王家沙．花樣年華 (金朝陽中心) (已結業)

今日happy Friday,當然要同男朋友仔食餐好慰勞一星期的辛苦,所以就去左個性價比高ge地方-花樣年華。之前已經同男朋友黎食過幾次，再次光臨當然因爲佢質素好啦一黎到門面係高級餐廳ge擺設，裝修屬西方形式。但當你側頭一看會看到天花上有中文字ge燈飾，如果你唔仔細睇，可以未必發現呢。黎食上海野點可以唔叫小籠包，炒年糕！仲加點左個蘿白絲so卷！值得一提ge係店員在我地坐下後便會替我地裝滿茶水，枱上面有花生(承為$10)，如果不吃 可以叫店員拿走。 等左5分鐘，蘿白絲so卷先上菜。男朋友就急不及待先嘗一口，點知太熱，辣親個咀。哈哈~蘿白絲多，口感有鬆脆感覺，不太油膩。多吃2件都可以我相信。 再黎就係小籠包同炒年糕。食炒年糕一定一定要加豆瓣醬，年糕煙un，再加d冬菇一齊食，實屬一大美食！食到無停過口。小籠包則皮薄涵靚，食呢d最怕食到臭肉味。呢到完全無呢個問題！湯汁鮮甜！非常推介！整體非常推介，質素keep 到水準，會繼續幫襯！

以前覺得 out out 地, 但試完 之後我將它列入(自己) 上海菜必食餐廳十大內。 又是我經常到的銅鑼灣區，電梯門一打開，燈光都比較昏暗，感覺幾浪漫，裝潢雅緻、大廳內包括了大圓枱、兩人卡位、四人枱等，因為沒有箱房，所以大廳望落好寬敞。 每次食上海菜，我們點的食物都差不多，証明我和他對食物夠夠專一。 我必點 $66份量好精緻，粒粒同樣大小，難得呈現粉紅色， 好像水晶一樣美麗。粒粒水晶肉層次分明，咬落富彈性，有鮮肉的香味，好味指數是頭三位。 我印像中的 $48是冷盤, 但是這小碟是暖的，感覺雖然有點怪，但不影響它的美味醬汁有八角的香味，烤麩口感相當有彈性，索晒香料味道，吃完齒頰留香。蘇式上海小寵包 $48一寵得五個, 點解唔係六個, 因為太好味攪到我地要唔夠分。 小寵包摺紋靚，皮薄到大力一點夾都會穿，所以要溫柔對待。 咬開一小口，放入一點醋和薑絲。那充滿鮮肉香的湯汁和口感扎實的肉丸，估不到一個小湯包內是如此常精彩。雖然熱得熨口, 但還是要一修整粒將它幹掉。 晚餐無食過飯就好似唔飽，點了餐牌上的 $78以店名取名，應該唔差得好邊。 一睇份量已經開心，就算四個人分都夠。 炒飯粒上晒

男友早前話想食上海野，就搵左呢間去試，環境吾錯可以帶到屋企人黎，野食吾錯。叫左黃金蝦，炒菠菜，擔擔麵，小籠包同個湯。最最最值得食系個擔擔面，超級濃同足料！！個黃金蝦都好好食，不過過吾到自己個關要食埋啲蝦殼，每條蝦系到suen返d咪出泥，不過蝦就吾算好新鮮啦!

我去過又一城和旺角moko 的王家沙，不需要講，這間肯定是最好。入到餐廳就覺得好舒服！有basket 給我們放袋，好細心！（好少餐廳有酒店水準服務）waitress 服務非常好，看得出有做training. 個個滿面笑容！加茶好勤力不需自己做。食物方面大部分都好好，但上海粗炒就一般。整體感覺非常好，最好是沒有兩輪seating, 否則一定不來。價格okay, 大力推介！

呢間花樣年華勝在位置、裝修、空間感。因為近時代廣場，昔日嘅打冷街變咗條日韓街，花樣年華正是位處登龍街某大廈一樓，沒有街舖嘅灰塵，裝修都幾靚，樓底好高，坐喺入面好安樂。平常晚餐，一人一個麵加碟菜。我記得友人話紅燒牛肉麵唔好食，所以今餐點個黑毛豬扒擔擔麵($98)、原盅蟲草花雞湯麵($88)、豆瓣菠菜($68)。黑毛豬扒擔擔麵($98) - 擔擔麵同一個單點擔擔麵看似完全一樣，都幾大碗，細食者宜與人分享。湯底味道都OK，麵又無出水。至於塊另上嘅豬扒，一口咬落有陣香酥味，又不會太油膩，不過炸物凍咗好難keep到好味，呢度也不例外。整體來說都幾和諧，但要襯熱食豬扒。原盅蟲草花雞湯麵($88) - 個湯超熱要小心，同一個單點湯看似完全一樣，味道好好，又唔會話一陣藥材味，不過啲雞煲得耐，連骨都咬得碎，肉就梗係“鞋”。至於個另上嘅麵，乾爭爭都唔知應該點食，我強搶咗擔擔麵一啲湯食咗半個白麵，再將另外半個白麵放盅湯食，感覺怪怪的。豆瓣菠菜($68) - 正常

