王記糖水 (已結業)

從OR 知道好多人激讚呢間糖水店, 見今日天氣唔好, 個人悶悶地, 於是特登過黎北角, 一試我最鐘意既芋頭椰汁黑糯米 (aka 紫米露). 果然不愧我係北角蕩黎蕩去, 餓住個肚, 等王記開門. 7:55pm 到達, 已經有幾個人排緊隊. 我前面既全部都買成幾碗, 而我都唔執輸, 雖然得一個人, 都買番兩碗 (紫米露 + 腐竹薏米). 紫米露好好食, 甜度剛剛好, 芋頭又淋, 比起之前係某間連鎖外賣店 (波X) 買個碗簡直無得比. 至於腐竹薏米, 真係用足料去煲，不過薏米就少左的, 而且甜左小小. 本來仲想試埋喳咋, 但真係無辦法食得落 , 唯有下次再黎啦. 如果可以早的開門就好啦!

叫了一碗腐竹薏米糖水外賣回家慢慢品嚐吃了第一口 已經感覺到這一碗糖水落足材料相當好味道腐竹全部融入糖水中真的是我這幾年來食過最好味的腐竹薏米糖水很有家的味道呀~

宵夜 (真係幾夜, 都兩點) 同友人去了王記食糖水!起初有點擔心, 因為見個餐牌咁, 而且環境又... 好似兒嬉左d..嗌左一碗番薯糖水食, 啊! 原來係好野嚟, 未放入口, 都覺得d番薯好香, 糖水夠甜, 有好重薑味, 煲左好耐先可以令到d材料出哂味, 正!下次要再嚟

想試好耐啦, 一係唔試, 一星期食足兩次, 真係連我自己都覺得過份呀~~~第一次去到食喳咋, 我中意佢唔係好甜, 而且煲到起晒沙, 正~同灣仔既強記比簡直係有過之冇不及呀!!!! 我男友仔食綠豆沙, 老實講都唔錯, 不過本人不嬲唔愛好綠豆沙...第二次去到, 問佢有冇得溝糖水, 呵呵, 叫左個紅黑, 好好味, 好食過喳咋, 但唔知係芝麻糊磨唔碎定紅豆沙起沙, 食到一粒粒既感覺, 以前食過既紅黑都係食唔到兩隻糖水既味, 今次就食到好香濃既芝麻糊味~~~男友仔食椰汁竽頭西米露,好足料成碗都係西米, 但竽頭就唔夠多, 好香椰汁味, 不過不失~外賣個喳咋俾老媽子食, 佢都係第一次品嚐, 讚不絕口~~~~而且兩次去到, 時間都只係9點幾已經排晒人龍等外賣, 堂食都爆滿, 反而隔離的糖水舗就水靜河非, 試過因為王記冇開而去隔離的糖水舗, 但水準真係差得太遠了~~~~

在筆者家冇幾遠有一間糖水舖，日頭係一間叫做秋葉餐廳嘅港式餐廳，不過夜晚就搖身一變成為「王記」糖水，係北角區其中一間名店。除了星期日，每晚都有一條人龍，或長或短在門外輪候外賣。是晚筆者與太座堂食，叫咗腐竹薏米糖水及香芉黑糯米。腐竹薏米糖水味道濃郁，睇得出用咗唔少腐竹去煮，腐竹全部溶晒，也充滿豆香，薏米則比較少，不過薏米亦有咬口，鍾意食薏米嘅朋友可能嫌唔夠。芉頭黑糯米用料也十足，奉上時已傳來陣陣芉頭香氣，芉頭也煲得淋，唔需要椰汁嘅幫助已經香氣十足。糖水大碗十四蚊，細碗十二蚊。除咗呢兩款糖水之外，蕃薯糖水亦是此店名物。個人而言，喳咋是筆者心水之選。到王記食糖水，筆者建議還是外賣比較好，如果閣下是昂藏七尺嘅話，由於舖面比較細，選擇堂食會比較辛苦。

small shop only "open" at night timeeasy to miss as so many ppl queue outside to block the viewvery large portion (see comparison with cell phone) - not every girl can finish one alonetaste really good & not too sweetmost ppl take away so try sqeeze inside to get a seat

新發現一間幾好食既糖水店,叫王記糖水,只係夜晚先有得食餐牌十分簡單,六張相,六款甜品,直接! 覺得味道一定唔錯,個老板實際嘛本來想食芝麻糊,賣哂,結果要食蕃薯糖水同紫米露,朋友食既紫米露熱辣辣,我試左一啖,食完都點點頭,熱辣辣,香甜夠滑,好食! 自己碗蕃薯糖水更滿意,因為就係我一直想找既嗰種原始風味---蕃薯,薑,糖水,其實咁,係最好食!

