王牌·圍一叉燒

营业中

休息中

朋友係咁推介呢間叉燒話好食！見下午茶叉燒瀨先至30幾蚊，仲有包野飲，即刻去咗試~~幾高質！雖然下午茶只係迷你份量，但份量如果話係full size都會信💬好扺食~叉燒有成八舊，肥瘦平均🤤叉燒醬嘅香甜已經非常入味，外皮帶微焦香，咬落一啲都唔鞋口，啖啖軟腍嘅肉質以呢個價錢嚟講真係過關大有餘了！仲叫咗個小食 生炸雞翼配沙律😛雞翼本身腌咗少少燒烤汁，好香口🥹脆得黎唔刮口，茶餐廳嘅生炸真係一大comfort good~同埋幾鍾意佢沙律唔係配沙律醬，只係用比較輕盈嘅芝麻醬✨100%會返黎食，扺食兼幾好味😛

今日又係大圍食飯，唔想揀啲太貴嘅餐廳，上OpenRice見到呢間茶餐廳係新開嘅，見到啲叉燒好似幾靚，所以就決定揀呢間餐廳食飯。舖頭有兩層，下面係廚房同埋收銀再加少量嘅枱，以上層就主要係餐枱。不過我哋去到嘅時候係夜晚七點半左右，客人都幾多，但係我哋坐嘅四人卡位中間用咗兩塊膠板打橫間開…所以成個進食空間都好細好窄，坐得唔係咁舒服😕。老火例湯未點餐前已經上左餐湯，上枱時熱辣辣👍🏻入面有少少肉和紅蘿蔔。餐牌寫話佢無加味精，不過我同男朋友都覺得個湯味道偏咸。王牌叉燒蛋炒飯 + 凍檸茶 ($54 + $5)我叫左呢碟叉燒蛋炒飯，個外觀其實幾吸引，個蛋上枱時依然濕潤，有蔥花帶出香味，而d叉燒係同外層既蛋痴埋一齊，幾特別。不過d叉燒厚薄不一，有啲好厚(但唔夠肥)，有啲就太薄，如果用呢個水準來做招牌，好似有少少言過其實。而個飯真係有少少失望，如果用炒香過既飯去代替白飯，應該會好味好多。飲品方面，個凍檸茶就偏甜，如果唔鍾意咁甜既朋友記得要叫少甜。黑椒汁脆炸雞髀 + 熱檸茶 ($58 + $3)男朋友叫左呢個餐，有飯同意粉可以揀，佢揀左前者。醬汁方面可以揀豉油/黑椒汁/茄汁/粟米汁，都幾多選擇。不過佢話平時

最近大圍真係越嚟越多嘢食！前幾日食過屋企附近呢間新開既「王牌圍一.叉燒」佢既叉燒都燒得幾唔錯！餐廳係放工時段真係好多人買外賣！玻璃窗上掛滿各種不同既燒味！原來餐廳除咗燒味之外仲有其他食物供應！今晚我就叫左呢份沙薑雞！套餐包埋例湯價格中上勝在大大盒，打開聞到好香沙薑味，雞肉食落仲好嫩滑、同沙薑汁配搭得剛剛好！咸咸地既沙薑送飯都食多啲呀！附送既老火例湯都唔錯，每日朝早由師傅加入雞殼及豬骨熬製而成，好足料呀！

呢日約左朋友踩單車，出發之前當然要食飽飽我哋見到呢間餐廳有唔少座上客，應該都環境都整潔企理，所以決定試試先食物款式同一般港式餐廳大同小異，我同朋友都好快揀好食啲咩落單後無耐，店員就為我地送上例湯暖暖胃朋友要左一份燒鵝五寶瀨粉～燒味同瀨粉分開上，份量都唔少啵朋友分享左啲叉燒同燒肉俾我，味道都唔差而我就要左一份咖喱什扒飯～呢份什扒既份量相當十足，唔好話女仔，連大男生都絕對餵得飽！！！不論係雞扒定豬扒都厚切香嫩，仲有火腿腸仔同煎蛋添最有驚喜係嗰咖喱汁，香濃得黎唔太辣，令人愈食愈想食，送飯無得輸跟餐包左熱飲，呢日我仲加錢轉飲凍檸檳添呢度既下午茶都好似好吸引，價錢合理，下次再黎都可以trytry啵

