王牌冰室 (南豐紗廠) (已結業)

今日連同女友一齊去南豐紗廠嗰度影相，並且想試吓入邊啲餐廳，都知道有幾間係特別正嘅，尤其一間叫做王牌冰室，有次我想過去食午市，見到排晒長龍，所以今次特別下午茶時間過來，南豐紗廠位置不是很方便，但下午茶時間都坐滿左七成，所以可想言之佢嘅食物有幾好味，點餐就當然要試吓佢嘅招牌沙嗲牛肉麵，仲有必使嘅就係佢嘅炒蛋，嘢食好快就黎到食物好快就黎到，咁大家都見到其實價錢唔算貴，個沙嗲牛肉麵果然名不虛傳，真係好正，至於炒蛋都正，但比較下個面出色好多，總結下次會試晚市，順帶一提原來外賣有八五折，如果住附近嘅人都可以試吓外賣

呢排熱愛港式早餐既我熱衷係openrice search d 冰室既資料之後去周圍搵心目中既好味港式早餐。search 既過程中見到有篇食評盛讚呢間冰室既沙嗲牛面，所以就特登黎到荃灣會一會佢。間冰室係the mills 入面，老實講有d 難搵，花左一番功夫終於可以坐低嘆個早餐，當然就點左有人盛讚既牛面。老實講個牛面唔差，但無想像中咁好食，一黎因為佢唔夠熱辣辣，二黎佢既湯底濃味但係偏甜。咁岩黎到可以一食，但如果特登黎到就未必咁值得。炒蛋同埋奶茶方面都up to standard. 所以如果大家咁岩去the mills 玩時都可以試試呢間冰室既早餐，環境都算舒服。

晨早起床清新開朗，估都估唔到命運安排咗幾個MK仔係未知既未來等緊我。-第一次去南豐紗廠，就黎到王牌冰室食早餐。就遇上了係到返工既MK仔s。-幾靚既裝修，加上幾個好冷酷，cool cool的，幾嚫既仔。佢地無視咗我幾次，高竇如貓。幾經辛苦佢地終於幫我落單！-【沙嗲通粉炒蛋多士】望落都幾吸引！因為好似好足料！我杯奶茶多奶都好足奶！多到以為得奶！佢既沙嗲偏甜，亦都比得太多，搞到成個通粉好甜好甜，好古怪。甜得過份，好得人驚。如果個汁無咁甜，應該會好好多！佢唔可以話難食，但真係有d古怪。-呢個奶油多好bad。麵包唔掂，仲有個勁cheap植物牛油，一d牛油香都無，哇好難食，真係西利。-總結，呢間野好古怪，希望下次果幾個MK仔可以親民一點。

第一次去南豐紗廠，行到肚仔餓見到面前有呢間港式茶餐廳就入去醫肚仔😁一入到去見到任食瑞士雞翼👀✨即係雙眼發亮，決定無論食咩都要叫雞翼☺️雞翼煮到好入味呀！！！正呀！🤤🤤🤤然後見到隔尼枱份西多士超厚所以幾邪惡都要叫一份同fd share😳真係好好味呀！要肥幾磅都值得架😳之後見佢係推介菜式 所以就叫左份叉燒蝦仁炒滑蛋飯好靚呀☺️同埋好足料👍🏼啲蛋好滑，絕對唔係炒到老曬嘅蛋🤤最後就係肉絲炒麵🤤嘩！細細舊細細舊咁，超細心👍🏼唔怕太脆好難夾會尷尬仔🤣仲要個肉絲汁另上👍🏼👍🏼👍🏼鐘意食脆啲就脆啲，淋啲就淋啲👍🏼擺得耐都唔怕成碟淋曬！推介呀👍🏼

南豐紗廠最長人龍的餐廳無論午市/下午茶 都有好多人排隊鄰近好多工廠大廈寫字樓 懶人不二之選.叉燒炒滑蛋飯🍳呢個餐即叫即製 所以要等20分鐘但值得的👍🏻因為蛋同叉燒都超級滑.王牌咖哩豬軟骨配白飯🥘嘩 咖哩同白飯1:1 好大碗超級飽 熱柚子蜜都唔洗加錢 好正.另外 王牌冰室外設手搖飲品部跟餐好似加幾蚊就有 好抵啊下午茶仲有雞全翼放題添