放工後一家人聚在一起吃晚飯，選了上海菜，王家沙花樣年華，在金朝陽中心一樓，由于是星期一不用等位，卡座寬敞舒適，服務也非常好。菜式多味道也不錯，平時不愛吃蒜泥白肉也忍不住嘗試了下，濃濃的蒜香和辣椒配合的剛剛好帶有小小甜味。石窩鮑魚飯是初次嘗試，冬菇等配料十分充足，飯的軟硬度適中。饅頭鬆軟，外觀亦精緻，所配搭的煉奶並非超市可購入的普通味道，值得一試。炸醬麵也是配料足夠，醬帶甜味，雞肉夠軟。最後甜品選擇了桂花糕，作為平時甚少吃桂花糕的人，對這次桂花糕很滿意算是難得，唯一不足的是有些過甜，若是不喜歡太甜口味的人要考慮一下。

聖誕假期尾聲，過左銅鑼灣行工展會，行完已經食到飽左一半，老公想食上海菜，又再黎呢度開餐，原來有新野食。鮮蝦特長餃子，蝦肉好爽，配埋“喼汁”，好輕微的辣，真係好好味！女人當然要補一補，平時又無乜湯水飲，所以每次黎到都會叫燉湯，“蟲草花燉雞湯”，有時晏左黎都會賣曬仲有叫左個饅頭，同埋其他涼拌小食，已經好飽，食唔落甜品，只好下次再食。

自從冇再響又一城出沒，就好耐冇食王家沙。今日想食小籠包，mr. C 就建議試下呢間。食上海菜，當然要黎一籠小籠包 $48 皮薄多汁，熱辣辣，好多湯。正！蘿蔔絲酥餅 $38 外脆内軟。個酥餅不太厚，裏面既蘿蔔絲滿滿的，好足料。上海炒腸粉$48 呢個個賣相一點都唔上海菜，其實我覺得好港式。份量有點少。味道方面，微辣，有芽菜、紅綠椒等，都幾野味。螞蟻上樹$88 雖然好似冇乜特別，但係啲粉絲炒得好好。乾身得黎一啲都唔太dry。有小小肉粒，辣椒。微辣，野味。好味！呢樹環境地方好大，地點方便。但可能生意好，夜晚飯時間好多人，比較吵。不過就都好有氣氛。紅黑裝修。比較新潮。

帶紅紅冠冕， 襯毛毛披肩， 喜愛成為焦點 ，一旦停電還是會閃。。。金朝陽的數幢新大廈開幕後， 銅鑼灣景隆街 ，已經不經意地 搖身一變， 成為城中潮人to see and to be seen 的熱點。今夜，來到王家衛花樣年華。。。 夜上海。。。大舞台式 餐廳 ，心情有啲緊張!!!著得咁靚 ，梗係要食啲浮誇嘅點心， 先可以襯番 。。。今夜星光燦爛 啦！先來一個天鵝湖芋角， 著住 蓬鬆 芭蕾舞裙 的小仙子 ，在被送入 鱷魚口。。。 成為點心前，先來跳一首淒美的、 goodbye my fair lady 、芭蕾舞 。。。天鵝頸的感覺像手指餅， 吃下去脆脆的， 口感不錯。 芋角炸得鬆脆， 味道鹹鹹甘香 ，賣相、食味俱佳。 這種懷舊點心， 好像在外邊已經很難吃到了！再來一個孔融讓梨， 讓我把今夜的焦點、 艷羨的目光， 全讓給你!!!梨形的鹹水角， 外皮煙煙韌韌， 內裏的餡料也很豐富， 有種久違了的。。。粵菜點心風味， 值得一讚。今夜星光燦爛。 馬照跑、 舞照跳。 來吧！ 一起唱著霸氣情歌。。 夢裏共醉， 杯盤狼藉， 活在當下。

朋友生日，她想食小籠包，選擇一間上海菜啦超級多人，越夜越旺場先醒一醒胃先，青瓜好爽甜滲入好香蒜味雞滲透著好香酒味，嫩滑美味梅子骨唔酸，味道剛好，適合配一碗白飯鱔條炸得好香，好脆口，芝麻和醬汁混合，帶出外軟內脆這間小籠包就是好好味，淡淡蟹粉，皮不硬，可以沾上醋而食，又另一番滋味好香蛋王味，食唔出有蟹味，可能炸粉未搞拌均勻，味道每件都有不同味，一些偏淡味，一些偏咸味牛肉大大件，麵條彈牙，湯汁好香脆口，賣相好看，味道都不差生日自然食壽包啦，好味環境寬敞，坐得好舒服