星期五晚做完gym, 帶女gym友到王記食粥, 聽同事A小姐講, 個蠔豉豬骨粥好得, 慕名試下, 之前試過d糖水都好掂! 陳腎蠔豉豬骨粥: 好綿, 好多料! 粥底正就唔在講, 又綿又滑! 食落有豬骨既咸香, 好好味…係咸左少少少少…$16大大碗, 真係超值! (溫馨提示: *如不吃"青"的, 記得叫走"青"呀!)兩名餓腸轆轆女流之輩, 食完仲想再食!雖然坐位較為迫, 加上感覺唔係太乾淨咁, 但係呷了一口粥後, 其餘都無所謂了~

其實唔知係唔係呢間, 因為我去食既時候好似個門面唔係咁既樣＠＠”講番碗甜品, 今次我食既係熱香芋西米露, 夜晚食d甜野落肚會好好訓, 如果碗甜品係好食相信會訓得更加甜~ 西米本身煮得稀爛, 易入口, 榔汁味唔算好濃, 阿姐幫我加左一點花奶上去, 食起上嚟唔算滑左好多, 不過最重要係個甜品唔會太甜, 食完有種曖笠笠既感覺~價錢大眾化, 只係座位較迫, 唔係坐得好舒服!

王記一開門就超多人排隊，反而堂食就無乜人，寄生在秋葉的它全部都係卡位，坐得好舒服，而且阿姐好快手落order，糖水本身已經煲好晒，佢畢出黎好快，快過外賣好多！要左個大的芋頭椰汁紫糯米($14)：阿姐好好人咁問你要唔要花奶，梗係要啦！$14真係好大碗好抵啊！好多芋頭好足料，紫米夠飪，亦夠椰汁味，好香！不過款式真係有Ｄ少啊！

筆者搬嚟北角差不多半年了，發覺呢個地方食肆林立，而且有些會開到好夜。其中一間叫「王記」嘅糖水檔，冇正式地舖，只係寄人籬下。雖然八點鐘之後先開檔，但好奇怪，每次從北角地鐵站出嚟，都見到前面都排咗一條人龍。筆者有一次仲見到宜家貴為立法會主席嘅曾鈺成都响度排隊。與太座到「王記」，筆者只吃過兩樣嘢，包括「喳咋」及「陳腎蠔豉豬骨粥」。呢度嘅喳咋用料豐富，香氣撲鼻，食一大碗，基本上可以解決一餐。豬骨粥係「王記」嘅令一奇蹟，筆者相信單憑此粥已經可以頂起半個檔。豬骨已經煲到骨肉分離，故豬骨粥盡得豬骨嘅鮮甜味，再加上蠔豉等材料，未食入口已經令人食指大動。堂食嘅話可能要辛苦啲迫埋一齊坐，不竟食「王記」就要預咗外賣。小碗十二蚊，大碗十四蚊，經濟實惠。

九月十五‧晴 小時住在這裡附近，已不知從那時開始吃王記的了，應該是已搬離開北角了吧。這裡的經營模式十年如一，沒有自己的店子，是一架甜品車仔，只做晚市。以前就在新得發，現在就搬了來秋葉這邊。不知何時開始，這裡也有自己的靚靚餐牌，不過出面的招牌，還是手寫的紙板。 這裡的名物是番薯糖水，不過是晚想吃腐竹糖水，就要了碗熱的。這裡的腐竹糖水煲得很夠火侯，腐竹是全溶掉的，亦充滿豆香。亦不不少的薏米在內的，吃起來很有咬口，如果有埋白果，就完美。 加了兩粒湯丸，皮滑而軟糯，是自家製的吧。埋單15蚊，仍然抵食，難怪座無虛設。

同0的friend 食完飯,心思思想去食糖水~~~個friend 話呢間糖水舖好多人話正, 就係咁0黎0左la~~~0黎到見到好多人0係門口排隊,以為冇位la~~~點知0的人全部係買外賣ga wor~~~yeah~~~今日去邊到食0黎都唔駛等位~~我叫0左個細0既香芋椰汁黑糯米~~~0黎0既時候真係估佢唔到,佢0既細碗同出面0的甜品舖0既大碗有得比~~超抵食~~~黑糯米0岩0岩好, 唔會太爛, 香芋唔生水, 正~~~唔會甜到膩, good~~~平時食糖水我一定係叫椰汁黑糯米,呢間0既真係幾好食,食完唔會覺得膩, 唔會覺得滯~~~細0既都咁大碗, 都係12蚊, 加兩蚊仲有大0既, 真係好抵食~~~可能佢0地係夜晚先主力賣糖水la~~款式唔太多, 不過呢~~可能因為咁先會做到咁好食又咁抵呢~~~值得推介~~

lee間糖水加豉豬骨(只此一粥)，只在晚上八時至凌晨3時開門，仲逢星期日休息! 點解? 因為佢早上其實係另一食肆，我諗應該係租人地舖，响晚上經營卦。最最最鍾意係佢唯一的粥、但真係好有誠意的出品﹕陳腎蠔豉豬骨粥!!!!d粥好有味，每碗一定有一舊d豬骨，豬骨應該係新鮮，唔係冰鮮既，否則應該唔會咁鮮甜!!!其他甜品都幾好，但主打，一定係個粥!!!環境好細、很少位、衞生亦一般，建議買走回家慢慢嘆!!!

放工餓餓地.... 但夜媽媽, 唔想太飽... 整碗細粥啦!~ 陳腎蠔豉豬骨粥 ~聽到個名咁豐富, 實際都冇呃人喎!唔錯喎, 冇欺場, 多料, 粥都好味, 唔水滌滌。叫碗細的, 都盡量樣樣料俾齊, 見到都覺得佢地係有心的。好味!大細差兩蚊, 但份量都差幾多, 唔太飽的話, 下次要大啦!要排隊架! 但係好快! 當晚去到排第4等! 買完望到後面都有3個人等緊! 都好似好多熟客咁!