王牌冰室 (南豐紗廠) (已結業)

傳統冰室茶餐廳味道🍗，配上新派特飲🥤• 價錢同份量成正比，適合上班族，夠飽肚；• 款式選擇多，中西港式樣樣有；• 任食瑞士雞全翼🍴只需$16，十分抵食！瑞士汁香濃；• 叉燒炒滑蛋飯🍳炒蛋嫩滑、舖滿整個白飯、叉燒香口又大件；• 肉絲炒麵🥢麵團非常香脆同時不會油淋淋，配上肉絲汁芡，口感非常豐富；• ✨炸脾薯條🍗🍟個人極力推薦的一個港式茶餐，雞脾外層炸得金黃鬆脆、雞肉仍保持香嫩且醃得十分入味！值得一試；• 冰糖奶茶•普洱🥤用普洱作為奶茶茶底十分特別，冰糖奶茶香滑，普洱香濃，又不會太甜。

今晚去文青地點食晚飯🤭聽講南豐紗廠活化後多左好多文青小店同餐廳，我地就黎左呢間懷舊新潮crossover既冰室😎冰室同南豐紗廠一樣，在保留舊元素同時加了新創意。 餐廳內最引人注目的莫過於霓虹燈牌， 寫住是是但但叉燒蛋飯😂 菜式入面除咗傳統嘅茶餐廳食品， 飲品方面亦都跟得上潮流， 有奶蓋茶飲之餘仲有鹹蛋黃奶蓋同焦糖奶蓋😎😂 作為雞翼控嘅我， 最吸引一定係任食瑞士雞翼。可惜太遲黎到已經賣完了😭見隔離枱有得食好羨慕呀叉燒蝦仁炒滑蛋飯叫左其中一個王牌， 雙拼炒滑蛋飯。炒蛋意料之內的滑，蛋味適中，蝦仁彈牙爽口，叉燒偏瘦食落冇根冇肥膏。不過豉油汁略少，唔夠汁撈飯差少少。沙爹牛肉轉福麵 配牛乳炒蛋 牛油多士心血來潮好想食沙嗲牛麵， 原本都冇乜期望， 點知反而呢個沙嗲牛麵最有驚喜好好食！沙嗲牛湯超濃郁😍😍比得上網紅沙嗲牛麵呀！牛肉肉質幾軟，唔會煮到過硬。好食到會為左呢個牛肉麵再黎呀😋🐂諗住呢個炒蛋都係同飯嗰個差唔多啫，點知食落咁大分別，呢個加入左牛乳香滑好多，聞到好突出的蛋味，而且質地滑溜。桑寄生赤棗普洱養生飲品🤭普洱甜度剛好冰糖檸檬雪梨茶清淡最啱食完飯沖一沖口腔

話說今次去了荃灣的南豐紗廠個邊食😁可以影下相做下文青，然後就食了這間懷舊王牌冰室😍邊食邊拍照都很不錯👍🏽店內還有特別飲品，所以非常獨特但我個日去就無開🤦🏾‍♀️還可以加16蚊叫任食雞翼👍🏽都非常大隻的😍好有瑞士汁味，肉身不乾不”鞋”只是瑞士汁味未滲透入肉內。但可直得一試不錯😋椰汁紅豆冰 $25(紅豆冰就椰汁味好夠，鍾意椰汁的朋友非常不錯。紅豆冧冧地唔硬👍🏽）王牌叉燒特濃牛乳炒滑蛋飯 $54（叉燒是半肥瘦，味道我覺得偏淡😂但這樣組合幾特別的，都不錯😋)爆香蔥油煎豬扒撈麵 $49(超級不錯😋蔥非常多，豬扒口感好滑易咬，還切好了非常好😁）去那邊影相都可以不妨試一試，價格又不貴😋😋