見新開無耐 本身想堂食，但堂食又勁full最後決定買外賣返屋企食款式唔算多，大多以燒味同幾種飯餐為主燒味掛滿在櫥窗之上，琳瑯滿目非常吸引蜂蜜叉燒飯拼油雞+＄4叉燒屬半肥瘦的，切得厚身，入口軟腍不死實，又有點油脂香，並帶微微蜜糖的甜蜜香味油雞雞肉嫩滑配埋蔥油剛剛好燒腩仔燒味飯份量十足，燒腩仔肥瘦比例剛剛好 整體唔會太油膩仲有例湯送，唔錯餐廳好好生意，外賣都要預時間等一陣雖然好忙，但店員都好好服預，值得加分

📍王牌.圍一叉燒💡大圍燒味一直都係香港人既至愛，不過要搵至靚既燒味真係唔易。好多時舖頭都比唔到新鮮高質嘅燒味，難食既不外乎係凍哂，太咸，一係就成舊都好肥，最嚴重係中哂以上三項😓係大圍就有一間收工時間長期排長龍堂食同叫外賣既燒味舖，忍唔住都入左去坐低食個晚飯先。燒鵝飯雙拼($58)經典無得唔點既，大大舊叉燒非常甘香，油脂比例好好嘅燒鴨/鵝香氣由咬個下係口入面咇出黎👅食肉獸開動啦XO醬滑蛋蝦仁併叉燒飯($60)份量真係超多，滑蛋好滑又充滿蛋香，蝦仁大隻得黎爽口，最估唔到係連叉燒份量都非常多，叉燒肥瘦均勻。再加埋佢嘅XO醬辣辣地，非常開胃#大圍美食 #大圍 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #foodiesinternationalchat #globaleats #indiandailybread

大圍開左新餐廳，今日晚餐唔想煮，叫左兩個外賣又幾唔錯👍🏼尤其係燒味好掂。。🍴燒鵝肥叉飯$62燒鵝飯本身$58，加$4有雙拼，燒鵝真心靚，肥瘦適中，皮咬落仲脆身，肉厚又有汁；叉燒叫肥叉黎左半肥瘦，厚度ok，叉燒好正，咬落有少少甜但唔會膩，叉燒同燒鵝都好得✅。🍴秘製蔥油豬扒煎蛋飯$58蔥油豬扒煎得脆又大塊，蔥油略嫌少左啲，如果俾多啲就會濃味啲，飯底仲有少少沙律菜，煎蛋有流心，唔錯唔錯。呢個價收貨👌🏻。凍飲+$3，例湯本身有得送，不過我麻麻地就無要到。最後想講呢間餐廳勁好生意，人流不絕，但難得既係啲姐姐好有禮貌😂唔該前唔該後，茶記黎講真係算唔錯😂

大圍地鐵站對出新開港式燒味鋪圍一。叉燒星期六日即使無下午茶都超多人！無論係買燒味外賣定堂食都要等！既然係好食又的確唔怕等嘅(*¯︶¯*)坐位有D逼，而且要搭檯，不過款式供應都多，Especially 圍繞鎮店之實 燒魂叉，有最簡單的燶邊叉燒，可以配搭雙拼，又有XO醬炒蛋蝦仁，或者叉燒炒蛋飯連港式常餐都有叉燒食。今日簡簡單單叫個叉燒拼燒腩仔飯ε٩(๑> ₃ <)7з叉燒燶邊之餘，仲的確超鬆化入口即溶的感覺，蜜汁調味適中，甜中帶香，配搭豬油撈飯超香。腩仔皮烤得好脆，肉同肥層層相間，-跟飯配例湯，加熱飲只係3蚊簡單滿足，唔怪得勁多人。

