務，不過死唔忿氣想去試下咩咁巴閉！地方唔難搵，去到得三個人做，座位少而且坐滿，都唔打算堂食嘎啦，寫左外賣單轉頭拎，大約半個鐘左右返去攞，個師傅又幾好態度，比完錢當然就心急試啦！壽司雖然細細夠，但用料都無偷工，D飯唔鬆散入口又真係比一般壽司店食到既有分別！而且唔使點任何野就咁食都Ok，尤其個象蛂蚌壽司，三文魚味亦較濃！如果只係以價錢去睇，佢真係唔似推文介紹既平價，但以CP值計，都算過得去！可以再食

見4星，所以特登黎試個魚生飯。舖頭只可容納8人，但會同一時間接外賣order。黎到撞正lunch hour, full house, 等左50分鐘先有人走，可以堂食。Order了三文魚海膽飯加馬刀貝，另加玥屋蛋壽司。蛋先上，應該唔係即叫即做，竟然係凍嘅，本人本身覺得甜蛋要暖暖地先好食，所以呢個係令我失望。 再黎個飯，海膽完全沒有鮮甜味，仲有啲腥。三文魚算幾肥美。馬刀貝，一個字，爽。但我幾欣賞個壽司飯，醋味適中，加了非常細碎的腐皮壽司碎係飯中，食落有點點甜味，加上我落埋wasabi 及soy souce拌勻，一流！ 我諗係我耐性太好先會等50分鐘。整體而言，最令我滿意只係純壽司飯，哈哈！等位嘅時候知道，lunch hour都可以預先book位架！當然係附近返工返學可有另一選擇，電話外賣自取啦！

從某雜誌的一篇有關大角咀高cp值食店的推介中認識這店上月本想星期日到來一試 但一查才知道逢周日休息是晚分外悠閒 於是再次來碰運氣 希望人不會太多大概晚上七點來到 原來鋪面不大 只有一張高枱能夠容納四人 及五個吧枱位幸好當時還能於吧枱佔一席 (大概半小時過後就full house 並且陸陸續續有人外賣)整間店由兩位師傅坐鎮 其實他們是應付有餘的 但點了單後 等15-20分鐘是無可避免晚市沒有套餐 只有一張點心紙單點壽司以及老闆的時令推介在我進餐時 一邊聽到老闆跟旁邊的客人說明今晚的時令食材有剝皮魚, 紅衫魚, 粒貝, 廣島蠔等 (魚刺身半條起)壽司價錢 可真的很便宜 跟平常外賣單點壽司的很相似大部分款式$4-$8 (例如: 三文魚, 鰻魚, 象拔蚌, 八爪魚, 馬刀貝, 原隻有頭甜甘蝦, 赤貝等)較特別,肥美的$10-$20不等 (例如: 吞拿魚, 花之戀, 帶子, 劍魚腩, 油甘魚, 加拿大海膽等)只有特別的珍寶牡丹蝦 $75轉手卷加$3 便可坐吧枱最好的就是能看師傅準備食材 雖然這次被刺身雪櫃一點點擋著但也能粗略見到兩位師傅手起刀落 不停切魚片 開新魚途中發現 師傅握好壽司後 會用小

自寫食評以來，去試的餐廳，無論多喜歡，都只此一次。相隔一星期，光顧第二次，寫第二遍，真是史無前例。玥屋便有此能耐。吃過晚餐後，向友人大力推介，害他心癢癢的。又碰巧我們約了在大角咀吃午飯，我也樂於再來，讓他讚美我的好介紹。午市的套餐跟晚市不同，有魚生飯和定食。另外，午市自選魚生飯，可以選刺身和＄5的壽司飯，不要飯亦可，沒有飯的魚生飯，又幾過癮。各款魚生飯的價錢吸引，但我們都受不了特上壽司定食的引誘，一於豪食這個最貴的套餐。一共11件壽司配烏冬或手卷。吞拿魚壽司跟市面一般又沉又乾的吞拿魚不同，這件吞拿魚呈鮮紅，而且甚有光澤。肉質濕潤、鮮嫩，沒有油香，但富有魚鮮。很喜歡這裡的壽司飯，帶淡淡的醋香，入口散開，粒粒分明，大小適中，絕不喧賓奪主。白玉豚11件中，要數最難忘，必是白玉豚。厚厚的刺身，甫咬下去，便滲出滿口油脂。每一下咀嚼，都是一個享受。"齒頰留香"的真正體會。三文魚腩看到三文魚腩上的橙白紋理，就知道又是一件出色的壽司。跟上次一樣，完美無暇。劍魚腩豐盈富油香的口感跟白玉豚有點相似，沒白玉豚般震撼，但輕輕地多了一份細膩。油甘魚相比之下，沒有那份誇張的油香，油甘魚的口感較爽較實在。甘蝦友人的