今日同呀爸呀媽去南豐紗廠行下，行到2點幾見肚餓就搵野食，見到3樓既王牌冰室都幾多人食，出面仲有人排隊等位，價錢又適中，就決定試下排左十分鐘左右就有位，因為起門口已經睇定食咩，所以一坐低就可以即刻order要左個白汁芝士焗飯$57，新鮮焗起大家食既時候要小心燙口白汁好香，但又唔會蓋過海鮮既鮮味海鮮既份量好多，有青口、蜆、蝦、魚柳，樣樣都大大隻好好食蕃茄豬扒焗飯$57，蕃茄汁濃郁，比平時食既甜，幾啱我口味豬扒夠厚身，但肉質依然好嫩滑，唔會韌滑蛋叉燒蝦仁飯$58滑蛋用左牛乳炒，綿滑得黎帶牛乳既濃香配埋嫩滑叉燒既香甜，perfect match蝦仁爽口，份量都好多果然係呢到既招牌菜，推薦大家食呢個！而家tea time同dinner time都可以+$16就任食瑞士雞翼，鐘意食雞翼既我地當然唔會錯過，果然好juicy 好好食值得一提既係呢到既咖啡奶茶都好唔錯，飲落去第一啖有驚喜既感覺，係傳統港式冰室既味道！

我好鐘意食炒滑蛋，我見網評咁好，又餐廳熱門食品，咁今次黎南豐紗廠我唔去cafe，就去茶仔試呢個特濃牛乳炒滑蛋叉燒蝦仁雙拼飯。一見到，好失望，目測已經唔係滑，overcook既樣...面頭望落去有少少蛋汁，不過好乾好乾，一片過，好似芙蓉蛋咁....試問，炒滑蛋點抄到薄薄的一片過呢？完全撈唔到飯食，飯多，無蛋汁，蛋份量又少，加多隻蛋都無咁齋吧，乾吞咁，好難食，$64唔係$34質數呀？仲學人熱門食品，做衰個名，以後都唔會再黎

荃灣紗廠經活化後，進駐左好多特色餐廳，每到食飯時間，王牌冰室門外必定大排長龍。今日與同事避過午飯人潮，過左1:30先黎試一試。雖然已過午飯高峰期，但仍然要排隊，等左差唔多10分鐘就有位喇~~~呢到有4款王牌推介招牌菜，價錢已包熱飲。加錢可以轉凍飲或特飲。餐廰內有大大隻霓虹光管整成嘅「是是旦旦叉燒蛋飯」字眼，當然要試一試呢個招牌菜有幾「是旦」啦﹗﹗﹗王牌叉燒特濃牛乳炒滑蛋飯 $54單看賣相，已經唔「是旦」，叉燒炒蛋一整塊完整咁覆蓋係飯面，有葱花點綴，所以唔食葱嘅朋友記得叫「走葱」啊﹗蛋炒得鮮嫰，唔會過老，仍有蛋汁係上面，入口好滑。叉燒好大件，半肥瘦，只係D D 硬，不過係可以接受嘅~~~上面淋左豉油汁，如果豉油汁可以多D 或者另上，就更prefer喇~~~~~後記：*大門外有台式飲品counter，可以買杯邊行邊飲

原本住附近諗住黎試下黎一間茶餐廳。但結果大失所望，首先所謂嘅招牌菜滑蛋炒蝦仁叉燒, 啲但其實蛋一啲都唔滑，根本無落3.5牛奶，同埋啲飯好硬｡ 另外仲嗌左碟瑞士汁炒河，可以讚下係好少油，但係啲牛又硬又乾, 食完之後攪到好頂胃｡ 另外杯凍檸茶叫左小冰，結果都係三份二杯冰。黎個價錢,如果遊客冇乜選擇可以試下嘅, 但係街坊一定唔會再幫襯｡