今日入左大圍探朋友既B B，hea左大半日！有啲肚餓🤤又唔想返屋企先食，喺附近睇吓有d咩食見到新開左一間主打燒味既店舖入面位置算坐得幾舒服，燈光充足光猛，環境又乾淨我點咗一碗叉燒瀨粉女女點左炸魚柳漢堡包叉燒瀨粉叉燒份量好重手見到已經流晒口水我比較鍾意食偏瘦嘅叉燒，平時有啲地方食會覺得柴，但係呢間軟嫩適中炸魚柳漢堡包🍔雖然呢間主打叉燒，但係估唔到佢哋嘅包都整得幾出色，包皮非常香脆,魚柳新鮮熱辣可惜唔係住喺附近，如果唔係可以成日過嚟食唯有下次再嚟探朋友先試吓其他嘢

睇唔厭嘅係篠田優，食唔厭嘅係王牌·圍一叉燒。篠田優，唔係靚到沊一聲，唔係卡哇伊，外表睇落仲有少少偏成熟，即係老老地。由跑龍套做陪襯捱出頭，練就一身功力，任何姿勢都能散發出誘人韻味，叫人按捺不住。王牌都一樣，冇貴氣裝潢、唔係文青可愛特色風格，好普通嘅一間平民市井食肆，勝在廚藝紮實、味道誘人，叫人食指大動🤌🏽。🥚🍤🐖🍚1️⃣XO醬滑蛋蝦仁拼叉燒飯 $60佢啲滑蛋飯，擺到靚靚咁上菜，第一印象已經好好。正常嚟講，一碟咁普通嘅菜式，好少會用靚嚟形容，但佢真係擺得吸引。味道方面，同佢個樣係成正比嘅。蛋夠滑，蝦仁大大粒又彈牙，叉燒有少少瘦🤏🏽但可接受，而且夠味。食呢個飯，XO醬係畫龍點睛✍🏼🐉👁，鹹香辣味嘅融入，將個飯提升多一個層次，堅出色👍🏾。2️⃣🍛咖啡吉列豬扒飯 $62佢啲咖喱飯，話之你配雞扒、豬扒定係其他食材，主角只有一個，咖喱汁本身！上菜之後爬咗兩啖飯，已經舉手叫阿姐：「唔該畀多少少咖喱汁。」實在太易入口，開胃，但有好輕微嘅辣味，完全走辣嘅讀者留意返。今次配吉列豬扒，手掌✋🏽咁大塊，皮脆肉嫩，即使唔沾咖哩汁都好食😋。🍵餐湯有豬肉、蟲草花、紅棗等材料，飲落真係有淡淡嘅紅棗香，犀利👏🏽。

✨幸運銷魂飯睇個蛋黃咁橙黃就知係用左日本蛋邊位煎得香脆 有濃濃蛋香 送飯啱晒但如果個蛋黃再流心啲會更加正叉燒半肥瘦 肉質鬆化軟腍 帶少少油脂香 味道蜜味香甜 飯 軟硬適中 有米香 整體唔錯✨XO醬滑蛋蝦仁併叉燒飯上枱有啲比佢嚇親 份量十足超大碟滑蛋蝦仁 蛋夠嫩滑有蛋香 蝦仁爽脆夠大隻叉燒大大塊 肉質結實 口感軟腍飯軟硬適中 XO醬夠香都幾辣下 再加埋個甜豉油 真係送飯一流✨凍檸檬茶檸檬比得足茶底幾好 濃而不澀 食物唔錯 份量十足環境正常 茶記格局分上下兩層 服務唔錯 價錢合理 都幾抵食難怪人流不斷 下午茶時間都坐滿人