📸#tagnshare荃灣篇 .荃灣既南豐紗廠係建於60-70年代，現時係一棟活化工廈，入面仲有好多以紡織&懷舊既風格俾大家嚟欣賞同打卡🤳🏻而工廈內仲新進左好多新既餐廳，係荃灣既一個新落腳點🌠-紗廠既三樓有間走懷舊風既冰室， 今期佢地有新搞作，係 +$16 就可以 ^任 食 瑞 士 雞 翼^ #任食 呢啲野真係好難say no!! 除左呢個推廣，店內主打既 #脆炸肉絲炒麵 係有別於同類餐廳， 麵球列隊上枱，口感鬆脆！旁邊放左足料既肉絲茨汁，味道唔太濃剛剛好😉 而 #滑蛋叉燒蝦仁雙拼飯 滑蛋舖滿成個飯面🍳🍳🍳 滑蛋唔夠滑，但勝在份量真係好多同埋蝦仁大大隻🍤🍤🍤 ， 門口仲有台式飲品售賣，不過已經飽到飲唔落⋯啦!! .🙋🏻‍♀️高妹小編.- 👇🏻地址👇🏻.王牌冰室 (荃灣)荃灣白田壩街45號南豐紗廠3樓304號舖……………………

南豐紗廠開了不足半年，有很多自家品牌的小商店。同時亦有很多不同類型的食肆，這間餐廳的裝修以冰室為題，有點懷舊，王牌冰室旁邊亦有家王牌 冰茶，客人可以惠顧 冰茶後前往冰室享用美食。蒜蓉西蘭花 $68西蘭花很新鮮，淡淡的蒜蓉味沒有蓋過蔬菜味。由於本人較重口味，相信蒜蓉味再濃烈一點會較好吃。紅燒豆腐魚塊煲 $68魚塊煲材料充足，有豆腐、魚塊和白菜仔， 魚塊入味且不算油膩。麻辣口水雞 $48雖然口水雞的分量比餐牌圖小，但雞質亦嫩滑，麻辣味剛好，如果吃得辣的人建議請師傅加多一點麻辣。冰糖奶茶龍井加桃膠 本來想嘗試加珍珠，可惜沒有。桃膠很煙韌也不錯。豐乳奶蓋朱古力 奶蓋較稀釋，我比較喜歡出面較結實的奶蓋，不過朱古力味超級濃郁，非常好喝。冰室有加一服務費，大家如果肚餓的話可以嘗試招牌菜式是是旦旦叉燒蛋飯。

成日見d朋友係南豐紗廠打卡，放假又帶阿女去打下卡先，影下相行到攰，比阿女見到王牌冰茶，佢想買野飮。豐乳奶蓋朱古力：朱古力味好濃，又唔係太甜，厚厚既奶蓋令杯飲品勁creamy!阿女喜歡飲。冰燉雙柚觀音王：勁香濃既觀音茶底，配上清新既西柚，好解渴！買完茶就發現原來隔離既王牌冰室係同一間店舖，就順便入埋去食個晚餐。阿女話好想食咕嚕雞球：份量唔少，酸酸甜甜，好開胃，外面脆口，雞肉滑，加$15有湯有飯有熱飲。紅燒豆腐魚塊煲：份量勁多，兩母女食唔哂，豆腐好香滑，又有好多菇菇和白菜，魚塊大大件，又唔會腥，好味！已經好夠飽肚，服務員哥哥仲送左杯桂花糕比阿女食，勁香桂花味，口感似大菜糕，好味喎！

呢間冰室真係不知所謂，員工管理差到冇朋友，個reception又唔醒目我哋12點打電話落order，1:00去到收銀諗住拎外賣，點知佢話冇，話check check, 1:15再講多一次我哋order左個六樣嘢，又話張單hold住左。1:30再去問佢有未，有冇搞錯，原來張單都未入廚房，白等左半粒鐘。佛都有火，走人。我地唔會再係呢一間野度叫外賣如果一開始知道自己漏左order, 就即刻入返order，我哋都唔駛等咁耐。嚟晒大譜

話說今日小妹就同咗朋友去荃灣嘅南豐紗廠度行， 順便影下啲文青相。 點知就畀我發現王牌冰室依間舖頭入到去坐低， 見入面啲裝修都幾有香港特色野食既選擇都幾多下，幾有香港特色。睇完餐牌之後我哋就決定咗要叉燒蝦仁炒滑蛋飯因爲本人鍾意食叉燒所以一試另外就叫咗個咕嚕雞球同埋蟲草花北菇蒸滑雞仲有我同朋友每人都叫咗杯嘢飲個奶蓋同茶都幾配合， 另外果杯洛神花烏梅茶酸酸地幾醒胃咁我哋睇返碟叉燒蝦仁炒滑蛋飯飯嘅份量都幾多，同埋蝦仁好大隻！！仲有叉燒感覺上係七成瘦三成肥。對我嚟講幾好食！另外呢碟就係咕嚕雞球佢返肉嘅份量都幾多，同埋每一舊雞球都好大粒最後就係呢條蟲草花北菇蒸雞，雖然都係雞， 但肉嘅份量已都係好多好抵食味道亦都好好，蒸到啱啱好熟，肉質好滑整體嚟講我係推薦呢間餐廳photos taken by Note 9