星期六的中午去到南豐紗廠行下睇下活化左之後係點，行行下肚餓就揀左呢間王牌冰室。餐廳內坐滿了食客，只有門口幾張枱未坐滿，樓面只有三個侍應，他們非常忙碌，叫左幾次都未能回應。食物選擇很多，亦分了中、午、晚市。我同男朋友分別叫左王牌叉燒特濃牛乳炒滑蛋飯$54，白汁芝士龍脷焗飯$57和椒鹽炸雞髀單點$28。上菜見到個色水好靚，好大碟，炒蛋好滑可惜叉燒偏瘦，食食下發現蛋/叉燒有一點煎焦了所以少少苦，加上豉油唔夠濃味。白汁芝士龍脷焗飯白汁芝士味香濃，不過龍利柳很普通，份量很多，我相信足夠兩個人share。椒鹽炸雞髀不是很大隻，雞髀面灑上椒鹽粉，即叫即炸非常香脆。餐廳旁亦有王牌冰茶是相連的，我們點了黃金奶蓋鐵觀音$35， 王牌水果茶$38。我本人很喜歡喝奶蓋，好好味，初初未能試到鹹蛋味，飲飲下最尾先飲到。水果茶叫左少冰微甜，味道偏酸，下次都係叫返正常甜會好D。整體食物質素一般，價錢與份量成正比，見到其他王牌菜式亦想再試試，而且坐得舒服就算多人等位都無搭枱。

朋友一直都說我是個文青，但我這個偽文青竟然還未到充滿文青氣息的荃灣南豐紗廠潮聖，也太不像話了！終於上星期六有時間去逛逛了！除了手作，南豐紗廠也有餐廳小店，朋友特別偏好港式懷舊茶室，見到本身大圍都有的王牌冰室，就入去試。霓虹燈招牌，充滿舊香港情懷！餐廳另外有位置售賣手搖茶飲，主打健康手搖中國茶飲，與街外的有點不一樣！我點了一杯黃金奶蓋東方美人，我很喜歡飲芝士奶蓋，想不到加了鹹蛋黃碎令奶蓋更香！東方美人就是黑茶，甜度和冰度都有得選擇，迎合各人口味！朋友點了冰糖檸檬雪梨茶，很清甜，養顏又滋潤，還可以下下火！朋友點了常餐，午餐肉粒通粉，搭配牛乳炒蛋和牛油多士，很豐富！炒蛋好滑好香！冰室點任何套餐就可以加$16任食雞翼，抵！我是肉絲炒麵迷，平時去茶餐廳食都會吩咐侍應炒麵底一定要炸脆一點，這個脆炸肉絲炒麵絕對沒有令我失望，必食推薦！炸麵用圓形麵餅整成，芡湯分開，一定不會浸腍麵餅，芡湯裡的肉絲還很嫩滑！吃之前把炸麵浸一浸芡湯，滋味無窮！

小妹一直好想去新開張嘅南豐紗廠行吓，感受一下文青嘅氣息，行到攰攰地，就見到呢間冰室。我哋二話不說就嗌咗最馳名嘅特濃牛乳炒蛋叉燒蝦仁雙拼飯。炒蛋非常香滑，有濃厚牛奶味，仲好食過某某大排長龍嘅”公司”呀。蝦仁非常大粒，亦都好彈牙，加埋啲惹味叉燒，呢個配搭真係無得輸。另外在嗌咗個王牌西多，唔好睇佢好似好邪惡，食落其實一啲都唔漏，非常滋味，咬落去入邊啲留心芝士慢慢滲出來，實在叫人欲罷不能。因為小妹對雪菜情有獨鍾，於是特意點左一碗雪菜牛肉米線。開頭我以為十分普通，同啲連鎖快餐店冇分別。點知食落雪菜有種說不出嘅清爽香氣，牛肉鮮甜爽滑，整碗米線叫人非常驚喜。最後食得太滋味，發覺仍然唔係好夠飽，見到餐牌上有瑞士雞翼放題，於是我哋兩個點左四隻瑞士雞翼，又好味又抵食。最後當然唔少得嘢飲啦，男朋友叫咗杯香滑奶茶，襯返個瑞士雞翼同埋西多。我就叫咗一杯冰鎮相有觀音王，茶味濃郁有味新鮮，啱晒炎炎夏日。各位文青們如果去開南豐紗廠行街，呢間冰室絕對不能錯過。