大圍站外面，最近開咗呢間新餐廳，每次經過都見到內外都係食客，門外閃亮嘅金牌非常吸睛。重點主打嘅皇牌叉燒喺店內燒製，唔係外面交貨嗰種，質數確係有保證下午茶時段已經好多人喺門外等位，皆因真係幾抵食，幾十蚊已經享受到✨迷你叉燒飯厚切嘅叉燒，肥瘦度適中，唔會燒到乾身又燶邊，真心係好食嗰種，加上淡淡嘅蜜汁令味道更香甜份量都唔算少✨熱狗皇熱狗食得多，呢隻超足料，而且係用司華力腸，同新鮮蕃茄，份量十足。套餐配埋飲品✨蘋果肉紅茶新鮮蘋果肉加入紅茶之中，帶出蘋果香甜味，有粒粒增添口感，唔會咁單調下次可以斬料加餸，再試埋其他燒味

📍王牌·圍一叉燒大圍大圍道100號天寶樓地下8號舖 🦔⸒⸒凍奶茶 +$5奶茶味濃 係茶餐廳傳統奶茶味夠薑奶茶 奶茶底下面有好多薑絲🤓 仲有蜜糖撈勻一齊飲甜甜地 又有奶茶味 幾特別咖喱吉列魚柳意粉 $62意粉好大碟 啲咖喱汁都啱啱好夠撈小編幾鍾意佢哋汁 食落去唔會好辣仲好香吉列魚柳新鮮炸 食落去外脆內軟🤍迷你叉燒配飯 $39叉燒都有7、8舊 半肥瘦食落口感唔錯 雖然係迷你叉燒 但係食晒成碗飯都飽肚🤓#foodie #hkfoodie

作為沙田友嘅我，朋友圈，讀書都係係沙田區。最近大圍開左間餐廳專門食燒味，好多朋友都叫我去試吓，咁我嗰晚就走咗去試一試。發現呢一間竟然係大圍區最近少有嘅好食餐廳，我晚市過去食坐低碗湯仲快過杯水到，服務都算係咁，但以燒味黎講，雖然價錢偏貴💸，但係嘢食質素有保證👍🏻😋都係個句 一分錢一分貨王牌·圍一叉燒 (大圍)大圍大圍道100號天寶樓地下8號舖味道:⭐️⭐️⭐️⭐️⭐️價錢:💰💰💰💰💰抵食指數: ⭐️⭐️⭐️⭐️王牌叉燒滑蛋飯 $54呢個叉燒滑蛋飯，叉燒肥肉脂肪均勻，炒蛋亦都真係做到嫩滑，醬汁並唔係普通嘅豉油，而係經過特別調製。而且飯量足夠絕對滿足到男人嘅胃口。燒味自選雙拼飯(叉燒油雞) $56 半肥瘦叉燒 +$4燒味從來都係講運氣，因為每個部位口感都唔同。我平時嗌燒味都會叫肥叉或半肥瘦有個保證，大多數餐廳都唔會額外收錢，但呢一間就會咁一場嚟到即管試吓佢。叉燒半肥瘦的確比起其他餐廳高出水平，但加4蚊轉半肥瘦，個人覺得唔太值💸

🌟餐廳：王牌·圍一叉燒📍地址：大圍大圍道100號天寶樓地下8號舖💰價位：～$50⏰營業時間：星期一至日 06:45 - 21:30📱電話：2699 8838今晚屋企無煮飯，放工時間就約左細佬落大圍搵食先～一出大圍站，就見到呢間新開既「王牌·圍一叉燒」，一於試下先～———————————————————🔹老火例湯一坐低，店員就送上兩碗老火湯，木瓜花生黃豆煲雞腳，都好足料，落左好多豬肉去煲，老火湯夠哂入味～———————————————————今次我同細佬好特別，無叫到燒味haha，我地揀左佢地既特餐試下先～🔹特濃粟米蓉西冷牛扒拼腸仔飯大大碟，牛扒都好大塊，粟米汁比較香濃及甜，岩哂送飯～———————————————————🔹秘制XO醬豬扒撈公仔麵豬扒麵好大塊，自家制XO 醬香辣惹味，撈麵一流～———————————————————🔹凍檸茶 及 熱奶茶兩款茶，茶底都好香濃，一貫茶餐廳水準～😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5———————————————————👅整體小總結餐廳位置對正大圍站出口，好方便，岩哂放學放工既人黎食飯或買外賣～