去完樓下2樓玩遊樂場，跟住帶小朋友搵食～就上咗一層到3樓嘅王牌冰室食午餐！午市時間都好旺場，坐滿晒人～入面係懷舊冰室設計，有特色！叫咗個常餐，沙嗲牛肉麵＋炒滑蛋多士，熱檸水炒滑蛋好滑呀！有蛋味！好好食～沙嗲牛肉麵，有好少好少嘅辣味～牛肉好林！叫咗個午餐，香煎雞扒配天婦羅大蝦，配燒汁幾香，得返係軟綿質地嘅！啱晒小朋友食～午餐每日唔同菜式㗎！有新意唔會悶！下午茶餐好抵食！叫咗個瑞士雞翼配薯條！瑞士汁好香甜，好入味！仲有最愛嘅粗薯條好食！去埋隔離王牌冰室買嘢飲！奶蓋朱古力！好濃朱古力味～冰燉蘋果觀音王，好香茶味！淡淡蘋果味好清新冰燉雙柚觀音王，西柚味好香！酸酸地加茶味好夾！炎炎夏日飲一流！爽！

今日約埋一班朋友仔去南豐紗廠度影相~~出邊天氣十分熱 ， 影到一半個個都話要搵間餐廳坐下休息下！！！見肚仔有啲餓就入去食返個下午茶先！Tea set 公司三文治🥪 一碟有四件入面放左勁多野餐肉 、 厚厚嘅蛋、 火腿、 蕃茄同菜足料到一啖咬落去都咬唔哂啊 d蛋仲要勁滑包皮烤到岩岩好yummy 叉燒炒滑蛋飯呢個好似係餐廳最出名之一 不嬲鍾意食滑蛋嘅我又點可以錯過呢 d蛋整到岩岩好加埋d叉燒一流而且真係超級大碟！ 可以夠兩個人食添啊洛神花茶+ 水果茶 🍹水果茶正啊 淡淡地既茶味再配上水果熱啦啦飲真係好爽！ ！ 洛神花茶就每個人口味唔同啦~~ 我就覺得太甜，唔太岩我飲！ 喜歡甜甜的可以試下佢~~

一個人又自己吃午飯。今天去了荃灣區工作，便順道到了近來話題熱烘烘的南豐紗廠逛逛。餓了便獨自到了3樓的一間冰室吃個碟頭飯。這裡好繁忙，好多客人，店員都做得很落力很辛苦。叫了一個好經典的叉燒蝦仁炒滑蛋飯配熱鴛鴦，$58，價錢公道。經典係佢好大碟，好多滑蛋，好多叉燒，好多蝦仁。蛋炒得好嫩滑，唔老，充滿蛋香味。叉燒係半肥瘦，好腍。蝦仁好大粒，雖然味道啖一點，但亦好爽口。還有一點要提的是它的甜豉油，令道碟飯生色不少，又唔會變得過鹹。