事出突然。前一天下午，收到Email，認識了兩年多的同事，要離開公司，離開香港，而且是一星期後。有點愕然。自我轉部門後，只靠定期的午餐聚舊。約定了兩個月前的一餐還未吃，有點內疚。兩年多前畢業，初出茅蘆，在這大機構裡感覺自己像個無知少女。明明跟幾十人一起進入公司，卻只有我一個被派到某部門，整層都沒有同伴。沒想到，會遇到他。還記得第一次午餐，是在iSquare的Monster Sushi。才認識了數天，除公事外，談不夠五句，誰會想到，整頓飯竟是如此的自然，暢所欲言，無所不談。常說"人夾人"，應該就是這個意思。臨行前最後的晚餐，選了大角咀的玥屋。很隨便，純粹貪方便，又是日本菜。起初有點擔心，只有7個座位的外賣店，單看客觀條件，質素成疑。心想"去到先算，反正大角咀咁多野食"。門面企理，老遠已見到淺黃色日式木框的門口，燈打得很光，尤其搶眼。推門而進，超小的店，只有一張圓形高桌和4個吧枱位。一旁的雪櫃放了芝麻八爪魚、中華沙律等前菜，還有飲品，讓食客自取。雖然很逼，但有地道而親切的居酒屋氣氛，還可以一睹師傅切魚生的功架。每次有客人點火炙壽司，都傳來一陣燒烤香。這個愛日本菜的同事，更愛喝酒。還記得有次

朋友說我習慣吃好東西，而且只吃貴價東西，其實不然。是日又來到大角咀，今晚試的是Tony's hell旁邊的玥屋。小小的店，只有七八個座位，吧檯尤其擠迫，不適宜大伙人聚頭。我們面前放了一個磨砂的玻璃架，一會師傅用這個來放壽司。店方預備了點菜紙，我們飛快的點了幾件後，便坐着等。最先來的是帶子壽司，入口冰凍，但感覺師傅握出來的壽司不算結實，飯身的黏度似乎不夠，壽司飯亦無醋味。三文魚腩壽司油潤度夠，雖然比較薄身，但只售$8。令人一叫再叫，欲罷不能。相較之下，墨魚比較普通，味道偏淡，口感亦並非突出。玥屋的招牌玉子像三文治一樣，上下各一層玉子，中間夾着飯團。玉子並没有一般的甜味，但有蛋香，紫菜端來的時候已經不復香脆，也不能期望這兒能有壽司之神的水準和講究，倒是賣相挺討人喜歡。三文魚子壽司帶有一陣酒香，雖然爆珠感不強烈，但味道還可以，只是那片紫菜有點拖低水準。雖然並非第一次吃象拔蚌，卻是第一次吃象拔蚌壽司，不知為何形態有點像蚯蚓。撇開這個不想，口感倒夠爽口，索索有聲。來這兒之前對海膽很有期望，最想是一大片，一片到底那種。不過，店方當晚似乎只有小片的加拿大海膽，雖然一片片像綿被一樣覆蓋着壽司頂層，但還

朋友在網上看到這家小店的評不錯，於是乎我們就早早收工來到這里....本來是應該挺好找的位置，可是帶路者帶我們做了不少運動。一進去，小店以外賣為主，跟原來想像的有不同。不過即來之則安之，找了唯一一張圓枱坐下(不好坐的)，開始點菜必不可少的三文魚刺身，正!!! 還有三文魚壽司，飯團是手握的哦!必食的玥屋玉子壽司，有玥屋的字樣，招牌又抵食花之戀，正!!有辣味的八爪魚、鰻魚帶不同的口感及刺激這二樣最正：甜蝦好甜，帶子也是美味!最後為足胃口再來一板海膽刺身!!! 配上青瓜及紫菜，沒有太大的腥味，更多的入口即融的味道，順著食帶進入胃.....忘了一提，這的服務員真的挺好，很NICE哦! 還有一位帥哥哦!!!

上次匆忙午飯草草為食店寫下食評。離開....是為了回來，今次選擇晚市時段與仮面再次前來，時間比較充裕，可以試一試比較有特色的食物。一別半年，香港經歷了很大衝擊，自己的生活習慣亦改變了不少。還好，店子水準沒變，價錢沒變，一切安好。食店位於大角咀滙豐中心對面。經常去開大角咀的人，一定會知道怎樣能到達。不太熟悉大角咀的人，乘搭地鐵去到奥運站後便會開始有點不知去向。食店本身位於一幢數層高的舊式住宅地下。無論食店自身門面抑或周遭環境，都是那樣的毫不顯眼。從門口探頭往內一望，已把食店內在環境一覽無遺。上次太匆忙沒細心數清座位數目。 今次真的看清了， bar枱五人加旁邊小圓枱兩人， 食店總共只能容納七人。 OR對食店的資料報告得很準確。今次是專程來吃秋刀魚刺身的。師傅跟我們挑來了秋刀魚。從泛着銀光的魚身已知秋刀魚非常新鮮。除了秋刀魚，師傅也介紹了梭子魚給我們。梭子魚體積跟秋刀魚差不多, 驟眼看還以為跟秋刀是同宗親的品種。梭子別名海狼，是牙尖嘴利的兇猛海魚。跟秋刀習性上有很大的分別。最後選取了半條秋刀及半條梭子一試。也順道點了半條日本紅衫。紅衫很大條，跟一般街市見到的紅衫魚差不多，但只有日本紅衫可以用