每當諗唔到食啲咩嘢嘅時候就會諗到呢間餐廳，喜歡呢度環境舒適，食物質素有水準，地點又方便。但今次有啲唔同，係因為之前係金朝陽中心食嘢用渣打信用卡結帳有一張＄500的現金券就到期，而呢間食肆又可以用到，所以就再次拜訪。好喜歡呢間餐廳嘅名「花樣年華」，感覺優雅舒服，但其實即係「王家沙。我哋一行三人叫咗慣常嘅五樣東西，每樣都係我哋好鍾意食嘅。糖心蛋煙燻得好香，蛋皮煙靱適中。烤麩好入味，又不至於太甜，是我的至愛。餃子則是我先生的寵兒，但我反而不喜歡煎的油膩感。五香牛肉好淋，好好味。嫩雞煨麵有多雞粒和菜粒，麵又吾會煮得過淋。基本上食物毫無疑問係好食嘅。最近由於download咗個新app去book枱，覺得好正，book唔同時段就有唔同嘅折扣優惠，由九折至半價都有。今次由於係晚飯時段，所以只有九折，但加埋＄150嘅現金券可用，結賬只需百多元，仲抵過去快餐店食！

今日就同中學一聚，咁岩有人提出想食上海菜，指定想食王家沙花樣年華，咁我地3個人就一齊去試下菜啦😂。餐廳都算近地鐵站，係時代廣場一出去行幾分鐘就到。一去到，環境真係唔錯，枱上邊仲有一枝蠟燭，氣氛唔錯😂。咁我地坐底左之後，就點左以下菜式。1. 王家沙炒飯個炒飯普普通通，唔算特別好味同有特色。2. 京式炸醬麵炸醬麵幾彈牙，自己決定落幾多湯，算係唔錯。👍3. 蟹粉小籠包雖然皮薄多汁，但係無咩蟹粉味😩。4. 賽螃蟹🦀️都算幾滑溜，面頭有兩枝百力滋，幾特別😂5. 蔥爆羊肉蔥爆羊肉都算整得入味，唔錯。整體而言，朋友聚舊真係坐得幾舒服，服務一流，環境唔錯，但食物質素唔算好高，中規中矩。

休息日不錯的選擇，很休閒舒服坐位，樣様都吾錯。醉雞，薫魚，小籠包，年糕各有味道。就係個菜煨麵不滿意啫、煨字其實係點啫！字面拆開係畏火或火畏它呢？煨麵在腦海裡一直是用濃濃湯煮到個麵吸收荏身啲。麵中有湯融入味道才是煨麵？這也許全是我一相情願理解？如跟我同樣地理解煨麵嘅朋友，來這裡絕不能點這裡「煨」麵。知道嗎? 你會覺得在吃湯麺，白麵是冇味的。回窩肉炒年糕很對辦的，點這個！但欠荀的。我立即想起一個不吃荀的美女啱曬佢！醉雞及薫魚是驚喜好昧。

同朋友想食上海菜，王家沙有訂枱服務，唔駛等位，所以就黎試下。我地四個女仔，攞枱既時候個staff問我地想要窗口位定大卡位sofa座（大卡位大到可以坐六個人），咁我地就揀左大卡位sofa座，諗住一班女仔坐得舒服又係角落位，傾計大聲都唔怕噪到人。菜式都幾多同價錢reasonable, 不過四個女仔食到既野唔多，所以就住點菜。食物質素同價錢成正比，我覺得可以接受。我最想表揚既係餐廳員工非常主動，又smart,令我對呢間餐廳非常滿意。唯一有少少覺得奇怪既係王家沙花樣年華入口係會經過另一間餐廳，初時搵路有少少confusing.

王家沙花樣年華似乎係王家山同Greyhound合作的一間Crossover食店, 裡面裝修都係一貫Greyhound嘅風格,，走有型路線，地方寬敞，食物嘅價錢唔算太貴，雖然食咗七款食品，有幾款真係麻麻哋，不過當中嘅無錫脆鱔，雜菌松露天鵝酥都做得相當有水準，非常好味，呢度嘅服務亦相當殷勤，我哋因為點菜單搞錯左，點左兩碟脆鱔，於是同侍應講，自己唔小心錯點咗多一碟脆鱔，佢哋都好樂意將我哋錯點多咗又剛剛上枱嘅一碟脆鱔收返起，而且相當有禮貌，過程保持笑容，我覺得呢度嘅服務係五星級，值得一讚👍🏻👍🏻👍🏻