上星期媽媽沒煮晚餐，神秘跟我與弟弟說帶我們吃好的，起初以為到愉景新城，但原來係對面的南豐紗廠，首次到訪的我覺得地方大，而且正有工作坊展覽進行，是否走錯路，媽媽微笑帶我們到3樓，就看到餐廳了百子櫃? 難道中藥店，原來只係裝飾轉彎後，先看到王牌冰室的飲品櫃臺很多款式啊，選擇困難症又要發作了還有各種優惠...所以還是先坐入餐廳叫吃的吧3人到來各點一份雪菜肉絲米粉自己要求米粉與雪菜分開上，原來米粉是雞湯底的，不像其他茶餐廳般，第一個比較驚喜，簡單菜式亦見用心還配上炒蛋 及 牛油多士特濃牛乳炒滑蛋叉燒蝦仁雙併飯見到皇牌菜式當然不能錯過，而且可以雙併，就不用選擇味道果真比普通的更香濃，叉燒肥瘦適中，而且蝦仁還是新鮮的啊，配上香葱豉油，實在吃不停口，下次再點會要求少飯，份量太多了，免得浪漫枝竹牛腩煲牛腩上枱已經香味四溢，非常入味，但口感若果再軟點會更好，枝竹亦然，媽媽反說就是喜歡它的咬口，所以已經不只吃過一次了呢配上飯跟例湯，滿足的一份晚餐時間剛好，飲品上枱了冰糖檸檬雪梨茶弟弟點了這杯解渴的，酸酸甜甜又滋潤，推介赤棗桂圓茶媽媽一直喜愛的飲料，看到媽媽的表情就知她十分滿意，她說不太甜而且夠味，不是淡淡

讚：1. 食物幾穩定，沙爹牛、熱奶茶、西多士呢啲茶記野食都比一般連鎖店好，沙爹牛醬汁鹹中帶辣，唔錯，牛肉有去筋，同埋啲鬆肉粉晦鹼水味去得好乾淨，相當有心2. 環境寬落，應該係區內最開揚既冰室彈：1. 服務水準真係差好遠，一間鋪入面，有啲勁有效率又好禮貌，有啲就好似黎坐監咁，問啲野食內容係完全答唔到既2. 得閒唔該抹抹檯拖拖地，有啲污糟

與媽媽一同回到舊日，去南豐紗廠度參觀，行到累果陣，係三樓見到有間冰室，媽媽話都想回味一下，就入去坐底睇下有咩食。 係裝修上，都好有舊日香港的味道，霓虹燈，鐵閘都令人想起好多畫面。食物選擇都好多，不過我地坐底個時間都好尷尬，叫下午茶又怕唔夠飽，加上好餓，所以同媽叫左兩個招牌菜式同下午茶餐，好似餓鬼咁。招牌牛乳炒蛋叉燒蝦仁飯，係我呢個芙容蛋飯控既最愛，蛋好滑身，豉油係甜豉油 ，送飯一流，蝦仁好彈牙，叉燒都好厚身，好快就一個人食晒成個飯，好味到唔捨得分俾媽食。 炸麵好有特式，分開一個個炸，唔會變左一pat好難夾起，廚房好細心，個汁都好夠味，但食得重味既媽媽，話要加辣椒醬😂公司三文治，三文治每片都有烘底，製作好認真，同埋用厚麵包去做，份量十足。 冰室有間冰茶在旁，原來兩間係同一間公司，可以叫到特式飲品，叫左個桑寄生茶，相當養生😂舊日冰室俾人消下暑，坐底傾下計，今日都一樣，係個俾人放下手機好好傾談既地方，喜愛冰室。

午飯時間特別多人整個南豐紗廠只有這家要排隊心想一向也不會排隊吃飯正想離開之際又有位置即管試試在IG很火紅的冰室排隊的都是附近工作的OL看她們點甚麼通常都不會出錯看到全人類都點這個特濃牛乳炒滑蛋叉燒蝦仁雙拼飯名字好長圖片真的非常吸引但飯實在有點太飽還是點了另一個王牌王牌特濃沙嗲牛肉麵特濃牛乳炒蛋跟多士到茶餐廳點凍奶茶是常識吧點餐後等得有點久想追問時剛好侍應棒著外賣盒說對不起單下錯了介不介意用外賣盒很老實地說很介意侍應也很有禮貌地退回再做其實很不想浪費食物但presentation是自己很看重的一環所以對不起了名不虛傳的滑蛋做得跟相片有9成相似蛋自是很香很滑 滑蛋功力也是深厚叉燒還好 加了點甜豉油 另一半吃得還津津有味的我的特濃沙嗲牛肉麵湯底真的濃厚到極點喜歡重口味的朋友可以一試牛肉則有點乾硬 炒蛋美味 多士也是厚切反而凍奶茶的比例很不錯有驚喜奶茶3:7比例是我最愛南豐紗廠內可以吃得豐富local的好像只有這家裝潢的neon lights也很可愛到南豐紗廠也可以吃個午餐再到附近點咖啡閒逛一個下午