前幾天跟女朋友去吃飯，叫了一個叉燒蝦仁炒蛋飯，賣相是不錯，但吃完肚子痛，拉肚子拉了幾天，嚴重時感覺脫水，發燒，唉，也不知道是我運氣不好還是他們真的不乾淨，無可否認味道是真的不錯，就是，拉到腳軟了。對了還吃了雞翼，不過個人感覺跟雞翼無關。利申：個人感受，沒圖沒照片。更沒醫師紙，就是一個記錄給自己，畢竟從來沒那麼嚴重過

其實每次係荃灣番屋企，都會經過呢個南豐紗廠 由佢之前爛爛容容咁，到而家活化左都成為一個超正既打卡點 其實一路都好想去下試下打卡，同埋行下架啦不過一路都冇咁機會，加上又冇咁既恆心去著靚衫影相 襯埋有日爸爸可以放早左，拿拿聲就換件靚衫打下卡， 雖然想去打卡，但係其實真係好餓..拿拿聲去搵下間餐廳食野啦，見到有間好有古舊香港味既餐廳 仲有好多既打卡位，最重要價錢係呢D打卡熱點又唔算貴wor 就一於入去試下呢個王牌冰室啦 雖然係活化左，但係當中仍有保存不少舊有既味道 如水泥牆，工廠既大窗門加上舊有既紅照燈啦 同埋有呢個玩味既霓虹招牌係度，仲介紹佢地既招牌菜tim既然佢介紹得應該就係不錯吧?所以當日我地都有試到呢個飯 是是但但叉燒蛋飯叉燒蛋飯就成日食架啦，究竟有幾是但先? 睇落叉燒都幾大塊同時都係keep住半肥廋啦 而蛋方面就真係唔係是是但但咁簡單啦, 佢蛋炒得夠嫩滑仲有少少既蛋汁係度 整體OK既,但係唔係話真係好好味咁啦 另外就係我見到最多人叫既玩味肉絲炒麵啦 脆炸肉絲炒麵肉絲炒麵要煮得好，個麵餅絕對係精髓 如果個麵餅淋吱吱咁就完全唔係炒麵啦 我之前試過D 炒

去到充滿懷舊味道的南豐紗廠當然要試一下在南豐紗廠內帶有懷舊裝修的港式餐廳「王牌冰室」脆炸肉絲炒麵非常推介的菜式大家也搶著吃這個炸炒麵炸麵造型一粒粒的，方便夾起沾醬汁吃麵炸得非常脆口乾身，沾上肉絲、草菇、芽菜、韭黃的餸料醬汁同吃醬汁味道清淡，不會過份鹹及濃味中和了帶點油膩感的炸麵特濃牛乳炒滑蛋叉燒蝦仁雙拼飯入口很滑的炒蛋，應該是加了特濃牛乳在一起炒的關係，炒蛋不會過了火候，還未炒至全熟，所以仍然保留滑蛋的口感蝦仁很爽脆，叉燒是偏瘦的肉質，肉質還算鬆軟王牌經典常餐特濃沙嗲牛肉公仔麵，配牛乳炒蛋、牛油多士港式茶餐廳必叫的沙嗲牛麵，這個沙嗲醬汁挺特別的，偏向花生醬味重一點，花生醬控表示非常滿意，如果再濃稠一點，加多一點辣就更完美牛肉入口感覺是新鮮牛肉，不像外面用梳打粉醃很久的肉質公仔麵是光麵質地，麵身略有點軟淋，欠缺一點彈性下午茶餐椒鹽炸雞髀配薯條雞髀外皮炸得很香脆，肉質鮮嫩也很juicy，略嫌雞髀肉不夠入味薯條是最愛的粗薯條，入口特別有質感，炸得剛剛好，不會太乾身*老娘喜歡吃淋身的薯條整體食物不會太濃味，既能保持茶餐廳食物的水準，又不會加入太多味精，比較健康，進餐後不會覺得因食物濃味而口渴